最近食左間質素唔錯的茶餐廳【四寶食堂】。今早去鰂魚涌搞文件後，搵間茶餐廳食份早餐。這𥚃的茶餐廳選擇多，最後揀左間門面有趣的【荷里活冰室】。跟剛剛經過的茶餐廳比較，這𥚃的室內環境寬敞而且佈置鮮明，小編覺得自己選擇正確👍早餐選擇豐富而且價錢合理。小編最近食左間質素唔錯的茶餐廳【四寶食堂】揀了沙嗲牛肉麵，今日同様要沙嗲牛肉麵比較一下！沙嗲湯底單看顏色就知道不太濃郁，而且沒有太多花生粒，口感打了折扣。麵條煮得未夠火喉有點硬爽。最大問題是牛肉，加入太多鬆肉粉，失去肉質彈性及纖維。不僅口感差，還打破了牛肉原來的酸鹼平衡，降低了牛肉的營養價值。非常失望的牛肉，小編食了一片牛肉就放棄。除了食物質素外。服務認真麻麻。這裡唯一好處地方大客少可以慢慢坐。

近幾年的農曆新年，團年或者開年飯都習慣了同屋企人食自助餐，今年的「兔龍交接」繼續維持傳統，於年廿九晚揀了尖沙咀凱悅酒店的【Cafe】大啖五星級酒店自助餐。位於酒店內的老牌馳名法國餐廳【Hugo’s】旁邊，可能因為這個原因，裝修風格也有點相似；咁當然，級數及陳設裝潢仍然有分別。尤其其中一角座位區同樣以深啡色木材為主調，配合高樓底、大吊燈，帶有歐洲大宅書房風情。以自助餐標準來講，裝潢優雅。價錢同其他五星級酒店差不多，但又未去到最貴（如 Regent Harbourside、JW Marriott Cafe）級數，回本菜式也相對較少。星期一至四自助晚餐成人 $748 / 小童 $368，星期五至日貴啲，但就多啲回本菜式；另一個吸引之處係食足四個鐘(晚上6:00至10:00)，足夠時間回本！最近一兩個月，很多酒店自助餐推出折扣優惠；估計因為太多香港人北上消費，要諗辦法留客。【Cafe Hyatt Regency TST】也有類似優惠，只要提早兩日訂座並付全數就有六五折；儘管是年廿九晚的自助餐，也有此優惠。

