呢間火鍋店嘅裝修充滿土耳其風情，用嘅餐具都係色彩繽紛，完全唔覺係間打邊爐嘅餐廳。 一埋台就見放滿調味料同小食嘅九功格。小食有手拍青瓜同麻辣雲耳，兩款都係酸酸辣辣的，好開胃下。 呢間有好多款湯底揀，好多款都想試。最後嗜辣嘅我地就揀左麻辣卜卜蜆濃湯鍋。 蜆嘅量都好多吓，我地四個人每人起碼食到十幾隻，雖然蜆肉唔太大粒，但粒粒都肥同鮮甜🥰加埋麻辣香，唔洗點醬油食都已經好惹味。 黃金雙拼 $98 係鹹蛋黃醬加上炸魚皮同響鈴，魚皮就咁食好香口好正。響鈴落湯淥一淥，吸少少湯汁食會好味啲。 秘製清酒牛肉 $148 呢款牛肉火鍋料比較少見，用清酒醃完後牛肉好冧帶有酒香，就算淥熟後都仲食到牛肉中嘅酒味👍 手切頂級安格斯牛肉 （細）$248 每片牛肉都肥瘦均等，食落帶有牛味。可惜係份量偏少。 新鮮聖子王 $198 一份有四隻大聖子，肉質好彈牙鮮甜，好好食👍如果一份多幾隻就正啦～ 蟹黃豚肉餃 $78 餃子皮幾薄幾嫩滑，食落有蟹鮮味，唔錯! 肉丸拼盤 $148 一份有10粒，有菠菜豬肉丸，鯪魚丸，蟹籽鮮蝦丸，芝心牛肉丸同黑松露墨魚丸。全部都係手打丸所以好彈牙，當中最鍾意芝心牛肉丸，一咬落去中間啲芝士爆出黎，好正😚 足料竹蔗茅根 $68 連竹蔗茅根都可以打卡😆 味道清甜又解辣，打邊爐必飲。 總括黎講，呢間火鍋店環境同食物質素都唔錯，但份量偏少，要有飽肚感應該要叫啲澱粉質黎填肚。

之前公司聚餐同同事黎過食覺得唔錯，所以再約朋友黎食過。 裝修都好有日本feel，可以幻想下去左日本旅行😂 軟殼蟹加州卷 $188 除左加州卷，原來仲有跟一隻炸軟殼蟹同沙律菜。加州卷有除左有軟殼蟹，仲有牛油果😍而原隻軟殼蟹都炸得香脆而唔油膩～ 一門沙律 $78 沙律菜加酸酸甜甜嘅dressing,好fresh好開胃。 白身魚薄切 $240 魚刺身切得好薄，望落好剔透。呢款白身魚嘅肉質都幾爽口彈牙，配埋青檸汁食好有清新嘅感覺。 厚燒玉子 $60 玉子燒係呢間店嘅名物～ 玉子燒整得好滑好濕潤，每層蛋都好薄，薄到有時似食緊鮮腐竹卷嘅感覺！味道甜甜地，但蛋香味就略為淡左啲。 東洋卷 $72 呢個東洋卷係必食推介😋😋Pancake薄皮包住牛油果，鰻魚同蟹籽，一口咬落去口感軟綿綿中帶有脆脆嘅蟹籽，好得意嘅感覺🥰 叫左兩份四件同朋友share,食完後大家都想再encore食多件😆 蛤蜊香草鐵鍋燒 $88 蛤蜊都幾大粒，好有鮮味，加埋creamy嘅香草sauce，又係食唔停口。 炸雞香蒜汁 $75 炸得香脆又唔油膩，內裡雞肉keep到juicy嫩滑 柚子豚肉豆腐鍋 $96 一上枱已經聞到好香嘅柚子味，個湯底飲落都有帶清新嘅柚子香。有驚喜係連啲豬肉都有濃濃嘅柚子香，應該用左柚子醬醃製而去豬肉本身嘅味道。 豚肉生薑石頭燒飯 $96 鍾意食飯焦可以等一等先攪拌。生薑汁偏甜，撈飯食一流。而豚肉嘅份量都唔少，醃得入味，肉質都幾滑，幾好食! 荔枝燒酎梳打 $52 荔枝味好香又唔太甜，飲到有少少嘅燒酎味，好啱女仔飲。 蜜桃燒酎梳打 $52 朋友呢杯就偏甜，而且唔太飲到酒味。

