年尾又係同好友相聚食餐好嘅時間 由於好友喜歡食中菜，所以就諗起呢間餐廳 《雲腿琥珀百花雞》 皮脆肉嫩嘅炸子雞釀上蝦膠，啖啖香脆雞皮配合埋蝦膠鮮味彈牙，口感豐富。就連配菜都唔馬虎，炸蓮藕片脆薄香口，琥珀核桃瑩剔透，香脆惹味，不過略嫌搶咗主角嘅雞件焦點，因為太好味😜  《避風塘鮮蝦球》 經典嘅避風塘式炒蝦，蝦肉入口仲係彈牙，蒜香野味，送飯會再正啲  《金沙廣島蠔》 呢個不得了，炸蠔配上咸旦黃金沙外層鹹香加上蠔嘅鮮味，好夾好味😋  《生炒臘味糯米飯》 糯米飯炒得非常出色，充滿臘味嘅香味，炒出嚟粒粒分明，口感煙靭有咬口，正👍🏻  《生磨蛋白杏仁茶/麻香金絲蛋散》 甜品方面叫左我至愛嘅蛋白杏仁茶同埋蛋散，杏仁茶真係超級好味，飲得出係係新鮮即磨杏汁做，甜度剛剛好。 至於蛋散做得非常之酥脆，配合桂花蜜真係忍唔住一件接一件。 最後估唔到美點雙輝都好驚喜，脆脆紅豆卷好正，外脆內軟，甜度適中，真係有啲想打包返屋企，另外嘅黃糖糕都唔錯，口感鬆軟唔會太甜。 整體我覺得餐廳嘅水準好高，連甜品都做得好好食😋，呢間餐廳已經成為我同朋友嘅推介，應該會經常嚟幫襯😜。  聽講lunch 都好高質，好似有點心嚐味套餐$358，好抵食，希望下次再試😋

之前試過元朗餐廳覺得唔錯， 聽講話大圍開咗分店即刻嚟試吓。 雖然店面細，但係感覺輕鬆舒服 仲有啲泰式輕音樂播住，感覺好chill 我哋試咗泰北金麵，同埋豬手飯 泰北金麵個咖喱湯底非常濃郁，加上大大隻雞腿視覺上都已經係享受 佢指定蛋麪同個湯非常之夾，再加上上面加上脆脆炸面有另一個層次 豬手飯感覺都唔錯，淋滑入味。 另外叫左杯菠蘿特飲都有驚喜，冇想像中太泰式嘢飲咁甜。 相信呢間小店我會以後都經常幫襯😙 真係估唔到佢咁有水準

其實之前食過好多次不過今次第一次寫食評 <慢煮豬手> 每次嚟都必叫，炆得好淋好入味 感覺上單點會比set份量多 <麻辣牛筋> 真心個味道超級正，牛筋係偏爽脆嘅唔係淋，感覺煙韌都幾特別 <滷肉飯> 細細碗味道唔錯不過可能女仔就夠食 男仔應該未必 <炸地瓜> 超級推介，炸得爽脆，而且甜甜地好好味😋 <珍珠奶茶> 我自己鍾意飲熱嘅珍珠奶茶呢度就有， 而且甜度可以少甜都唔錯珍珠係細細粒冇咁有口感但好味😋 <聖誕朱古力特飲> 呢鋪超級正呀朱古力味道好濃郁，而且加上餅乾做裝飾真係正，好有聖誕氣氛，但略嫌佢唔可以改變甜度有啲唔係咁好 整體真係唔錯不過服務就要再多少少改善啦 職員好似好忙，等好耐先有人理

同同事預祝聖誕，當然要揀間有質素嘅餐廳啦！ 大家話想食日本菜，沙田比較高質素有新嘅餐廳應該就係呢間 由於要訂大枱所以留Booking已經要俾訂金 買單嘅時候會扣減 午餐我揀左松露魚籽雙色飯 由於本身唔食生蝦所以改咗魚 要讚下餐廳好細心可以改set lunch入邊嘅食材 個魚生飯好新鮮，松露入口好香同帶子好夾 仲有蟹肉雙色魚籽，口感好豐富，整個飯好鮮甜味道剛剛好😋。 另外未上魚生飯之前，跟餐都有幾碟小食 最鍾意係佢個蒸蛋非常滑好好味😋

