早前女友人MY夫婦約我哋食飯,我就揀咗大前日(3-4-2021 Sat)晚嚟黃秋生介紹過嘅呢間,我哋book咗枱,而我同老公早好多到,店員睇吓有冇枱,原來有,因客人早走,就俾我哋入去坐同等.冇耐, MY夫婦到嚟喇. 呢喥有好多選擇,而MY唔想出現選擇困難症,就揀咗兩個分別$888.00嘅海鮮盛宴同$688.00嘅角樂精選二人餐. 1. 呀媽魚湯端上嚟時我哋只知係湯,一飲,魚味好濃,好足料,好正呀! 味道: 5分 2. BBQ鹽燒大蟶子皇落單時其實想要蒜蓉粉絲蒸,但店員提議我哋試BBQ鹽燒,因為係signature.食落味道真係好夾,好味. 味道: 5分 3. 蒜蓉粉絲蒸扇貝大大隻又足料,唔會過老,唔錯. 味道: 5分 4. 燒雞翼甜甜地,蜜味夠. 味道: 5分 5. 海鮮沙律蝦仁同蔬菜新鮮,醋嘅味道又啱啱好,好正. 味道: 5分 6. 黑椒牛仔骨 細細件,略嫌黑椒味唔夠. 味道: 3.5分 7. 蒜蓉粉絲蒸原隻加拿大龍蝦味道同口感都正常冇問題. 味道: 5分 8. 慢煮星班扒用慢煮溫油浸,外脆,冇問題. 味道: 5分 9. 蠔仔肉碎粥有好多蠔仔,都幾甜. 味道: 4分 10. 加$18.00嘅秘製芝士香焗原隻加拿大龍蝦芝士好厚,好夠,唔會淡茂茂,好正. 味道: 5分 11. 辣酒煮花螺我有啲驚辣,但唔係,呢個完全唔辣,只有大陸常用嗰種香料味.由於唔辣,所以唔好意思,呢個味道分好低. 味道: 1分 12. 加$58.00嘅生滾蟹粥足料又夠味,重有花甲同煲.味道: 5分 13. 上湯雜菜唔會太鹹,好味. 味道: 5分 14. 每隻加$28.00嘅磯煮南非飽魚個汁夠甜夠味,飽魚口應又啱啱好. 味道: 5分 所有食物嘅口感都正常嘅. 而嘢飲方面,我哋要咗$23.00嘅利賓納梳打,$22.00嘅青島啤同$58.00一杯嘅相生梅酒.服務: 好好,密密收嘢同斟水,而且好客. 服務同環境: 4.5分 價錢: 連加一係$1,992.00. 題外話: 黃秋生真係冇介紹錯,好正,MY夫婦都大讚,而且呢晚我哋重撞到個姓黃嘅男藝人喺喥添. 老闆都同我哋講,佢哋唔會賺到盡,好有良心.

11-8-2013(Sun)為爸爸慶生,o係美孚食完o野後,就o黎呢o度睇有冇o岩o既蛋糕買,而咁o岩,大哥都返o黎食晚飯,買個細蛋糕啦.

見到個雜果蛋糕要$63.00,細心睇,重有三個泡芙,男友話不如返綠楊買,我話o個啲大集團,同size o既都要百幾蚊,而且唔一定係鬆軟(Pie & Tart除外,但佢只有切餅,冇乜氣氛),不如畀個機會呢間.我o地四人食完晚飯後就開動喇,切好晒後食得,呢個滑滑同微甜o既cream唔係咁多,裡面o既雜果亦唔算太多,咁樣就凸顯出蛋糕多啲.而呢個蛋糕味道清淡亦鬆軟,只係蛋味略遜,雖然唔夠Pie & Tart鬆,但已經好過美心,至於面上各種美食呢,菠蘿被爸爸食晒,佢話唔酸,我都畀o左一件桃佢,我o地三個就分泡芙,奇異果同桃,泡芙唔夠鬆,麻麻;我就冇食桃,奇異果唔酸.

