因為冬至book唔到位，屋企自己煮，咁我就叫咗明閣外賣加餸，啲外賣拎到返屋企仲好好味。老公話堂食應該仲好食，於是我見到openrice 有得book 咪再食多次囉，之前都聽人講明閣飲茶唔錯，但仲未有機會試，今次先分享一下晚餐體驗啦。

酒香海蜇醉鮑魚：酒唔會太濃，冰鎮鮑魚，好易入口
脆香三疊 (琥珀甜桃仁、蒜鹽黑椒腰果、鹽香脆藕片)：呢個小食好好味
蒜香椒鹽百花釀龍蝦鉗：勁多蒜，咬落啖啖肉，唔會好油膩
酥炸釀鮮蟹蓋：超鐘意呢個，裡面好creamy，真係外脆內軟
乳豬拼盤：乳豬好食，燒鵝啖啖肉，叉燒啱啱好半肥瘦，入口即化
蘆筍榆耳炒鮮元貝：呢個餸好清新，元貝好嫩滑
生炒臘味糯米飯：糯米飯略為遜色，有啲失望，味道太鹹
棗皇糕：熱辣辣，新鮮即蒸

之前試過鴨大哥，見到隔離有間九雲居，應該同屬一個餐飲集團，於是今晚收工就嚟試吓九雲居晚餐 可能係太古坊，晚上冇乜人幫襯，去到嘅時候，侍應都係招呼我哋去鴨哥入邊坐，反而鴨大哥仲多啲人幫襯。坐低之後，侍應拎九雲居個menu 比我睇，佢話晚上只有a la carte，午市就有多啲套餐選擇 味道：整體唔錯，唔會太鹹 環境：清靜 服務：可能太古坊晚上較少人，侍應都好好招呼 衛生：各方面都好乾淨整齊 抵食：人均消費$200，可以一試

過往開年飯都食中餐，見到OpenRice book枱有88折優惠，就試吓Semi-Buffet Lunch啦 提一提中午供應時間12noon至2:30pm，但2:00pm 開始清場，千祈唔好1:00pm 後去食 自助區食物選擇唔算多，但正常應該提供嘅沙律、水果、乳酪、冷盤、中、西式湯、咖啡、茶都有，而雪糕仲要係Haagen-Dazs 味道：整體唔錯偏鹹 環境：當日中午滿座，但都唔算太迫 服務：冇乜服務，人手唔夠，但又未至於態度唔好，係點餐要啲時間搵人幫手，加上被安排座响入入面 衛生：正常 抵食：性價比高，值得一試，但不要過高期望

是晚唔知食乜好，就是但幫襯屋企附近嘅太興，因為好耐無幫襯，之前又聽同事講太興而家d小菜都唔錯。於是咪去試下啦！是晚叫咗個所謂上湯海味雜菜煲(輕量級)，首先個煲一d都唔夠熱，白洽菜，個煲幾乎搵唔到海味，最後搵到幾粒碎蝦乾同一塊超韌嘅魷魚，我估已經代表海味嘅存在啦。另外，叫咗一碟星洲炒米，白洽米粉再加咖喱粉炒，又唔混又冇料，中間d米粉一d味道都冇。講真，可否向香港海關投訴呢？商品説明條例與圖片不附(當然所有menu 都會有句圖片只供參考)！是晚覺得最好味嘅係杯柚子蜜！

之前同朋友試過呢間龍湖居，我自己就覺得味道唔錯，所以今年母親節就決定同屋企人再試試，好彩大家都相當滿意。是晚我地order咗個半席套餐再加呢度最好食嘅＂奇趣蝦多士＂

First time to visit the Mr.Carb by The Captain's House at Wan Chai. I really recommend their New Orleans famous seafood bag, specially of the sauce. We can tailor-made our own seafood combos. We tried their signature sauce "Mr.Carb Cajum", it is spicy but very yummy