之前一直都係喺尖沙咀分店食，水準好好連配菜味道都一流，介紹埋同事食～ 就因為太好味所以今日在銅鑼灣工作都想十三廚酸菜魚 但。。。。。黎到碗野望落去已唔同樣 食完覺得同尖沙咀差太遠喇😫😫😫😫😫 -酸麻比例唔平衡， 冇層次 -豆腐切到好大舊 又唔入味 -米線入口唔「煙韌」 -一大碗油喺個面 -仲要有魚骨！！！ 原本好開心去食， 但冇諗過分店會爭咁遠 如果大家想食好味嘅版本就去尖沙咀分店啦 同一碗酸菜魚， 水準高好多倍 -酸麻比例好有層次，好野味 -豆腐、蓮藕薄切入味 -米線超煙韌、好滑 -魚片好滑、份量亦多 Ps:兩間店有個共通點， staff 都係冇表情😑😑

平安夜梗係要同三五知己食餐勁，又黎「滾得棧」貪地點方便又近地鐵站～ 今次多人可以叫兩個湯底，但我最愛都係花膠雞湯底實在太太太足料喇～ 每啖都係好膠，好黏口～仲要超級濃郁鮮雞味 一定要叫埋竹笙，絕配！ 再叫左牛頸脊、象拔蚌刺身， 同𩶘魚刺生， 必食推介～ 其他火鍋配料都好正好新鮮 由深井到油麻地分店一直都keep 住食物水準，真係難得， 會繼續支持🙌🏻👍🏻👍🏻

朋友生日打邊爐最啱可以傾內d😂 今次揀黎油麻地嘅滾得棧，因為地點就腳，地鐵站行5分鐘就到～ 成班朋友叫左個花膠雞湯底，一上湯底每人飲左一兩碗，因為好似老火湯咁正🤤🤤，花膠大大條，唔係出面得d碎碎囉～ 牛頸脊一定要叫，超有牛味有口感，係大大碟之餘塊塊都有厚度👍🏻👍🏻，唔似出邊有d薄切切 鮮蝦丸又係勁正，勁多蝦 然後炸魚皮係我大愛，推介 雞腸勁新鮮 😌☝🏻總結：我同朋友們都覺得呢間d野食係好有質數，同埋好用心～ 因為就連普通嘅食材（例如：蘿蔔、 響鈴、皇帝菜、牛百葉、午餐肉）佢地都應該揀過用好嘅材料，任何一樣野都冇得彈～ 真係好少寫食評，認真推介👍🏻👍🏻👍🏻 重點：如用呢d材料，價錢真係唔貴，係非常正路！

味道係唔差，但態度差到爆!！
人客俾錢唔係仲要受氣丫嘛？！
普通粉面檔客人唔會要求好好服務，但基本對人嘅禮拜都應該要掛!！

如果唔做外賣送餐就倒不如唔接，你接得就唔好態度衰到噉同cut 線～