午市邊爐（$78） A)火鍋手切牛魔王 B)椒鹽豬肚湯底 C)北海道出前一丁 呢個套餐都幾豐富😋牛肉包括有牛封門柳、人氣頸、金錢𦟌各兩片，仲有兩粒汕頭牛丸同附送埋魚皮小食🥳 牛肉有驚喜，呢個價錢來講啲牛都算唔錯👍牛味算濃郁😚一啲都唔覺鞋口，不過略嫌人氣頸有啲牛腥味🙈 一路食嘅時候仲聽到隔離枱不斷大讚個牛丸🤣 係幾彈牙同埋重牛味嘅🤩小編叫呢款湯底就不過不失啦，冬天飲呢個湯真係人都暖啲🥳不過小編都係鍾意辣啲，朋友嗌咗沙嗲湯底，真係好味好多！椰香味重、沙嗲味濃，用呢個湯底煮出前一丁真係冇得輸💯 小編比較鍾意呢到嘅沙嗲湯底👍 整體黎講食物味道性價比高🥳 不過唔知係咪新開張，入座安排有啲混亂😣唔知點解後過我地黎嘅客人入晒去都未輪到我地😵追問下店員話後面嗰堆客人係四個人，先唔講依加都係兩個人一枱坐，仲要係我同朋友黎先，但好似直情skip咗我地幾次，聽到有啲無奈🤥希望遲啲會改善啦！ - 厚福館 (紅磡) 📍紅磡必嘉街121號黃埔花園一期(奇妙坊)地層G9號舖 抵食指數：😚😚😚😚😚😚😚😚😚/10 舔舔脷指數：😚😚😚😚😚😚😚😚/10

賣點心又係黃嘅餐廳實在少之又少，終於喺新蒲崗搵到間💛佢就係陳師傅點心專門店！ 魚子燒賣皇（$22) 呢個燒賣皇一啲都唔慳料，size比出面茶樓賣嘅再大粒啲😏咬落去啖啖肉🤤 精製蝦餃皇（$22) 蝦餃有驚喜😋一咬落去就爆左啲汁出黎🤤皮薄而且蝦嘅份量啱啱好，唔會因為太多料而穿🙂 芝士蝦長春卷（$30) 春卷同枝筷子差唔多長😱外皮食落好香脆，味道方面本來以係係會有好重嘅芝士味，但咬落去芝士味唔太突出😢 芝味漢堡仔（$28) 個包焗得好香，兼且個皮勁脆囗🤤中間就係椰菜加蝦餅配沙律醬，個蝦餅咬落去時唔會話散曬，仲有大量嘅椰菜解膩，正！😎 板燒煎釀茄子（$35) 呢個餸上個時塊鐵板仲係jarjar聲🤣咬落去茄子勁軟身，面頭嘅肉餅都好好食，有煎過嘅肉令佢更香囗🤤再加埋醬汁真係令人食慾大振😋 流沙奶皇煎堆仔（$27) 呢個絕對係其中一個鎮店之寶🌟🌟鐘意流沙奶皇嘅絕對唔可以錯過🤤裏面嘅奶皇多到一隻匙羹都裝唔曬，成個煎堆囗感煙韌，做甜品一流😋 不過要注意嘅係舖面比較淺窄，繁忙時間要等位同埋坐得比較逼❗️ #大大力懲罰黃店💛 - 陳師傅點心專門店 📍新蒲崗景福街41號地舖 - 抵食指數：😚😚😚😚/5 舔舔脷指數：😚😚😚😚/5

呢間係台灣人開既小鋪 入面每一位員工都係講普通話架!😆 今次嗌左清燉牛肉麵($55)佢啲牛肉炆得好入味 啲面仲好似係自己手打嘅!!好有口感👍👍👍 個豆乳雞($32)都唔錯 啲雞肉好嫩滑😋 粟米芝士蛋捲餅($36)其實就係蔥油餅加蛋🍳呢個有少少失望😢一開始以為係煙煙銀銀嗰啲 但點知唔係😭 仙草芋圓($30)都幾大杯 芋圓好彈牙 但得幾粒😛 係幾有台灣嘅味道嘅 個環境都有d似台灣鋪頭 但食完之後好口渴😂😂

