alung06的个人专页

本身住樓上，住左幾年，第一次食，諗住附近環境都乾淨正常，加上佢租多間舖黎做，又見好多人買銷路應該唔錯，諗住應該穩陣啦。琴晚買左一個三餸飯外賣，$43，麻婆豆腐/蒸水蛋/炆雞，拎返屋企個陣已經聞到個飯盒有小小魚腥味，但明明我三個餸都無魚。之後返到屋企打開飯盒又好似無左浸味就食啦，味道非常麻麻，賣相普通，炆雞無鑊氣，麻婆豆腐唔知用咩醬料整，怪怪的。食完都知水准差，唔會再去。今朝開始個肚開始唔舒服，去到下晝屙左三次。我就唔會再幫襯架喇，但都希望店主改善衛生問題。…查看更多

夜晚八點半一個人自己光顧，卻遇上非常不快之體驗。男店員1示意我搭枱，我進入店舖內後看到有三張四人枱都是空的，其中一張是空的，另外兩張係未執枱。由於店員要求我搭枱的該枱食客正在咳嗽，我已即時向男店員2查問是否可坐另一張，男店員2示意我坐空的四人枱。坐低唔夠一分鐘，正在看點餐紙之際，男店員1帶住3位食客行埋去我張枱，表示「我地有三位，麻煩你去返剛剛個張枱」。我嬲到即刻起身轉外賣。我明白一個人好多時候都要搭枱，我完全理解，但我光顧時是晚上八點半，並非繁忙時間，外面係無人排隊，同時仍有兩張空枱，只不過店員自己唔執枱，就強行要我搭枱，搭枱既食客仲要咳緊既。就呢次既體驗，我完全唔理解呢位男店員諗緊咩野，完全無同理心，亦都唔明白咩野叫顧客服務。網上面完全搵唔到呢間公司既投訴資料，我嬲到要上黎專登打篇咁既野…查看更多

見公司附近開左間新野，抱住試既心態。見到環境新同乾淨就入左去食。Lunch時間，等左5分鐘左右有位。食物方面，叫左個熱伴米線，餸就揀左豬軟骨，但份量真係太小喇，完全唔捨得俾人食，個豬軟骨唔係一嚿嚿上，係俾幾粒碎你，豬軟骨本身唔係咩值錢野，唔明點解要咁孤寒，消費者會覺得有點rip off 麵既份量都好勉強。今時今日收呢個價錢，出面有更好既選擇。味道方面，熱伴味道可接受正常，偏酸，豬軟骨碎唔係炆到啫喱狀個種好味既豬軟骨。無附送飲品。食完唔夠飽，仲要另外買野食醫肚，女士食可能都嫌份量唔夠，男士直頭唔建議幫襯。…查看更多

幫襯左超過六七年既韓國野，間唔中都會去食下lunch，支持下。餐廳望落去唔算新，但侍應來來去去都係個幾位，唔係韓國人，但自己覺得食物質素同份量一直唔錯。食物選擇多，但侍應唔會推介，識食一定係揀餐牌入面既lunch set，要加一服務費。今次揀左豬肉餐盤，小食款式無得揀，次次都係睇彩數，但泡菜/芽菜/菠菜呢d基本上係梗局。另外有個頹湯。食過好多間韓國野，覺得呢間味道唔差，價錢有平有貴既set，識揀既話算係合理。…查看更多

下午茶餐—————公司附近既一間意樂，平時有食過lunch/下午茶既外賣，今次終於有機會堂食下呢間意樂。呢間意樂係商場入面，環境衞生都叫正常唔錯。今次下午茶叫左咸牛肉炒蛋牛角包🥐配沙律賣相算唔錯，牛角包熱辣辣，味道唔錯，再加小小沙律菜🥗 算係懶健康少少既選擇啦下午茶餐包野飲，叫左杯特濃朱古力。呢間意樂既熱朱係濃既，唔係淡到好似水個種熱朱（雖然近月發現熱朱無以前咁濃咁好味，但都叫做合格，希望餐廳見到評語可以留意下）…查看更多

睇呢到既相覺得幾吸引，咁岩又係公司附近，所以去左買黎試下。第一次去，舖頭位置唔難搵。去到舖頭，見到舖面同職員個感覺係乾淨既。第一次試，好多款選擇，最後揀左$20/3件既糕點，整體感覺唔太甜，想食得唔太甜既朋友可以一試。******************************椰汁斑蘭千層糕/紅豆糕/眉豆糕******************************椰汁斑蘭最好味，三款之中最甜，煙煙韌韌咁，最好味，椰汁同斑蘭味都唔錯紅豆糕竟然唔太甜，味道正常發揮眉豆糕好多豆，咬口唔錯呀下次想試下佢一樽樽個d甜品…查看更多