呢間榕記之前係九龍城好出名架！原來搬咗黎觀塘，係APM後面嘅大廈，仲就腳👍🏻 星期六嚟到，都有唔少客人黎幫襯支持，但老闆仍然好熱情招待，又介紹餐牌又介紹呢度嘅special！ 我就叫咗自選車仔面，揀咗胡椒豬肚湯底，好足料！餸就揀咗鮑汁花膠、豬肚同蘿蔔，推介花膠，煮得剛剛好，加埋鮑汁，完全唔係普通車仔麵level啊！ 另外叫咗個小食，雞絲碗仔翅，再加咗酒香藥膳底，呢度嘅藥膳真係好出色，必試！ 跟餐嘅中國茶都唔係頹貨，好香茶味👍🏻 老闆話呢度有個special限定！就係夜晚可以係出面outdoor嘅場到BBQ，係市區有得懶人BBQ，食材仲要由老闆精挑細選，下次一定要嚟試試。

呢間係旺角嘅一鍋堂，榮登我最愛食嘅火鍋😍因為佢價錢合理，湯底選擇多又特別，火鍋配料新鮮又乾淨，服務快手👍🏻絕對要試！ 呢度真任食2小時，只係$168加一，9點半後仲只係$148加一，以咁高質嘅食材黎講，真係好抵，但實在太受歡迎，一定要記得book咗枱先啊！ 湯底有16款可以選擇！仲要冇頹貨！睇得出係落足心思！我哋就揀咗櫻花蝦紫菜，遲啲凍啲再黎食藥膳🤤 前菜、甜品、雪糕、自家製涼茶、汽水同菜都係任拎，添得好密，經常都常滿👍🏻而且真係好衞生！ 其他火鍋配料就係上網落單，好方便。有部分配料可以選擇叫半份，咁就可以留肚食多啲野！選擇超多，其中最推介就係呢度嘅牛肉，好嫩🥰仲有手打嘅丸類👍🏻海鮮👍🏻

朋友生日話想食西餐慶祝，見到雅蘭呢個餐廳覺得幾就腳就book咗位~唻到見到有3款二人餐揀，意粉、pizza、肉食，花左啲時間先決定到😂不過用app落單好快就有得食，我地點的洋蔥湯有驚喜，好多洋蔥粒，而且仲有法包，係正宗做法😍食埋沙律就上主菜，我地叫左牛油果烤雞pizza，呢個配搭真係無得輸😋而且餅底唔係厚厚的麵糰，而係類似手拉薄餅咁，2個人share都唔會太飽😈另一個主菜叫左青醬意粉，又係經典味道，好fresh，又勁多配料，好滿足😝呢個兩人餐的份量真係岩岩好😍最後仲有甜品送，餐飲方面加12蚊仲可以轉紅白酒添！真係性價比好高的西餐，下次想再唻試埋啲肉食😆😆

鑽石山荷里活廣場3樓戲院入邊，原來有間好味日式餐廳—風月堂 洋菓子BAR！以前一直以為佢只係賣小食同埋爆谷，原來仲有唔少嘅食物選擇，仲可以堂食。包括有一系列嘅西式意大利粉，鹹嘅同甜嘅法式pancake，同埋甜品嘅窩夫。 我哋要咗一個芝士法蘭克福腸意粉，另外加一個芝士雞肉法式pancake。我哋冇叫窩夫，因為怕食唔晒，但係真係好吸引呀，詳細睇仲知道原來窩夫機來自美國，下次一定要試吓。我本人都係日式西餐嘅fans，見到師傅曾到日本學習，即刻心心眼。真係好好食呀！其實除咗嘢食好味之外喺呢度坐個環境都好闊落同埋輕鬆真係唔錯。

今次嚟到呢一間係銅鑼灣嘅Steak House，非常唔錯嘅，佢主要有四款扒俾大家揀，分別係香草平鐵牛扒、客席主廚平鐵牛扒、美國谷飼平鐵牛扒、西班牙粟飼豬鞍扒，加上有一款終極漢堡。 我哋分別要咗一個香草平鐵牛扒，同埋一個客席主廚平鐵牛扒，入口鬆化，仲有淡淡的肉汁，唔會太乾，唔會太硬，好滿足😌😌 之後跟餐嘅話會有一個藜麥吞拿魚沙律，再加一個西式自家靚湯，係一個好重香草同埋忌廉味嘅蘑菇湯，十分之足料。 另外特別之處就係薯條係任食嘅，冇錯係任食，所以你揀好咗主菜之後可以慢慢食住薯條等。 另外一個唔少得嘅就梗係佢啲飲品，有幾款比較特別嘅飲料包括有dirty lemon tea, Dirty lemonade and really dirty lemonade. 佢特別嘅地方係佢煮開咗啲檸檬同埋焦糖之後整檸檬茶，或者加梳打水或者再加少少威士忌添。真係幾特別！另外一讚佢哋係用紙飲管，有環保意識👍🏻👍🏻

