原本去另一間食既, 嗰間排緊廿幾個, 因為唔想等太耐, 所以去左呢間杏甜品, 本身我好少出食評, 但今次體驗真係堅燥底！ 一行二人, 其中一個椰皇燉蛋白湯圓, 大概得三分一係燉蛋白, 冇椰皇肉, 其餘係奶水同湯丸, 目的係想食燉蛋白但係得嗰兩啖落肚... 另一款係黑芝麻湯圓, 諗住正正常常好穩陣啦, 但原本成碗都係桂花味, 可能啲新派做法我不能太接受, 個湯汁係用桂花溝糖水, 個湯圓煮到勁淋bet bet..... 埋單同店員反映, 佢話咁樣係正常.......佢哋冇用薑汁底, 而燉蛋白係得三分一蛋白㗎咋, 咁係正常既 我話一個普通嘅黑芝麻湯圓, 都唔一定用薑汁嘅, 普通黃糖水底都可以架, 但如果你哋要用桂花嘅, 應該至少喺餐牌上加上說明掛 想食燉蛋白得嗰兩三啖 想食黑芝麻湯圓但全碗都係桂花味 真係好難頂....... 個店員話請我食個芒果布甸, 我話唔使喇 心諗呢間甜品店真係請我都唔會再去食！ p.s. d位又逼又窄, 食物相我冇影, 係走嘅時候影左張單 走咗之後我朋友同我講, 佢話頭先喺舖頭聽到, 有人買咗外賣, 又係燉蛋白, 特登走返落嚟舖頭問, 同我問同一個問題, 點解可以咁少蛋白, 差不多成碗奶水, 個店員都係話正常係咁嘅 頂.....

懶打字, 但都要上黎分享下, 簡單重點講: 德國啤酒抵飲$10/支😍😍😍😍😍 所有食物新鮮👍👍👍👍👍 白鱔片, 肥牛, 象拔蚌唔至新鮮好味, 師傅刀功好, 令食物更加分💯💯 竹笙王夠哂大條😁😁😁 招呼好態度好!!!! 食物份量足料!!!!! 仲以為行得遠, 原來深水埗地鐵站出去行5分鐘就到。 火鍋成日食, 未試過滿意度咁高!!!! 如果無叫象拔蚌($880/條), 今餐計返都係幾百蚊。 但象拔蚌堅甜, 以質素來計絕對超值

我細細個就黎幫襯，有一段時間沒來，今天特地去吃臭豆腐…可惜可惜…我吃的那舊不好吃，外皮不脆，味道也不怎麼樣⋯⋯很是失望，不止是炸太久，也放太久了。咬了兩口，丟了，曾經真的是最好味的臭豆腐店，之後我再也不會去了。有些味道，真的留不住，味道不好，寧願不去了！

首先，我是一個很懶惰的人，從來也沒興趣寫食評。可是今天實在是廿五年來第一次遭到這種事！

今天經過看見雞蛋仔，想吃一個，但是我不喜歡吃凍的雞蛋仔，所以我先問老闆，雞蛋仔還熱嗎？

老闆邊說熱邊已經把雞蛋仔包好了給我，咁我俾錢啦，承惠十二蚊。整個交易短短不夠一分鐘，我轉身邊行邊食，你估雞蛋仔熱嗎？室溫廿八度的雞蛋仔囉⋯ok fine!

不熱也不要緊，其實我也不太懂得細緻形容，總之係＂雞蛋仔版本的明將＂，根本難以咀嚼，我估計應該放置了好一段時間，我真的沒想過世界上有吃不下的雞蛋仔！

重點係，我吃了幾口，忍不住要回去反應不滿，我不是要他們換另一個，只是希望告訴他們雞蛋仔放很久了，希望他們注意一下而已。誰知道我到舖時看見，老闆正在把大概五六個雞蛋仔丟進黑色垃圾袋！！！
原來他心知那些雞蛋仔根本已經不能賣！既然已經準備丟棄的食物，即使垃圾！那麼為何甚麼要說成是新鮮的品質賣給我？明知不行又賣給我？我又沒說過趕時間，為何要把現成的食物但又不合格的食物賣出？而且他們自稱是雞蛋仔專門店？我認為不配！這麼沒良心！！當時在他面前，放下了手上的雞蛋仔，丟下了一句＂很難食。＂，然後離開了⋯⋯

無良食店，把自己眼中的垃圾賣給別人！

也許，他的雞蛋仔新鮮出爐會很美味！但我永遠不會知道，因為我決不會再光顧不尊重客人的店！你呢？光顧不光顧先想清楚吧？當然，你可以提出要求要一個新鮮即製的，否則，就當成試試自己的運氣吧⋯⋯我自己就唔多好彩了⋯⋯⋯