超有日本風嘅餐廳，一入門口已經有去左日本嘅感覺，可以幻想下去左東京一遊😂 牛肉沙律 (韓風味) $92 牛肉份量幾多, 食落幾滑幾有牛味，加埋新鮮嘅沙律菜同酸甜嘅韓式dressing，好fresh好開胃。 胡麻伊佐目魚薄切 $280 當日精選刺身係佐目魚，切得薄身，燈光下望落去晶瑩剔透~佐目魚嘅肉質有黏黏嘅口感，配上胡麻醬，蔥花，炸蒜碎同青檸汁，有好清新嘅感覺。 海膽蟹肉牛油果卷 $180 賣相好精緻嘅壽司卷，有海膽同蟹肉做topping，而卷內就係牛油果肉。食落層次同口感都幾豐富，但少少失望係海膽唔太鮮甜。 銀鱈魚西京燒 $168 鱈魚好肥美，肉質嫩滑，魚皮燒得香脆，油脂味好香😋加埋甜甜嘅燒汁同炒香嘅野菇，真係好下飯。 韓風荀菜煎薄餅 $68 香脆又唔油，粉漿同蔬菜比例啱啱好，加埋酸辣嘅醬汁黎食好惹味👍 和牛薄切溫泉玉子 $180 有兩大片牛和，入口好香牛味，肉質好嫩滑❤壽喜燒汁加上蔬菜嘅清甜味令個湯底好好飲~如果可以幾片和牛就正啦～ 生薑豚肉石頭飯 $92 上枱時石鍋出晒煙，如果鍾意食飯焦可以等一等先攪拌。用左日本珍珠米黎整，粒粒飯都好Q彈，加埋生薑汁真係食唔停口。而豚肉嘅份量都唔少，醃得入味，肉質都好滑，唔錯!

朋友想食日式鐵板燒，見到呢間好似唔錯咁所以黎試一試。 餐廳雖然唔係好大間，但勝在樓底高，又有大玻璃窗，感覺好寬敞闊落。加上坐位擺放得唔密，枱又大張，所以坐得好舒服~ 如果想睇廚師表演，可以坐吧枱位，不過可能有訂位時要求，因為都見經常坐滿客人。 黎得食鐵板燒，我地都預左食完會成身煙味，但呢間嘅抽風系統做得好好，成餐食都唔太聞再油煙味👍 我地叫左個兩個一人前鐵板餐，由前菜到甜品有成10個courses❤ 大部分course都係set左嘅，只有沙律同主菜可以自己揀~ 前菜三小點有海膽天婦羅，茄子甘煮同芥末八爪魚。 天婦羅粉漿薄而脆，海膽都幾清甜~ 茄子煮得好冧好入味，八爪魚就好滑好彈牙，幾鍾意加左芥末醬，辣辣地幾開胃。 吞拿魚沙律 有三片吞拿魚刺身，配上沙律菜同酸酸甜甜嘅柚子醬，食落好fresh 刺身三點 有兩隻甜蝦，一片吞拿魚同一片油甘魚。兩片魚刺身都幾大塊同厚身，都幾鮮甜。 鐵板燒北海道帶子 帶子好大粒，燒得啱啱好，好juicy又彈牙❤同菠菜一齊食可減低油膩感 茶蒸碗 呢個茶蒸碗有驚喜，蛋滑不特只，因加左鰹魚湯，三文魚籽同圓貝，啖啖都有好濃郁嘅海鮮味😋 鐵板燒紐西蘭肉眼扒 我地要medium rare嘅肉眼扒，有做到外表燒到香脆內裡仲有粉紅嘅狀態。牛味唔算太濃，肉質juicy彈牙唔韌，有三款特式醬供選擇。我就鍾意配炸得薄脆嘅蒜片黎食~ 鹿兒島黑毛豬肩 比起肉眼扒，我覺得黑毛豬更好食。呢塊黑毛豬嘅嫩度同juicy度比美塊肉眼扒，肥瘦比例都平均，食落完全唔會似平時食豬扒會有嚡或柴嘅感覺👍 兩碟主菜都有配到燒日本蔬菜，食肉食到膩時可以解下膩。 鐵板燒炒飯 用左櫻花蝦黎炒，炒飯炒得好乾身，帶有焦香味。食到一半時可加鰹魚湯將佢變成茶漬飯，會有另一種風味。 甜品-柚子雪葩 食到最尾真係好飽下，好彩今日嘅甜品係柚子雪葩，清清甜甜帶微酸，能解飽濟感覺，令整餐飯有個完美嘅句號。