喺旺角始創中心地下果層有唔少食肆，但係呢間台灣麵應該係新開嘅，裝修幾靚，入邊仲有天燈，九份、台北市等等嘅風景作為餐廳嘅裝飾，又唔算好逼就入咗去食。 呢度最特別嘅係雙排雙格餐，一個飯可以選擇A+B 或A+A 之類，咁樣就每一種都有半份，加埋就係一個全分。例如你可以要半個紅燒牛肉麵，再加半個滷水豆腐肉燥飯等等。所以就可以一次過滿足幾個願望。我哋兩個人食叫咗一個招牌紅燒牛肉麵再加滷水雞翼肉操飯，另外要左一個糖心滷蛋豆腐肉燥轉左台灣米粉，配蒜香雞翼飯。兩個人嗰餐仲各自有一杯嘢飲我哋叫咗一個芋香牛奶同埋一個珍珠奶茶。個份量就真係好唔錯，食完兩個半分好似仲多過一個餐，雞翼都各自有兩隻，個牛肉麵仲不得了牛肉又軟，有台灣風味之餘又夠食，舔舔脷！另外不得不提嘅係佢哋主動唔俾膠飲筒，要先至問佢哋攞返，夠晒環保意識啊。👍🏻👍🏻👍🏻

Happy Lemon都係APM開咗好多年喇，亦搬過舖位，近年轉咗名，Menu又經常推陳出新，吸引咗我去試吓喇。特別呢排天氣咁熱，係APM電梯口嘅Happy Lemon就夠晒就腳! 近年興黑糖XXX，HappyLemon都有跟上呢個潮流！今日我就叫咗黑糖4.3鮮奶試試，$32就有大杯，而且任選兩種配料，我就揀咗珍珠同仙草。 另外一杯朋友就叫咗益力多晶鑽綠茶，中杯，甜度同冰度都可以自己選擇，益力多加綠茶卡路里就低好多，啱晒注意飲食嘅美女們😋 見到佢仲有得叫外賣，係附近返工不妨可以試吓叫🥰

今日同屋企人喺沙田搵食，見到沙田河畔有一間台灣菜，癮起想食就不如試吓啦。 見到餐牌寫住廚師精選軟殼蟹芒果米紙卷，加上OpenRice咁多人都讚好，就一於點一個啦，另外仲叫咗台南咖喱牛筋腩手抓餅，豬手，紅燒半根半肉麵，珍寶三色冰粉。嗰個咖喱牛腩不得了，除咗有唔少嘅啖啖肉牛腩之外，仲有牛筋同埋薯仔，差啲想叫碗飯撈埋啲唔辣有惹味嘅咖喱汁。紅燒半斤半肉面都不得了呀，有得揀粗面定幼面，又唔算好辣，好好味，牛腩入口即溶，屬於必點之選。至於甜品本身諗住嗌窩夫，但係又驚食唔晒會浪費，所以叫咗一個珍寶三色冰可以三個人分，個份量三個人食差唔多，驚喜係個底竟然有啫喱，唔係成碗糖水，老人家食都健康啲。食咗咁多嘢埋單都係$300咋!!

十和田新開在Mikiki商場內，空間大，座位也舒適，午市時來好好享受一下。 這裡都採用自動點餐，只要在桌上的平板選好午市套餐，食物就會很快送上，套餐選擇有非常多。

二人分別選擇了刺身拼鰻魚飯及午市壽司套餐，因為聽說這裡鰻魚很有名及很新鮮。

午市套餐均附有蒸蛋及麵豉湯，蒸蛋很滑，而且有很多配料。 壽司套餐份量不少，有8件壽司，6件小卷物，壽司飯有很香日本醋味，很正宗。鰻魚超長一條，很新鮮。
朋友點的鰻魚飯，也是很高質素，刺身每片都超厚，好多肉，好鮮甜。
附送的日本菜也很不錯，值得推介～～

環境 呢間養生殿喺旺角女人街嘅Deli2，就腳👍🏻入到去環境超闊落，2人都會畀大枱，唔洗驚啲火鍋配料冇位放。 服務 門面都好多侍應，每個都好快回應，而且落完單上得好快，餓鬼都唔洗擔心！ 食物 今晚食嘅食材同湯㡳全部都好滿意😍唯一缺點係份量好足，我哋兩個女仔食唔晒😂 湯㡳我哋選擇咗酸菜白肉鍋拼養生鍋，雙拼唔洗另外加錢👍🏻叫嘅時候唔知原來個湯㡳本身都有好多料可以食，而且好好食，可以叫少一啲食料😂 酸菜白肉鍋 - 推介👍🏻👍🏻入面嘅酸菜超好食，夠晒酸，入面嘅酸菜同腩肉食晒仲可以再加🤤入面仲有寬條QQ麵。 養生鍋 - 超足料嘅藥材補湯，入面有鴨血同冷豆腐，同樣可以追加，鴨血好爽口，湯底足料有多種藥材。 極上雪花肥牛 - 入口即溶，超嫩滑嘅肥牛，份量好多！ 千層凍豆腐 - 喺唔知養生鍋入面有嘅情況下叫咗😂吸晒啲湯精華好好食。 鵝肝墨魚丸、黑松露蝦丸 - 兩款丸都好特別，特別黑松露味好出。 自家製極品水餃 - 份量大，一隻等於平時兩隻😂 響鈴 - 呢個自製響鈴一定要叫，比起平時啲cheap響鈴香脆好多，厚度剛好。 雜錦蔬菜盤 - 叫咗咁多肉就叫咗樣蔬菜平衝吓，點知蔬菜又咁大兜XD 蔬菜全部都好新鮮，夠晒多！