去朋友屋企，知道有好多肥膩嘢食。要食得暢快，飲茶解膩係好好嘅。本身直接買茶葉沖茶，有最好嘅效果。不過放工無咩時間搵茶葉，所以今次就去左呢間台灣過江龍。佢嚴選自家南投茶園極品台灣茶葉，最緊要每日新鮮沖泡、還原傳統高山青茶味道。 第一次幫襯，除左叫店員推介，原來仲可以喺玻璃樽度聞下茶葉，揀自己鍾意嘅茶。 等緊嘅時候，見到呢個打卡牆好有feel 竹香白柚飲(L)半糖,少冰 $39 呢杯係台灣調飲競賽 嘅得獎飲品，聞落有竹葉香味，飲落清香，加埋台灣白柚汁嘅酸，好解食物嘅膩。想要甜味嘅，飲筒插落少少，攪下啲櫻花寒天，寒天球有櫻花醃過，有花香味，有甜味，有煙韌嘅感覺。成杯嘢酸酸甜甜，好好飲，仲好好聞添。 青茶3Q(L) 半糖,少冰 $35 青茶類似綠茶，本身都係清新。店員話呢杯最抵飲，因為一個價錢，可以試曬珍珠、椰果同茶凍。 招牌高山青 (L)微糖,少冰 $25 既然佢地出名茶葉，要杯添加最少嘅，即刻變得合理。高山青聞落同飲落類似#四季春，飲落清香而極少苦澀味，今次因為以前嘅陰影叫左微糖，下次要叫無糖試試。 總計: $99

全港戲院日，試新戲院，開場前搵到呢間，喺新蒲崗算幾貴，但肯定睇過連鎖店嘅Pizza餐廳，主打美式Pizza、意粉同炸雞，我地都試到唔同種類嘅嘢。

睇下餐牌先環境都好chill是日餐湯
今次餐湯係意大利雜菜湯，番茄🍅湯上面好多椰菜，送嘅質素來計，唔錯。(細)怪獸多寶·厚批·蕃茄醬 $73
一叫就收到限定嘅心形，會相信佢係餐牌所講嘅手製，唔係來貨啦！雖然係茄汁底，但呢款材料最多，有洋蔥、青椒、辣肉腸、火腿、蘑菇、菠蘿、牛肉豬肉，所以我地第一次食，就會試呢款。厚批都好鬆脆，一啖麵包一啖肉。牛肉好似有啲特別香料味道，芝士仲可以拉絲，非常滿足。黑松露雞柳炒意粉(無汁)$78
意粉炒得好乾身，唔會因為無汁而煮得太腍，保留少少咬口。意粉本身有少少菇香味，配料都有落蘑菇、青椒、菠蘿、洋蔥同雞肉，意粉非常～flash，雞肉都有用香草醃過煎香，細節都好用心。小食拼盤 $92
有洋蔥圈、春卷、咖哩角同雞翼，味道好食，但好多都係出面試過嘅味道，可見大部分小食都係來貨。不過雞翼係有驚喜。雞翼煎得好香，咬落去有好多香茅味，連雞醬都唔需要點。4件台式辣味炸雞$78
雞肉都係雞上髀或者下髀，佢嘅配方係美式麵粉硬皮，上面調味有蒜粉，作為原味，呢種美式調味非常入味，已經好好啦！咪住，你唔係叫台式辣味咩？原味咪即係俾錯嘢？無錯，所謂「台式辣味」就係原味嘅炸雞上面，落比平時重胡椒味嘅鹽酥粉，所以炸雞都幾鹹。好彩咬落去超多肉汁，唔係佢偏鹹嘅，呢個就係今餐最完美嘅一樣嘢。凍檸茶.多冰.少甜 +$5
有茶味嘅，檸檬放耐啲，都唔會苦。飲筒用蘆葦纖維，唔會有怪味。總數$326

