竟然有英國🇬🇧嘅正宗炸魚薯條？！ 🤩🤩 位於尖沙咀加連威老道嘅food court，其中有一間餐廳叫 The Chippy!! 梗係即刻同男朋友食吓啦😎 Fish & Chips (12oz) $188 ⭐️推介⭐️ Cod fish 鱈魚肉好白，無雪味👍🏻👍🏻 份量俾我想像中多 🤩炸漿粉薄而脆口！ 薯條係粗片形，口感唔錯 😎 Chicken mushroom pie $58 大概有一隻手掌🖐️大，餡料豐富，有少少似蘑菇雞湯咁😅 都幾飽肚架！ Plain sausage $38 香腸有三款：熱狗腸、辣肉腸，今次先試吓司華力腸；外面有稍為酥炸，味道 ok ，不過不失。

Isquare 新開咗一間新加坡菜嘅餐廳，裝修幾靚，粉藍色好雅致，座位亦都幾好坐；侍應姐姐好好，本嚟窗口位滿晒，點知坐咗5 分鐘，就有人離開，問我地轉唔轉去窗口位💓👍🏻 服務態度好好❤️ 菜式種類好多，海鮮、新加坡、馬來西亞小食，當然唔少得最出名嘅海南雞飯、喇沙湯麵，仲有下午茶，同幾款嘅二人餐及四人餐。 ✨又係影咗menu 俾大家睇吓，記得拉到最後啦😉 黑松露香煎鮑魚 $180 第一眼係俾黑松露呢三隻字吸引咗😍 鮑魚係切粒，煙韌度剛好；黑松露都算幾多，上枱嘅時候好香😌 新加坡香辣魚蛋 $48 份量有 6 粒；爽口彈牙，但比較普通，而且配醬都唔辣，有少少似豆瓣醬味道🤨 新加坡海南雞飯 $88 海南雞嘅份量適中剛好，都好滑；油飯一粒粒都唔錯；個湯好香好飲😄 檳城大蝦湯麵 $98 湯底好香濃！而且第一眼最吸引嘅係兩隻大蝦🍤!!!!!! 好大隻👍🏻👍🏻 豆腐卜浸埋啲湯底超好食😃 麵係叻沙摻摻，即係油麵+米粉，口感幾好😋

同男朋友仔去尖沙咀想食下午茶😊 係尖沙咀碼頭行到去海港城右邊嘅 Marco Polo 酒店地下見到有間型格 cafe!! 環境唔錯，約朋友傾偈飲杯 coffee 係幾正🤩 同埋令我最吸引嘅係一堆浮世繪嘅產品 🌊 😍😍 Crazy chocolate (跟餐加$15） 嘩 😍😍😍 好多朱古力呀 😎😎 !! 邪惡之選 😈😈 賣相好靚，好有藝術感，杯面有 3 種朱古力，仲有一塊招牌朱古力仔係中間；飲一啖成口都係滿滿朱古力香味!! 初吻 First kiss 😘(跟餐加$10） 上面有一層焦糖，原來係黑糖嚟, 少少甜味, 再飲埋咖啡, 呢杯對我嚟講幾好飲, 似 latte 感覺 😉 大滿足早餐 - All day Pork Chop $163 (貓多士 / 炒蛋) <轉加牛角包🥐 $15 / 熟蛋> 呢間嘅 All day breakfast 有 3 款可選。 好豐富!!! 有炒蛋，茄汁豆，蕃茄仔，沙律菜，薯餅、乳酪麥片同埋豬扒!! 仲有一個比較特別嘅係焦糖香蕉，甜甜地，好好食!! 🌟驚喜果醬🌟 除此之外，最驚喜嘅就係佢地嘅果醬!! 有3 款揀：士多啤梨+玫瑰果醬；無花果+有機伯爵茶；雜莓+紅茶醬 👍🏻👍🏻👍🏻👍🏻👍🏻 ⭐️ 佢地自家製㗎！仲有得買返屋企添👍🏻

