下午茶好好食好抵食！連星期日都有下午茶。 原諒我肚餓到唔記得影相。 我叫左輕量生牛肉船河，唔辣，湯底入味，仲有炸豬皮，輕量的只是河粉，但牛肉片有5-6塊！呢碗麵好抵食！ 友人叫左輕量豬扒船河，香茅豬扒有3大塊！豬扒入味，又淋又鬆化，好食！ 輕量驚唔飽，小食叫左牛油雞翼，好香牛油味，炸到金黃色，外脆內多汁，鬆化好味！ 杯裝芒果糯米飯，好迷你，但作為餐後甜點 份量足夠了。同出面食到的椰汁配糯米飯不同，這杯只有芒果蓉做topping, 但芒果蓉酸酸甜甜，配合糯米飯也是一流！雖然飯底非常結實。 總結，我會多d 幫襯，真係好好食同好抵食！

經openrice訂座 星期一至四晚市有8折！ 用Openrice Pay經visa 信用卡付款，滿$200減$50！ 雙重優惠下，我食了一餐性價比好高既晚餐 XD 燒西班牙黑毛豬架真係好好食！燒得好香，好入味，基本上唔使點sauce！肉質嫩滑，肉厚仲要全熟，呢點我比十個like ! 連配菜都好好味😋 黃金蟹肉意大利飯是甜的，並不是咸蛋黃的咸香味，有點出乎我意料，幸好我有咸的燒豬肉中和下。 服務員每位都好高質，勤加水，勤收碟，每度菜食完接每度菜上來，一絲不苟。成個過程都感受到什麼叫服務一流 ！呢d 餐廳值得到店幫襯！

夢幻熱氣球 少女系的粉紅色棉花糖，加上淋了士多啤梨醬的雙色雪糕，很美呀！ 影完相了，現實係：酸的朱古力牛奶雪糕，味道怪怪的🤨 點解要加士多啤梨醬...... 我覺得麥記的新地更好食～ PS. 明明雪糕有多款口味，但有棉花糖的雪糕只有朱古力/牛奶味....... 朋友食的漢堡包好像不錯，下次要試下主菜.

曾經光顧過大坑分店，La Famille戚風蛋糕的口感鬆軟，一試難忘。現在開了4間分店，地點方便就腳，當然要去捧場了！ 看Menu, 10cm迷你cake 的口味就有21款，令人花多眼亂。說是眼亂，但星期六5點去的我，只見玻璃櫃內的迷你蛋糕口味只有五六款，我沒太困難地就選擇了炭燒咖啡味😋。 晚上從雪櫃拿出來吃，一刀切下去非常有彈性。一啖放入口，嘩！韌既？戚風蛋糕係韌架咩？還是我唔應該放入雪櫃？我覺得雪芳蛋糕仲鬆軟過佢。媽媽說可能不是今天製造的🙄...... 講番味道，入口有股淡淡的咖啡味，不過不失。但千祈千祈唔好食左上面粒咖啡朱古力先！因為食完之後，個蛋糕就吃不出任何咖啡味了😅。 希望下次訂原個蛋糕可以找回昔日的鬆軟。 *重點：唔好以為迷你cake會比埋個玻璃罩你，係無既！但個紙盒又好鬼高，原因不明。