依家個個都北上，飲食業好艱難，但估唔到當晚竟然全場滿座！ 野食選擇好多💯冰鎮海鮮最推介波士頓龍蝦（假日限定）、同長腳蟹🦀日式刺身非常新鮮，當中帶子、三文魚同油甘魚最為鮮甜肥美✨當晚7點同7點半職員敲鐘🔔buffet line隨即出現長長嘅人龍，小編都唔執輸😆出去拎左幾次芝士焗龍蝦同斧頭扒！食完上面已經飽左7成，仲有鮑魚、花膠、石斑、烤乳豬、東坡肉刈包、烤牛肉⋯食物種類多到不能盡錄！ 臨走之前仲食左四大球哈根達斯雪糕同一系列甜品，超滿足！

無意中喺公司附近發掘到美味日本菜🇯🇵呢間係位於棉登徑嘅小店，餐廳內係居酒屋格局🏮好適合同一班朋友邊食飯邊飲酒🍶 和風刺身沙律 一點都唔馬虎，新鮮沙律菜伴隨着肥美嘅三文魚粒、拖羅粒、油甘魚粒同貝類等，味道鮮甜，清新開胃✨ 壽司盛八點 廚師用上赤醋飯，但有微微醋香。整個拼盤賣相精緻，壽司有甜蝦、油甘魚、拖羅、三文魚、帶子、深海池魚、鯛魚等，鮮味十足。另外，中間更放置吞拿魚蓉海膽飯等，客人可以用紫菜包住食，表面更加入三文魚籽點綴，鮮味爆燈！ 薩摩唐揚炸雞 金黃香脆嘅唐揚新鮮炸起，一咬外脆內爆汁💦配上他他醬令油膩感無咁重～ 薩摩赤雞亦、雞軟骨、雞皮餃 薩摩赤雞亦肉質嫩滑，雞皮燒到微微焦香，令口感更豐富～ 雞軟骨超有咬口，佐酒一流，雞皮餃則略嫌偏向淋身

酒吧餐廳於去年年尾開幕，以黑灰色為主調🖤設計走工業風風格，空間感十足，非常型格！店員亦好友善，本來對酒吧食物都無太大要求，但當晚無論雞尾酒定食物，成個體驗都令我喜出望外☺️呢間值得比更多人知道！✨ Uni Lobster Bisque Arancini ($228) 金黃香脆嘅飯球包裹住龍蝦湯意大利飯，每啖飯都吸盡龍蝦湯嘅精華🦞 散發濃郁嘅鮮香，內裹仲有微量芝士，表面更配上北海道馬糞海膽點綴，令味道更鮮甜。 Drunken Crab Pasta ($228) 墨魚汁意粉以紹興酒同雞油熬製而成，散發陣陣酒香，菜式再加入松葉蟹肉和炸蒜片，令意粉更加惹味🦀 Ham, Burrata with Seasonal Fruit ($138) 布袋芝士奶香滿滿，切開後芝士如流水般湧出，配上鹹香又惹味嘅風乾火腿，佐酒一流🥂 Crispy Short Rib ($268) 表面烤至焦脆，切開後依然呈現粉嫩色澤🥩 肉質非常軟嫩，肉汁豐富，加入了意大利香草同山楂調味，配上綿滑嘅薯蓉，加分 🆙 Genmaicha ($120) 以Gin作基底，加入梳打水、玄米茶同冬瓜茶黑糖漿，尾段帶有玄米茶嘅回甘，幾特別~ Sake Sour ($120) 以清酒作基底，加入檸檬汁、菠蘿糖漿，味道清新開胃，更用上蛋白打成綿密嘅泡沫，賣相好靚！

皇冠假日酒店西餐廳CARVER 最近同THE LEO DIAMOND聯乘推出雙人dinner set✨ 凡惠顧雙人套餐，即可贈送 *The Leo Diamond D Series淡水珍珠項鍊一條（價值$880同現金券一張。喺4月30日或之前訂座並預付，更可享$1088/2早鳥優惠！Bookmark定帶女朋友慶生啦💖 Dinner Set for Two 凱撒沙律 Presentation幾特別✨原條羅馬生菜上淋上凱撒沙律醬汁，配上白鯷魚同乾麵包粒，令味道更豐富，好開胃呢！ 香炸軟殼大蝦 軟殼大蝦外殼炸至金黃香脆，蝦肉爽彈～ 配以羽衣甘藍同紅珊瑚生菜，減低油膩感🤍 澳洲M6和牛腹脇肉 (300g) 牛味香濃，肉與油香平衡得恰到好處。切開內裏仍然保持粉嫩，一啲都唔韌，配菜仲有原個蒜頭同番茄，不錯呢 澳洲尖吻鱸魚柳 魚皮煎得金黃酥脆，與軟嫩細膩嘅魚肉質感形成強烈對比，並以西班牙皮奎洛紅辣椒泥同本菇點綴， 特濃朱古力蛋糕 甜品用上70%朱古力製成，表面加入焦糖脆脆增添口感，另配上清新宜人嘅紅桑子雪葩，中和朱古力嘅甜膩感。

