7:10入座 7:20點好嘢食，叫咗雞煲同兩個打邊爐鍋 7:50 生嘅食物開始到但未見有煲 8:00 阿姐問返我係咪叫咗雞煲 8:10 先見到啲煲嚟 嚟到嘅雞煲要再滾，但啲爐壞壞哋 煲緊都唔滾。野菌湯 沙爹湯 番茄薯仔湯全部得個色 無味嘅。嘢食好普通 衰過平時喺街市自己買返屋企打邊爐。人手唔夠 湯都加唔到。收費超唔合理 無勝價比可言。 以前有食過其他一品 但味道同服務都係正常。今晚呢度全部都應該係小紅書效應，全場都係非廣東話。 真心講句，垃圾到請我都唔會再嚟食！ 人均要$300 食佢樓下間酸菜魚都仲飽啲！

同友人一行四人食生日飯，以前成日一齊去新加坡出business trip，而家無得飛，唯有喺香港搵搵有無記憶中嘅味道。 行入餐廳，裝修唔錯，門口係卡位枱，幾decent。點知行到入面就好似街市咁嘈⋯唔知係因為啲枱太迫定咩原因，嘈到根本無辦法講到嘢🙁 由於同枱有兩友朋友唔食蟹，所以今次馳名chilli crab同胡椒蟹都唔緣喇⋯ 不過目測隔離枱叫嗰隻蟹都相當大隻，$488呢個價錢都非常合理！（街市買呢個size嘅蟹都要二百幾😎） 結果我哋四個人叫咗麥皮蝦，南乳單骨雞翼，炒芥蘭，海南雞半隻，龍蝦炒叻沙同埋一枝moscato。全部都非常出色，尤其係個麥皮蝦，雖然佢唔係新加坡嗰種嘅做法，不過佢都有做到個奶油香同埋隻蝦都好大好彈牙👍🏻 炒芥蘭係少辣嘅，不過又幾過癮。不嬲嫌芥蘭苦嘅我，都食咗好多。 不過overall個portion都係偏細，如果係男子漢嚟食呢個份量應該唔夠！ 最尾因為要有生日驚喜，所以有叫到兩個甜品。一個係椰子flavour 拼盆，唔算好驚喜，不過鍾意椰子嘅都可以一試。另外就係個燕窩椰皇，真心好味！絕對可以再encore 🤤🤤🤤 Overall 係一間有水準嘅餐廳，如果唔熱坐出outdoor 一定好chill😌