jackjackjj的个人专页

國金軒位於中環IFC，係一間連續攞到米芝蓮嘅高級粵菜食府，裝修富麗堂皇，靠窗位仲望到維港景色，環境無得輸。呢期佢哋嘅秋冬限定嘅「五蛇御宴」，每一道菜都好有特色，真正食到師傅嘅功架。頭盤乳豬鵝肝脆窩巴一上枱就好吸引，乳豬皮薄脆到一咬就聽到「咔嚓」聲，鵝肝滑溜香濃，用窩巴襯托出層次感，鹹香中帶一點甘香，連埋紫蘇葉一齊食，唔會太油膩，好幸福嘅味道。水晶大蝦球賣相夠晒靚，細緻到有透明感，蝦球啖啖肉仲鮮甜彈牙，爽口又唔會太鹹，盡顯師傅嘅刀功同調味技巧，每啖都有蝦嘅鮮味，真係好正。重頭戲係「太史五蛇羹」，湯底以五種蛇骨、老雞同金華火腿慢熬幾個鐘，湯色清澈，味道層次好豐富，飲落去鮮甜又好入味。羹入面嘅蛇肉、雞絲、冬菇絲都切到幼細，滑溜爽口，每一啖都食到材料，唔會覺得重蛇羶味，暖胃又滋補，非常適合秋冬季節。主菜有鮑汁香酥釀遼參，用上咗上等遼參，大大隻，釀入芋泥再炸，口感層次好豐富。加埋鮑魚汁，味道好惹味，海參夠彈牙，唔靭口，好容易咬開，真係一流。籠仔古法蒸星斑魚柳，魚肉嫩滑，送埋瑤柱豬肉絲，鮮味十足，蒸得啱啱好，完全唔會過老。食蛇又點少得糯米飯，生炒糯米飯粒粒分明，入面嘅臘味香四溢，米飯煙靱中帶黏，豬肉同臘腸都好入味。薑汁燉鮮奶滑到入口即溶，奶香濃郁，甜度啱啱好，有淡淡嘅薑香，夠晒驅寒。新彊棗皇糕細緻Q彈，帶淡淡紅棗香，唔會死甜，完美嘅Ending。…查看更多

銅鑼灣Sugar+26樓嘅瀧宴日本料理，餐廳有大片落地玻璃，出面系維多利亞公園景，鐵板位可以睇住師傅料理，入面仲有包廂，聽講可以睇到煙花景。招牌宮崎和牛龍蝦宴套餐，頭盤季節刺身有三款選擇，每片魚生都切得夠厚身，魚肉嘅香氣好突出，咬落去脆卜卜，充滿海洋味。特色壽司杯，魚片鋪面夠闊夠厚，食落去爽脆夾香甜，仲有勁鮮甜嘅海膽，好有誠意。海鮮茶碗蒸，蛋輕盈滑溜，入面裝載咗豐厚嘅蟹肉同各式海鮮，味道層次豐富，海鮮嘅香甜同蛋嘅柔和完美融合。南非鮑魚用自家製醬汁經過慢煮處理，鮑魚嘅肉質爽脆又有彈性，一啖啖都好juicy，醬汁好惹味。生猛龍蝦就選用咗鮮活龍蝦，蝦肉飽滿緊實，咬落去香甜四溢，配埋餐廳特製嘅醬汁。主菜宮崎和牛，肉質好軟滑，入口即化，油脂分佈勻稱。炒飯用煙肉同香蒜提香，粒粒分明又唔會油膩，襯上流心蛋黃。炒雜菜好爽脆，火喉控制得剛剛好，蔬菜色澤鮮豔。…查看更多

「泰仔」，門口大大塊玻璃加埋綠色招牌，好有泰國小店feel，牆身有少少泰式元素裝飾，乾淨企理。泰式乾炒雞河粉，河粉炒得夠乾身又有鑊氣，唔會油淋淋，雞肉件件都啖啖肉，口感嫩滑又入味，泰式醬汁鹹香同少少甜味，好開胃。 泰式香葉肉碎飯加煎太陽蛋，肉碎炒得好香，羅勒味好突出，每啖都好惹味，少辣嘅辣度啱啱好，食落微辣帶香，配白飯真係停唔到口。 太陽蛋邊位煎到微脆，蛋黃流心好冧，撈埋肉碎同飯一齊食。泰式雜錦海鮮煎蛋，海鮮份量足，外圍煎到金黃色，邊位香脆，入面就保留到蛋嘅嫩滑。羅勒醬烤和牛，牛肉烤到外面微焦、入面保持嫩滑，咬落Juicy唔鞋口，油脂分佈平均，好有滿足感。龍眼冰，入口清甜帶住淡淡果香，龍眼肉軟糯又有咬口。…查看更多