而個個都一樣大讚呢個蛋糕質素唔錯.(好彩我冇試錯).

味道分係4.5分

** 此 食 肆 的 第 二 個 笑 **
尋晚(26-11-2008 Wed)放o左工同男友去醫院睇媽媽,除大嫂外,個個都o係o度,到8點鐘走,爸爸o係前晚睇中o左一間打邊爐o既.由大哥帶路,到o黎,啊,原來呢間.
見個牌寫住任飲任食打邊爐5點半後打邊爐成人$68.00一位,9點後遺$38.00.都幾抵喎,我o地就上去啦.
去到,嘩!裝修好靚呀,地方又大,我o地7個人坐張8-10人枱,重有兩個電磁爐,咁咪可以叫兩個鍋囉,因為鴛鴦湯底set o左係沙爹同清湯兩樣,冇得轉.我o地叫o左要另收費o既豬骨同芫茜皮蛋湯.
到o黎時,原來係好大鍋o架,而且足料,一o黎到已經嗅到好大陣芫茜,撈吓o黎睇, 好多芫茜皮蛋皮,重有馬蹄,而豬骨有三件大豬骨,馬蹄,紅蘿蔔同粟米.
我o地叫o左任飲o既竹蔗茅根水同酸梅湯,我先飲酸梅湯,嘩!好難飲呀!二哥話山渣太多.而竹蔗茅根水味道淡.不過當我飲另一jar酸梅湯,味道又好啲喎,唔知係咪因為夠凍呢?
而醬方面,佢o地畀o左豉油外,重有XO醬,而且料都幾多.
好,我o地叫o左肥牛,四寶丸,帶子片,豬夏青,粟米,雞子,鵝影,豬膶,鱔片,脆肉鯇,竹笙,芝士腸,烏冬,蝦,吊魚筒,炸魚皮,炸魚蛋,冬菇,金菇,滑牛,唐生菜同蘿蔔.
竹笙大大件,正.
豬夏青爽,好味.
帶子片鮮,烚好耐都重有帶子味.
其他都中規中矩,冇問題,唯一係蘿蔔唔靚,苦o既.
最後我o地飲吓啲湯,見個個都讚豬骨湯好味,我先飲呢個,我覺得淡,不過真係冇味精.之後飲芫茜皮蛋,芫茜仍有,好味啊.
有一樣o野我覺得我o地抵讚,就係我o地7個人,食晒兩個鍋o既食物,只剩返啲湯o係鍋o度,我o地係好食客o黎o架,YEAH!!!
環境:
真係好舒服,又靚又大.
服務:
好好吖,唔會應o左就冇o左件事.
衛生:
佢o地o既洗手間都好乾淨的.

埋單$698.00

** 此食肆的第二十九個笑**

前日15-3-2008(Sat)約晏晝6:00pm同女友人CK行完花展,佢肚餓,但我o地約o左7:00pm會食dinner buffet,要留肚,我o地行向港鐵站時,我諗起不如去宜家傢俬食熱狗吖,佢答唔好引佢,不過,不如食雪糕啦.又好.

到o黎時,有人龍,且見好多人買雪糕筒食,我就擔心雪糕會唔會變o左唔夠凍?好快到我o地,我o地急不及待咁食,嘩!!!!好滑呀,而且仍夠凍,唔會好快熔,咁當然有雲呢拿味,甜度亦適中.真係真係好滑;而雪糕筒又薄又脆,食完唔覺漏,o岩o岩好.

男友人RK約老公同我喺大前日21-10-2022 (Fri)晚嚟呢間慶生,由於太遲book,所以book唔到7點嗰場,而book9點,我哋三個未夠鐘就到咗,照上去睇睇先,啱啱有一張卡位執好咗,我哋就可以入座喇.

店員亦即刻自己放低幾碟唔同部位嘅黑樺牛牛肉同火焰海鮮,又即蓋上蓋燒海鮮.而我哋一早揀定芝士豆乳湯,好香豆乳味,亦有芝士拉絲.