做完正經嘢，準備去食飯。閒日嘅食飯時間，真係好多人，我地都等左好耐先入到去。大部分食客，都係叫定食同拉麵 ，不過呢度始終係居酒屋，所以都會叫下其他嘢。
睇下餐牌先 裝修復古，完全係日本居酒屋嘅感覺 筑前味噌煮$78
睇材料見到有雞肉、蓮藕、蘿蔔同蒟蒻，日式味噌湯一般偏鹹，開頭都會擔心呢個係咪一樣咁鹹。不過經過咁多材料之後，只有香味同甜味，唔會好鹹，每樣材料都炆得好腍。唔知點解，覺得呢個其實係日本家常嘢，不過出面好少地方做，所以非常值得一試。 豬軟骨拉麵$90
紅燒豬軟骨，係呢度其中一款推薦食物。豬軟骨煮得好腍，但唔會鞋。有醬油香，配拉麵都幾正。呢度嘅拉麵係曲麵，係細個食開嘅味道。芽菜有炒過特別香，都有有紫菜、粟米做配料。一般豬骨湯係白色，呢度顏色清少少，但好夠味，再配豬軟骨嘅醬油香同油香，味道更豐富。雖然$90無飲品係少貴，但幫襯嘅打工仔都多叫呢款拉麵，證明呢個都係一個幾好嘅選擇。 胡麻雞絲冷麵$90
材料好豐富，除左雞絲，仲有蛋絲、紫菜、青瓜、蟹柳、粟米同番茄。 冰鎮嘅拉麵好爽口，撈埋日式芝麻沙律醬，酸酸地，好開胃。用嗎呢個冷麵，分量係大過上面個拉麵架！ 小計$258
加一$25.8
總數$284

上環樓上舖有一間印度咖哩，裡面裝修民族風，同埋有好多特色食物，雖然價錢偏貴，但值得一試。
睇下餐牌先Masala Papadam 香辣鬆化胡椒餅 $32*2=64
第一款前菜，好似薯片乾脆嘅胡椒餅，上面放芫茜、青瓜、番茄、洋蔥，即刻清爽曬，最後要叫多塊。


Raita 青瓜乳酪 $42
呢個乳酪係鹹嘅，配印度香料撈青瓜，開胃清爽。因為之後叫嘅咖哩角無俾薄荷乳酪醬，最後我地用呢個做醬汁。


Palak Paneer 印度芝士菠菜 $109
賣相唔算好好，但原來幾正，咖哩香料減少菠菜獨有嘅味道，加埋硬嘅印度芝士，營養滿滿


Green Onion Nann 薑蔥烤餅 $36
食咖哩，係一定要叫餅。呢間可以揀蒜蓉同薑蔥，我地揀左比較少食嘅薑蔥味。餅做得香脆乾身，點咖哩層次好啲，好適合。


Hariyali Chicken 燒醬雞 $108
平時食開紅色嘅，係Tandoori Chicken，或者Chicken Tikka，呢個綠色比較少見嘅，餐牌寫有薄荷香草，香料味道清啲，不過我地都要落好多檸檬汁，感覺香口又清新。


Tandoori Fish 香燒馬友魚 $168
皮脆肉嫩，有香料香味。


Karella Dry 印式燴苦瓜 $98
苦瓜只係試過中式煮法，原來印度都有苦瓜食。開頭以為係咖哩苦瓜，咁咪又鹹又辣又苦，原來佢個特質醬汁有番茄🍅將苦瓜炒埋一齊，爽口又唔算太苦，竟然有下次。



Samosa 咖哩角 $72
外皮香脆，裡面嘅薯仔配三色豆，好多香料，有咖哩香味，但無咖哩嘅辣味，

非常開胃。

Mango Lassi 芒果乳酪(Jar) $128
呢啲咖哩香料味重，可能會辣，所以叫定一揸飲住先，呢度唔係淨係叫一杯，可以實現乳酪自由啦！不過呢度出品比較甜，感覺唔係用芒果，而係芒果糖漿，就有少少浪費啦！



Margarita $62
同出面嘅Margarita 分別不大，都係有薄荷味，外面加啲鹽，感覺清爽，好適合食完濃重香料嘅印度咖哩之後，清口腔見人。

小計 $887
加一 $89
總數 $976

喺灣仔利東街附近，發現一間裝修幾靚，坐得幾舒服嘅泰國餐廳，雖然小貴，但食物份量算大，同埋我地唔算食得辣，都好多選擇，所以好值得。睇下餐牌先舖頭環境泰式柚子蝦沙律$118
柚子用左泰國金柚，非常多汁爽口，仲落左大蝦同魷魚，醬汁方面有椰糖香味，就算走辣都好夠味。香芒軟殼蟹米紙卷 $98
芒果同炸脆嘅軟殼蟹，配生菜同紅蘿蔔，點酸魚露，好食，但俾頭先好突出嘅沙律搶曬flow 。越式燒春雞釀香茅黃飯 $228
一般喺街食燒春雞，皮脆唔難做到，但好多間就算雞髀，啲肉都可以好鞋。呢度做到嫩滑多汁，所以裡面用香茅同黃薑粉炒香嘅飯好好用，本身乾身，但又可以吸收雞汁，一物多用更正。隔離伴碟嘅菜絲沙律，原來又有特別嘅，有一般沙律嘅酸甜，苜蓿芽同紅蘿蔔絲上面加左花生碎即刻惹味左好多，但繼續可以解膩。侍應哥哥仲話呢款沙律無得散叫啊！

