上次望到呢間餐廳好多人排隊，而且感覺清新，走田園風，所以今次嚟試吓😍 阿閒泰主打泰式+西式, 而且菜式都幾特別。 阿閒泰炭烤拼盤 $268 推介🤩 都幾豐富嘅！有肉眼扒、鮮魷魚、雞肉串燒、什菌、蕃茄、燒菠蘿！ 肉眼扒好juicy, 炭烤過嘅味好正！魷魚就比較淡味；另外值得一提係菠蘿🍍都幾多呀，燒得好好👍🏻👍🏻 脆炸豆腐配泰式魚露 $58 賣相幾靚，而且份量幾好；豆腐新鮮，不過無味道，出面嘅脆皮都無咩味，要不停落魚露先 ok 泰式海蝦卜卜蜆炒金邊粉 $128 賣相好靚👍🏻 有兩隻蝦同青口，都新鮮好食；Pad Thai 炒得幾好，個汁好味；放旁邊嘅辣椒🌶️粉好辣，唔食辣嘅朋友就唔好落啦😎 烤原個椰菜花配青咖喱醬 $106 好特別！原個椰菜花上，好大嘅一個；特別提提青咖喱醬偏辣，如果唔食得辣嘅就唔好點啦😅 青咖喱醬仲可以送飯或者薄餅嚟食 印度薄餅 $28 一片價錢，呢隻唔係鬆化個種，偏硬度同乾身，味道一般。

一直都好想試呢間餐廳💛 好喜歡佢地嘅餐廳沿用木系設計，喜歡呢種簡約舒適嘅感覺💕 餐廳都幾大，空間感幾好，座位都多，有窗旁位置，亦有梳化位，最適合三五知己，姊妹聚會💛 Sweet Summer $58 裡面有檸檬汁、荔枝汁；有淡淡的清新感 Peach Plum Shake $58 凍嘅烏龍茶再加上蜜糖，另外仲有粒話梅😌 飲落酸酸地，幾醒神 😎 炸薯角配黑松露醬 $78 幾驚喜！估唔到份量都幾多👍🏻 而且薯角都係新鮮熱辣辣炸起👍🏻 熱辣辣好好食！ 黑松露醬就唔算太濃黑松露味道，但都算唔錯！ 明太子忌廉汁煙肉意粉 $168 賣相好靚👍🏻 上面有少少木魚碎；個汁好香，明太子味都有，但唔算多；煙肉亦好香口。 海膽醬龍蝦肉 Pizza $188 橙色pizza 😍 一見到就好豐富！！龍蝦肉好多👍🏻👍🏻 份量大概切到6 件，係薄 pizza 類型；而且海膽醬嘅味道好好！ Caramel Macchiato $48 Latte $48

同男朋友去完誠品，去 food court 醫肚😝 見到有日本 Mos burger 嘅西餐廳！幾抵食同幾靚咁！所以試吓！影咗 menu 俾大家睇 😎 有幾款意粉，價錢幾相宜，$45-60，可以加配套餐：有小食同飲品；同埋有樣嘢幾好嘅，意粉嘅份量可以揀，270g + $10 / 360g + $20 🤩 照燒雞溶岩芝士蕃茄意粉 $70（已加$10 - 270g) + 甜品 - 抹茶 tiramisu $31 俾大家睇下個份量（圖中間） 加咗意粉嘅都真係幾大碟，個碟都唔一樣嘅；溶岩芝士幾好，好 creamy, 如果覺得唔夠嘅，可以追加嘅（$5）；照燒雞都唔錯，份量都幾好👍🏻👍🏻 抹茶tiramisu 味道幾好，方形杯仔份量。 摩斯經典和牛肉餅肉醬意粉 $60 + A - 香脆薯仔長薄餅 +$26 和牛肉餅好食呀！推介👍🏻👍🏻 同埋佢地嘅意粉軟硬適中，我幾鐘意。 個薄餅就有少少搞笑🤪 原來薯仔係薯條嚟😂 放咗係 pizza 上面, 味道ok 嘅，薄嘅 pizza 🍕

