Jason fong的个人专页

今日食lunch 同事提議去石硤尾賽馬會藝術中心食lunch, 入面有間茶館叫文博軒，非常有書卷氣，我幾次經過以為只是飲茶，原來有lunch食。睇下餐牌，55蚊一個lunch 有麵有茶ok喎，我叫左個薑汁芥蘭水餃麵加晋洱茶！因為呢度主打買茶，所以晋洱茶茶味不錯， 薑汁芥蘭水餃麵到，一咬個餃子，薑汁一咬即有，味道幾特別，係出面餃子舖冇食過，而且包得長長型狀，幾結實及味道有驚喜，味道不錯！食完加8元試吃桂花糕，味道OK啦！口感清新，真正爲呢個lunch 劃上完美句號。…查看更多

我住在元朗區，正所謂近廚得食，近元朗梗係去元朗食好野啦，元朗食野勝在多選擇 價錢又經濟。今日有要事行去元朗廣場，所以係元朗廣場附近找野食，經過呢間小店我地望下啲餐牌，決定入去試下。我地叫左：芝麻雞翼：雞翼炸得幾香！咬落去幾脆，而裏面都好juicy，仲啱啱炸起，真係好好食。蒲燒鰻魚定食：半條招牌蒲燒鰻魚定食到左上枱，鰻魚肉質都算厚， 食落口鰻魚充滿醬汁的香味，都幾美味。貓飯我地未試過，個貓飯有紫菜、木魚花、豉油，侍應叫我地碗飯要撈勻先食，而定食仲有前菜、漬物、煎茶、味噌湯添。蟹膏蜆肉炒飯：呢個炒飯，好多蜆肉，食到有蟹膏味。今次呢一餐唔錯，埋單都唔算太貴。呢個價錢下次會再幫襯及試下其他菜式。…查看更多

今日去開尖沙咀，經過厚福街，記得樓上有間定食 DORAYA，上次幫襯都係銅鑼灣店，今次第一次去尖沙咀店，原來大間咁多，今日我早左到，好彩唔駛等好耐算有位。我今次來呢度目的一定係食藍鰭吞拿魚。不過餐牌内都有不同部份可供選擇，咁大拖羅腩肯定我推介啦，所以我今次叫左個藍鰭吞拿魚大拖羅腩丼定食。你睇呢份大拖羅，賣相幾靚，相片中已經見到拖羅油分充足，每一件拖羅腩入口後就feel到D魚油香好似爆出咁，渗哂係咀内，真係好正。而且個飯係暖嘅，魚油的油分亦渗左係D飯内，連飯都有魚油香。定食仲有個等蒸蛋，蒸蛋好滑唔差。好老實講，藍鰭吞拿魚我覺得呢間最正，食到日本嘅味道，滿足下我地「思鄉」的感覺。…查看更多

今日朝早要去元朗工作，一大清早入元朗，一出元朗站入去Yoho就前少少就見super sandwich，反正件有好多時間，所以入去食個靚早餐先，叫左個牛角包+炒蛋再配番茄湯絲粉。我入到門口我比完錢落order，侍應就比個電子牌仔你，我放响枱面嘅位置，好快侍應就送餐到枱面。番茄湯螺絲粉是用湯杯盛載, 味道唔差，留待最後才食也沒變凍的問題。 炒蛋也沒有過熟, 切開仲有少少蛋汁, 味道可以接受。最重要到試下牛角包，牛角包也夠酥鬆, 但牛油味差少少, 亦比預期有DD。最後配埋凍咖啡就係供應我今天原動力的一餐…查看更多

今日下午原本同同事去嘉頓食lunch,但原來已爆，見呢間咁特别又未試過同同事試下，餐廳内只有四種選擇，分别係梅、竹、松、特上 四種丼飯，分别係:1.梅係有9種魚2.竹都係9種魚但增量3.松係9種魚加蟹肉、4.特上係9種魚加蟹肉再加埋海膽一黎會先送上兩片魚生片，而魚生上面有少少胡麻醬，佢地教我地先食一片先，另外一片留返一陣放湯食。我地今次叫左竹，吞拿魚蓉搭到好高下，份量好足料，味道幾好，而佢地教我個丼飯可以分3份食：三分一用紫菜當手卷咁食三分一魚生飯咁食最後三分一將魚生飯加湯當湯飯食，我覺得三個食法呢個最正，湯好似係鮮魚湯，食時加翻之前食剩果一片魚生片。鮮魚湯配上魚生飯，味道唔錯，魚湯又鮮味，呢個食法食完令整個飯增分不少。總括來講，未食過可以一試，店主話如果夜晚食仲可以叫蠔，下次要去試下。…查看更多

