食日式燒肉通常價錢都唔平，但上次試過呢間喺荃灣分店之後，發現性價比都幾高， 唔使傷荷包都可以食得飽飽‼️今次同朋友喺尖沙咀搵食就決定再入嚟幫襯一下🤭 餐牌原來update咗，之前嘅某啲套餐就冇咗喇，而家新加入咗一啲items～ 今次 散叫咗幾樣唔同嘅食物，加配咗生菜，總覺得用生菜包住豬腩肉會特別好食，增加口感之餘，又可以減退油膩😉 上次好似食咗豬腸，今次新item有醃製咗嘅牛腸，喜歡食內臟嘅朋友一定要試下😃

濟濟一堂燒烤堂🍡 留喺香港消費嘅人應該都發現到，香港好多餐廳而家晚市都比較清淡🥲 係咪又嚟到汰弱留強嘅時間呢？計Covid之後又再一次大洗牌？ 點都好啦，如果預到自己喜歡嘅餐廳，就不妨多多支持下喇‼️ 燒烤堂都算打出名堂，而家同朋友講起大家都已經知道佢哋嘅存在😂 口碑都算幾好，勝在串燒小食款式好多，價錢定位適中，幾款生啤仲有買一送一添🍻 Sapporo HK$48 buy one get one free😎 燒烤自然好食，估唔到佢嘅鰻魚炒飯 個性價比咁高，HK$58超大碟又多鰻魚粒🍛🐟

大角咀小店❤️‍🔥 ▫️ ✅️ 附近有停車場 ✅️ 奧海城行過嚟都得 ✅️ 有酒精供應 ✅️ 有單點同埋套餐選擇 ✅️ 餐廳做緊7秒快飲 #orion 挑戰🍺成功嘅話可以免費飲沖繩啤 Premium Stone Grill Set for 2 people HK$698 都算豐富，絕對食得飽，牛肉油花及肉味不錯⤵️ 📌日本九州A4和牛三角胸 Japan A4 Wagyu Chuck Short Rib 📌日本九州A4和牛上前腿肉 Japan A4 Wagyu Shoulder Clod 📌澳洲和牛封門柳 Australia Wagyu Hanging Tender 📌前菜 (三品) 📌沙律 📌櫻花蝦味噌湯 📌菇盛會 📌甜品 📌咖啡/茶 甜品因為原先唔知道會係咩嚟嘅，最後好有驚喜，係一球雲呢拿雪糕，再另外有宇治抹茶粉畀客人自己調出適當嘅濃度，之後加入雪糕內🍵🍦

我獻出咗我釣蝦嘅第一次呀😆 其實原先係畀呢度嘅海老湯拉麵吸引到嘅，因為喺社交平台群組度見到有人極推🤭 跟住發現原來呢度食滿HK$300可以有免費30分鐘釣蝦體驗🥸 又或者HK$140釣一小時，釣到幾多，會即場會煮埋畀客人食‼️ 鹽燒大頭蝦，火喉時間控制得幾好，大頭蝦巧多膏🤤至於其他食物真係見到台台客人都有食佢哋碗海老湯拉麵，用上自家蝦場嘅大頭蝦製作🍜 其他串燒嘅質素都唔錯，牛丸有驚喜，外層搽上蜜糖😌 咖哩魚蛋20蚊好多粒，咖哩醬汁都幾惹味🍡

貴為長沙灣嘅居民，其實想嚟呢間好耐㗎喇🤭終於搵到機會過嚟朝聖打卡📸 門口有半室外座位，可以帶埋寵物嚟🐶 一入餐廳就有兩個波希米亞風打卡位🍂 呃，而家餐廳做緊梳乎厘班戟半價優惠，甜品控唔好錯過啦😉 三重特濃芝士火鍋，好的色，看似份量好細，但係其實兩至三個人一齊share食都得～ 配料有香煎牛舌、西蘭花、車厘茄、薯仔及多士～ 香濃蟹膏手捲意粉配意大利流心芝士，製作需時意粉應該係佢哋廚房即叫即卷即煮，食落口感不錯，流心芝士加入咗明太子嘅味道，微微的辣，另外蟹蓋入面充滿住蟹肉蟹膏～ 甜品一定要叫佢哋嘅梳乎厘班戟啦，有幾款口味，我哋就叫咗開心果奶蓋梳乎厘班戟🥞 幾fluffy，開心果奶蓋個平衡做得唔錯，唔會太滯～ 小朋友揀咗個士多啤梨牛油果沙冰，用上新鮮士多啤梨同埋牛油果blend，再加入士多啤梨果醬做裝飾～ Healthy drink😉