本來同朋友慶祝生日，揀咗呢間餐廳晚飯，去到先發現連甜品、蛋糕都無😩😩 同埋以為夜晚都有半自助式，點知原來只有午餐時段先有，所以大家都要留意返 💁🏻‍♀️ 餐廳佈置簡樸，走自然風，座位都算多，安排坐半梳化位，都算可以。 芝士磨菇釀雞翼 $108 份量有4 隻；都算幾好食，裡面芝士唔多，但味道幾好；不過以小食嚟講，咁嘅價錢就貴咗啲😨 燒焗加拿大無激素豬鞍架及燒扒菠蘿 $368 豬鞍肉都厚身，切開大概有6 件，而且入味，配埋燒汁幾香，唔錯👍🏻 燒菠蘿就唔太juicy 同埋邊邊位好硬，咬唔到😂 旁邊配有沙律菜。 牛仔肉配野菌闊條麵 $188 呢個嘅闊條麵真係好闊😅 好大片，配上野菌汁好香，但份量都係好少；牛仔肉肉質鬆軟，容易入口。

一直都好想食呢間嘅西瓜蛋糕，但一直都無機會；同男朋友行經沙田新城市，終於可以食個靚靚下午茶啦 😌😌 自選三款蛋糕 + 2 杯飲品 / 招牌凍果茶 $298 🍴招牌草莓西瓜蛋糕 好香嘅玫瑰花味，最上面係一層草莓、提子、開心果同埋玫瑰花果凍啫喱，係最好食嘅一層😍😍 同埋杏仁嘅餅底係唔錯嘅，唔會覺得好 heavy 😎 🍴芒果西瓜蛋糕 俾上面嘅橙片吸引咗🥰 賣相超靚，除咗上面個層芒果啫喱，下面係同西瓜蛋糕嘅內容係一樣嘅😂😂 蠢咗！應該試唔同款嘅芝士蛋糕🤣🤣 🍴雜果千層蛋糕 呢個好食 👍🏻👍🏻 每層都有唔同生果，好豐富！而且蛋糕嘅口感好滑溜，好味😋 凍果茶一個細嘅玻璃樽上，二人量；賣相幾靚，上面有兩片西瓜；裡面有西瓜汁、洛神花同草莓，但感覺比較淡味，而且太冰，樽底倒唔到出嚟，二人都飲唔到幾多😞

Lunch 同朋友想搵間靚餐廳傾下計、食個飯咁，所以揀咗荃灣海之戀嘅 Odelice! Lunch menu 都好多選擇 👍🏻 （又係影咗 menu 俾大家😉）有沙律、pizza、主菜、意大利粉；但只包湯或者飲品比較失望，要飲湯或者沙律就要加 $15 一位。 肉眼牛扒配黑松露薯條 $180 點咗 7 成熟，都唔錯，肉質都好 chewy 😋 牛扒上面有枝黃色嘅棒寫住 Medium Well，都幾得意😎 黑松露薯條都係熱辣辣上碟，唔錯👍🏻 黑松露味都算突出。 法國油封鴨腿 $168 估唔到幾驚喜！鴨腿外皮都有少少脆，鴨肉就好入味同嫩 😍 另外有少少配菜、薯仔咁。

荃新天地開咗一間新嘅日本居酒屋！所以星期六就嚟試吓；座位唔多，今次好好彩有窗邊位坐，邊食邊睇景。 東京爆脆 $92 超讚！ 佢地有超多特色卷物（拉到底有 menu) , 多款選擇，個名仲幾得意添！今次揀咗呢個係吞拿魚+蟹柳，即叫即做 ,好新鮮！ 大阪自家製炸雞 $78 份量有5 件，都幾大件下👍🏻 又係熱辣辣炸起，而且好 juicy, 都幾驚喜！ 雜錦天婦羅🍤 $88 有3 種, 包括海老、甜薯同秋葵，每種都有3 件，甜薯唔係切片個種，係原粒天婦羅。 鹿兒島黑豚荔枝卷串燒 $32 串燒類就揀咗呢個，一條有3 件；荔枝肉包住豚肉，肉汁連荔枝肉一齊食感覺鮮甜爽口，食落都幾特別，不過豚肉就唔係好熱，爭少少。 明太子雞翼 $46 有2 隻，size 都有少少細隻；不過明太子都幾多，食落微辣。