九點幾二個人想係灣仔搵一間坐得奈的小餐廳食晚飯係幾難的 ~ 唯有往銅鑼灣進法 , 行下行下, 見到呢間小菜館無咩人, 價錢相宜, 使入去嘗一嘗了 ~

前菜 : 芥辣螺片 - 冷盤來的 , 不太搶鼻 , 螺片又"林"身 , 不錯 !
主菜 : 糖醋魚塊 - 好大碟 , 味道不錯 , 可惜我嫌d魚塊太"林" ~ 7-8塊魚柳 , 一個人實食唔晒 ~
東北雜炆煲 - 材料任選 , 我們選了窮雞肉 (有骨雞件) 配豆腐 , 娃娃菜 , 茄子. 雖然湯底無咩特別 , 不過呢煲雜炆係好食的 !
P.S. 好大煲 !!! 除了材料外仲有薯粉打底 , 又係一個人跟本食唔晒 !! (可惜服務員無懷疑過兩位女仕的食量 =.= )
菜飯兩碗 - 小菜唔跟白飯 , 要另點 .
甜品 : 拔絲蘋果 - 用忌廉梳打過冷河的拔絲蘋果 , Surprise !!
熱糖漿經過的冷河後變脆 , 做到外脆內爽既感覺 , 仲要有淡淡忌廉香味 , 超正!! (可惜服務員做不到"拉絲"的效果)
P.S. 服務員話拔絲士多啤梨仲好食 , 不過要預訂 , 咁佢地可以即刻去買 ~ 太有heart 了 !

(以上應該是三位女仕份量 ......)
總括 : 路邊一間小菜館做到比想像好的味道 , 值得一讚 ~ 需要地方細小 , 不過三五知己去叫幾款小菜食、談談心是不錯的選擇 !

今日初一要食齋, 就黎到呢間餐廳食 Veggie Lunch 了 ~ 一行四人一點前已經來到門口排隊, 我想我們排多過半個鐘了 ~ 因為坐位小 , 就算有人出出入入, 條龍都好似無短過咁 ~ 夏天真的不宜來這食lunch , 越食越熱 , 面對更好吃的食物都會變得亳無胃口 ~ 幸好今天無太陽 !!
我叫了日式咖哩吉列豬排有機糙米飯 , set lunch 包餐湯 (南瓜湯) 和 一款飲品 (花茶) . 大大塊豬排食落有口感, 又香又鬆化, 完全唔似食緊齋 , 本人加友人都覺得比真的豬排還要好吃 !!! 推介 !!! 而且芝麻令糙米飯食落口更香 ~ 此餐可選配有機意粉 , 但本人覺得意粉質感比較硬身, 配咖哩食亦好怪 (唔match) ~ 不過等呢個飯要15min, 好在佢一早拎南瓜湯比我地飲 , 打左個底先 , 唔係真係會餓死左 ~
臨走時 , 我地問佢(未炸的)豬排有無得買 , 佢竟然話有 @0@ 而且只需$10 , 要預訂 ~ 咁都抵啦, 一個$66既餐 個精粹就係件豬排(大豆製品) !!! 我下次一定買番塊試下 !!

昨天中午跟同事去了稻滿廚藝 , 嘗試西式半自助餐那邊的食物 ~ 因為要 farewell 同事 , 一星期前已訂了 20人的座位 , 當天亦有 confirm booking , 但去到時 , 職員竟要我們分3張枱食飯 - 1張長枱 + 2張細枱 ... 仲要唔係隔離 , 3張枱都分得好遠 , 咁你無連位係咪應該同我地講聲呀 ?! 就算無廿人大枱 , 都應該比3張連枱我地呀 ?! d 職員話人地都book 左 , 分明係佢做唔到野啦 ~ Seat arrangement : 0分
到叫main course了 , 職員話要等好奈 , 叫我地一次過落單 , 結果真係等左半個鐘先有得食 ~ 肉眼排餐無問我地要幾成熟 , 大家都不以為然 , 出到黎原來有9成熟 , 個個都傻眼了 , 內質硬到入不了口 , 我朋友幾乎沒吃過 ~ 其他的主菜也是一般水準 , 令人聯想不到我們身處酒店餐廳之內 ~ 之後叫飲品 , 職員說熱飲要自己出去弄 , 凍飲就佢沖比我地 . 我地叫了凍寧茶 , 凍啡 ~ 估唔到凍寧茶無茶味 , 凍啡d 糖多到嚇死你 ~
唯一可取之處只有 salad bar ~ 有多款salad 配料, 甜品, 湯 , 糖水 , 一盤雜菜 , 一盤麥樂雞 ~
下次再去 , 只會去飲茶個邊 ~