受室內空間限制，食品區的佈局比較分散。尤其是甜品區，雖然位於Cafe範圍內，但設置在店門口附近，與用餐區及其他食品區分隔，有點奇怪。整體來講，菜式種類及款式選擇比同級自助餐少，最大賣點就是任食即烚新鮮可持續發展波士頓龍蝦。自助餐一定有刺身及壽司。就算是最貴嘅五星級酒店自助餐，壽司一般也不會好吃，食材質素其一，全部預先做好防入雪櫃，飯糰也變得難吃。至於刺身，以自助餐來講，質素算相當好，尤其生赤蝦及帆立貝，可以追加；至於鮪赤身及三文魚就可以不試了。凍海鮮稍為普通，只有翡翠螺、青口、沙白、越南凍蝦、小龍蝦及松葉蟹腳。尤其松葉蟹腳很瘦弱，又只有很鹹的海水味及水份很多，欠缺蟹肉鮮甜。意料之外竟然有中式冷盤花雕醉雞翼及陳醋雲耳。只嫌所選雞翼品種太大隻，雪藏臊味亦辟除得未夠徹底，幸好有花雕酒香及出色調味掩蓋了雞翼的臊味。陳醋雲耳較好味，夠爽脆。預制沙律只有兩款，自助沙律吧的配料選擇也不多；與其他同級酒店自助餐比較，就給比下去。芝士象徵式有兩款口味凍海鮮稍為普通，只有翡翠螺、青口、沙白、越南凍蝦、小龍蝦及松葉蟹腳款普通芝士及一款藍芝士，亦欠缺介紹銘牌。凍肉只有四款：煙三文魚、Salami ham、切片凍火腿及Parma ham 配哈密瓜；款式未夠多元化。回本菜式一定係任食即烚活波士頓龍蝦，刻意將一盤活生生的波士頓龍蝦展示出來，證明絕不欺場。望着廚師不停將新鮮滾熱辣、剛剛烚熟的原隻龍蝦開邊上碟，客人排隊取龍蝦，每次半隻。龍蝦相當大隻，每隻大約400g，仲要蝦膏滿瀉！肉質鮮甜、爽口彈牙，果然係新鮮活龍蝦，遠勝只有海水鹹味的開邊凍龍蝦。即烚波士頓龍蝦吧旁邊係印度美食區。除了羊肉咖喱、雞肉串燒、咖喱角、薄脆、咖喱雞等常見印度美食，多了蒜味烤餅 (naan)。另外，亦有印度街頭隨處可見的印式脆球 (panipuri)，配搭青咖喱醬，口味地道，其他自助餐罕見。  西式美食以燒烤為主：慢燒有骨肉眼扒、燒羊腿、燒生蠔、楓糖燒火腿及馬賽魚海鮮湯 (Bouillabaisse)。最受歡迎一定係有骨肉眼，比起其他自助餐的原條燒牛肉（除非係澳洲 M6+ 級數或以上的頂級自助餐出品）多了脂肪，所以也更油潤、更好味；不要貪心只食燒牛肉，盡量要取得連骨的一條牛肋排，雖然肉少，但肉質較軟、較油潤，亦更美味。馬賽魚海鮮湯係傳統法國南部普羅旺斯風味，賣相一般，味道尚可。而且只有一鍋鑄鐵煲的份量，作為自助餐菜式，似乎太過細鍋了。其他西式美食還有意式燴雜菜、香煎鴨胸配香橙汁、炒法式邊豆。三款菜式味道皆很一般。究竟烤龍蝦是否都係用新鮮龍蝦？望見廚師將已預先烚熟了的開邊龍放在鐵板上面燒烤，淋上牛油汁引起火焰，造成燒焦後果，提升香味，好吸引！另外一組美食區有香煎虎蝦、廣東燒味（白切雞、叉燒、燒肉、燒鵝）及天婦羅（蝦、沙錐魚、番薯、秋葵）。港式粉麵有三款湯底：豬骨、喇沙及清湯，總有一款啱口味。材料款式都算多：菇、蝦、魷魚、丸類、豆卜、青菜。粉麵檔旁邊係中式燉湯：松茸螺頭燉雞。燉湯竟然只係一碗碗，並非一盅盅；唔係用燉盅嘅湯，還算不算燉湯？還好，燉湯味道仍然清甜。其餘就是中式美食：辣酒煮海鮮、龍蝦伊麵、清蒸花尾躉、羊腩煲、瑤柱扒時蔬、避風塘炒蟹、黃金魚皮。龍蝦伊麵將伊麵、上湯炒龍蝦鉗及上湯醬汁分成三盤，方便客人按喜好自行調配；醬汁味道鮮濃、龍蝦鉗亦好味。避風塘炒蟹居然做到了坊間炒辣蟹專門店的7、8成水準，抵讚！最大弱點就係唔夠熱辣辣，始終並非即叫即炒，很難進一步改善。黃金魚皮脆卜卜、鹹蛋黃醬味道香濃，水準之上。甜品較為失色。雖然有牛角窩夫、麵包布丁及芒果糯米飯等特色即制甜品，但五星級酒店自助餐應該做得最出色的西式甜品，竟然令人失望。西式精緻甜品款式少，味道又唔夠突出；唯一比較好味只有雲呢拿拿破崙及朱古力慕絲杯。如果係原價，唔算吸引，因為貴價回本菜式選擇唔多；除非只係不停食白烚新鮮活波士頓龍蝦。但如果只係為了食龍蝦，又缺少了自助餐大快朵頤的暢快感。尤其鍾意食甜品的話，亦會失望而回。如果碰到折扣優惠價的機會，姑且不妨一試。