同朋友聚會，揀咗呢間無限時，仲要任食嘅高質台式火鍋 😋😋😋😋 每枱都會送 shake shake 黃金地瓜條，有4 種口味，包括：麻辣、紫菜、蕃茄、梅粉；我個人覺得麻辣最好食！好香口🤩 湯底方面就揀咗鴛鴦鍋 （+$48） 台灣古早牛肉涮涮鍋 +台灣麻辣雞肉涮涮鍋（小辣） 超讚👍🏻👍🏻 湯底超足料！ 兩個湯底都好正！牛肉鍋有多條牛肋條，入味兼軟腍，好香！另一個雞肉鍋都有一大舊雞件！👍🏻👍🏻 提提小辣都好多條辣椒🌶️，我地小辣都越打越辣🤪 肉類方面 （5 ❤️為最高） Prime Grade 安格斯牛頸脊 ❤️❤️❤️❤️ Prime Grade 美國安格斯牛肉 ❤️❤️❤️ 西班牙伊比利亞黑毛豬 ❤️❤️❤️❤️ 西班牙無激素豬肉片 ❤️❤️❤️ 火鍋配料 真係超級多選擇，最喜歡佢哋係用手機scan QR code 落單，唔使出去攞，感覺安全又衛生 👍🏻 多種菜類、麵、海鮮都有、丸類、仲有好多手打丸👍🏻 最喜歡係一大條長蟹棒，好正😎 仲有響鈴、炸魚皮；特別推介長豆卜，放入湯底索晒湯汁真係超正！ 飲品方面亦都係超多選擇，最鐘意佢嘅有好多款茶：黑糖冬瓜檸檬茶、日月潭蜜香紅茶、愛文芒果茉莉花茶都好好飲；仲有可樂汽水、紙包飲品等。 甜品就少啲，每人只有一個雪糕/甜筒 quota! 不過有 movenpick 都好吸引！ 我地揀咗最基本款，可以食牛嘅，以下價錢未加一服務費 無限時時段 $398 如果7:30pm前離座 $319 9:00pm 後入座 $339

男朋友話帶我去試吓新包 ☺️ 原來係嘉寶！之前係 ig 見過好多人Post 過，好想試吓😊 星期四下午嚟到都坐咗8 成👍🏻👍🏻 Menu 都有好多選擇，唔係淨係得牛同雞😎 豬同蝦都有！仲有羊添😨😨 每款包可以單點，或者跟套餐有薯條/ 燒賣等，配飲品；另外仲有小食😉 黑松露芝士牛堡 $52 我地外賣，一打開個袋第一句就係「個盒咁大個嘅！！」😱 再打開發現真係好大個包 😮 同埋真係好香黑松露味!!! 啲黑松露多到，成個包都怖滿晒!!! 真係好抵食!! 牛肉真係好 juicy，好有肉汁味!!😊 是拉差芝士蛋豬堡 $44 有一片生菜同蕃茄； 是拉差芝士醬係橙色嘅，唔辣架，仲好惹味添!! 個豬柳超級厚身!! 男朋友對呢個包讚不絕口! 😎 跟餐 ：薯條 ＋ OHHA 蜜桃梳打茶 $16 薯條係長粗扁形，我好幾鐘意食呢種薯條，口感好好 👍🏻👍🏻

一直都好想試呢間台式便當！ 今次去沙田行街，所以就買嚟試下😍 Menu 有滷肉飯、手工湯麵、仲有一些台式小食。叫便當嘅速度比較快，大概等 8 分鐘就有👍🏻 士林鹽酥大雞腿便當 $62 + $12 滷肉飯 （附冷泡茶 - 芺香蘋果茶） 首先想講，包裝好靚，有花心思～ 外賣餐具包好靚，外賣透明袋麵好靚😍 除咗主角士林大雞腿，便當嘅配料都幾豐富架！ 有粟米、粉絲、少少蛋、木耳同埋少少菜類，配色又靚又吸引！ 雞腿方面好大塊👍🏻 同埋炸得好脆口，唔算油淋淋嘅感覺，鹽酥味都唔錯👍🏻 咁嘅份量以呢個價嚟講都算抵食，飯足，夠晒飽肚😂😂 而且整體上味道都幾好😃 下次會再嚟試吓其他款式😎