喺中環行下行下，見到勝香園、九記牛腩周圍都有長長嘅人龍。轉個角就黎到善慶街，呢條寧靜嘅小街有一間間西式小店，我哋就去咗呢間@goldfinch_hkg 休閑一下。 🔸Lunch Menu (with starter, main and drinks)🔸 🔸Starter ▫️茶葉蛋及合桃沙律 (7/10) 茶葉蛋變咗鵪鶉蛋🫣可能啱啱賣哂卦。沙律菜都fresh，汁都開胃。 ▫️拖羅、提子及柴魚高湯啫喱他他金杯 (8/10) 店員極力推介我哋食呢個前菜。佢嘅賣相同製作過程又的確花多啲心意。平時唔食魚生嘅我今次都有食拖羅呀，細細粒易入口啲。小金杯連埋啲拖羅同高湯啫喱味道幾夾。 🔸Main ▫️和牛封門柳，芋頭蓉，慈菇，冬筍，韭菜青醬(7.5/10) 我欣賞佢嘅芋頭蓉，係出面食唔到嘅質地，好滑好rich。就咁食封門柳會覺得有啲臊，但配埋芋頭蓉就中和哂！ ▫️湛江雞，臘腸及芥菜薯蓉，蕃茄蕃茜忌廉汁(8/10) 雞非常嫩滑。最喜歡佢嘅臘腸芥菜薯蓉，中西合璧，味道好正！ 🔸Drinks ▫️Cappuccino ▫️Jasmine Tea 呢度原來由法國藍帶大廚主理，菜式又的確幾新穎，睇得出佢好用心製作。喺OpenRice訂座仲有全單八折添。 Overall評分: 7.5/10

今晚同朋友見面😚朋友揀咗間樓上cafe。間大廈有啲難搵，喺樓下兜幾個圈都未見到個入口，原來喺一條巷仔入面🤦🏻‍♀️大廈環境麻麻，餐廳環境正常。 我哋都叫咗好多嘢食，每樣食物賣相都好靚，味道尚可。晚餐主菜包田園沙律或餐湯，仲有餐飲。 🔸火魔醉蜆(💰88）(8/10) 呢客醉蜆酒味濃郁，仲有蒜香同香草。卜卜蜆都幾大隻幾飽滿。上菜時仲有火焰表演，視覺效果一流🔥 🔸西班牙風味鮮海蝦蛋餅(💰78）(6.5/10) 上菜啲盤邊全部都係油😵‍💫味道不過不失。 🔸迷迭香煙燻雞翼(💰78) (7/10) 一客有五隻雞翼，上菜時會喺蓋窿上面燒一燒啲迷迭香，再焗一焗佢，令雞翼有迷迭香同煙燻香。不過未必人人喜歡呢陣味，同埋啲雞翼可以再入味啲。 🔸墨魚汁海鮮燴意大利扁麵(💰188)(7/10) 啲墨魚汁真係勁黑🦑個個啲牙都黑哂🤣 🔸香燒豬頸肉紅咖哩燴意大利飯(💰178)(7/10) 厚切豬頸肉，香燒外皮少脆，咬落都有肉汁。 🔸法國紅酒燴牛面肉 (💰238)(7.5/10) 牛面肉炆得好淋，夠入味，啱啱好！ 🔸法式經典油封鴨髀（💰238）(7.5/10) 鴨髀肉炆得好淋，蔬菜輕輕煎過，不過薯蓉好似太蓉。 🔸自家製蘋果金寶(💰88)(4/10) emmm..呢個搞唔掂，一Pat嘢咁，味道亦麻麻。 🔸法式焦糖蘋果吐司(💰78)(7.5/10) 呢個吐司好過蘋果金寶好多，係好多莓整成嘅酸甜醬。不過佢啲醬唔太夠，有一塊吐司好味，另一塊就唔夠醬。 Overall評分: 7/10

