我哋三個女仔lunch食得太飽，所以夜晚打算輕食，第一時間諗到食沙律，但係一到咗夜晚，上環就會變成美食的沙漠，好多舖頭都唔開。 於是乎上OpenRice look look先，就見到呢間poking ，入去望望Menu, 食物都幾精緻，不過價錢就……但係一個鐘食飯時間，真係冇乜選擇，所以我哋都決定去試吓。 去到舖頭，小店一間，大約十幾個位，坐低用QR code落單，我揀咗自選沙律bowl, 糙米飯加沙律菜打底, 刺身三文魚為主菜，配菜係蟹柳、蘑菇、紅腰豆，上面再鋪滿咗木魚絲同飯素，再淋啲芥末乳酪沙律醬。 當個沙律bowl送上枱時，我都嚇咗一跳, 個bowl 都幾大下，仲要鋪到勁滿，完全無從入手🤣🤣三文魚都幾新鮮，其他配料都好好味，呢間嘢性價比真係超高，期待下一次🥰🥰

是次慶祝兒子生日 於是選擇較有趣味的餐廳 海鮮選擇都頗多 唯獨貴妃蚌成日都拎唔到 肉類,飲品選擇都唔少 但係熟食就太少喇 而且冇甜品， 不過都有幾款雪糕 最吸引都係蝦缸，喺枱隔離， 可以慢慢夾 兩個鐘時間都夠食

1行3人叫咗 半隻雞煲 烤魚2人餐 再加其他火鍋配料 仲加酒水 味道都幾好 但係配料選擇少，可以選擇既材料唔多 要收茶錢同花生錢 要但係除咗第一杯清茶， 就再無幫我地加過啦🫣 不過碟花生，都幾好味。

落到尖沙咀，想食韓國嘢 當然第一時間諗起韓國街啦 可能好耐冇嚟過 又可能疫情關係 成條街得返幾間舖頭 見到呢間餐廳，幾光猛 又有炸雞食，所以就入咗去 坐低第一句，oppa就劈炮用餐時間得75分鐘 音樂播到大聲，環境完全唔適合小酌兩杯同傾吓心事。 韓式炒粉絲: 味道偏甜, 都OK既，不過就唔係乾身嘅，炒到水汪汪 三色煎餅: 南瓜同泡菜味都好食，但係蔥煎餅就……. 魚糕湯：蘿蔔同湯都ok, 其他就好似佳寶啲雜丸🫣 甜辣炸雞; 賣相就ok, 味道完全唔得，d 粉多到完全食唔到肉！

1年最尾既一日， 選擇食d唔一樣既食物 最後決定素食， 朋友係其他分店試過，都ok既 一入黎，樓底高，以藍色為主， 地方唔太大，適合2,3個人吹下水，影下相， 食物好好味，餐具同碟都好靚，玻璃杯就拉低咗小小分數，唯一就係要行斜路上黎。

約咗朋友食飯 想食羊腩煲，唔知邊間鋪好， 上網睇吓，呢間好多人講，咪試下佢 1.羊腩煲(中): 好味,又唔係太羶味， 腐乳冇乜特別, 所以都冇乜點過，之後再加靈芝菇,牛柳粒, 鱸魚片打邊爐 2.酸菜魚(小)： 真係酸菜好味過魚，個湯底都好好味 3.椒鹽豆腐： 係我食過最好味嘅豆腐，入面超滑，出面超脆，yummy 4.炸粟米： 本身唔係叫佢，不過老闆娘落錯單，見賣相幾好，就照要咗，不過都幾好味 叫咗6支啤酒，2支茶 買單＄1300左右

落到堅尼地城， 見到鋪面都光猛， 又行到攰攰地， 所以無上網睇comment就直入。 點知，d食物係可以甘難食， 只能夠用垃圾2個字去形容😡😡 炒粉絲，係唯一可以食到既野，但係份量就得小小，$88 海鮮煎餅，厚到不得了，入面全部都係面粉，海鮮？我完全見唔到，$98 甜醬炸雞，仲過份，唔脆不特止，啲皮仲要係沐嘅，粉粉地，😫😫$160 鋪頭得果幾枱客，麻煩佢加水， 都要叫完一次又一次， 原因就係要等佢抹完杯，攞好先肯過黎加水。