ChristineChan1024的个人专页

上年生日飯系呢度慶祝🎂 無論食物定服務，都好好好鐘意。環境好靚好Grand，呢度既燈光影相系勁靚！！！今年拍拖周年就同老公黎試下佢Unlimited Dim Sum Brunch 🫖 $488 一個人5款食物頭盤，14款仼食點心，仲有3款共享主菜同甜品拼盤🍮星期日13:30-14:30時段仲會有魔術師枱邊表演互動，見到啲小朋友俾佢氹得好開心🧙🏻‍♂️💫 仼食頭盤青芥醬蹄凍｜醬蘿蔔｜韭菜拌鮮竹椒麻素手撕雞｜泰式白玉木耳每款都好有特色，唔係一般酒樓供應嘅前菜。個人最鍾意泰式白玉木耳，味道酸辣醒胃，口感爽脆清涼，真系會忍唔住一啖接一啖。青芥醬蹄凍入口好QQ好似啫喱咁好得意幾滑溜。💫 仼食點心水晶蝦餃 🏅 皮薄蝦鮮彈牙胡椒雞湯小籠包 🏅必食！！胡椒雞湯味好突岀夠熱XO醬炒腸粉 👍🏻 鑊氣十足，好惹味但唔會好油膩蜜汁叉燒包 👌🏼黑蒜燒賣 🏅 肉質好紮實幾特別蜜汁叉燒腸 🏅 皮夠薄又滑早就松露山竹腐皮卷 👍🏻💫 共享主菜時令蔬菜 👍🏻 岀街最怕啲好油好咸既菜 呢度完全唔會！！食落完全無負擔雞米花雪燕𡙡 👍🏻 滿滿滑溜雪燕 啖啖料勁足料飽肚古城煙肉炒飯 👍🏻 勁鐘意米通脆卜卜既口感，加上個炒飯做到粒粒分別好香口💫 甜品拼盤茉莉花茶凍 👍🏻淡淡既苿莉花香 好清新解濟流心紫薯球 🏅 意外地好食有驚喜😍 外層脆卜卜咬開就系奶黃餡椰奶藍冰粉 👍🏻 賣相好靚好IGABLE 好清涼…查看更多

每隔一排就會好掛住嘅車仔麵已經食過好多好多次。平日下晝唔使等位唔多人坐得好舒服，仲要唔使趕時間咁食配料嘅份量都好足，每次叫兩至三個餸加個幼麵已經超級飽肚。紫菜同冬菇都好穩陣，反而呢度嘅牛腩比較奇怪，唔係平時食開嗰隻，肥肉比較多。個人比較鍾意一般嗰啲牛腩，下次唔會再叫呢個餸，雞翼嗰啲仲出色…查看更多

見到呢間君蘭冰室開喺朗豪坊見到而價錢幾抵食，就約同事一齊黎試下！大約$60至$70都可以有一個lunch連飲品。平日都坐滿應該好受附近打工仔歡迎。羅宋湯牛肉通粉配多士同煎蛋同兒童鴛鴦 $58+1碗通粉上枱嘅時候已經覺得圖文不符，牛肉好明顯唔係同一款，亦煮得比較老黐埋一大嚿。通粉同湯底味道就係你想像到嘅罐頭羅宋湯。多士厚身脆卜卜。 兒童鴛鴦原來係好立克溝阿華田溝奶，飲落就知道粉嘅份量極少應該仲溝咗少少水，所以味道好淡，都係叫返可樂或者凍檸茶嗰啲穩陣啲。試過一次便好，應該冇下次，冇試過都唔會可惜。…查看更多

两個人Early Dinner可以享受到超抵食嘅下午茶餐一直都係甜品出名，估唔到佢哋嘅意粉都咁出色。兩個人叫咗三個餐仲有兩杯飲品都只係$201，仲要份量完全係晚市咁，性價比極高！！而且座位都闊。估唔到平日下晝都咁多人，銅鑼灣分店差唔多滿座。大推黑松露長通粉🍝超濃郁黑松露香味，有醬汁之餘唔會過膩係重點！！長通粉都煮到啱啱好。成碟清晒。鍾意食黑松露嘅一定唔會失望。蜆肉意粉味道唔差但係有沙就扣分。另外仲叫咗雞扒沙律，個烤雞扒超Juicy，雞肉嫩，仲配咗薯仔沙律，都好出色。下次一定會再幫襯試吓其他菜式，同埋佢個超級牛角包雪糕甜品🍧…查看更多