長洲又一好去處😍😍😍 一眼就望到一間高質日本風嘅木系Café ☺️ 坐位都唔多，平日嚟，好好彩，唔駛等位就入到啦 📌提提大家, 呢間Cafe 係飲茶㗎，無coffee 嘅！揀咗有汽嘅茶，都幾 fresh, 但唔大杯，好快就飲晒😅 😎 影咗 menu 俾大家 ，記得拉到最後啦😉 蛋糕嘅出色，以下兩款都好食！ 焙茶巧克力夾層巴斯克乳酪蛋糕 $55 焙茶味幾重，加埋朱古力，有少少變咗咖啡味咁；巴斯克蛋糕都幾 heavy, 都幾飽肚😂 玄米綠茶雙色生乳酪蛋糕 $55

去到荃灣南豐紗廠，地下個層有間好大嘅 coffee shop, 而且仲係 pet friendly 添！ 位都幾好坐，適合三五知己傾偈聚下🥰 炸薯條配黑松乳酪醬 $78 薯條係粗身款，熱辣辣算幾好；醬就係乳酪+黑松露，食落感覺有酸甜味，同平時嘅黑松露薯條有啲分別；我就覺得麻麻地，我比較鍾意食鹹鹹地嘅感覺 🤔 大啡菇意粉配松露牛肝菌醬 $118 個大啡菇好味！聞落超香；意大利粉偏硬身，口感幾好，而且炒得好入味；份量就剛好。 魚柳漢堡 $118 竹炭漢堡幾得意🤩 裡面有生菜、蕃茄同芝士； 塊魚柳唔錯！香脆，但又唔油👍🏻👍🏻 薯條嘅份量都幾多，幾 ok! Mango smoothie $48 Lemonade $48

同男朋友星期日去完尖沙咀博物館，6 點好肚餓搵餐廳醫肚，男朋友揀咗呢間係厚福街嘅福岡漢堡扒☺️☺️ 好彩都唔駛等位就食得😍 點咗 「兩人套餐 （Ver. 4)」 $366 兩份扒都係中size (有分大中細 size) 菠蘿煙肉和牛漢堡扒 （中） 芝士蛋蒜和牛漢堡扒 （中） 唔識搞，有侍應會教㗎！ 特別一提：尖沙咀分店侍應姐姐都超好，好細心教點整👍🏻👍🏻 先切一小舊和牛➡️ 放上黑色圓形鐵板上➡️每邊煎3 秒（太耐會燶咗，黑晒架！）一邊食又一邊整！和牛漢堡幾好好食！鐵板底係蒜片+蛋，我食食下覺得唔夠熱，仲攞啲蛋去煎一煎😂😂 芝士泡豚丼飯 都幾大碗👍🏻👍🏻 上面舖滿拉芝士！泡菜少少辣味，配合埋啲飯好香口；豚肉又唔會太肥，唔錯！ 罐裝飲品 X2

成日經過呢間好靚嘅櫻花🌸餐廳!! 真係打卡一流呀 🤩🤩 原來係一間台式嘅餐廳，晚市近嚟轉咗做台式火鍋!! 有 4 種價錢選擇 $198-$458; 今次就試咗最平嘅 $ 198😎 包牛板腱、西班牙豬梅片、羊肉片😎 食完之後真係覺得性價比高!! 抵食好食之選!! 講下湯底先，都有成 9 款揀! 幾鐘意佢地一人一個湯底，多人又可以試下唔同款! 香濃椰子雞湯: ⭐️超級推介⭐️ 裡面有椰子🥥添! 特濃蕃茄湯：茄味濃郁 壽喜燒：比較濃味，食食下已經開始鹹 *幾鐘意佢地加湯，唔係加水 ^^ 肉類方面： 牛：出乎意料之外的好 平時出面打邊爐叫到最平嘅餐，牛肉都會超多肥，肉質又差；叫左 8 次，每次都算係幾好！咁當然如果好鐘意食牛嘅朋友，當然建議食 C 餐；但有咁多款野食，我覺得平平地都絕對足夠!! 其他配料： 有多種丸類、菜同菇；最特別嘅係有台灣蛋餃！我最愛😍😍 仲有台灣嘅王子麵、烏冬、台灣拉麵；仲有墨魚滑添😉 台灣小食系列： 鹽酥雞、澎湖花枝丸、台灣香腸、紹興醉雞 飲品方面： 超開心有即沖茶飲😍😍 有珍珠奶茶、奶綠、各款紅茶綠茶！真係超 Crazy!!!!!! ⭐️超級推介⭐️別忘了水果茶 🍊 甜品系列： 台式嘅雪花冰、雲呢拿雪糕配窩夫、芋圓、奶凍等，記得睇我影嘅menu