泰式凍奶茶$48
味道香甜，奶香夠滑，都可以

龍眼冰$55
好多龍眼沖嘅，清甜，不過感覺有另外加多左糖。雖然要增加穩定性，但可以落少啲。芒果雪糕配糯米飯$68
店員推介呢個甜品，原來上枱用椰青裝住咁精緻。裡面有芒果雪糕、芒果肉、椰青肉，同埋主角，暖暖地又有椰子香味嘅糯米飯，糯米飯唔係太硬，仲做到冰火效果，非常出色。小計$615
服務費$61.5
總金額$676

新泰東南亞餐廳 (灣仔)
灣仔大王東街21-23號興旺閣地舖至2樓
電話: 23273938

荃灣由大會堂、荃新天地，行天橋到盡頭，經過楊屋道街市，都係一間商場，但呢度原來有間又係酒吧，就係餐廳嘅地方。裡面燈光比較暗，相信夜晚食會更有feel。



睇下餐牌有咩食等嘢食嘅時候，可以飲水酒吧式裝修，夜晚應該幾有feel卡邦尼意粉 Spaghetti Carbonara $143
意粉唔太腍，醬汁Creamy同好多煙肉，仲有香草🌿算幾好食，不過感覺唔係意式蛋汁嘅感覺。



牛油咖哩雞Butter Chicken Curry /Naan Bread $182
作為一間西式餐廳，有呢個質素，非常驚喜。茄汁味嘅咖哩雞肉，喺印度餐廳會有好少辣，呢度接近完全唔辣，非常易入口，但開胃。當有啲印度餐廳都係俾普通Nann，甚至急凍油酥餅嘅時候，呢度嘅Nann係有蒜蓉牛油，係出面要加錢另外叫嘅質素，可能就要多謝呢度嘅印巴員工啦！



Fruit Punch (Happy Hour) $75
酒吧版嘅雜果賓治，一般係石榴糖漿溝橙汁，酸酸甜甜，口味開胃，但多數無放生果。不過呢度放左藍莓同士多啤梨，仲插住菠蘿，除左賣相更好，都會有更多真實嘅清新。

Virgin Colada (Happy Hour)$75
經典飲品Pina Colada嘅無酒精版本，呢度變成菠蘿味重，少少椰子嘅沙冰，味道非常清新。頭先食完好好食，但少少油膩嘅食物，真係好適合，就係取代印度餐廳嘅Mango Lassi。小計$475
加一$47.5
Total $523

喺尖沙咀，想食海南雞飯，我一般會諗起#水門雞飯 ，呢度原來有兩間分店嘅。點解我知？因為上次PO 社交平台唔係食呢間嘅，隔一條街有另外間水門雞飯。今次再去，見到大牌長龍，職員都唔確定幾時有位，仲話成日都係咁，結果放棄。去到呢間分店都要排，但接近兩點，好似容易左，就食返原本想食嘅嘢。



都係用QR Code落單餐湯
都係一叫完嘢食，就即刻俾個招牌嘅胡椒雞湯，胡椒味濃，又有一塊冬瓜，食落好暖胃。午餐4. 泰式豬手飯Thai Pork Knuckle Rice  多飯 $52
次次都喺呢度食雞，所以特登試下其他口味。豬手炆得好腍，但肉唔鞋。甜甜嘅豉油味有其他香料嘅感覺，雞以外都唔錯。呢度滿足左另外一個條件，就係呢度嘅餸嘅飯，都係油飯啊！D28.蘋果雪梨水(凍)Snow pear n apple(iced) ＋$10
呢杯飲品，就算係凍都係用熱飲杯裝，同埋無冰。一個字，潤。



仲有南北杏同蘋果雪梨粒，甜得非常天然。



胡椒單骨雞翼Deep fried chicken wings $26
因為生炸，所以時間比較耐。呢間單骨切得好碎，適合送酒🍻可惜呢度無。雨露同其他香料味重，不過今次胡椒味唔濃，係一個特別嘅味道



