如題，只係適合飲酒，晚餐真係麻麻。本來睇Openrice食評都唔錯，餐廳環境同空間都大，就膽粗粗去試下，點知中伏。 叫左2個set dinner 同1個小食： 1)海膽汁帶子意大利飯~個飯好硬，同個海膽汁唔知係咪落咗酒，d味好怪。 2)明太子蟹肉意大利面~1個字，好咸。。。 3)最有趣係叫咗個炸魷魚圈，上桌時見到都無乜炸粉，還以為叫錯咗，點知侍應話係炸魷魚圈，o咗嘴。。橫睇掂睇都似係煎喎。。 以1個餐來看要$140左右來睇，水準可以話好差。附近都大把選擇，唔會有下次囉

今日明明打算帶親戚去試下佢未去食過的餐廳，睇食評都知這間餐廳一般般，尤其係服務方面。但之前食都Ok, 點知今次就被玩囉明明去到見到無需要攞飛，咪直入，侍應都帶左位，好死唔死個收銀話有人按飛，趕咗我3人出嚟話要攞返飛先可以入，咩道理，明趕客。。一肚氣最後走人

以德式鹹甜pancakeu出名的餐廳，有多款選擇，而且見到openrice訂座8：00pm有85折，咪去試下囉，但有趣的結論係意粉比pancake好食 明太子忌廉意粉~好好味，creamy, 明太子有少少辛辣的感覺，正 巴馬火腿鹹pancake~有趣的是個pancake係甜，巴馬火腿又鹹鹹地。。總之都係清爽組合，鹹鹹甜甜 黑糖紫薯pancake~其實一句到尾。。都好甜下，因為個pancake本身有少少甜，紫薯又甜，還要加黑糖漿。。。等於超級甜，食唔出其他味道。

行到去又新街，見到間門店靚靚的甜品店，就入去試下。。。點知。。。。中伏中伏 青蘋果梳打（$21）。。。個朋友話得個甜字，自己在家沖都好過佢 心太軟（$48）。。等了很久，第1個話師傅整得太流心太快垮，要再整過，所以耐咗，但第二個上圖的，送到嚟都一樣係垮。。。而且入面的朱古力還有一大塊未溶。。。從來未食過如此的心太軟真心嚇親。。 之後再補番第3個。。。但味道一般。。。還有些少朱古力未溶解。。。。。。 成個過程，做咗3次，足足等咗大半個鐘 總結:無下次。。。。。

見到openrice介紹有新店，開响朋友公司附近，而且係我知個朋友都唔知，所以即興柴娃娃膽粗粗去試下。。 一去到一個客都未有，好似包場那樣，不過夜d都有d客人嚟，睇d點心圖就好靚 先嚟咗個蜂蜜馬拉糕 + 彩雲蝦餃 個馬拉糕好香，味道都唔錯，鬆鬆軟軟的；但個彩雲蝦餃就敗在個皮厚同硬，個餡就一般蝦蓉，味道尚可。 之後就嚟咗個黑超流沙包，有型又幾好食流心但就唔太熱 金魚餃，個樣睇落好靚好精緻，食落個餡同個彩雲蝦餃差唔多，但這個個皮就薄d好食d 最吸精的就係這個芒果芝士龍王酥，個龍船擺出嚟好型，本來好期待，但食落就都好“流”，又冇乜芒果，反而似食炸版的蝦餃，如果入面係多d水果/蔬菜，就好似蘿蔔酥清清d甜甜哋反而好食d 唔知係咪我哋係晚上第一枱客，師傅還送咗個小雞造型的鳳梨酥比我倆食，這個新鮮熱辣反而有驚喜，好好食 總結：這間店賣的係精緻點心，好靚，但味道就一般般，但都可值得一試。。

週日出遊尖沙咀，經過新開的雪糕煙囪捲有人排隊買，好奇心之下都去買嚟試下但佢就話要等15~20分鐘。。應該係師傅仔行開咗，舖頭當時得番個女仔。。。好彩唔趕時間，就去隔離Cotton on行下等下。。。 叫咗個B~朱古力雪糕煙囪捲配焦糖爆谷同朱古力醬（$38） 新鮮熱辣辣的煙囪捲（花生）好鬆好好食，但返而個朱古力雪糕就普通d, 而且朱古力味唔太濃，如果佢個雪糕可以變做黑朱古力就勁正 總結：都值得一試，唔想食脆筒的另一選擇

星期六晚6點鐘，見閒來無事去咗屯門逛，但市中心人流好多，尤其推喼的大陸人，所以就為咗避開人潮走咗去虹橋揾揾食。。。想起人氣章魚燒，以前好多人推介但無時間過去食，朋友都話閒閒地都要等30~60分鐘。。但神奇的事發生咗，當日晚上6點去到買。。。等咗0分鐘。。。唔知係好彩定熱潮已過， anyway 有機會試下 間店向後巷，附近店舖都關咗，都有d隱蔽 重點來了，超多蟹籽章魚燒，好多好多蟹籽，又好細心將木魚放邊邊，唔使一下子放上面頭腍晒 味道：整體味道都唔錯，醬汁夠多，而且蟹籽夠多，但一個人食晒8粒就好滯。。。

又係閨蜜每月一聚的時間，午後2點左右食午餐，發現華都1樓多了很多小店，有細細間餐廳仔，又有好多小食店。。。同以前最多書店的時期已經不一樣了！ 今次找來的是間小店~US813, 大家都貪佢冇限時，坐幾耐都得，食物方面有朋友試過都ok就決定食這間。 煙肉秀珍菇小食~個秀珍菇太韌又冇味，同個煙肉加黑醋唔太夾 蝦威夷6吋薄餅（下午茶餐，包一杯紅茶）， 足料，味道都幾豐富，如果當正餐有另外大size的薄餅 套餐的紅茶，補差價轉了洛神花茶 明太子蝦意大利麵，近期好鐘意食明太子，味道夠濃又多明太子，而且比較清爽，唔太漏。。。 芝士焗德國腸意大利飯好漏，芝士都好creamy, 但味道就偏淡咗少少 水蜜桃沙冰~夏日炎炎飲杯冰好舒服 芒果沙冰~夏日炎炎飲杯冰好舒服 總括嚟講，食物水準中上，環境都唔錯，响屯門市廣場嚟講係可以hea一hea的地方。。。

自從對上一次去咗間冇乜嘢食揀，冇乜飲品揀又常漏單的放題後，一直都耿耿於懷。。這次終於選對了，這個場夠大，坐得舒服，而且係星期二，人流又唔多，出面有自助的飲品櫃3大排，自助的有一些沙律熟食，雪糕雪條，yummy yummy 我就覺得這裡的熟食比較出色，又有自助雪糕機~乳酪/蜜瓜，選擇款式多，下次會再去~~ 朱古力雪米糍~好juicy 壽司除咗飯大舊咗d, 鵝肝細粒咗d外，味道唔錯 三文魚厚切，同蝦蝦蝦。。赤海蝦，甜蝦，虎蝦 海膽就一般 羊架（冇膻味同夠腍），芝麻雞翼（香脆），燒菠蘿（清甜）推介 叫到一枱都係

週日先嚟打風，係好事定唔好事。。。當然係好到爆。。。可能係因為打完8號波又落大雨關係，這間K11來自韓國的pop-up store，竟然冇人排隊，當然要去朝聖下啦!