不太熟悉北角區，只好在商場內搵食。見到這間「三代目」的裝修有點日本風味，應該唔會太差，一於試試。室內用餐環境相當舒適，餐牌設計也有小心思；提高了對餐廳出品嘅信心。選擇唔算太多，但就有齊拉麵、丼、拉麵、天婦羅、炸物、燒物等；唯獨欠缺壽司刺身。冇刺身丼、炙和牛丼，三盛燒肉丼（$108）就是最豪華的選擇。飯碗面鋪滿了煙燻雞肉、五花腩、牛舌，視覺上很吸引。味道方面呢？日式丼醬汁有少少甜好正常，但這碗丼的醬汁竟然勁甜勁鹹，完全失去平衡，唔好味。雞肉嚡口；五花腩好亁硬、欠缺脂肪腍滑；牛舌好韌 ⋯⋯ 冇一樣好食?!炙牛拉麵（$92）的湯底表面有一層半凝固的油脂，賣相麻麻。啖一口湯，似乎是傳統日式豬骨濃湯口味，但同正宗日式拉麵店比較，又有些差異，豬骨香甜味亦未夠濃郁。半隻溏心蛋的蛋香過熟，個人口味不太喜歡。最差是黑胡椒炙牛肉，有牛味，但粗嚡、冇肉汁。海之天婦羅（$118）有蝦、鯛魚、黑松露帶子、墨魚、紫蘇葉，睇賣相已知只是港式天婦羅，脆衣太厚，未能做到正宗天婦羅的輕盈剔透。味道普普通通，食材質素一般。說穿了，其實只是一間裝修較為骨子的港式日本料理；試了拉麵、丼及天婦羅各一款，沒有一款好味道。幸好唔算貴，不過也不會再幫襯。

小編外賣好少寫食評，但是今次真係忍唔住要寫下。話說12月做冬時，小編在綱站綱購【聯邦酒樓】的乳豬卷，過程順利而且質素佳，家人食到不停讚。今次農曆新年又試下在網上平台買張【富臨】Coupon；$768 有乳豬、古法羊腩煲、脆皮燒雞及花膠紅燒豆腐，真係超抵！加上【富臨】都係大集團，估計質素都不會太差。乳豬 ～ 老爸原隻攞回家好期期待！點知皮完全唔脆，甚至已經有點又軟、又淋、又有少少韌！老爸話好多人訂，乳豬已經做起左一段時間；但其他小菜即做，所以等待時間長。乳豬切開後，部分肉、骨竟然呈粉紅色，明顯未熟！要老媽用焗爐加工焗熟，乳豬皮就變得更軟、更淋、更韌！真係非常失望又掃興脆皮一品燒雞 ～ 即炸。攞回家依然有溫度，雞皮尚脆，味道ok。花膠紅燒豆腐 ～ 賣相很差，同茶餐廳的小炒差不多。味道一般，紅燒豆腐亦唔夠香滑。經過今次教訓，下次應該唔會再幫襯【富臨】外賣套餐coupon；飲茶食點心都要再諗諗。

今日冇胃口，簡簡單單去街市熟食檔開餐，揀了【偉記車仔麵】。街市內的小食檔口面積細小，廚房同枱凳逼在一個小檔內，當然唔會有舒適用餐環境；食客都係速食速決。雖然檔口細小，但也自家炮製了三款醬汁：咖喱汁、沙嗲汁及秘製麻辣汁。四餸麵（$43）揀了兩樣貴價餸牛腩及豬腸，每樣另外加 $3。講開又講，豬腸只係下欄嘢，唔知點解今時今日變成車仔麵嘅貴價餸。四餸麵揀了蘿蔔、豬腸、豬紅及牛腩。湯底加了牛腩汁，但都係沒有什麼特別味道。蘿蔔最好味，夠清甜。豬紅煙靱都唔錯。碎牛腩就唔得，好硬，有筋。豬腸份量好少，得五小塊；而且好韌，豬臊味亦漂得唔夠徹底。湯底唔好味，車仔餸又唔好味，尤其小編最愛吃的豬腸。就算夠抵食，都應該唔會再來下一次。