總數：$88

聽講呢度開店多年，但幾年前喺觀塘返工，經過紅色小巴站，喺附近食過好多次其他食店，都未見過呢間嘅。原來老店喺同一條街搬上左少少，新店比老店大啲，但夜晚去食仍然好多人等位。原來裡面可以俾開開瓶費帶酒，所以裡面好熱鬧，好似大排檔咁，接受到呢兩樣嘢，就可以揭餐牌啦！ 招牌小籠包 4隻 $45 每一枱都叫一籠，應該好正啦！望落個小籠包咁脹，應該好厚皮啦！原來又唔係，個皮反而幾薄幾多汁，多到好似個皮好白好厚咁。不過由個籠夾落個碗，又完全唔會爛，包有菊花形，師傅好功夫。 菜肉雲吞 6粒 $42 清清地嘅選擇，雲吞皮薄餡靚，滿滿嘅白菜同豬肉。清淡但夠味，食落好舒服。 糖醋骨🍖 $98 $98嘅糖醋骨，同$108嘅咕嚕肉之間做選擇。原來呢度嘅#糖醋骨，唔係#鎮江骨 ，而係平時酒樓嘅#生炒骨 。今次覺得自己揀到好嘢，炸得香脆，好掛汁，同埋青紅椒同洋蔥配菜足夠。今次每件排骨都有肉，有下次。 雪菜肉絲炒年糕 $88 材料好簡單，就係雪菜、肉絲同年糕，年糕煙韌，配合埋雪菜鹹香同肉絲嘅香味，每一啖年糕，都有層次，不過呢碟煮得偏鹹。 自家製台灣冬瓜茶 $10 清清地，本身唔會好甜，有少少冬瓜香味，感覺解渴。

夜晚上堂前，需要食一個快飯，黑板上面嘅飯麵一般比較快啲有。上次講過如果冰室有飯食，其實就係近年開嘅茶記 ，咁所以我都叫左一個有少少創新嘅晚餐選擇。
攞餐牌睇下有咩食睇完，都係決定食晚餐

睇下舖頭環境
瑤柱海鮮帆立貝福建炒飯 $69
大眾認知嘅福建炒飯，都係炒飯上面有一個蠔油芡，啲餸有雞粒、蝦仁，同少少芥蘭粒，可能會有瑤柱碎。既然蝦本身係海鮮，要特登強調海鮮舖頭環境係咁嘅，就會想睇下呢碟飯有咩多左。上菜時候，見到早餐粉麵好出名嘅水魷魚，都有雞粒、小蝦仁、蜆仔、瑤柱碎，芡汁好濃好送飯。下面嘅蛋炒飯夠乾身，粒粒分明，仲有蛋香。食到咁上下，仲會搵到一隻帆立貝，好有尋寶感覺。唯一一個美中不足嘅地方，係用三色豆炒飯，好多人接受唔到嘅嘢，令呢樣嘢感覺變得西化左少少。紅湯
羅宋湯番茄味濃，配料有大量番茄🍅同西芹。飲到一半，仲有幾大塊嘅牛腩，認真足料。黑松露炒蛋多士(散)$28
炒蛋好滑，上面嘅黑松露醬都好重手，幾鍾意個蛋。炒蛋喺烘脆多士上面係咁流蛋汁，雖然令中間變腍，但外脆內軟，層次多左，感覺變得更好。凍OT 少甜少冰 $3
有茶味，但無咩澀味，自己篤得夠檸檬🍋，就會甜酸適中，適合清口腔。總數:$100

已經開左一段時間嘅舖頭，舖面以粉紅色做主題，但唔係食甜品，反而係食#麻辣 同酸菜魚，真係比較特別。有人約到，先知係呢間想食左好耐嘅嘢。

舖頭細細，員工唔多，但設計一個人，都可以服務曬全間舖頭嘅傳菜收錢，煮食就其他人負責。所以睇完餐牌，就可以用QR Code自己落單。
海鮮麻辣燙 清新藤椒湯 $88
[少麻,嫩牛肉,豚肉片,魚片頭,萵筍片,花菜,鮮豆皮,手打麵] 
雖然叫海鮮麻辣燙，但原來有好多選擇，唔係得魚，仲有肉。肉揀三款、菜三款，一款澱粉質，望落價錢偏貴，原來份量超大。今次呢個藤椒湯非常清，只有少少麻，但唔辣，非常開胃。值得一題嘅係，蔬菜好吸湯，同埋原來鮮豆皮唔係腐竹，而係切得好似麵條嘅百頁，所以真正嘅麵條可以出少啲，甚至作為代替品。
黃金脆炸小酥肉 $28
肉切得唔大，外皮酥脆唔硬，加埋少少燒烤辣粉，非常吸引。

紅糖糍粑 $28
呢度嘅紅糖糍粑，唔係有紅糖嘅糯米糍撈花生，或者糖粉，反而係炸嘅。炸過多左一份香脆，但少少油味遮住甜味，所以令呢個甜品變成唔會好甜。

手打檸檬茶 (少甜少冰)$33
香水檸檬事先由職員用棍暴打，已經有基本香味酸味，之後將檸檬角同黃色西檸片放落茶度，有幾種清香，酸甜配合得宜，適合為呢餐作結。
總數：$177