講真的，任食火鍋通常的材料都同散叫差好遠  (除咗蔬菜粉麵類啦)。 今次嚟到呢間火鍋店 ，本來打算散叫，點知睇佢餐單，任食每位只係HK$228， 仲要有多款食物選擇！最緊要係肉類同散叫嘅一模一樣，即刻唔諗咁多，決定搏一鋪 😂 火鍋湯底揀咗，椰子雞，感覺清淡滋潤，大人小朋友都好啱食🥥🐔 喺揀緊火鍋食材嘅同時，因為太肚餓嘅關係，就先揀咗幾款小食嚟試下， 椒鹽豆腐甚為驚喜，質素同小炒／酒樓食到嘅一樣，佐酒一流！ 火鍋一定要食牛肉！呢度任食都有三款牛揀， 我最喜歡嘅就係安格斯牛小排，呢個價錢有呢個質素，真係冇得挑剔。 飲品方面有自家製嘅 竹蔗水薏米水，另外有大量罐裝汽水，仲有雪花啤酒，加少少錢可以變做其他啤酒任飲。如果有無糖茶就更加好喇。

本地創作 高質東南亞主題Cocktails🏝

約咗南昌區嘅朋友飲杯嘢，佢帶咗我去新鴻基新落成嘅Service apartment 裏面😯 Lobby開咗間Cafe & Bar 有一位Bartender係由中環分店過嚟坐陣👨🏻‍💼Lobby area樓底甚高，空間感大，有高吧枱位置，亦有矮枱，整體感覺幾chill😌


新推出嘅Menu以東南亞主題去設計 (HK$120@)🌴 幾特別👍🏻 每杯都由bartender用心調配，我哋飲下飲下，結果menu上嘅6️⃣杯都飲哂😆

🍸Sour Guava 番石榴高球
Refreshing choice, light on alcohol
好似飛咗去泰國蘇梅布吉度假區到chill緊🏖

🍹Cyclone Bitter 苦瓜菠蘿旋風
Representing Okinawa 日本沖繩風

🍸Cold Brew Gardenia Tea 梔子花茶
用上NIP Gin加自家調製嘅花茶，呢杯我會聯想起台灣🍵

🍹Sticky Rice 糯米飯
呢個不得了🥭係芒果糯米飯甜品呀，仲要勁IGable

🍸Salted Soy Milk Martini 豆漿馬天尼
豆漿做主角，鹹鹹地，上面係脆脆油炸鬼🥖

🍹Stardust Penicillin 班蘭盤尼西林
星加坡嘅代表，我原本怕會太甜嘅，但係飲落完全唔會，balance做得唔錯💟

已經2️⃣回訪呢間拉麵🤭 話曬都係日本過江龍 ，仲要主打日式麻辣➕️芫茜，簡直特登為我而設咁😆 之前係食尖沙咀分店嘅，今次嚟到旺角分店，星期日就要排隊喇，都幾多捧場客喎～ 湯底都幾濃厚重味，配用咗粗條拉麵，咁樣食落去就唔會太過油膩啦🤗 辣度麻度都有得揀🌶 朋友唔係好食得辣，所以叫咗小辣加咗隻溏心蛋🥚 個蛋黃一流🤤 而我就叫咗中辣多麻多芫茜版🤩 下次要挑戰大辣‼️‼️ 五花腩軟嫩入味，好食 食得拉麵當然要加埋碟煎餃子啦，日式餃子無得輸🥟

Chill dining spot at the Science Park, with air-conditioned indoor seats and outdoor (pet-friendly) high-tables🌾 Serves contemporary & Korean cuisines. Must try their Baileys Latte‼️ 帶咗狗狗去，諗住坐室外，可惜天氣不似預期🥲 雖然停咗雨但係戶外嘅高凳濕咗，所以我哋就坐唔到喺出面～ 好彩🐶 好乖，坐咗喺附近望到我哋嘅地方～ 餐廳對出係一大片草地🌱狗狗們可以舒展下筋骨🐕 ▪︎▪︎▪︎▪︎▪︎▪︎ 📌阿根廷紅蝦龍蝦汁闊條麵 📌 香煎石斑柳配滑薯蓉 加錢可以配埋黑松露菇菇湯或者龍蝦湯及飲品 ▪︎▪︎▪︎▪︎▪︎▪︎ 📌 想嘆杯咖啡又想飲啲酒嘅，強烈建議試下佢哋嘅Baileys Latte，調教得味道唔錯，仲有埋拉花添～ ▪︎▪︎▪︎▪︎▪︎▪︎

我平時好鍾意食海南雞，亦都鍾意食泰國菜，咁啱畀我發現咗屋企附近竟然開咗間泰式海南雞店！巧開心！仲坐得幾舒服添。 睇openrice食評比較多人叫二人套餐，所以我都揀咗呢個餐，真心豐富，擺到成枱都係！ 有半隻雞、一款小菜、一款小食、兩個例湯、 一款油菜！HK$200有找，冇加一服務費。 我另外以優惠價加配咗飲品，之後發現佢哋免費提供嘅茶勁好飲，係蜜桃烏龍！ 隔離枱問店員有冇得散茶葉😂 海南雞都算幾大隻，兩個人絕對夠食， 仲有埋一隻 鹵水糖心蛋。另外小菜叫咗佢哋推介嘅生菜包金不換辣肉碎，主食可以揀白飯、油飯或者河粉。小食揀咗炸雞軟骨，好脆口～