我一早都想試下呢一間Tamago-EN，今日難得這晚有空行經一田，決定入去食晚餐。這間餐廳非常特别，memu 内的菜式以雞蛋為主題，每一道菜都有蛋的元素在內。五款玉子燒，每一條玉子燒配以不同配料，有蕃茄仔、海藻醬、親子三文魚、鱈魚子沙律及蟹肉，個人覺得蟹肉、三文魚子好好味，玉子燒得不會太乾，而我最推介蟹肉玉子燒，蟹肉非常鮮甜。主菜我揀左明太子三文魚忌廉蛋包飯，啲忌廉汁非常濃郁， 每一啖飯同三文魚嘅香味，三文魚小小鞋，但新鮮舊三文魚好厚，包飯嘅蛋係幾靚，味道也不差。 洛神花黑加倫子啫喱茶~洛神花同黑加倫子原來都好match,配埋啫喱好特別。…查看更多

今日早上見得閒，突然想食排骨飯，知道流浮山有間茶記出名排骨飯，所以走去流浮山生利就係為左呢碗排骨飯。生利位置有D隱閉。喺大街直去再轉入小巷, 就發現生利茶餐廳!不過排骨飯 menu 上係無嘅, 不過10枱客有8抬客叫排骨飯，唔知都會知排骨飯出名。排骨飯 $19排骨飯黎時有隻吉碗，因隻佢係連碗蒸飯,所以好熱，所以俾隻吉碗我哋係要將嗰碗排骨飯倒落去慢慢食，D飯軟熟, 而且軟硬度適中! 排骨略為咸左D,送飯就啱啱好。加埋配茶記凍奶茶，一流。…查看更多

今日傍晚約了三位朋友晩餐，由元朗駕車到呢度，需時兩三個字，非常方便，車又可以停到餐廳前面，方便泊車。餐廳環境優美，木材桌椅增添了原始的味道。客人可以選擇室內或室外的位置。由於天氣算幾熱，我們選了室内的位置。西瓜沙冰 西瓜味略爲不足，但甜度適中。叫左酸辣鳳爪，正正常常，不過略嫌有啲唔夠酸辣，可以再多D。炸皮蛋係類似一層炸魚蛋内裏釀左皮蛋，原本覺得呢個有D特別，不過食落味道一般，冇乜特別。鐘意食皮蛋可以試下。炒通菜~味可以及夠味，但個菜既質素只係一般，略為唔夠香，有D失望。我地點左豬同牛，肉幾嫩，汁好食，ok海南雞例~幾好食，中間有層白色啫哩，雞都算幾滑，配埋個汁，唔錯。蝦醬炒飯~蝦片唔脆 但飯都炒得好香，有啖啖蝦醬味，唔錯。總括來講，食物及環境唔錯，可以值得再黎!…查看更多

好耐冇行去厚福街食野，一兩年前曾經幫襯呢間食店， 今日行經過食下先，我幾鐘意佢個烏冬， 湯底好濃味 呢個價錢食到呢個質素算幾好了。今日七點左右去到，等一陣就可入座，叫左兩個烏冬及一個蒜容燒聖子試下:特選大門蕃茄濃湯手打烏冬 番茄湯非常濃郁，湯内有粟米粒及豆，烏冬滑嘟嘟食落幾彈牙，而配料有溫泉蛋、叉燒及雞肉都幾豐富，食完烏冬連個湯都飲埋。鮮蟹肉蕃茄濃湯手打烏冬 番茄湯又係非常濃郁，湯内配料今次除了有溫泉仲有蟹肉，味道唔差.燒得不錯、蔥及蒜味好足夠，聖子尚算新鮮，肉爽嫩口。多年來質素都keep到，而且係度咁多年仍咁多人食係有原因的，如果食烏冬及串燒，呢間係好推介。…查看更多

下午時間經過深水埗唔知食乜好，行經福華街見到呢間海南雞店入去試下。入到去唔使等位坐低叫呢度招牌海南雞飯先。首先送一碗冬瓜湯先，個湯好消暑解渴但湯面有少少油膩，飲落少少鹹及有少少胡椒味，有D特别。海南雞飯終於到了，原來呢度雞飯配埋菜心，雞嘅份量都不少，佢的特色醬汁配埋D雞都幾好，海南雞飯D飯係嘅油飯，飯粒都ok不會係淋飯。另外叫左杯青檸蜜梳打解下喝，估唔到杯野都幾好飲！青檸味清新加埋蜜糖既甜味又中和左青檸D酸味。good…查看更多