最近一年，小公主忽然間好鍾意食日式拉麵。日式傳統豚骨湯底以外，新派魚介、濃厚雞白湯、貝汁豚骨、鯛魚清湯⋯⋯全部都試過，獨愛濃稠度中度的豚骨湯底口味。屋企附近的拉麵店差不多全部食過了，趁今日放假，近近地去了德福廣場內的「Metro 豚骨 Base 」試新店。記憶中，商場內同一舖位附近之前有間「一風堂」，現在已轉為另一間餐廳；但就開了這間副線「Metro 豚骨 Base 」。只不過事實卻是：商場內同一區域的餐廳全部仍然隸屬美心集團旗下（註：香港「一風堂」只是由美心集團在香港特許專營，並非由日本直接營運）。日本店由「一風堂」及 JR 合作營運，暫時只有幾間分店，集中在東京JR 鐵路沿線幾個大站。營運方針配合趕搭車的乘客，似是速食店 ⋯⋯ 雖然在日本，即使在傳統拉麵小店或連鎖集團店吃拉麵，也不會坐很長時間。香港店作為日本以外的第一間海外姊妹店，這種接近快餐速食店的風格就更明顯。兩排U字型吧枱式座位，中間的狹窄空間並不是作為開放式拉麵廚房，只是連接後勤廚房的通道，方便店員從廚房送上拉麵。入店前，先在店外的自助販卷機揀拉麵。見到雪櫃內原來還有連湯包的包裝拉麵販售，但點解只有黑豚骨口味？除了幾款丼之外，主打四款口味拉麵，變化較「一風堂」少，但價錢定位差不多一樣。醬油豚骨拉麵（$72）賣相一般，尤其是那兩件日式叉燒，以為是切片雞肉或者豬肉。湯底偏鹹，豚骨味道唔明顯。特粗身麵條鹼水味道很重，亦欠麵粉香氣。麵質缺彈性、入口又很嚡口；如果唔係身處日本拉麵店，以為是車仔麵店的油麵。半熟蛋的蛋黃差不多熟透了，很失望。叉燒更加難食，欠缺了日本叉燒（一般採用半肥瘦豬柳捲紥、再用每間拉麵店的自家醬汁配方浸煮而成）的脂肪及鬆軟豚肉；竟然只是一片很普通、沒有醃制浸煮的薄切豬柳。記憶中的「一風堂」也不是採用這種似是而非的日式叉燒。加 $22 配搭煎餃子三隻及汽水一罐。餃子非煎非炸，大細不一，賣相很差。表面又舖上了過多的薑蓉蔥花，掩蓋了餃子的肉汁鮮味；咬下去餃子皮底唔香脆，餡料肉汁唔多、味道亦唔好。煮干豚骨拉麵（$78）同樣用豬骨濃湯作為基礎湯底，但加入了魚干提升味道。顏色因此變得更深、膠質及油份也更高。入口較普通豚骨湯底更鹹；魚干質素似乎並不太好，欠缺魚的鮮味，反而魚腥味幾重。每款拉麵的配料有所不同，煮干豚骨拉麵有酸筍、蔥花及薑蓉，醬油豚骨拉麵就是蔥白絲及菠菜莖。兩款拉麵所採用的豚肉也不相同。可能要配合煮干豚骨拉麵的偏重口味湯底，選用了大大條炙豬腩肉。味道較醬油豚骨拉麵的薄切豬柳好吃一點，但烚煮時間未夠，肉質及豚脂唔夠鬆化，口感很差，及不上其他拉麵店的豬腩叉燒。拉麵味道很差，由湯底、麵條、叉燒以至半熟蛋，冇一款食材合格、冇一款好食。固然遠遠不及近年在香港開業的個體拉麵小店或日本名牌過江龍，甚至差過印象中的「一風堂」（編按：已經有一段時間沒有光顧）。完全不能理解原因何在。雖然沒有加一服務費，但也不會再來第二次！

相信大部份香港人都一定吃過兩間米線專門店【譚仔雲南米線】和【譚仔三哥米線】。兩者的湯底、配料和小食相似，就連鋪名都差不多。根據報導，在文化大革命期間，譚家從廣州移居香港。其後在1996年，首間【譚仔雲南米線】在長沙灣開業。父母離世後，譚家因管理及經營理念有分歧而分家。各兄弟把當時的12間分店平分，分別創立【譚仔雲南米線】和【譚仔三哥米線】，並共同擁有其商標及秘方。但分家後多年，最終在2017年卻雙雙被日本「丸龜製麵」收購而殊途同歸。【譚仔】的故事真係可以拍成電視電影。