位於Soho內的一間幾有名氣嘅cafe,佢咁出名就係因為佢有好igable嘅玫瑰gelato同牛油果花❤ 難得黎到梗係要試晒兩樣名物啦~ Everything Egg Benny $138 兩大朵好吸睛嘅牛油果花加兩粒班尼迪克蛋，視覺效果無得輸👍除左好睇，味道都唔錯，牛油果熟得啱啱好，好滑完全無筋，食得出係靚牛油果。配埋流心蛋同Parma ham食係好match.少可惜係hollandaise sauce多啲會更好~ Everything toast $138 呢款都有牛油果花同sourdough，而配料就變左煙三文魚，cream cheese同chives。我覺得呢款toast嘅味道比benny更多層次，三文魚，cream cheese同chives嘅味道好夾好好食~ 而伴碟嘅材料都好有心思，有beetroot鷹咀泥同開心果粒，健康又好食😋 Handcraft gelato rose $65 我地揀左一支rose n coconut,另一支就係rose n lime. Rose味幾清同唔太甜，lime就非常之refreshing😂好啱咁熱嘅天氣食😆 而coconut味都好椰吓，比起其他兩款味就較甜~味道黎講係幾ok嘅，可惜啲係唔夠滑同個甜筒冧左啲。 Rose cold brew $50 佢地有兩咖啡豆，凍飲係用Ethiopia + Bazel豆，偏fruity啲。飲落有淡淡的玫瑰香同咖啡香，啱唔飲濃啡嘅朋友。 Lavender latte $45 熱啡就係用另一款Bazel + Columbia豆。我地有特別request落少啲syrup，所以會有淡香嘅薰衣草味同啡味。

餐廳位置就係Sogo傍的地庫，我地坐個邊係卡位，落左半簾後有如坐係包箱嘅感覺，私隱度幾高。 黎得居酒屋梗係要食串燒，我地就叫左幾串黎share~ 串燒有厚燒牛舌，雞軟骨，醬味燒墨魚咀，豬腩味噌燒同地雞串。 咁多款串燒中燒牛舌係最好味~一串有4塊，而每塊都幾厚身下(目測有1cm嘅厚度)，燒到中間有少少粉嫩，食落好有牛脂香，彈牙得黎又唔難咬，食完好想再encore👍 其他串燒都好好味，豬腩肉外層有微微燒焦，食落好炭火香味。地雞串啲雞肉好嫩滑，墨魚咀同雞軟骨就好爽口~ 明太子蟹肉醬焗蠔肉蘑菇批 呢個蘑菇批好推薦俾明太子控，個醬有好濃郁嘅明太子味，配埋蟹肉就鮮上加鮮。蘑菇批中藏左一隻蠔，加埋個醬食海鮮味爆棚!有啲啲可惜係醬汁太濃所以蓋過左大啡菇嘅香味。 重頭戲就係呢盤9款嘅季節刺身盛❤ 呢個刺身盛嘅刺身係每日由日本空運到港，保證新鮮美味 9款刺身包括牡丹蝦，兩款貝類，五款刺身同時令生蠔。 我地呢盤嘅刺身就有toro，深海池魚，金線鯛，鮫鰈魚，目仁奈，而貝類就有帶子同象拔蚌。 牡丹蝦好大隻，肉質都幾彈牙～ 蠔肉creamy,甘甜。少可惜係兩隻蠔嘅size唔太相稱。 Toro好肥美，連唔太鍾意食吞拿魚刺身嘅我都覺得好好味 鮮甜又彈牙嘅帶子刺身👍 象拔蚌刺身加左柚子汁調味，食落爽口又清甜~ 深海池魚好有魚鮮味~ 第一次食鮫鰈魚，魚肉較黏口帶甜甜地味道~ 所有刺身都食得出係靚食材同好新鮮~ 呢間居酒屋好值得encore❤

