是日Honey放假, 搵下好野食先, 見openrice有優惠, 就去試下Le Cafe個Lunch Buffet啦!
因為唔知佢個lunch buffet食到幾點, 所以就打去問定先, 順手就訂埋位啦 (我地12點打去訂12點9 )
我地去到時都幾full, 得返一兩張吉枱咋, 好在有訂定位!
呢度地方唔算好大, 不過勝在兩邊都係落地玻璃, 採光度夠, 所以都坐得幾舒服!
此行主打係想食生蠔, 事不宜遲, 即係去拎d生蠔試下先!d生蠔又幾ok喎, 鮮甜肥美, 好食過平時去吉吉島買廿蚊隻果d! 不過就略嫌有小小沙, 但絕對可以接受! 另外仲有d藍青口, 非常鮮甜, 不過唔記得影相燒牛肉好香牛味, 而且一d都唔"漏", 越食越覺得好食!d刺身, 壽司款式雖然唔算太多, 但勝在新鮮!雞軟骨串好香, 薄餅就普通啦因為凍左, 如果熱應該好食d!甜品入面首推個朱古力軟蛋糕, 唔會過甜但好香好香朱古力味, 其他果d亦係水準以上!

另外甜品仲有部機比你自制pancake (其實只係按一個制就會慢慢跌件pancake出來), 幾得意, 不過好多人排同埋太飽所以無試到, 另外雪糕係Ben & Jerry, 不過已經飽到無哂感覺, 連相都唔記得影, haha!

總體來說, 這次buffet雖然食物款式唔係真係太多, 但絕對物超所值, 而已亦唔會有將價就貨既感覺, 所有食物都是質素之上, 而且員工全部好好禮貌同笑容, 呢個亦係值得一讚的地方, 唯一美中不足就係d枱比較細 (相比其他酒店buffet), 絕對會再encore!