呢間主打廚師發辦餐廳位於銅鑼灣，只需$1580，即可品嚐25品菜單，當中更加入左生蠔、龍蝦、海膽等奢華食材，CP值都幾高，真係好豐富！ 沖繩海草蟹肉: 蟹肉滑嫩鮮甜，配上酸酸甜甜嘅水雲，好開胃！鮟鱇魚乾：口感綿密，配上柚子酸汁，味道清新，一啲都唔怕膩 黑梅貝：口感彈牙，配上醬汁令味道昇華 真鯛海膽豆腐：以真鯛包住香濃海膽豆腐，整個呈現非常新穎，味道好balanced 螢光魷魚：加入薑汁豉油，但味道依然偏腥 北寄貝刺身：口感爽彈，幾有咬口 小龍蝦刺身：龍蝦上枱時仲一路郁緊，超生猛！刺身味道清甜 日本華漣生蠔：選用長崎縣生蠔，非常大隻，比較重礦物味，肉質飽滿 蟹膏豆腐：以鮮甜多汁嘅蟹肉配上黑魚籽，味道幾夾 紫海膽：以高湯製成嘅啫喱配上黑魚籽同三文魚籽，鹹甜交織，鮮味大爆發 南非鮑魚：慢煮四小時後，入口軟腍，表面再加入蟹膏同麵豉，令味道更豐富 壽司：當晚有赤貝、深海池魚、金目鯛、銀鱈魚、白見貝、毛蟹、大拖羅、鰤魚、黑龍魚。最印象深刻係銀鱈魚，油脂飽滿～ 甜品：博多士多啤梨配香蕉雪糕

餐廳以紅、綠色為主調，裝潢充滿古典風味，由泰籍廚師團隊主理，主打越南及泰式fusion菜，菜式選擇好多！ 泰式豬肉碎羅勒葉包 豬肉碎加入泰國香料炒香，香辣惹味，以清爽生菜包住肉碎一齊食，解膩之餘亦令口感層次更豐富～ 唯略嫌穫氣唔太夠 越式軟殼蟹米紙卷 米紙口感煙韌，包著啱啱炸起嘅軟殼蟹，配上沙律菜、牛油果等作餡料，味道清新宜人～ 串燒沙嗲 串燒烤至微焦，牛肉、豬肉同雞肉質相當嫩滑，肉味濃厚，蘸上自家製沙嗲汁，相當惹味。 菠蘿海鮮炒飯 炒飯表面鋪滿豐富嘅材料～ 有滿滿嘅鮮蝦、腰果、肉鬆同鮮蝦等，相當架勢！配埋新鮮菠蘿，入口鹹中帶甜，愈食愈開胃🍍 泰式黃咖喱蟹肉配蒜蓉包 一上枱已經見到相當足料嘅蟹肉鋪滿成個咖喱🦀 蟹肉鮮甜滑嫩，咖喱充滿椰香。旁邊嘅蒜蓉包烘至香脆口感，蘸上咖喱汁，吸盡咖喱精華實在太滿足✨

今日同朋友喺九龍城廣場，無意中發現咗呢間中菜小館，決定入去幫襯吓！ 餐廳座位幾多，當日兩個人食，無試太多小菜～ 一坐低已經聞到隔離枱傳來嘅香氣，見到佢哋叫左啫啫芥蘭煲，即刻決定叫返個！一上枱渣渣聲，超香！芥蘭新鮮爽口，加入肉碎炒～ 好夠味！ 另外仲試咗乳豬，可以1/4咁叫，二人分享都唔怕太多～ 乳豬皮烤到非常香脆，而肉質嫰滑，肥瘦適中，不愧為店內招牌菜！ 最後喺OpenRice見到好多人介紹試左芥末蝦球～ 蝦肉爽身又彈牙，被金黃香脆嘅炸皮包裹住，唔會過厚，點上微辣嘅芥末醬，清新開胃，不錯