每次經過呢間韓式外賣店都覺得好吸引，今次終於有機會試諗左好耐最後決定試烤牛肉韓式飯卷$53！呢個價錢有12件，每件都好足料，真系料多過飯！要擘大個口先可以成舊食到Overall味道唔錯，但乾咗少少，總係覺得要配少少汁先完美。最後攞左屋企盒泡菜岀來一齊食…查看更多

經過呢間西餐餐廳俾佢嘅環境吸引咗，座位幾闊落可以同朋友靜靜地傾偈。店員都好友善，會主動走過來介紹餐牌。平日夜晚唔使等位。黑松露手搓粉 $138眼見覺得個份量偏少。上枱唔會話聞到好香黑松露味，擺入口先感受到有黑松露香味。手搓粉好有咬口，將溫泉蛋撈埋一齊食口感更加豐富。+$40做套餐有一片好細嘅法包，幾新鮮嘅雜菜沙律，同埋一杯熱檸水。辣炸雞卷配薯條雞卷份量幾大有驚喜，有好多配料蔬菜，所以入口好滿足。雞肉份量正常算嫩口。薯條都幾脆口。不過都幾辣，所以我都拎走咗啲辣椒。Overall水準正正常常就係你幻想到嘅嗰個味道。…查看更多

每次經過都會比勁香嘅泡芙味吸引回頭睇一睇個櫥櫃！食飯之前有啲肚餓就決定買個泡芙嚟醫肚！一直都係食開佢嘅朱古力脆皮同水果味，見到芒果同白桃個賣相都好吸引，掙扎咗好耐，最後決定試佢個期間限定芋泥牛奶忌廉 $26芋泥味都出嘅，不過唔會好重，反而係個牛奶忌廉味會搶咗個芋頭味。芋頭同牛奶忌廉嘅比例大約係三比七。 唔會太甜，但整體冇咩驚喜都係食返其他口味會滿足啲。平日下晝時間到已經大排長龍，不過店員都好快手，所以唔需要等好耐！…查看更多

一家人一齊食飯最岩就係叫餸食飯🍚一行10個人專登入嚟季季紅食有米豬🐖燒鵝肉質幾嫩，燒既時間岩岩好，上枱即刻聞到好香🦢薯仔牛柳粒比較一般，牛煮老左薯仔都唔夠香口菜乾豬肺湯反而有驚喜仲有好多湯渣食👍🏻 豬肺洗得幾乾淨點豉油食淨食正💕重點岀場有米豬🐖師傅好細心會岀黎問你要唔要原隻影左相先切開！我哋當然切前切後都影啦😍 切開影系真係靚啲既，而且份量睇落去都多啲。燒得好香脆忍唔住食左四大件！糯米飯就唔夠乾身失色少少蟶子，都幾大隻新鮮小炒王，普普通通正常發揮。東坡肉幾推介，特別煮法系有加蕃茄🍅蝦，普普通通…查看更多

夜晚紅日六點左右嚟到唔使等位可以即刻入座！店員都係韓國人！雞湯麵$88一上台已經嘩左聲因為隻雞好大隻有成半隻咁多🐥呢到主打每日新鮮手工刀削麵🍜麵條幾煙靭Q彈，份量好足食極都有咁。雞就煮得比較老，唔嫩比較硬。配菜泡菜都幾辣🌶️套餐加配尖沙咀分店限定花蟹刀削麵$40我哋諗住套餐加配係細細碗咁上！但佢竟然係同正價$118既Size、份量一模一樣！意外發現咁樣叫係抵食好多😹 都有4-5件蟹肉，煮既時間岩岩好所以蟹肉幾嫩，湯少辣較惹味。套餐跟配迷你紫菜包飯好經典既餡料，蟹柳、蛋絲、蘿蔔、泡菜。都滿足到想食韓式壽司既癮既。豬肉餃子$38好大隻餡料好多🥟味道正正常常，比較普通。唔試都唔會感覺可惜。Overall食物中規中矩冇網上啲人講到咁驚喜！只係份量較多幾抵食！…查看更多

Lunch Time 12:45左右終於嚟到試人氣韓國麵店🍜 啱啱好最後一枱唔使等位👍🏻 餐廳環境裝修幾特別。蜆湯麵 $78唔系叫Set都提供幾多配料，包括泡菜、醃蘿蔔、細碗紫菜飯！擺盤幾精美！超級多蜆肉，湯底幾清甜。可惜三份一都食到有啲沙。反而個手工刀削麵幾好食，口感煙靭好滑身，份量勁多！朋友試咗辣拌麵份量都好多味道酸酸小辣，入口係清涼嘅感覺超級適合夏日！平日中午好受附近返工嘅人歡迎，落完單之後見到門口已經排晒隊。下次仲會想試雞湯麵同埋牛湯麵。…查看更多