已經第二次黎呢度食lunch semi buffet 性價比真係唔錯 頭盤salad bar 都7-8款 有芝士 有中西湯 熟食有點心春卷蛋撻同蔬菜 海鮮有蝦，蜆同賴尿蝦不過細隻 有壽司4-5款，生熟都有🍣，有冷麵 生果甜品橙汁雪糕同candy bar任食， 啱哂一家大細 一坐低就叫咗個main dish但等左好耐，不過佢食十二至三都足夠時間慢慢食 反而今次個main 有啲差，因為太肚餓冇影相 🤭 餐飲包一杯嘢飲都正正常常 一家大細嚟都好方便佢有埋BB櫈😊 呢點就要讚下

《食物：招牌推介香蔥蒜蓉忌廉芝士包》 本來想叫all day breakfast 當然我覺得應該試下餐廳推介 Cream cheese麵包加有滿滿蒜香蔥香再芝麻香 感覺中西合璧幾特別，味道好夾 好味😋😋😋 不過前提係你係真係要鍾意食蔥， 因為真係超級多🤣 《嘢飲：熱情果梳打》 反而無乜特別，不過個味道係OK嘅 本身想試推介嘅菠蘿fruiticano 其實有少少特登為咗杯嘢飲而去㗎，但佢話冇原材料，有啲失望😮‍💨 整體餐廳食物質素係唔錯嘅 但服務有待改善，感覺侍應唔係太friendly 可能因為忙啦，而且餐廳環境有d細同逼，感覺有啲冇咁enjoy 平日嘅下午去都要等一段時間先有位啊 所以如果星期六日想去都要早啲去

係Openrice灣仔明閣page見到有個$760 Autumn Tasting Menu好抵，有6個courses, 即刻經OpenRice訂枱試下👍🏻👍🏻 金沙酥炸廣島蠔併極品蜜汁叉燒 ⁃作為第一道菜，炸蠔外層加上鹹蛋黃，脆口內裡軟嫩，义燒肥瘦適中口感juicy，正👍🏻  紅燒花膠蟹肉瑤柱羹 ⁃非常足料，每口湯羹之中都口感滿滿，鮮味十足  星洲椰香虎蝦饅頭 ⁃呢道菜有小驚喜，虎蝦爽口配合椰香咖喱非常開胃，加個小小炸饅頭，炸得唔油之餘點埋椰香咖喱食，味道配合得非常好  古法六頭鮑魚扣鵝掌 ⁃重頭戲鮑魚扣鵝掌，鮑魚非常入味鵝掌軟腍滑溜，好味😋  頭抽蔥爆龍躉球 ⁃龍躉球肉質好灣好彈牙，配上頭抽好香，薦底嘅香蔥我都食晒  上湯翠玉北菇雲腿 ⁃上湯配上冬菇翠玉瓜，清清地啱啱中和左之前餸菜嘅油膩感，清甜滋味。雲腿油香好足。  油雞樅菌豬肉脆米炒飯 ⁃脆米炒飯口感好好，有油香菌香肉香米香，真係食完一碗仲想再添飯😋  香芒凍杏仁豆腐及美點雙輝 ⁃食落唔太甜有淡淡杏仁香，估唔到同芒果好夾，芒果醬係用鮮芒果過做，唔同出邊既現成芒果醬。 Overall成個餐真係超值，份量亦好足夠。食完真係好飽。唯一要講就係餐廳booking真係好full. 訂位真係要快。

超重味精！完全唔掂！

第一次上來留言！因為未試過咁覺得openrice咁多like既餐廳會咁差！😤😤😤😤

我同朋友慶祝生日冇idea打算去尖沙咀食，見本身評語唔錯打算試下，點知中哂伏！

1). 餐廳本身好似樓上cafe裝修咁，有d殘舊同OpenRice d相完全唔相乎

2）食物份量小

3）味道唔係特別好，重要超重味精！！！大人小朋友不停要飲水，味道好重又唔好食

4）價錢唔扺，以2百一個dish真心覺得好多餐廳比佢好！

以後上OpenRice 真係要睇清楚，原來食評只可以作參考，今次之後唔敢亂試