littleme903的个人专页

深水埗真係好多美食，我諗大概經過呢間鋪頭好多次，次次都係岩岩食飽先經過，但已經食唔落啦，咁岩今日係附近睇醫生，於是就前一晚已決定要試下佢，鋪頭幾光芒，都好多人幫襯，我同屋企人就叫左個大大碗瀨粉（49蚊），有13种配菜，加杯凍檸茶（+9），兩個人食已經好飽，分量很足。其中最好食既配菜係魚皮餃同水餃，D餡好新鮮好多料，凍檸茶都幾好，D茶唔會似有D餐廳咁，好澀好苦，飲落去新鮮同埋順口。瀨粉聽講佢地係自家製，所以就大細不一，不過都幾特別，瀨粉唔同普通果D既口感，食落口，有彈性，同埋好煙韌，但美中不足就係，我覺得D味道太啖，唔知係咪我叫清湯既緣故呢？如果可以在濃味D會更好，下次想試下佢地個豬手，係鋪頭招牌wo,但因為今次食得太飽，已經食唔落啦，所以留返下次在試過啦~~…查看更多

呢日係星期日，係銅鑼灣呢到行左咁耐，係時候又要搵飯食啦～～又唔係太肚餓又唔算好飽，於是大家一致決定搵小食啦.然後就咁岩比我發現左係銅鑼灣廣場一期上面，居然開左間大阪燒餐廳！由於我同個FD都係特別鍾意食日本野ｏ既人，所以就抵受唔住誘惑入左去睇下.果時可能岩岩過左LUNCH啦，所以裡面都唔係好多人，唔洗等位就可以入得.坐底後，發現佢個座位設計都幾特別，係高一級的，對腳可以＂塞＂到入去，係頭頂上面掛住左好多一塊塊寫住＂芯＂既布料，然後牆壁又貼左好多張大大幅既食物相，感覺都幾吸引而且係呢到一份大阪燒都係賣５０蚊唔洗，係呢頭開餐廳，都可以話係良心之中ｏ既良心價了！最後，個日式鰻魚飯真係好得！(而我居然忘了影相Orz)…查看更多

今天跟家人做冬節日慶祝，就預訂了這家鐵板燒餐廳（做日本料理的）。昏暗的環境，看起來格外有情調跟氣氛（我們都是在＂中場＂落座的），卡位那邊，四個人剛剛好，座位寬敞，也不會擠迫。叫了個聽說是最新推出的＂刺身優惠套餐＂，跟火鍋來試試。刺身後快就上場，看起來也讓人食指大動。三文魚魚肉十分厚身，肉質也是偏軟軟的，口感好，魚油香味也十分濃，水準很高，感覺不錯。然後是它的帆立貝，挺大片的，份量也十足，吃下去有股＂海洋味＂，即是俗稱的＂魚鮮＂味，而且肉質鮮甜，非常好。這家店面積大，裝修格調也是走高級路線的，食物水準也高，值得一試。…查看更多

話說上個禮拜落左去<焸帝王蟹>到試佢最新出既果個半放題，同個朋友黎到，叫左菜無幾耐，個頭盤(刺身)就已經上左先。認真，味道真係唔錯，而且個樣幾岩相機食(我個fd對住佢影左幾張相,不過自己就無影...)賣相好，但如果份量可以多番d就更好...(對於我呢挺大食既黎講有點少)成日聽人講呢到辣道正,,不過可惜我食清湯底...但見個fd係咁"碌",我諗應該都係唔錯既最後...店內環境唔錯, 比較暗,望落感覺幾舒服…查看更多

我唔係上海人,但對上海菜有一種特別的情意結,今日趁老闆唔係香港,就約咗啲小學同學去上環望月軒食個lunch time, 來個新春團拜兼敘舊。呢度裝修夠氣派,座位整齊, 坐得舒服,環境唔錯仲有海景睇,傾計晒啦!我哋5個人唔係叫好多野,叫左兩個冷盤雙冬烤麩$78同上海脆皮素鵝$78,脆卜卜腐皮, 又正又好味雙冬烤麩嘅質感就好似腐皮和豆卜,充滿豆香味之後到蘇杭東坡肉$88,炆得好入味,呢隻半肥瘦啱啱好, 口感非常有層次, 而且仲有個小蠟燭喺底暖住，一定唔會越食越凍，呢個設計真係非常貼心跟住到我至愛松子桂花魚$328,炸得外脆內嫩,勁正啊😋😋魚又大條,所以夠抵食,加上啖啖肉酸酸甜甜好開胃,值得推介!!最後係清清地清炒蝦仁$198,蝦唔算好大隻但就好爽口兼彈牙,蝦仁味道極其鮮美😋😋, 係一道我幾欣賞嘅菜式樣樣都超高水準,十分十分滿意,已經決定好下個月要帶我朋友再來希望keep住水準, 我哋一定再嚟幫襯!…查看更多

今日難得出開去奧海城行街，行到累累地，連食午飯時間都唔記得咗添，索成食過下午茶；就係附近搵間野坐底食完之後，先再繼續血拼過；揀咗呢一間食，係門口等位等咗好耐，都仲未入得去；諗住食過下午茶啫，唔洗咁對我呀>_<，入到去先知道原來鋪頭唔係好大間，所以要等咁耐，坐到埋位望下張下午茶有咩食，決定落單，叫份叉燒米線再有一份小菜拍青瓜，落單點解侍應叫極都唔應我既？/_\終於落到單啦！等咗唔夠20分鐘就有得食，太好啦！叉燒望落去肥瘦都均勻，味道唔錯！正！，米線份量啱啱好，份量啱啱足夠一個人食，之後想叫侍應加水，飲多一兩杯茶，點解侍應又係叫極都唔過嚟既？唔通連啲侍應唔鍾意我TAT有可能我位置坐得太入，佢可能未必望唔到我，所以遲遲都未幫到我斟水，但慶幸佢地見到；反應都好快手；幫我裝咗壺。…查看更多

 每次經開牛頭角一達，都會好掛住呢度既酸辣蠔仔豬扒紅薯粉，仲要加上呢期天氣有時涼涼地；     叫一碗暖下胃，味道好惹味；而且可以揀辣度，份量已經都夠我食，唔會話太小或者太多     而且最鍾意食佢裡面既花生，好香脆；嚟緊又開始凍，如果經開又去整番一碗先…查看更多