今日特登去荃新天地食飯，原本諗住去marco oyster 食晚飯，原來marco oyster 冇左及改名叫GF Bistro，除左名字外，好似其他都冇變，店外位菲籍歌手都仍在自彈自唱，歌手唱住經典的英文歌，非常有氣氛十足。店内環境亦雅致舒適。叫左杯汽酒先店舖同以前不變，主打生蠔，所以一坐低叫左四隻生蠔先，生蠔海水味重，肉質非常飽滿。龍蝦湯好香好鮮味，味道濃郁，每一啖都有龍蝦鮮味。黑松露炒蛋配多士~多士非常脆口，多士已塗滿左牛油（肥)，配埋美味的黑松露炒蛋，炒蛋同松露非常夾，再將炒蛋放在多士上吃，口感非常好味。兩種食物配塔得天衣無缝。香草蒜片蜆肉炒意粉~美味的意粉用蒜片炒香再配以鮮嫩既蜆肉，有蒜香味之餘亦增添蜆肉的鮮味。御用風熟28日肉眼扒~肉眼扒肉味肉質嫩滑 ，叫左五成熟，肉質好冧身，隔離有個用意粉炸成一個架，係食得架，仲有薯條炸至脆口，非常好味。總括來講，呢餐非常滿足。…查看更多

之前睇YouTube 内有人介紹過呢間酒樓片皮鴨抵食，所以今次去開沙田市中心行街，順便可以去下呢一間酒樓。除左片皮鴨仲有其他小菜選擇。主菜一，片皮鴨，我地兩個人食，食完隻片皮鴨都好飽。片皮鴨味道不算差，鴨肉夠味，鸭皮雖唔算太脆，但二百蚊樓下就可以食到一食片皮鴨想點?呢個價錢已然真係相當抵，而且個價錢竟然有呢個份量（目測十多廿十件） ，我地2個人食就有少少滯啦哈哈但餅皮就⋯比較厚，如果薄返小小就好D。粉絲海鮮雜菜煲，煲野勁足料，唔係得菜，不小海鮮，味道唔差，食完好滿足！…查看更多

今日去尖沙咀行街，行到尖東找野食dinner,見到有間越南小館就試下，順便食下好耐冇食的越南春卷。睇完餐牌，餐牌不算太多選擇，但大路的越南野都有，我地首先叫左凍青檸梳打。 飲落都幾爽及好正的!另一杯叫左杯凍鹹檸梳打，味道少少鹹地幾開胃，而且仲可以降下火。主食叫左一碗生牛肉湯粉了，牛肉都算嫩，而且有肉味之餘，份量也不少呀！湯底夠甜亦都飽肚。另外一碗係烤豬頸肉撈檬。豬頸肉都香及夠味，檬粉加埋d菜，份量都不少，我就喜歡落極多酸酸甜甜既魚露，撈埋真係好正。到期待好耐春卷了，春卷炸得好脆，呢隻春卷肉不算太多，裏面最主要紅蘿蔔、木耳夾埋好香好好味。總括味道不差。可以一試。…查看更多

工作關係，今日要去東涌，順便去下巔皮村口搵野食，見到有間泰國餐廳就食個lunch 先。可能食飯時間，雖然只係小店，但都不少人。見到個餐牌午餐都有好多樣選擇，難以選擇，最終選左青咖喱豬飯+龍眼冰踏入春天天氣開始熱了，食泰菜最好就系叫番杯凍飲，餐牌lunch 加10元就有龍眼冰就試下，龍眼冰唔太甜，龍眼肉都有好多粒，食完好舒服。另外青咖喱豬肉都可以，豬肉軟腍，青咖喱辣度可以接受，有泰國風味，好味道。整體黎講，食物質素都可以接受，以$50一份lunch黎講真係ok，有機會下次黎試下食晚餐。…查看更多

收工想食魚生飯，元朗站出去雞地附近行行下就見到呢間丼家，見當時冇乜人所以就入左去。 魚生丼係大約數十至百多元，因太多選擇㨂左好耐.所以㨂左個究極丼，而每一個套跟都會跟沙律及湯。到介紹究極丼，呢個丼飯内有12款魚生刺身，刺身都幾新鲜。而剌身好新鮮 同埋見到相已知~好足料。另外仲有一份蟹較，蟹有鮮甜味，海膽亦算新鮮，而蝦肉亦新鮮彈牙◦而三文魚亦切得較厚身，幾好味。整體黎講呢間小店呢個價錢係超級唔錯喇。？…查看更多