人氣大熱嘅餅店😍😍 多得屋企人，終於都試到啦！逢星期一至六，4:30pm 開售；4:15 pm 去排隊；每人每款限買兩個，所以都買晒兩款返屋企試吓！ 京都抹茶紅豆麻薯法式布甸 $23 📎每日150 個 都幾重抹茶味，紅豆🫘好大粒😊 裡面嘅麻糬都幾大舊，煙煙韌韌；可能係抹茶粉嘅關係，不過食到尾嘅時候就有少少苦苦地； 原味法式布甸 $15 📎每日300 個 兩個比較，始終都係原味比較好味😋😋 但原味就比抹茶嘅甜，奶香味比較重。

銅鑼灣登龍街有好多食店😎😎 今次就揀咗食拉麵；店舖唔算太多位，但好好彩，午市唔算太多人，都唔駛等位就入得😊 侍應都好有禮貌，有問有答同好 helpful 👍🏻👍🏻 午市套餐 雞白湯豚骨拉麵 + 溏心蛋 $99 每碗麵都可以選擇硬度、蔥同蒜；覺得唔夠仲可以有追加 items ，套餐仲包埋一個小食：餃子同吉列蝦 + 一罐汽水。 雞白湯味道幾好，望落去好似好清咁，原來好濃味道；有3 片半肥嘅叉燒、一片紫菜、一隻溏心蛋、蔥同蒜香味；拉麵都幾彈牙，韌度適中，份量都幾好！ 小食方面，餃子比吉列蝦好食！餃子🥟餡料都幾豐富🤩 整體嚟講都唔錯😎

上次望到呢間餐廳好多人排隊，而且感覺清新，走田園風，所以今次嚟試吓😍 阿閒泰主打泰式+西式, 而且菜式都幾特別。 阿閒泰炭烤拼盤 $268 推介🤩 都幾豐富嘅！有肉眼扒、鮮魷魚、雞肉串燒、什菌、蕃茄、燒菠蘿！ 肉眼扒好juicy, 炭烤過嘅味好正！魷魚就比較淡味；另外值得一提係菠蘿🍍都幾多呀，燒得好好👍🏻👍🏻 脆炸豆腐配泰式魚露 $58 賣相幾靚，而且份量幾好；豆腐新鮮，不過無味道，出面嘅脆皮都無咩味，要不停落魚露先 ok 泰式海蝦卜卜蜆炒金邊粉 $128 賣相好靚👍🏻 有兩隻蝦同青口，都新鮮好食；Pad Thai 炒得幾好，個汁好味；放旁邊嘅辣椒🌶️粉好辣，唔食辣嘅朋友就唔好落啦😎 烤原個椰菜花配青咖喱醬 $106 好特別！原個椰菜花上，好大嘅一個；特別提提青咖喱醬偏辣，如果唔食得辣嘅就唔好點啦😅 青咖喱醬仲可以送飯或者薄餅嚟食 印度薄餅 $28 一片價錢，呢隻唔係鬆化個種，偏硬度同乾身，味道一般。