之前都係去開中環分店，估唔到銅鑼灣店有咁靚嘅view😍 好好彩有得坐窗邊位，落地大玻璃望出去見到幾開揚嘅景觀，仲有少少海景添~有啲fine dine餐廳的感覺😂 我同朋友都食過Goobne好幾次，已經食過好幾款烤雞，所以見到有新口味嘅烤雞就諗都無諗揀左~ 蜜糖蒜香烤雞 一上枱就已聞到好香嘅醬油味道~食落有好濃郁嘅醬油味但又有甜甜地嘅蜜糖味，好惹味下，好啱送酒 佢地嘅烤雞一向都好食，肉滑juicy又唔肥膩!當蒜片同雞一齊食時，增加左脆脆嘅口感，覺得有啲似食緊炸雞 鐵板海鮮煎餅 煎餅煎得香脆唔油又有少少煙韌嘅口感海鮮配料有蝦，魷魚同蛤蜊，份量都唔少~ 景靚野食正，一定會再黎encore

之前黎食過tea覺得唔錯，今次就試試佢地嘅晚餐~ French St. Martin Oyster $200有半打生蠔，價錢唔算貴，而且生蠔好新鮮同肥美👍呢款蠔幾creamy同鮮甜，一啲都唔腥。但係六隻中只有兩隻size比較大，其他四隻就mini左啲~ 西班牙燒豬腩伴西瓜三文治 好特別的一款前菜，豬腩燒到幾香脆，西瓜燒完後嘅口感係滑嘟嘟，同平時清爽嘅感覺好唔同。齋食呢個三文治可能會有少少油膩感，配埋個酸酸甜甜嘅熱情果醬就啱啱好~ 地中海烤雞配希臘沙律 唔好被隻烤雞嘅外觀呃到，其實食落係幾好味嘅。隻雞用左好多香料醃製，所以味道都幾豐富，而且雞肉都會食到有香料味。雞肉都幾juicy同滑，就算係雞胸部分都唔會乾嚡。希臘沙律有都好fresh,而佢地係用左 goat feta cheese,如果唔太食到羊嘅朋友可能會覺得有啲羶。 荷蘭鐵鑊班戟配新鮮雜莓及楓糖核桃雪糕 第一次食呢款鐵鑊班戟，覺得呢款比較厚實同煙韌，食完都會有飽肚感。雜莓就有藍莓同士多啤梨，都真係幾新鮮同清甜，配埋甜甜先楓糖醬同核桃雪糕食就唔啱好👍 Diamond in the sky 好靚嘅一杯cocktail,上層係有金粉，攪動後會有金光閃閃嘅流沙效果🌟佢係用左peach liqueur, lemongrass同sparkling wine等材料調製而成，攪均後飲係會覺得有啲似甜甜地嘅啤酒~ Romantic Souffle 面層係櫻花泡沫，口感幾綿密又甜甜地，食落有啲似綿花糖嘅感覺。呢杯係混合左Hendrick's Gin, strawberry liqueur, rose gomme同citrus.我就覺得strawberry味幾重下同埋甜左啲~

