平民食評家的个人专页

晚餐份量唔多，等餐比較耐尤其是兒童餐，有扭蛋唔錯算有心做，壽司新鮮，但醋飯太酸，壽司款式唔算多，墨魚壽司面有柚子鹽太鹹，無得揀唔要我就覺得影響左件壽司味道，而且唔係個個人鍾意咁鹹嘅柚子鹽，整體無咩特別，都係醋飯太酸影響壽司味道，峰玉子壽司超乾，好似擺左好耐咁…查看更多

環境：一步入呢間餐廳，好明顯第一感覺已經係佢超賣左，加台加到爆，食客/員工都寸步難行，台與台之間距離重近過我自己係屋企食飯。服務：咁大量食客來講，員工不足，好多檔口見人埋去唔係即刻有員工招呼到，收碟方面員工服務還好。食物質素：1，魚生切切下就變左角切求其，保持唔到水準。                          2，蒸鱸魚食左咁耐擺到以為係凍食，居然睇住佢攞入去蒸翻熱攞出來擺返原位，超肉酸，後尾大家都甜品時間嘅時候佢係有蒸條全新出來嘅，但就完全唔理解時間上嘅安排囉。                       3，擺 D新鮮嘅龍蝦係度誤導食客以為蒸龍蝦係用新鮮龍蝦，其實只係蒸 D 雪藏凍龍蝦比你食。                      4，全場無食物特別，根本唔係好似D 網路紅人講到咁跨，我覺得最好食只係雞蛋仔。最後我給予評語係：此餐廳影響了該酒店品牌，質素對不起此價錢，係我食過第二差嘅自助餐，永不用再幫襯。（食評只代表本人用餐後感覺，不代表其他任何食客感受）…查看更多