調景嶺站雖然地方不大，餐廳也不多，但竟然擁有兩間【譚仔】，真幸福！小編平日都是外賣【譚仔雲南米線】，因為湯底及餸都是小編口味。今日放假就試下【譚仔三哥米線】。【譚仔】Marketing 做得好又跟上潮流，裝潢清新走年青路線，加上食物快、靚、正，因此客源中好多學生、年青人。【譚仔三哥米線】裝潢格局比【譚仔雲南米線】更加潮，特別加上顯眼的英文名字，顯得更加年青。可惜調景嶺分店地方比較細小，中午時間無論外賣及堂食到人山人海。今日一個人都要等10分鐘先可以入座，而且只能夠坐在一張小小四人枱，總共坐了六個人，真係好迫。驟眼睇餐牌食物選擇跟【譚仔雲南米線】差不多，價錢也差不多，可能兩者都是【譚仔】出身。【譚仔三哥】沒有小編喜愛的皮蛋湯底，又沒有大腸，最後揀左這個魚腐、魚片頭配蕃茄湯底 $44 。米線內已有少許芽菜、腐皮及韮菜，不過，【譚仔雲南米線】配料份量比較多。但講到食物質素味道，小編覺得【譚仔三哥】的魚腐、魚片頭比較好味，魚味比較突出，真係各有千秋。另外，蕃茄湯底味道偏酸，而且不似新鮮番茄，因為湯底找不到蕃茄。只不過小編還是較喜歡【譚仔雲南米線】，因為配料及湯底更啱胃口。土匪雞翼係【譚仔】的出名小食，同樣分為三隻及五隻。【譚仔三哥】只有兩款口味，【譚仔雲南】就有四個口味。味道方面，其實兩間【譚仔】分別不大，都非常濃郁開胃。樓面只有四位譚仔姐姐，中午時段做到不停手，眼見她們那麼辛苦，真係不敢催促她們。另外，見到有招聘廣告請譚仔姐姐，65蚊一個鐘。覺得這65蚊真的不容易賺，真的佩服這四位譚仔姐姐。

【NATA】位於觀塘區，雖然附近有很多新落成的小型辦公樓，但始終並非甲級商廈，觀塘也並非遊客區，餐廳不可能定位貴價西餐，選擇酒吧式扒房這條路線以廣吸客源，係聰明又合適嘅決定。裝修簡單，配合帶點工業風的灰色牆身及植物標本作為裝飾，配合餐廳市場定位。午市及晚市餐牌非常簡單，各有四五款選擇，全部以套餐形式奉客。晚餐有兩種形式，一款只包一杯餐飲，另一款就可以任飲紅白餐酒。法式農夫酸種麵包外皮硬係意料之內，但中心唔夠軟綿；麵包又凍冰冰、欠缺溫熱。至於香草牛油，只是剛從雪櫃拿出來、硬梆梆；表面又佈滿類似炸蒜頭的物體，味道很鹹，同牛油完全唔協調。總結來講，麵包唔好食。頭盤有兩款選擇：粟米泡沫濃湯及爽脆青沙律配香蒜吞拿魚油醋汁。沙律的食材同賣相俱很似凱撒沙律，味道處理得幾好。兩者比較，粟米泡沫濃湯及不上沙律；表面一層泡沫雖然提升了賣相，但味道同口感唔夠吸引；粟米的清甜唔夠突出，濃湯又太稀，缺少了稠身口感。所有午市套餐都有任食法式薯條。熱辣辣、又炸得香口，好味道！澳洲安格斯西冷牛扒(8 oz)($218) 望見不鏽鋼架、小鐵盤及蠟燭爐，即時聯想起香港某間非常出名的法式牛扒屋；上菜方式一模一樣，也是法國當地家庭式牛扒屋的上菜方法，唯獨欠缺了紅白格仔枱布。牛扒同樣切成一條條，方便客人享用，五成熟的火喉控制得非常好。肉味濃郁；但肉汁及油脂唔夠豐腴，肉質亦略嫌未夠鬆軟。兩款醬汁(燒汁)及法式香草牛油汁雖然唔差，但味道亦及不上另外那間法式牛扒屋的牛油蛋黃醬。不過，話說回頭，那間香港最出名的法式牛扒屋每份套餐(10oz 頂級美國肉眼牛扒) 索價 $398，價格貴一截；衡量價格因素，這份牛扒算合格了。西班牙伊比利亞豬鞍（$218）七成熟，也是西班牙黑毛豬的最佳烹調狀態。雖然中心部份呈淡淡粉紅色，火喉同樣控制得非常準確，但豬鞍的外層就不行了，單看外表已經覺得肉質粗嚡。入口果然不成，冇肉味、冇肉汁、咬落有渣 ⋯⋯ 好懷疑究竟是否真係伊比利亞黑毛豬？甜品檸檬撻(Set lunch 優惠價)($48) 較主菜好吃，賣相擺碟也似高級甜品，用上了藍莓、士多啤梨及食用花襯托，顯得精緻漂亮。牛油皮撻底充滿牛油香味，檸檬吉士打酸度夠、果味濃郁。午餐只選用澳洲牛扒，晚餐就有美國1855 靚牛肉；牛扒又好味過豬鞍。整體來說，味道一般，唔稱得上特別抵食；不過，如果在附近上班，晏晝又想食好一點點的話，也可以考慮。