有個小假期去澳門玩，去完水上樂園，夜晚散步出官也街搵嘢食。呢間葡國菜好多人推薦，今晚黎到，門口都有條小人龍。店員出黎話如果之前拎咗籌嘅人唔返黎，就俾我入去。結果五分鐘後我地就入到去食嘢了👏🏻 🔸脆炸馬介休球(💰55)(9/10) 正宗馬介休球，食到一絲絲魚肉，仲有魚肉鹹香，脆熱到位😋 🔸檸檬白酒炒蜆(💰118)(9/10) 佢嘅檸檬白酒汁實在係出色，酸得好正，令人好開胃，不停咁食！雖然佢唔係用大粒嘅蜆，但份量十足，食極唔完。如果蜆大粒飽滿的話，我就會俾10分😅 🔸麵包焗葡國雞(💰108)(7.5/10) 我覺得個麵包焗得太脆啦，完全無軟嘅麵包😞店員無等我影相，一上枱就剪開我個包，真係無眼睇😖佢嘅葡國雞幾入味，雞肉亦唔鞋口。 🔸特色焗鴨飯(💰83)(7.5/10) 呢個焗鴨飯非常之香，盛入碗中，有一絲絲鴨肉喺飯入面，食到我津津有味。點知老公話佢嗰啲無鴨肉，我再食多一碗都無鴨肉😑咁佢的鴨肉都分佈得好唔均勻😵‍💫 🔸Sangria (💰38)(7/10) 好易入口嘅生果酒👍🏻 食物味道真係唔錯，性價比高。到澳門真係要試試👍🏻 Overall評分: 8.5/10👏🏻

店舖喺大三巴行多幾條街，店面都幾舊式，店內只有兩張摺枱。腸粉即叫即整，好處係可以睇住師傅表演整腸粉。 🔸蔥花雞蛋腸(💰33)(7/10) 講真我又覺得食落唔係太驚艷咋喎。最特別在於有黃色嘅外表，可惜蛋味唔濃，滑但又唔係特別滑，豉油又唔夠味。不過佢好大盒，兩個人食都差啲食唔哂。

難得有個小假期可以去澳門玩，太開心啦！呢個lunch buffet喺KKDay買嘅，$478兩人連水上樂園門票，真係超級抵呀！ 水上樂園淨係開室內，不過都有七條滑梯，不過我就覺得刺激程度唔夠香港好玩了。 午市自助餐方面，可以由12:00食到3:00。都算幾多食物選擇： 中菜就比較多，點心、海鮮粥、即煮粉麵、炒飯、小菜。 西式牛扒、芝士、火腿、沙律。 凍海鮮有蝦、海螺、青口。 日式壽司、刺身。 印度咖喱、甜品雪糕、各式飲品。 食物味道中規中矩，正常發揮。最好食係有一個蒜香炒大蝦🍤，蝦大隻爽口，蒜係乾蒜，仲有啲鹹蛋黃味😋 呢度環境都不錯，唔算太多客人，座位都舒適，服務都不錯。 Overall評分: 7/10

喺官也街食完葡國菜，即刻行前少少，趕喺9:30前黎到澳門米芝蓮推介嘅gelato😋食埋個飯後甜品。 店員非常細心，熱情好客，俾我哋試味。我同老公每人食個雙味😋 🔸雙味（💰45） ▫️愛爾蘭咖啡酒☕️ 我估唔到我竟然揀咗平時唔食嘅咖啡味，因為真係好濃烈咖啡酒香啊！甜而不膩，酒香撲鼻。 ▫️士多啤梨乳酪🍓 好滑好香好creamy嘅士多啤梨味👍🏻 ▫️檸檬車露🍋 清爽，酸甜，醒神。 Overall評分: 7.5/10

今晚想食漢堡包，平時都有叫過呢間外賣，今日就去下堂食啦！餐廳位於觀塘工商區地下food court，價格親民🤗 🔸脆脆雞堡(💰65)(8.5/10) 呢度嘅麵包係本地工場自制架，真係唔同啲！外皮少脆，內𥚃好軟熟好香！雞炸得超脆，配上蜜糖芥末醬，啲醬好啱口味！芝士好溶，真係唔錯！ 🔸白菌之堡(💰65)(8.5/10) 用新鮮手打優質美國穀飼牛肉，牛肉夠厚夠juicy，白菌，生菜，番茄，松露醬配芝士，佢嘅醬真係好夾個burger，又有好溶嘅芝士，好味呀！ 🔸芝士肉醬薯條(💰39)(7/10) 正常水準，黃金粗薯條，多啲醬啲正啦！ 🔸檸檬冰茶(💰28)(7/10)👌🏻 呢度嘅食物都上菜上得好快，性價比高👍🏻我最鐘意佢啲burger醬🤭真係又夾又好味！ Overall評分: 8/10😋

