位於中環街市對面及Donki 附近，假日晚上食客不算很多，所以同朋友都可以坐係度靜靜地傾偈～

我地3個人叫左3個麵share，因為我地樣樣都想試下。

花雕麻油雞湯麵 一上枱麻油味係撲鼻而來勁香，花雕酒係另上，按自己要求落份量，層次即時提升左～雞肉係用雞腿肉，十分嫩滑好食

紅燒牛肉麵
Menu寫住條辣椒，但係一點辣味都無...不過食得出係有種香料味，但唔係辣

關東煮烏龍麵
烏龍麵其實即係烏冬(其實3碗麵都係烏冬黎) 正常日式口味+雜丸，無咩特別，我中意佢有好多天婦羅脆脆粒

芋圓仙草凍 最後就係食芋圓啦!
佢個碗係用湯麵碗，大大碗3個人share一齊食都滿足

餐廳既位置係內街，而成條街都係唔同既食肆。由於係內街，所以唔會好嘈好多人，又唔會有車係門口經過。門口放置了不少藝術相關的宣傳單張，加上餐廳入面有好多壁畫，充滿文青氣息。望到食客們都chill chill地咁，有少少似入左離島既感覺，非常舒服。 古月招牌肉骨茶 見到餐廳的名字叫「古月」再加上是星馬菜式，直覺話我知佢係同胡椒味有關。果然不出我所料，佢既肉骨茶係胡椒湯底，岩晒我中意重口味。另外比較特別既係有原隻蒜頭，煲到淋晒變成真正既「蒜蓉」， 好似薯蓉咁既質感，將d 蒜蓉撈落湯一齊飲都幾特別架!! 餐廳有3款肉骨茶選擇，只有新加坡風味可以無限添湯。如果喜歡藥膳肉骨茶既朋友可以揀馬來西亞風味既藥膳黑肉骨茶啦，但呢款無得添湯架~ 古滑雞飯 我中意佢用雞上脾肉，無骨入口啖啖肉。雞肉下面有豬耳伴碟小食，配上自製醬汁甜甜地咁好好食，豬耳夠入味，可惜油飯略嫌太黏。 星期六日沒有套餐，所以我同朋友都沒有叫飲品，下次要再黎試其他食物!

係IG睇到好適合打卡既cafe，於是約朋友過黎食飯。餐廳樓底高，門面走簡約風感覺好舒服。落地玻璃門外已經見到最有特色既打卡位，只有門口3張枱可以攤係地毯度打卡既，不過我朋友就唔係好想咁注目所以就坐在入面D凳。 每張餐紙都好靚，我自己本身好中意呢D花紋，D凳都坐得舒服既，可惜既係座位排得太密，郁一郁就撞到後面既人，成餐飯我撞左幾次，好尷尬。 望住個menu好多特色食物，最後揀左以下幾款: DRAFT BEER (EFES - Turkey)🍻 Menu上的Craft Beer好多都係HK Brand，所以朋友專登揀左唯一一個寫住係Turkey既，連酒杯同杯墊都係Match返啤酒個牌子，感覺好好。 味道上就比較清，主要都係用黎邊食邊飲啦~ 印度脆球配海蝦冬蔭功(即係印度街頭小食Pani Puri) 佢個汁係冬蔭功汁配蝦食都幾夾，佢未必係傳統印度口味，但我自己幾中意佢有配埋沙律菜幾清新，少少可惜係脆球好似有少少淋左同埋個汁唔夠裝滿全部脆球，大約每粒只可以裝2/3到。 炸薯角配自家制黑蒜醬 黑蒜油就食得多，黑蒜醬就真係第一次試。第一啖放入口真係好有黑蒜味，都算係一試難忘😂 阿根廷紅蝦香辣青醬海鮮扁意粉 有兩隻蝦都幾大隻 & 4件青口，同朋友share岩岩好，仲有魷魚同洋蔥，個汁真係辣既，唔係小小辣個種，所以食下都要飲下幾啖啤酒。不過我就唔係好食到有青醬味。 甜品一定要試🥰土耳其開心果千層酥 首先大家都知東南亞菜式既甜品都一定係勁甜既，所以呢個都有一定既甜度，不過甜得黎佢又幾好食，可能因為佢係凍既甜點，食落我覺得接受到，同埋千層酥本身都唔會伏。 總括黎講，呢度都算幾chill，服務都好好，食物都好有特色，下次我會想試下坐門口個幾張特色地毯上面用餐。

叫得「肉搏」主打一定要黎食肉啦！ 新店一定要試左個menu招牌菜先 慢煮頂級牛肉盛丼($108/200g) 慢煮牛肉望落好似生牛肉咁，其實係煮熟左既～口感軟綿綿咁配搭甜甜地既燒汁，又唔會太重口味。除左燒汁仲有生雞蛋同自家製酸忌廉拌均，味道上好有層次，加上酸忌廉好有特色！呢個丼仲有得揀150g/200g，我同朋友都唔算大食，所以叫左個200g丼加一個小食share 日本雞軟骨棒餃子 ($48/4隻) 一碟4件，煎得幾靚，皮唔會厚，餡料都好足，食到雞軟骨既口感，點埋醬汁好好食 呢間餐廳既特色飲品都非常打卡able，為左打卡既我都叫左杯紫薯鮮奶。本來諗住佢都係普通飲品一杯，但係飲落發現入面有紫薯肉係入面，飲品都幾有誠意，可以打卡得黎又好飲！店入面仲有個小小bar枱位，下次就咁叫杯咁靚既野飲同朋友傾下偈都開心👍🏼

第一次黎食，朋友話想食日本野，見門口個午餐餐牌都唔算好貴，所以就入去試下啦！

我點左呢個雞肉鐵板飯，有驚喜
本來諗住都係類似pepperlunch，但佢呢個鐵板飯絕對比得上！鐵板上時係熱既，唔會凍冰冰。見到個粒牛油一路溶係個飯上面，我朋友仲特登撩幾粒飯黎試！

雞肉腌得幾入味，仲有西蘭花同粟米粒，口感同賣相都好豐富！黑椒同個汁都好入味，岩晒我口味。

店內裝潢都好舒適，燈光個啲都好舒服。門口有個bar，雖然唔係bar枱，不過都幾有趣~店員服務態度亦很好！最後學生仲有折！不過此店要加一服務費~

今次只係試左午餐，下次會再黎試下其他小食或串燒~