我哋開動喇,肩胛梅花同上肩胛肉嘅肉味較淡;特上霜降小排牛味就明顯啲.之後又有黑樺牧場精選層架送上,食咗多款牛後,都飽飽滯滯喇,因為牛油好夠.

而火焰海鮮呢?都係食蝦同元貝嘅鮮味,冇問題.

之後我哋都自己落單要牛胸爽,呢個口感較腍.

亦有要腐竹,金菇同牛筋,全部都唔大件同唔大份,都正常冇問題.而稻庭烏冬都好食嘅.

之後又見到千本筋,於是都要埋,呢個有筋嘅位置較煙韌.

然後RK都order兩個小食:麻辣魷魚心同麻辣雞軟骨.麻辣魷魚心爽口冇味,個汁好似大陸汁味,難食.

麻辣雞軟骨唔脆,唔辣但有啲怪.

而嘢飲呢,我哋飲咗菠蘿烏龍茶,茉莉花茶,四季春青茶同蜂蜜柑桔紅茶.

茉莉花茶同四季春青茶味道清清地,好味,不過我就鍾意四季春多啲.

而蜂蜜柑橘紅茶呢,有柑橘嘅果肉同少少澀,係正常吧.

甜品呢?呢喥嘅甜品有椰子,芝麻同芒果味雪糕;雪條係紫米露,紫糯米仍有啲煙韌,味道又對版,我覺得唔錯.

而沙冰呢,原來就只有荔枝味乳酪沙冰,我哋加舊椰子味雪糕落好,味道好夾,而且都即刻消到滯,令我再有戰鬥力.
味道係4.6分

服務:
我哋入去時,店員會即帶我哋遊花園,講俾客知有暖水,甜品,裝沙冰同甜品嘅杯,罐裝,樽裝飲品.然後就入座.

環境:
好光猛舒適.

19-3-2022 (Sat) 同老公喺拉麵大王食咗燒椒雞後(食評係2022年3月20日刊登嘅呢篇:https://www.openrice.com/zh/hongkong/review/yeah-%E5%8E%9F%E4%BE%86%E4%BF%82%E4%BD%A0-e4342292),老公話不如買炸雞返屋企夜晚食,我就諗起呢間,於是走嚟.我哋嚟到睇完menu,決定要$82.00有8件嘅超特盛炸雞桶同$25.00嘅日本泡菜. 等咗17分鐘,終於有,應該係即叫即做吧,而我一路拎住,就一路感受到佢嘅水蒸汽,因為店員醒目地,冇將個蓋冚實,免得啲雞被倒汗水整腍晒. 返到屋企擺喺喥,就一直嗅到佢嘅香味,到開飯時間喇,睇見佢大大件,食落,外層仍脆,厚厚嘅肉仍juicy同嫩滑,唔怪得要得咁耐,而佢脆漿嘅味道鹹啲啲嘅,冇計啦,食呢啲預咗飲汽水或酒. 味道:4.8分 而日本泡菜呢?呢個係老公喺翌日晏晝,自己整部隊鍋食,我食一塊,係正常嘅辣. 除咗抵食分外,呢篇食評嘅其他分數唔計日本泡菜. 上次食評係2019年10月18日刊登嘅呢篇: https://www.openrice.com/zh/hongkong/review/%E5%94%94%E4%BD%BF%E4%BC%81%E5%96%BA%E5%96%A5%E9%A3%9F%E5%96%87-e3570862

