我地係夜晚食嘅，個場係爆爆爆，完全唔休做。裝修排場擺盤係令你開頭覺得物超所值，食物係新鮮嘅，不過只限部長未攞住張單同你confirm人頭，之後惡夢就開始。詳情建議去睇其他負評，寫得好中肯真實。差唔多食完兩round，頭45分鐘，之後就嚴重甩單，俾人催，催到走為止，仲有個app係離枱前45分鐘就係last order，成個流程係公司策略。如果你抱住食某間連鎖60分鐘嘅心態去食呢間所謂有兩個鐘位位4舊幾嘅放題，個感受即刻好好多，真嘅。如果以為有full個半至兩個鐘，係會好難受。仲有，個場係好嘈，收碟車冇停過係你身邊刷過，完全冇享受可言。今次用餐體驗，只怪我係新手。進食攻略係頭45分鐘，唔好講嘢，食咗先，之後先慢慢睇影食出面啲嘢，再講嘢。 唔建議龍蝦伊面，舊蝦鞋咸，食新鮮同燒物好，佢個豆苗好食。

見有個午餐set，就叫咗個船面同蝦醬炒飯。咁我地唔太食得辣，同個侍應講咗聲走辣，佢定廚房好似唔記得咗，結果面辣，沙律仲辣，見佢啲辣椒子多到，唔食得辣係完全擺唔到落口 😭😭 面就料少，面量尚可。飯雖足料，但偏咸，一個set就95左右，都唔算平，整體又唔得，應該冇下次。

唔知係咪可能離中心同地鐵站太遠，見佢一至日都冇乜人，但間餐廳性價比真係高！高！高！地方大，又寬敞，坐得好舒服。嘢食款式多，定食串燒好好食，好有心，器皿搭配有心思。服務態度良好，又可以係OR book位，唔明點解冇乜人😅，想幫佢係度推下 😊😊

本來係為咗佢杯milkshake黎，結果冇叫到，反而試咗佢推介嘅waffle。環境寬敞舒服，叫餐要去收銀直叫直俾錢。叫咗佢和牛漢堡同strawberries sundae chocolate waffle，個burger好食，個包煎過脆邊，不過包就細咗啲啲，最失望係啲薯條太重手，咸到我清唔到，幾杯水都唔得，餐廳可能要注意下 🥲 不過個waffle係有驚喜，好好好食同好夾，朱古力夠濃，waffle脆嘅，所以成餐加咗唔少分，用黎送薯條都得 😆 下次真係要試下milkshake，不過薯條真係要改善下，太咸 🥲🥲🥲

冇諗過士美非路上斜有間cafe，行快同大步啲，真係會miss咗個門口 🤣 地方唔大，位得5個，唔似會留好耐，所以鋪名改得好貼切 😆 我地點零到，叫咗杯Bailey's Latte，french apple pie同日本桃奶凍。本來諗住叫朱古力，佢話賣哂 🥲 就係見人嗰杯好多marshmallows咁開心，原來係最後一杯。 好食好飲，不過驚喜位係佢用嘅餐具，好有心思，好靚，而佢個桃奶凍嘅桃啫喱有大大粒挑，同啫喱冇好勁魚膠粉，成個味同視覺都好match。果然呢度嘅甜品真係名不虛傳。

終於等到佢強勢回歸，佢裝修前，食過一次，意粉彈牙，配料足，醬料唔錯，環境尚寬敞，所以佢重開，都有啲期待。 今次叫咗兩個lunch set，一個雜菌意粉，另一個肉醬Casarecce配mini漢堡扒，兩個搭蕃茄濃湯。個湯飲落似有薯blend過，兩個粉都冇失望，依然彈牙，不過箘嘅就少少偏咸，同埋份量少咗 🥲 唔太夠飽，反而肉醬就足料啲。裝修前，佢lunch set主打意粉，多啲選擇，今次重開可能餐廳想試新items，意粉少咗choice，我等佢轉新menu先再試lu，或者夜晚又唔同啲，不過意粉控未試過，可以一試。

見佢個brunch menu，個list好似好多嘢食，以為好大份，食唔哂，睇OR見到相先知好似tapas咁，細細份，不過食哂成個set都好夠飽。 整體味道唔錯，鮮明，唔算太咸太油，不過我唔太食辣，所以覺得偏辣，尤其係佢青豆薯蓉餅上面嘅紅sauce同stuffed pepper 😅 佢餐前個青瓜yogurt sauce好解辣，唔食得辣嘅，一定唔好俾waiter收咗個sauce 🤣 最驚喜嘅係dumplings，好好好食，見隔離枱再order，青豆薯蓉餅唔錯，個饀味道好rich，個fried cauliflower都值推。甜品有成3款，最喜歡個fruit salad，個sauce好夾，個cheesecake以為佢用vegan cheese，好fermented 😅 不過佢話係真cheese 😆 值得一提係我地兩個人叫兩個brunch set，個portion同三個brunch set好似一樣，所以唔知一個人set其實portion係幾多。原來個set包一杯嘢飲，好似可以refill 🤔 所以可以唔洗叫水，因為位位20蚊。 環境唔錯，侍應眼明手快，慶祝日子都可以推推。

明明一早講明有兩個bb，要bb凳，去到竟然話唔夠凳，咁個8個月坐邊？？？見我地有bb就知要啲時間，個侍應不斷話用餐90分鐘，快啲order。 水又唔斟，我地叫斟水，有個女侍寧願應企係度同個frd傾計都唔斟，咩事？ 跟著落餐飲，明明話要杯熱，個又高又大隻戴眼鏡個侍應大聲兇話4杯泡茶呀，我地話唔～～～係～～～～ 係3杯，帶住口罩都知佢黑口黑面。 跟著又俾人催走，我地去哂廁所，安頓好啲小朋友，返到黎都仲見佢地執緊枱，間嘢已經有吉位，又冇人排，唔知催乜 食物質素係好，不過服務態度差到，炒哂佢地再請過我先再幫襯。

叫咗個牛肩胛刀削面，袐製豬扒上海面，同豚肉片上海面，有驚喜嘅，個茄底濃香，又唔咸，好似落咗cream同南瓜咁，份量唔算好多，不過飲埋個湯，膩膩地，就啱啱好，面有咬口，浸係個湯到都唔係好冧，厚豬扒亦唔見好鞋，整體唔錯，不過價錢偏貴嘅。 諗住食面搭啲小食，叫咗手工餃，結果係伏伏伏伏。正確黎叫應該係臧姑娘手工餃， 味同外型簡直係孖生，仲要24蚊3粒，我買成pack啪都得喇！ 茄底係like嘅，不過食過一次未必有下次lu

見佢主打homemade pasta，想睇下佢幾homemade 😆 叫咗veggie cauliflower rigatoni同lemon butter sauce rigatoni，個sauce同管意粉屋企少煮，所以試下。兩款都好fresh，意粉係al dente，杯apple cider🍎味重，整體cp值算高👍地方唔算大，不過環境舒服又chill，店長仲話會定期轉menu 😋 下次試下佢啲burger先，係店長推介 😆