星期日同到屋企人4個人黎番cafe m 食BUFFET, 訂左梳化位..但比想像中差少少因為佢係半圓型..
老人家坐就麻麻地... 不過唔緊要野食好食就ok!!
生蠔同長腳蟹都保持水準!!! 好好味道
芝士吧比之前黎既時間多左幾款
仲有印式咖哩估唔到甘好食!!
唔怕食辣既可以試下因為真係幾香.. 正!!
甜品都ok keep到.. 希望多番有心太軟,梳乎厘食!!!

星期3 老闆請食飯同埋成班同事去食lunch buffet 一行7人
上到去即刻比個海鮮櫃吸引住, 都好多款野食可以選擇唔錯唔錯
廢話少講即刻講番果日食左d咩

頭盤:龍蝦仔好好食唔會過重海水味 可以推介 青口夠肥 冷蝦都唔錯,最抵食係個海螺!!!
仲有原來配泰式汁食海鮮都好好味!!! 推介可以試下

熱食:有好多款... 點心 , 東南亞款式, 意粉 等等..意粉仲要係即整正!!仲可以比你自由配搭汁醬!!


甜品:心太軟唔會太甜味道岩岩好 同埋雪糕仲要係haagen-dazs 超正!! 大家一定要試下

地方都幾大坐都幾舒服, 服務員有禮
聽番同事講..原來都幾難訂到枱 食依餐飯原來預早左一個星期
下次我一定要再黎

訂左枱兩星期先有枱,唔緊要等咁耐希望值得
點知食左就出事....

頭盤: 蟹腳無咩味..要點左汁醬先有味道....
青口好瘦... 仲要有幾隻無肉...so sad 凍蟹鉗都ok.. 好過食蟹腳...
魚生...同一般坊間日本餐廳無咩分別..都ok新鮮
好彩d 生蠔都食得下..建議大家可以主攻d生蠔

湯: 老火湯都幾好味道..感覺好似無咩落味精

喇沙: 味道麻麻...不過不失

主菜: 燒羊架...都可以接受到... 果件魚..就真係一般..感覺麻麻..
海南雞飯..雞唔夠滑..感覺似叮叮..野食甘..

甜品: 都係其他buffet有既野,質數都算幾好!! 依個可以加番分

總括: 以佢既價錢可以食到其他更好既buffet,但環境方面都幾好個主題唔錯
鍾意試新餐廳既朋友可以一試... 侍應質素一般,比較被動... 同埋無咩笑容
唔知係新人定咩事...服務果度要扣少少分數

今日約左個客係尖沙咀傾野,傾完已經luch time !!!但係星期5係尖沙咀周圍都無哂位!!!
之後諗番起上次同男朋友係尖沙咀食日本野果間!!!
初時都估無位坐,所以都打左個電話上去問下有無位先!!!
打到去果道d職員個得番bar枱坐,咁我自己一個人,梗係無所謂啦!!
上到去都幾旺,比上次夜晚熱鬧好多!!!! 佢地d定食都算幾貴!!!!
但岩岩傾成左單生意,就當鼓勵下自己啦!!!
咁我就叫左個特上刺身定食成惠$140!!!!
Wa!!落到枱有成7款唔同既刺身! 仲有白飯同埋沙律食!!!
對比番個價錢食真係好抵食!!完全唔會覺得佢地整得好hea!!! keep d 水準 keep得好好!!!
真係好飽,佢地仲要跟埋餐飲!!! good!!!
不過佢地可以多加少少熟食!!同埋可以再有折扣仲好tim!!!!!

星期日係尖沙咀行街,行到天都黑,個肚又餓餓地,想搵野食之際.有個姐姐仔係道派紙巾,好奇拎起睇下先知又有間樓上餐廳,本來都唔想理佢,但個人又攰又餓,咁就試下..
點知一行入去得個黑衫男仔之後成個場都無咩客,靜得可怕..... 本來都想走,但男朋友又見我行都咁攰咁我地就膽粗粗試下!!!
睇佢地份set dinner唔算貴可以接受到...但比d咩料就真係唔知...份menu字就多,但圖就無咩
大部份都係我地問侍應佢地先知... 不過唔緊要,我地都叫左個中位價既set食!!
頭盤唔錯!!!好有日本風味!! 之後上海鮮味僧湯,入面有魚頭,但我麻麻地鍾意...男朋友佢就勁鍾意!!!
之後上埋刺身拼盤!!哇!!呢個令我驚喜到爆!!估唔到佢d刺身整得咁好睇!! 仲要好新鮮!!Good!!
跟住有埋熟食上有天婦羅,牛肉鍋,鰻魚飯 !! 天婦羅d蝦都幾大隻下!!唔錯!! 牛肉鍋都可以,不過牛肉好似唔係太嫩!! 鰻魚飯細細碗,食完夠飽!!!

最尾仲有個靚仔甜品!!!睇得出師父好有心機整比我地!!!多謝師父!!
食完哂,我覺得佢部冷氣風太勁之外, 整體黎講都算好好! ! 下次要再黎!!!!

ps後尾諗住上黎打食評,但搵極都搵唔到... 間野都唔係叫惠比壽... 唔知點搞, 我記得走果時問黑衫男仔間野點讀個名 佢話叫"梟" 巾幗"梟"雄個"梟"!!!!希望可以跟進番佢!!!