12-11-2021 (Fri)放假,一個人食完德國熱狗https://www.openrice.com/zh/hongkong/r-%E5%BE%B7%E5%9C%8B%E7%86%B1%E7%8B%97-x-%E7%84%B6%E8%8C%B6-%E8%91%B5%E6%B6%8C-%E5%BE%B7%E5%9C%8B%E8%8F%9C-%E6%BC%A2%E5%A0%A1%E5%8C%85-r716405後,就行嚟買燉湯喇, 睇完後,揀咗$78.00嘅鱷魚肉花膠陳皮貝母燉肉排俾爸爸,我就要$68.00嘅淮山杞子花膠螺片燉雞,外賣每個加$1.00,老闆話要等15分鐘,冇問題. 佢叫我坐低等,喺等嘅時候,又睇到每款$38.00凍飲, 專程嚟到就順便買埋啦,就買麥冬花旗蔘鬚俾爸爸,桃膠雪燕蘆薈俾我同老公. 等嘅時候,見到枱上依然好似大窩口舊店咁(上次食評係2021年4月19日刊登嘅呢篇: https://www.openrice.com/zh/hongkong/review/yeah-%E5%B0%8F%E5%BF%83%E5%A5%BD%E9%A3%B2%E5%88%B0%E7%99%B2-e3992654),放有杞子紅棗桂圓茶俾客人飲,老闆都問我飲唔飲. 10分鐘後有齊喇,兩碗燉湯好熱. 到晚飯時間打開倒出蒸返熱,睇見湯渣都唔少, 兩個湯嘅味道都清同唔太鹹,冇乜藥材味. 而我嘅湯渣呢,所有材料都好腍,花膠 同螺片 都唔細件. 味道: 4.8分 再夜啲,我就同老公打開飲桃膠雪燕蘆薈嚟飲,睇見佢都封得好實, 亦載得滿滿, 嗅一嗅,很熟悉的香味,是……百花蜜. 我哋小心翼翼咁舀出嚟,分咗兩碗滿滿嘅都重有剩,而透明嘅雪燕有好多, 桃膠唔多,蘆薈就好似唔多見,食落,所有嘢都好腍,百花蜜糖水唔太甜,但真係啖啖百花蜜味. 而有剩 嘅都仍舀到兩碗出嚟, 即係一樽可分到四碗,好抵啊. 味道: 4分 到14-11-2021 (Sun)我哋至飲麥冬花旗蔘鬚, 呢個味道係冇咁甜,飲到花旗蔘嘅甘味,但微微嘅甘甜又好易入口,唔錯嘅. 味道:5分 環境: 舖位大好多同舒服好多,同一時間可做多啲客. 抵食係3.67分

男同事RL同女同事ES發起出街食晏,我哋約8-11-2021 (Mon)食,由於我想食pizza,就search附近,但冇,要去到新城市廣場至有,而我喺西環食過呢間(食評係2021年4月10日刊登嘅呢篇: https://www.openrice.com/zh/hongkong/review/%E4%B8%8D%E6%9E%89%E6%AD%A4%E8%A1%8C%E5%98%85%E7%A3%9A%E7%88%90pizza-e3982492),於是提議. 佢哋都ok冇問題,我哋嚟到時間尚早,未有客人,唯一一個店員俾咗張角落嘅大圓枱我哋,真好. 我哋睇完menu,決定要3個3道菜嘅午市套餐,揀咗: 1. 是日餐湯~酸種麵包 一入去,店員帶位時已經話呢日係白豆湯,我唔飲湯,RL同ES要呢個. 2. 傳統意大利沙律車厘茄,水牛芝士,意大利陳醋 唔明點解俾咁大個碟,呢個全部正常冇問題. 味道:3分 3. 意式香腸Pizza係意大利薩拉米香腸,但睇落似辣肉腸,不過唔太辣.Pizza同脆口冇問題. 味道:4分 4. 芝士巴爾馬風乾火腿pizza巴爾馬風乾火腿,塔雷吉歐芝士,我覺得批底同上面O個個冇乜分別,而巴爾馬風乾火腿較鹹香,不過冇烘乾,覺得有啲油膩. 味道:3分 5. 白酒煮蜆啲蜆好甜,扁意粉口感冇問題,而調味鹹淡亦適中. 味道:5分 6. 意大利芝士蛋糕即Tiramisu 由於我之前兩晚食咗Tiramisu布甸,所以我唔揀呢個. 7. 精選餡餅芒果熱情果批,兩個味道都食到,微微嘅酸甜,口感細滑,ok嘅. 味道:5分 服務: 睇見地方雖然唔大,亦唔係客滿,但一直都係得一個人一腳踢,但佢服務依然好好,密密斟水收嘢,又好有禮貌,excellent. 價錢: 用Openrice pay加Alipay優惠,一共自動減咗$100.00,所以係$263.00,抵.