📍香港📍佐敦📍正九清湯腩 (佐敦)📍佐敦佐敦道26D號餘慶大廈地下A-C號舖📍星期一至日 10:00~22:45🦄 清湯牛三寶河粉拼紫菜 $64+$8湯頭清甜唔會過咸飲完都唔會口渴👍🏻 河粉好滑唔會淋到一咬就爛。三寶包括牛腩、牛筋、牛肚，份量好足！牛肚乾淨有嚼勁，牛筋軟綿綿又保持到有彈性，牛腩肉味香濃。差唔多台台都叫牛三寶。必試！🦄 淨菜肉雲吞 $42一份七大粒成粒乒乓波咁好抵食！隻隻都好足料，肉嘅比例佔多。夠晒飽肚。🦄 芥蘭 $19新鮮爽口！唔鍾意食芥蘭嘅都可以揀生菜或者菜心。呢個份量好抵食。🦄 凍檸蜜 $8跟餐加$8比好多茶餐廳價錢優惠👍🏻…查看更多

見到openrice有咁多好評，抱住好大期望咁去食呢間餐廳。點知極度失望🥹忍唔住要俾返個差評。Sea Urchin & Scallop Linguine HKD178意粉偏硬身感覺似係未煮得夠時間。海膽食落唔係新鮮嗰隻，唔腥但系聞落怪怪的。食咗一細啖我已經放低咗。帶子正正常常。醬汁係好Creamy既，不過食到都系會膩。Black Truffle Cheese Chips HKD59薯條唔係好熱，更加唔脆，可能因為佢系倒啲芝士汁上去所以令到佢淋左。份量唔多。芝士味有嘅，但係黑松露味就唔太食到。Special Menu 牛既risotto 啲飯都係偏硬身，牛既調味都比較淡。份量少。Chocolate Milkshake HKD55幾乎每啖都飲到朱古力碎，有咬口。不過隻朱古力味唔係特別好飲，飲晒成杯都覺得幾膩。Overall不值排隊，沙田有好多更加好嘅選擇。無下次我自己嘅體驗服務OK嘅，枱比較細同逼，完全聽到晒隔離講啲咩。自己都要好大聲講嘢對方先聽到。…查看更多

黃金周做緊半價優惠就即刻同朋友黎試下！計埋加一大約HKD400一個人，晚市自助餐黎講真係好抵食。凍海鮮唔算好多，比較抵食就系龍蝦🦞蟹腳🦀蝦🦐 仲有好多沙律水果，菠蘿好甜好好食🍍刺身款式5-6款，質素對得住個價錢。可惜無我最愛既帶子。生蠔大約中size重海水味幾fresh，仼食好抵😜 每人每次只限攞两隻。比較特別就有花膠雞粥，味道比較淡但有好多雞肉。可食可不食。燒物就推介燒羊架，肉嫩仲好入味，廚師燒得岩岩好👍🏻👍🏻熟食選擇唔算多，見到龍躉魚，避風塘炒蟹，豉椒炒蟶子，花枝帶子炒翠玉瓜都系比較多人食。訂位每人送一份鴨肝，擺盤靚上枱好香。呢個價錢無投訴啦。仲有movenpick雪糕任食🍦現場即制雞蛋仔好香脆👍🏻同埋依家好少見嘅芒果西米布甸🍮 小蛋糕就一般般。…查看更多

Book左位都要等問左店員幾次都系叫我哋等多陣。平日夜晚都超多人呀！！唯有食住零食糖水等入座。第一次系香港食海底撈，服務都唔錯。食物種類大致上差唔多！特別推介蟹柳同海帶。海帶好滑身好易入湯底既味👍🏻👍🏻蟹柳唔會一煮就散開，可以原條入口好好食。皇帝菜都好新鮮。蕃茄湯同菇湯都幾好味😋好夾好多野食。小食海帶都幾開胃…查看更多

公司附近既韓國餐廳🍴韓餐好適合女人食因為我哋好需要蔬菜韓式拌飯 $60份量好大相信男人都會夠飽。一上枱聞到好香麻油味，大量牛肉，紅蘿蔔，豆芽，菇，紫菜等等。食極都有既感覺🤣🤣 我同朋友都覺得幾好食幾正宗。仲有呀豬媽坐鎮…查看更多