去完金鐘睇鴨仔 想食泰菜就諗起呢間之前同同事聚餐食過都唔錯～ 今次2個人 冇嗌到咁多野食 不過啲野食都keep到水準 ～好味🤤 叫咗4樣嘢食 柚子沙律🥗 清新少少微辣 開胃一流 串燒 中等 肉質唔算好juicy 但醬汁唔錯 冬蔭功湯 2個人飲 ～每人飲到2碗左右 仲有幾隻蝦🤩 係飲到尾有少少咸 最後 小曼谷炒飯 好大碟～都幾多料 食落乾爽有咬口 不過真係大碟得濟食唔晒呀 整體來講 食物中上 價錢合理 但一大班人食會開心啲 下次嚟開銅鑼灣想食泰菜都可以再食呢間～

店舖位於海天晉滙商場內 叫咗一打daily fresh oysters $498 少少海水味後帶鮮甜味 另外叫咗一個Christmas set for 2 $1088 前菜要黑毛豬火腿配蜜瓜 火腿味道回甘 香煎鵝肝 油脂味配脆薄多士 蘋果蓉 龍蝦湯 正常水平 偏濕潤既南瓜意大利飯 唔太膩 威靈頓牛柳 普通 可能因為飽飽地 Tiramisu 唔太甜 原本話飽都食哂成個 整體 抵食 環境好 服務都唔錯 侍應都有留意客人進食情況 菜做到一道道上 唔會趕住上菜/等好耐都冇下一道菜 會有下次

一行三人 臨時約出嚟食個飯見到呢度幾多評價都唔錯 所以試一試
可能因為入座時間早 間舖完全冇人客 都以為係伏
不過都俾個機會入左去
結果食物賣相同味道都唔錯 份量又足 👍🏻👍🏻👍🏻
起菜碟碟都熱辣辣  絕對值得再試👍🏻 個蜆肉意粉好有心機 排到靚靚出黎
薄餅用料足 味道亦唔錯 食得出牛油果幾新鮮
下次會再去試下其他  見到隔離枱有人叫Naan都唔錯咁 侍應不停會 refill 水 👍🏻
再晏啲都有人入座 傾計都舒服 😌！
無加一  

朋友係天后呢頭返工 甘岩我係天后有野做
就順道找佢食個午飯

行左一個圈大坑 最後鎖定目標黎左呢度
舖面較細 但都幾骨緻
我同朋友都叫左最basic 豬骨湯拉麵
另外再加隻蛋~ 五至十分鐘度就黎喇

我要左硬麵 睇落好似size普通 但係對女仔黎講就岩岩好有突喇!
飲啖湯底 唔會死咸 飲左亦唔會好口渴
叉燒肥肉部份唔會食到成口油 而且冧冧地
隻蛋就非常正吖 流心好味

呢間店雖然淨係得拉麵 但因為專注一樣野可能更好
唯一唔好既係 此店門冇裝玻璃 出面有人食煙會好大怎味
所以呢度扣左啲分呀

見到開飯喇啲評價唔錯，就約左個朋友黎試下 是日選擇左1800-2015 呢段時間，我地兩個人但安排左我地坐四人枱，非常好呀! 唔洗咁迫，枱面一定夠位放野食!

甫入座，每人送一隻特大甜蝦一粒帆立貝~ 好鮮甜好新鮮!

刺身全部都幾好，起碼唔腥先啦，帆立貝繼續好鮮甜，甜蝦細隻啲啲，但一樣味美，反而第一次見咁既顏色的北寄貝!



最驚喜係海膽軍艦! 超鮮甜 而且份量足，飯亦唔大舊 真係超值! 花之戀就真係第一次見無飯version



蕃薯仔，菠蘿都好好味，係翠玉瓜有怎油味 麻麻地 另外仲叫過日式蒸蛋，不過味道就普普通通，元氣的比較滑同好味 見到有牛乳湯同黑松露忌廉湯亦各叫一客，但牛乳湯淡忌廉湯濃，試左mix埋一齊反而岩岩好! 火炙壽司既三文魚都唔錯~ 不過無影到相就落左肚~ 甜品就見佢話係日本空運，全部叫左一球，有芝麻，綠茶，柚子，豆腐。個人就比較鍾意柚子，少少酸酸地，幾清新! 原來呢間放題開業三個月，由25/10-7/11 做推廣，全枱客人like Fb page就可以有優惠! 今晚有9折!

日日搭車之前一定經過 今日終於的起心肝試下 既然個名有honey 緊係試下蜂巢味既雪糕啦

見到店員唧雪糕前 先係杯入面搽一圈蜂蜜 最後係雪糕位放一舊蜂巢 雪糕奶味okay 蜂蜜味清甜 但俾唔到好驚艷既感覺我 而且份量偏細杯 $42有小貴呀 試過就算 回試度較低

下雨天 又係嘆下既時候 呢set高茶的presentation都唔錯，但係侍應冇簡單介紹下啲食物，好彩有影低相 唔係都唔知食緊乜

整體黎講，咸點比甜點做得較好

兩個迷你漢堡都唔錯，三文治就中規中矩

甜的就麻麻地
綠茶同馬卡龍都過甜
反而芝士蛋糕幾好 唔會太膩

至於scone, plain scone texture 同平時食開既唔同 有啲似shortbread,但就唔係我杯茶喇

是晚旺角周圍都非常多人 … 尋尋覓覓 最後黎左呢度黎個light dinner 點了煙三文魚蛋餅 和 tropical passionate tea (個名類似咁
估唔到咁俾足料 成個蛋餅都有食到三文魚的存在 絕無欺場 杯茶沖了三次仍可色深味濃

朋友要左杯iced mocha 同 忌廉雞批 好多雞肉係入面 同星xx 比 用料超足 但就heavy啲 不過幾好味 可以再來!

在銅鑼灣到處逛，口痕痕想食甜品 最後因為地點最近所以黎左聰嫂 甫到達舖位已經見到坐了不少人 環境相當擠迫 稍胖的話出入也要小心撞到 睇左陣餐牌最後決定叫左個芒果椰果冰($27)

椰汁涼粉西米露($22)

芒果椰果冰口感軟綿綿不似食冰 不會過甜 不錯 但係愈食愈凍 另一款係朋友叫的 冇試食 但朋友食淨左啲涼粉 同樣都係有愈食愈凍既感覺 最後急急腳走了 總括食物不錯 但係環境比較擠迫 好難坐耐啲傾下計 如果唔洗排隊也可以再encore 但要等位就免了

一點幾來到 店內也有不少人仍在用餐 因為店外張貼了先購買食物再安排座位 小妹跟友人跟著前面的一對情侶在收銀位置等待購買食物 可是收銀位置卻沒有職員 後來又先安排我們入座 然後再走出去收銀處購買食物 情況有點混亂 我們迅速點餐後 等了5分鐘就來了韓式炒粉絲

圖中粉絲未有食過 味道過咸 要飲返跟送的蘿蔔湯水 平衡下

呢個海鮮豆花湯(小辣)跟配白飯一碗 可惜飯有點過濕 豆花湯的豆腐滑溜 入面亦有幾粒蜆肉 味道不錯 這一餐 大概$80 除開每人$40 在灣仔區也算合理 但味道普通