噚日(24-10-2020 Sat)老公生日,之前就上嚟book定呢間,因為睇中咗佢嘅流心軟芝士麻糬厚鬆餅可當生日蛋糕. 我哋去到,安排我哋坐上網book時嘅窗口位,呢個位望住聖公會山,真係好正. 睇完menu,覺得$566.00嘅二人餐唔吸引,於是要兩個$368.00嘅set dinner,要晒兩種前菜同甜品: 1. 西班牙果酒醉蜆啲酒有啲苦,下面有好多種新鮮生果,夾埋一齊就變成有生果味嘅酒.蜆肉仍爽嫩冇渣,唔錯. 味道:4.7分 2. 是日餐湯 我哋唔知有餐湯,呢個應該係南瓜湯,口感同味道都正常,蒜蓉多士味道又啱啱好,又脆. 味道:4分 3. 香煎帶子伴泡菜及香芒莎莎帶子係輕輕煎過,近乎刺身,鮮嫩冇渣,配以雜菜(唔係泡菜)同香芒莎莎,好醒胃好正. 味道:5分 主菜: 4. 大闡蟹粉蟹肉忌廉闊條麵 份量唔多但又啱啱好,大闡蟹粉蟹肉好香,成個好夠味. 味道:5分 5. 蘋果木煙燻烤加拿大保濕豬鞍扒 件豬鞍扒都有一吋厚,切開睇顏色都唔錯,蘸啲汁食好好味,雖然(一定要)全熟,但又唔係會好乾好嚡,邊嗰啲油脂亦彈牙唔覺肥膩. 底下面除咗有件菠蘿同蔬菜外,重有一埋薯蓉,佢唔係薯蓉而係好甜嘅番薯蓉,真係估唔到. 味道:5分 食完後,侍應問甜品係咪一齊上?我答係,喺等嘅時候嗅到好香. 6. 招牌鮮雜果麻糬窩夫伴雪糕(半份)又香又熱騰騰又脆,雪糕唔係士多啤梨味,而係紅莓,不過麻糬我哋好似食唔到,唔通係底,我哋覺得係淡味吉士醬嗰啲? 味道:5分 8. 另外自己叫$126.00嘅流心軟芝士麻糬厚鬆餅呢個就係戲肉,上到嚟香噴噴,食完窩夫就要即食呢個先喇,切開咗後,流心軟芝士就流晒出嚟,厚鬆餅又軟棉棉又暖,味道又唔會太甜,呢個好好食,與其鮮雜果麻糬窩夫伴雪糕係招牌甜品,倒不如將呢個列為招牌. 味道:5分 7. 西斑牙炸油條呢個擺咗上嚟後,嗅到好勁玉桂味,未食過西斑牙菜嘅我哋,覺得呢個可能係正宗斑牙菜. 呢個最後食,竟然仍暖,同埋佢仍脆口,都幾甜,蘸唔甜嘅朱古力漿食就OK,而佢嘅口感實,呢個係好飽肚,不過又唔會覺得佢好油膩. 味道:4分 9. 餐茶 食咗咁多嘢,我哋都係要熱檸水幫助消化. 服務: 上網book時,都寫埋想坐窗口位,同要流心軟芝士麻糬厚鬆餅,同之前兩晚打嚟同佢哋講要生日牌,佢哋都一一做到. 而且好有禮貌,外藉女侍應又密密斟水. 環境: 除咗有靚view外,亦寬敞同有卡位,好正.甚至連女廁都有西班牙feel,真係估佢唔到. 價錢: 喺openrice book位,揀咗晚市全單9折優惠,最後即係waive咗加一.

尋晚(17-3-2012 Sat)同男友o係美孚簽完o野搵o野食,佢話返荃灣,好啦.我o地一路返o黎一路諗食咩o野,井上,星期一同VL,RL食飯時佢o地揀金坊,今次我o地兩個o黎試啦.

o黎到係7點幾,都幾多人o係門口等,我想問女侍應係咪攞飛,佢就走出o黎用之前o既人登記電話,話有位會call佢o地,佢記得先後次序,真係勁,而我同男友係最後o既,我o地就行陣街先.

