今次係第二次食慢煮屋 整體質素比之前有兩間舖嘅時候有進步 ———————————————————————— 1.慢煮火炙牛腹配蕎麥冷麵/慢煮火炙牛腹飯 兩次食佢嘅慢煮牛肉都覺得口感好好冇咩筋。味道都唔錯個汁同個肉幾夾，而且如果覺得個汁唔夠仲可以免費加汁。可能今次食呢轉牛比較靚少少所以牛味比上次重啲。蕎麥冷麵中規中矩冇乜特別。 另外有加$25跟多一舊鵝肝，今次比上次煎得好好多，唔會煎到過熟。咬開有油脂有水份，食落軟綿綿，味道亦冇好似上次咁有怪味。 ———————————————————————— 2.小食：慢煮雞胸肉 唔建議食！上次同今次都有嗌，兩次都係一樣好柴，好難咬開，但佢又唔係話冇汁。味道好普通，冇乜特別。 ———————————————————————— 3.飲品：蘋果雪梨 跟餐加$15嗌咗個時令飲品，蘋果雪梨。送上嚟係用支膠樽入住嘅。個味道完全就係喺屋企自己煲嘅蘋果雪梨，個底仲有幾粒雪梨同埋雪耳。有啲驚喜，初頭以為會係普通糖漿水。 ———————————————————————— 4.甜品：蜜糖布丁燒/朱古力布丁燒（$18） 如果唔鍾意食甜嘅朋友咁呢兩個布丁應該幾啱你，甜度啱啱好味道亦唔錯，好香蛋味。但個口感就認真一般，冇布丁嗰種口感，有少少似食慕絲蛋糕，但又唔似係慕絲蛋糕。面頭有片好薄嘅海綿蛋糕，冇乜存在感，味道一般。 整體表現同價錢不過不失 冇乜嘢係做得特別突出 建議去食嘅時候唔好對味道有太高要求或者抱太高期望

如果冇錢想食氣氛可以去 如果對質素有期望就搵過第二間 叫咗好多人都comment嘅半自助晚餐： 自助區： 真係好一般，冇乜特別。如果本身好期待嘅，建議唔好抱太大期望🙃拎咗三樣：菇嘅調味係酸嘅完全遮曬本身啲菇嘅香味；蝦完全冇味；薯仔沙律算係最正常但就係普通嘅薯仔沙律🙁 甜品嘅話淨係拎麵包布甸同埋牛奶凍就夠，其他可以唔使掂。麵包布甸加埋個牛奶汁好夾好重蛋香味；牛奶凍好重奶味又唔會太甜，絕對唔係平時放題食嗰種牛奶啫喱👌🏻 餐湯：「蕃茄湯」—— 有少少香草味嘅茄膏湯 自問平時都算食得酸，但佢真係好酸🙈 好重茄膏味，兩個人都係飲咗一啖就冇飲🤷🏿 Main: 兩個set都order咗5成熟，出到嚟三塊扒都唔同熟度 不過牛扒熟度問題無論係小餐廳或高級餐廳都成日聽過🤷🏿建議大家睇多幾個評論再決定🙂 1.鴨巴甸400日穀飼牛扒•美國D.A.肉眼（408） 美國D.A.肉眼係三塊入面最熟，七八成熟，有牛味但唔重。口感一般，有筋😒 400日穀飼牛扒係第二熟，大約五成熟，牛味濃，可惜一樣係鞋同有筋 2.芝士焗龍蝦帶子+澳洲牛柳（318） 個牛柳係三塊入面最生果塊，切咗面頭入面生到獸醫都救得番，應該得一成。之所以仲食到入口係因為佢真係原全冇味😂😂😂冇血腥味亦無肉味🙃 龍蝦肉質彈牙，味鮮又唔腥，可惜近尾位置食到有沙😞 芝士同龍蝦中間有層白汁，似鼻涕，冇乜味 帶子size同味道一般，唔知點解煮到有啲爛溶溶仲要比啲鼻涕包住🙂 睇到呢度可能有人會問咁多問題點解當時唔同餐廳反映，唔知係咪因為個場唔係好滿，成餐飯氣氛都好好，服務態度好好，啲職員都好識睇人眼色。可能好少晚餐時間可以咁輕鬆咁食一餐飯，所以當下果下都唔係話好嬲😂就冇同餐廳反映🙂如果用呢個價錢淨係買啲食物嘅話咁一定係唔抵🤯但計埋服務態度就算啦⋯⋯

整體評論：會再食過👍🏻質素確實冇令人失望💗整體食物質素甚佳；份量正常；環境空間較迫，但因為好好食所以冇所謂👌🏻 （唔係打手🍌） 兩個人去食，叫咗四樣嘢加兩杯野飲： 1.招牌吉列玉子海鮮沙律定食 一咬落去口感有驚喜，明明炸緊蛋但食落以為係好嫩嘅肉👍🏻唔係話好重蛋香味。個海鮮沙律好夾個吉列「肉」子；沙律汁甜度同酸度較得啱啱好；海鮮好似有啲貝類同魷魚？唔腥足料 👌🏻 💫呢個係成餐最驚喜果樣，基本上冇乜缺點💫 2.和風烤雞扒定食 （冇食到，但男朋友食落覺得唔錯） 3.E FOR EGG芝士奶蓋招牌窩夫 $108一份真心唔抵食！🫣奶蓋的確食落足料份量亦唔少，但整體偏細份。唔係話唔好食，但真係好普通…味道同份量都唔值呢個價。 （有比較有傷害） 4.金沙軟殼蟹三文魚籽海鮮沙律盒子吐司 💫果日全場最多人叫💫味道同份量都唔錯👍🏻因為仲食緊飯，雖然放咗係度一陣未食但軟殼蟹同個包都keep住脆，而且個包仲係外脆內軟😌。味道方面冇乜「金沙」🤔，但整體而言問道唔錯，海鮮沙律同炸蟹都好夾👍🏻三文魚籽冇乜味，但加左入去好似高級啲？😂 Drinks: 太大期望，好普通，唔值得🤷🏿 1.百香果乳酸氣泡水（$42） 味道唔錯，如果預算寛鬆嘅可以叫。唔伏👌🏻 2.招牌奶蓋咖啡（$48）（含酒精） 完全唔知酒精係邊度，好飲但未去到waaaa嘅程度🤷🏿個奶蓋單食好濃👍🏻但攪埋入杯咖啡到就唔見咗陣奶蓋味🙃。都係一樣味道唔錯而且個樣幾靚仔，如果預算寛鬆/想打卡影相嘅可以叫。唔伏👌🏻 環境：有分上下兩層，位置好迫但都算企理。下層好嘈，上層根本係天堂，但只限兩人座 服務：就算幾迫好似都冇趕客嘅情況，服務態度都好好👍🏻