鰤根據 Wikipedia，「粋」是日文漢字，是日本美學其中一環。用此字為鮨店冠名，隱喻出品精緻，師傅對手藝及食材充滿自信。餐廳位於漆咸圍一幢服務式住宅樓上，並刻意將基座商業部份區分用獨立入口，與旁邊住宅電梯大堂入口分開。但餐廳入口隱閉，如果不是碰巧有其他客人清楚門路，小編肯定摸錯門口，走錯路入去了旁邊的服務式住宅。同一位置共有三間日本餐廳，分別主打鐵板燒、鮨及割烹料理。廚師發辦（$880）價錢最貴，主要分別只是多了一份熱和食（每日轉款，午餐時段通常是煎魚）；另外，刺身的食材也較高級。但刺身及壽司加起來的款式同15貫壽司套餐的份量差不多相同，感覺唔化算。事實上，香港大部份高級鮨店（除了最頂級的少數十間左右之外）也有廚師發辦，並刻意在壽司以外，加入刺身及一兩道熟和食料理，只是索價偏高、不太合理。正宗高級鮨店嘅廚師發辦只應該有酒餚（以刺身為主）及壽司，這才是正道。所以，最終揀了壽司15貫（$560）及壽司12貫（$460）。小店只有7個座位，有點隱世高級鮨店的錯覺。但裝修一般、環境亦比較狹窄；壽司吧後的空間同樣很細，師傅應該較難盡展所長。帆立貝。軟綿爽滑鮮甜；不過，啖下去第一個感覺卻是飯粒太酸，掩蓋了食材鮮味。白蝦。雖然細細隻唔起眼，卻是芸芸蝦刺身小編最喜愛之一，級數可媲美北海道縞蝦及葡萄蝦。高質富山縣產白蝦晶瑩剔透，膠質含量又相當高，肉質柔軟兼帶少許爽口。鮮甜美味，入口清新，蝦鮮味濃郁；更勝甜蝦、牡丹蝦及車海老（花竹蝦）。面前的白蝦壽司基本上做到了上述各優點，唯獨每一瓣皆差少少，並非最優質富山縣產白蝦。紋甲魷魚。師傅細心刻上幼細刀紋，增添美感之餘；咀嚼下更能仔細品嚐紋甲魷魚的鮮、軟糯及黏稠膠質。石垣鯛。壽司15貫多了的其中一款魚鮮。同大部分其他品種的鯛魚一樣，味淡、口感清新爽韌，未見驚喜。鰤。即油甘，兩個稱謂的分別在於身形大小及捕捉季節。一般來講，鰤指野生及於冬季捕捉；油脂含量最高、入口軟綿兼帶少少黏糯；係鰤（或油甘）於成長階段中最美味嘅時段。雖然已經過了品嚐鰤的最佳位置，油份仍然相當多，入口有魚脂油香，味道及口感幾好。赤貝。刀功麻麻，賣相未夠吸引。雖然仍算爽口彈牙，但未到最佳水平；貝類的獨有鮮味也只是一般而已。鮪三吃。醬油漬赤身、中とろ及大とろ全部有點失望。赤身的醬油漬味道太濃，中とろ及大とろ又掃上太多醬油，同樣偏鹹。尤幸兩件とろ油份夠高、亦冇筋膜。右口及右口魚邊。小編今日最喜愛的半新派創作壽司。既有右口魚的清新爽甜，又有火炙右口魚邊的油香、幼滑及少少爽韌口感。火炙金目鯛。去了奪目的紅色魚皮，小編認為失去美感，但師傅卻解釋可以經火灸釋出更多油份。不過，唔知點解鄰座點了廚師發辦的客人，其中一道刺身火炙金目鯛卻仍然保留了魚皮？味道合格，有金目鯛的鮮甜、油香及爽韌；但始終缺少了魚皮，差了一點點。（編按：講開又講，日本當地星級鮨店好似不會採用新派火炙手法或添加配料作調味，雖然小編可以接受。）銀鱈魚。壽司15貫的另一款額外食材，近一兩年也有很多香港鮨店喜歡選用。略為火炙以引出油份及帶出油香；質感滑溜，但魚味太淡。小編一直認為鱈魚不太合適造成壽司，只宜做成熟和食。海膽。一向是小編最愛。海膽份量似乎有點吝嗇。味道方面，雖然是北海道產，但質素也有分高低；海膽的獨特濃郁鮮味只是一般，入口海膽融化後，味道很快散去，缺少了餘韻。吞拿魚腩蓉手卷。加入醋漬蘿蔔、蔥花及醬油調味，略嫌太多醬油，味道偏鹹，掩蓋了吞拿魚腩蓉的油香及魚味。壽司食材質素與其他同級鮨店比較，並沒有過人之處，以此價位而論，屬於合理水準。飯粒味道偏酸，影響了魚鮮原味。眼見最奇怪的地方，就是所有食材竟然並非板前準備，而是從客人見不到的廚房後勤區切好後、放在小木盤上才捧出來，然後在客人面前做最後的劃刀紋功夫及揑壽司。這種處理手法並非高級鮨店水平，最不能接受。以今次用餐經驗，同級價錢的鮨店有更佳選擇，未必會再來。