8:17pm我試o緊衫時,佢就call我,我請佢hold10分鐘,佢答應.之後我o地就走返去,有位啦,係一張六人枱,有一pair客坐o係最埋邊,我o地睇完menu落單,落完單同未有o野到時,我見有張2人枱吉o左,就要求轉枱,唔係因為侍應serve入面o個兩個客人時騷擾到我o地,反而係覺得客人唔友善,唔想同佢o地坐.

高妹侍應好樂意幫我o地轉枱.之後食物開始到o黎.

1.$28.00o既雪花牛肉粒串燒男友一食話好韌,我都食先,可能有根啦,牛肉粒好厚,牛肉味好濃,正.

2.$48.00o既芥末日式炸雞一睇就估到佢係將芥末溝入沙律醬(因為我o地都自製過),o黎到,食食先,果然係,炸雞炸得唔乾,唔錯.

3.$12.00o既玻璃蝦壽司個名改得好靚,食落冇乜問題.

4.$98.00o既壽司刺身定食(手打稻庭烏冬)有4件壽司,4片刺身同2件卷物
落單時都問過高妹侍應壽司同刺身係咪set定?佢都講清楚係啲乜.
o黎到,都幾多o野,有麵豉湯,黑醋雜菜沙律,同多o左個唔知乜o野,男友笑問日式腐乳,高妹侍應即笑答係芝麻凍豆腐,哈哈.

好!開餐.就先食呢個芝麻凍豆腐啦,好好食啊,芝麻味好香好夠,不過豆腐就唔太滑.而兩片三文魚刺身,甜蝦刺身,腐皮壽司,蟹籽壽司,三文魚壽司全部都冇問題,我一開頭食o既係卷物,睇個樣普普通通咁,但唔錯喎,壽司飯味道同口感都o岩o岩好,有水準.

之後食八爪魚刺身,係厚切,o趙o趙吓,有好濃o既八爪魚味,即推介畀男友.

而壽司呢,原本想同男友一人食半件墨魚壽司,點知我咬唔開件墨魚,佢就冇得食,而佢食o左腐皮壽司.

手打稻庭烏冬夠滑,昆布豉油湯清得o黎夠味,都係唔錯.黑醋雜菜沙律o既雜菜好新鮮,只係黑醋唔夠多.麵豉湯相對鹹啲,男友話係濃,佢話o係日本高級食肆至會做到咁濃.子薑真係唔係好辣,因為之前o係元氣食,次次都辣o既.

6.後加$58.00o既櫻花蝦雜菜餅一食落去,除o左好熱之外就係甜同脆,甜係蕃薯o既甜,又鹹淡適中,除o左蕃薯條外,重有南瓜條同冬菇,基本上,唔蘸天婦羅汁都冇問題,不過蘸o左味道就豐富啲,呢個食完都唔覺漏.

5.$62.00o既吉列豚肉露筍卷除o左露筍外,重有粟米粒o係入面,利用粟米o既甜中和炸物o既油膩感,真係聰明.豚肉唔係好厚,蘸沙律醬食好好味,而佢附上o既吉列醬汁味道太濃,我o地都係蘸返沙律醬食就夠喇.

服務:
落單時,高妹侍應提一提我o地,炸物要等20分鐘,點知個吉列豚肉露筍卷等到我o地食完o野都未到,追完都要再得,由8:40pm落完單到食完都已經9:50pm,呢點可能要多加注意.

全程好好,三個女侍應主要都係高妹serve我o地,另一個靚靚女侍應同一個唔知係咪老闆o既男人都好好,最後應該係senior o既女侍應,o係我o地走o既時候講好多聲多謝,佢應該係要等我o地有回應至得.

環境:
好日本布局,間開一個個地區,有私癮但又唔太迫.

味道: 4.58分,埋單$336.60