大角咀新開的fusion居酒屋，餐廳唔算好大但坐得闊落，啱一班朋友聚下餐。 話係fusion餐廳，因為佢地有西班牙菜亦有日式串燒食。酒類都係有西式liquor同cocktail亦有日式燒酒同梅酒。 醬汁拼盤 平時係其他餐廳食嘅粟米脆片通常都係現成貨，但佢地係自家整嘅~食落有啲似春卷片，不過就硬身同厚身啲。醬汁可以揀4款，我地揀左墨西哥莎莎酸辣蕃茄醬，墨西哥莎莎青醬，酸忌廉牛油果醬同酸忌廉燒烤醬。我個人就較鍾意牛油果醬同酸辣蕃茄醬。 烤豬頸肉墨西哥夾餅 一人分嘅份量，約4吋大。燒豬頸肉都幾彈牙同juicy，加埋蕃茄莎莎醬同椰菜絲，味道濃得黎又唔會太膩。 刺身帶子配菠蘿酸汁 帶子約有6片，食落好嫩滑。可惜係菠蘿汁偏甜，而且帶子嘅鮮味較淡。 串燒 牛舌 一串有兩大塊牛舌，每塊都有成1cm厚，食落好彈牙又唔難咬，好有牛脂香👍 安格斯牛肉 4粒一串，覺得唔夠juicy,如果燒到半成熟會更好 大蔥雞脾肉 大蔥好香，雞脾肉又嫩，加埋燒口汁，簡單但好食 魚子醬蟹膏蟹肉意粉 佢地啲意粉係自家製嘅，好有al dente口感😋個忌廉sauce creamy同好有海鮮味，而且仲好掛麵。蟹肉同魚子醬都唔少，啖啖都食到，一份兩人share都食到好滿足👍 士多啤梨蘋果金寶伴雪糕 呢個甜品吸睛之處就係有一整條雪糕甜筒，店員會等客人打完卡後幫忙敲碎個甜筒，等雪糕半溶時就可能拌勻食。整個apple crumble都唔錯，加埋士多啤梨食落更有fresh嘅感覺~少少特別係佢個底係橙味海綿蛋糕，同平時食開嘅曲奇餅底好唔同。 蜜柑酒，薑汁，燒酎，soda (前) 一開始會嚐到蜜柑嘅香甜，之後就有燒酒味，薑汁味就較為弱左啲。 Ka Shin Street (後) 好清新的一杯cocktail。用elderflower syrup, cucumber, 檸檬汁配合gin調製成，聞落有elderflower 嘅清香，味道少少酸甜帶有青瓜味，非常之易入口。

第二次幫襯呢間咖啡店，上次黎飲過咖啡覺得好正高水準價錢又合理，所以決心要黎多次試埋野食。 日式鰻魚滑蛋貝果漢堡 鰻魚同貝果都係我鍾意食嘅野，見到呢個組合無得唔叫黎食 有3款口味的貝果可以選擇，原味，芝麻罌粟籽同紅菜頭。前兩款都較普通，所以揀左少見的紅菜頭試吓。 好似啲理想同現實對比圖咁，明明放display個beetroot bagel好粉紅好靚，但現實個好似plain bagel加左少少紅點點咁😅 食落就同原味無咩分別，好在bagel texture有表面煙韌內裡軟綿的口感，加上鰻魚都幾嫩又無骨，係幾好食嘅~ 茄汁虎蝦海鮮意粉 Tiger Shrimp & Seafood Pasta with Tomato Sauce 單售只係$68, 除左以蒜蓉醃得入味嘅虎蝦,仲有好多海鮮, 好似八爪魚仔, 蜆肉同墨魚仔, 比預期更足料. 扁意粉texture 剛好, 唔會太腍. 酸甜蕃茄sauce 好開胃, 唔錯. 只要加$20仲有有set 價, 可以加配杯咖啡 手工芋泥西多士 朋友係芋泥控，見到呢個甜品就話一定要試。老闆話呢個西多係老闆娘研發的。因為佢好鍾意食西多但多數西多都係炸成好唔健康，所以佢係用半煎半炸咁整。而芋泥都係佢地自己整嘅，真係誠意十足👍西多的蛋味幾香，可惜芋頭味較弱同唔夠甜。覺得加返蜜糖或將芋泥調得甜啲更好食。 Dirty 落左double shot 好夠香濃. dirty 黎講, espresso 同奶融合得都幾慢. 食完意粉都仲係幾分離, 變左頭幾啖飲會好似飲espresso, 到最後會覺得啡味較弱. Flat white 比起dirty, flat white的啡味較柔和，但都飲到nutty的啡味同回甘味。唔知係咪因為轉左外賣杯，總覺得啡味無上次我用瓦杯飲嘅咁香濃。