香港終於放寬至「0+3」，加上日本恢復免簽證自由行，吸引力實在太大 ⋯⋯ 等了兩年十個月，終於再次起飛！

來機場前，朋友提醒禁區內大部份餐廳已暫停營業了一段長時間。但實在估不到情況如此嚴重。通過邊境管制站後就是禁區內的美食廣場，還記得疫情這裏人潮如鰂、一位難求⋯⋯ 今天再來竟然 ⋯⋯ 只有「莆田」在早晨開始營業。問了機場保安，原來還有兩三間餐廳繼續做生意，只不過要在11點或以後 ⋯⋯ 相信也不是為了招呼旅客，只是照顧機場員工的饍食。甚至估計，這些餐廳也是因為與機管局簽了合約，「被逼」繼續營業。儘管只有「莆田」開門，排隊的食客也不算很多。午市套餐選擇較多，早餐就只有八款。可以排隊買餐；亦可以先找座位、再用QR code落單。不過，無論採用那種方法，還是需要自己去取餐。早餐款式選擇已經少，更估不到竟然有三四款暫停供應！扁肉湯配煎包（$58）的湯底很清淡，調味同樣清淡，只加入紫菜提升味道，秉承福建菜的清鮮囗味。扁肉類似廣東雲吞；扁肉皮同雲吞皮差不多一模一樣，最大分別在於扁肉很細隻，餡料只有免治豬肉及少量蝦乾碎提鮮；味道尚可。望見煎包表面金黃，以為好似上海生煎包煎得香脆；怎知咬下去也是軟軟淋淋，同白色的包身沒有分別，很失望。餡料差不多是全素，以粉絲碎、冬菇幼粒為主，只有少量肉碎；雖然健康，但味道清淡。是否喜愛這種口味，見仁見智。莆田扁肉湯米粉（$58）除了扁肉之外，多了幾隻蜆及幾塊豬肚。豬肚唔靭，但又未算爽滑；總之稱不上好味，只稱得上正常合格水平。蜆肉有海水鹹鮮味，唔腥；合格。米粉最好食，當然唔會喺廣東口味的爽滑米粉；而是星洲風味的超幼身福建米線，滑嘟嘟、有米香。曾幫襯「莆田」在市區的其他分店兩三遍，總覺得不太啱口味，今次經驗相同。不過，等了太久，終於有得飛；好味與否！不重要了！後記：

食完早餐後，放慢腳步行去閘口。現時飛機泊位安排已經再不是按照與邊境管制站的距離、航空公司地位、泊位費用高低去區分；而只是簡單分成兩大區域：中國大陸國內航班及國外航班。據機場員工闡述，這個安排是為了配合國內疫情控制要求 ⋯⋯

疫情前，航班顯示牌只勉強足夠顯示一兩個小時範圍內的航班；今天，全日所有離境航班也未能鋪滿一個版面。沿途所見，差不多全部商店都關了門；只有「Starbucks」、「蛋撻王」等三四間輕食店、外幣兌換店及兩三間小店仍然繼續營業。不只「Duty Zero」內的貨架空空如也；窺探其他名店捲閘後的光景，店內貨架同樣全部清空！一直走到登機閘口，才現少少人氣。好期待香港回復正常的那天快些來臨！