屋企附近新開咗一間食和牛漢堡嘅餐廳，今日就去試一試啦。餐廳以米色同以木為主，光猛得黎又幾柔和。一坐低，店員就同你介紹佢哋嘅主打菜式，我哋都叫咗一個。 🔸 招牌手打和牛漢堡蘭王蛋飯(💰128)(8/10) 賣相真係好吸引呀！和牛漢堡上面放咗自家製日式泡菜，再上面有隻紅卜卜嘅蘭王蛋黃，好精緻啊。佢嘅和牛漢堡好香牛肉味，整得都算結實，唔會散哂，加埋香濃嘅蘭王蛋黃，配上秘制漢堡汁，撈飯一流。 🔸 照燒雞扒飯(💰68)(8/10) 呢個雞扒飯價錢唔算太貴，而且味道都不錯喎，照燒雞扒好大塊好嫩滑，仲燒到塊皮啱啱好，仲有啲燶邊👍🏻 Overall評分: 8/10

天氣凍凍地最啱打邊爐，呢間船渦主打蒸氣海鮮火鍋！一人一鍋，仲有幾個魚缸，入面有好多生猛海鮮，一入去已經覺得幾正！個蒸鍋已經set好哂時間，幫你計埋時蒸海鮮，一定唔會煮到過鐘！ 🔸水師提督套餐(💰138) 炸物：章魚燒 2粒 海鮮：白蜆，蝦，鮮魚片，風紋蜆，鮑魚 肉類：雞腿肉 菜類：特選蔬菜 🔸八府巡按套餐(💰468) 前菜：沙律 炸物：芝麻雞翼，雞軟骨餃子 海鮮：白蜆，蝦，鮮魚片，鮑魚，元貝，北寄貝，扁聖子，蟶子皇（一隻），龍蝦（半隻） 肉類：安格斯牛肉、豚肉片 丸類：三寶丸（牛骨濃汁牛丸，薑汁皮蛋貢丸，招牌墨魚丸） 菜類：蔬菜拼盤 兩個套餐嘅海鮮都非常新鮮，仲見到啲海鮮郁郁吓。啲蜆勁大隻好飽滿，海鮮肉質鮮嫩多汁又彈牙！所有炸物都熱辣辣，肉類都好高質，好大片，好有肉味😋 最後仲有個南瓜芋頭粥，會倒埋落個蒸鍋下面啲精華度個粥好綿，有南瓜同芋頭粒，好鮮甜好好味呀！ 我哋仲有揀個魚湯米線底，但就完全俾個粥比下去了！識食一定食粥！ Overall評分: 8.5/10

今日去元朗搵食，呢間台灣菜之前黎過兩次，點知一次摸門釘，一次去到好多嘢都話賣哂。今次終於食到！睇下係咪真係咁正！ 🔸羅東肉焿湯餐 大魯肉飯 台式濃厚奶茶(💰79+3) 肉焿湯(7.5/10) 味道就好似一碗好多醋嘅碗仔翅咁😂佢嘅荀絲多啲爽口啲就好啦。焿肉好特別，食得出係鮮肉同魚漿嘅混合。呢個焿肉好似平時食嘅墨魚滑咁，但就係肉滑。 魯肉飯(8.5/10)味道好正，魯肉碎中間有豆卜皮，好入味呀，隻溏心蛋都好好味🤤 🔸芋泥肉鬆吐司(💰42)(8/10) 芋泥好厚好軟，夾埋烘過嘅麵包，同肉鬆好夾，不過我覺得芋泥唔夠暖，而且有啲dry。如果芋泥可以濕潤啲就好啦！ 🔸鹽酥大雞扒(💰49)(8.5/10) 鹽酥雞扒好大塊呀！鹽酥味好突出，炸皮好薄好脆，好美味！ Overall評分：8/10