中華小館環境舒服又寫意。枱櫈空間安排得寬敞唔侷促，坐得幾舒服，鄰近港鐵灣仔站，交通又方便。二人套餐好抵食，紫砂茶壺滋潤燉湯，用咗紫砂茶壺呈上非常特別，賣相好似功夫茶咁，湯汁充滿五指毛桃香味，好暖胃。燒味雙拼有蜜汁叉燒同燒肉，兩樣都好入味，燒肉皮脆肉嫩，咬落去啖啖肉又Juicy，配埋少少芥末度提升咗個味道。叉燒油脂分佈平均，肉質好滑，鹹香中帶有鮮甜。燒汁斑頭腩，肉身啖啖肉，條腩位燒得剛剛好，外面焦香，肉質好冧。配埋個燒汁，味道更加惹味，送飯一流！翡翠帶子蝦仁用咗爽口的西芹，彈牙的帶子，蝦仁都好鮮甜。白菜仔炒得好有鑊氣，保持晒爽脆口感。另外仲嗌咗金勾銀蒜蒸勝瓜，賣相好靚，蒜香味做好突出，勝瓜本身滑溜嫩口，吸哂精華。甜品系雪耳紅棗糖水，滋補又好味。…查看更多

最近同朋友去佐敦嘅蝦蝦燒，大家都係海鮮燒烤嘅愛好者，呢度真係食到幾滿足。餐廳空間寬敞舒服，座位分佈得唔逼，冷氣夠涼，而最方便係用電子爐燒烤，冇油煙味，食完身上都唔臭，非常適合一家大小或者朋友聚餐。流水蝦大隻肥美，我地凍暈左d蝦後，燒到蝦殼帶啲微焦香，蝦肉好彈牙Juicy，啖啖都感受到蝦膏嘅鮮甜，點埋特製泰式酸辣汁，好好味。帶子同花甲都好鮮甜，彈牙爽口；沙白同蜆肉都處理乾淨，海鮮嘅鮮味保留得好好。鮑魚原隻燒，肉質嫩滑帶嚼勁，鮮甜得嚟有啲海味，非常入味。除咗海鮮之外，串燒都多選擇。鰻魚串燒煙韌中帶甜，燒茄子鋪蒜蓉牛油同孜然，香濃滑口。…查看更多

餐廳環境設計走日式簡約風格，整體氛圍寧靜而舒適。入面用大量木質元素，令空間感覺溫暖又自然，配合柔和嘅燈光。座位安排寬敞，唔會感到擠迫，裝修線條簡潔，桌椅設計講究實用同舒適。牆上掛住幾幅日本風嘅畫作，增添一份典雅氣息。鰻燒和牛三吃套餐賣相已經好吸引，擺盤乾淨又有心思。首先，鰻魚燒得皮脆肉嫩，口感好彈牙且Juicy，帶出鰻魚獨有嘅鮮甜味道，咬下去每一口都好滋味。牛肉切得厚薄適中，入口嫩滑，油脂分佈均勻，混合咗鰻魚嘅豐富鮮味，層次感十足，好有驚喜。三種不同嘅食法，令味道唔單一，間中會配搭特製醬汁，鹹甜度非常平衡。…查看更多

最近同朋友去咗火土燒肉，一間野外露營燒肉體驗嘅餐廳，就喺響Art Mall入面。成個用餐環境幾舒服，適合同朋友一齊圍爐食飯吹水。午巿燒肉套餐好抵食，我地點咗份夢見烏雞腿肉燒肉定食，燒完啖啖都係肉，外面好香，裡面極度嫩滑，咬落去好juicy。另外仲點咗份牛小排燒肉定食，牛肉質素好靚，燒到外層微微焦香，入面保持晒嫩滑多汁嘅口感，咬落去好crunchy，味道層次好豐富，牛油香配合燒汁嘅鹹香.套餐可以用優惠價加唔同食物：牛里脊肉係必點之選，肉質好彈牙，色澤漂亮，炭火烤過之後更加惹味。配埋餐廳嘅特製醬汁，每一口都入味得堂皇，完全係啖啖肉嘅質素。仲有A5宮崎和牛三角腹肉呢樣，油脂分佈均勻，顏色非常漂亮，一送上枱已經好吸引，啖啖都係油脂同肉嘅完美融合，入口即溶。加12蚊仲要升級夢王蛋海苔飯。佢地熟食方面都唔錯，柚子汁風乾火腿咁樣嘅組合有創意，柚子香同火腿鹹香夾埋一齊，好有層次；迷你甜番薯、明太子雞翼、紫番薯甘栗餅，賣相好靚，香口又好味。日式蜜桃汁同凍烏龍茶爽口到不得了，喝落去冰涼清新.…查看更多

上個禮拜同屋企人喺尖沙咀翠亨邨試左佢地嘅雙人套餐。餐廳環境開揚舒服，枱與枱之間相距都遠，可以慢慢坐住享受食物，心情都自然好起來。蜜汁叉燒皇拼香麻海蜇呢個開胃菜真係搭到好勁。叉燒件件都好厚身，咬落去Juicy到唔得了，啲蜜汁浸透咗整件叉燒。海蜇浸咗麻油，索晒香氣，食落去爽口又彈牙，兩樣嘢配埋一齊，層次勁豐富。金湯花膠羮飲起來好鮮甜，花膠啖啖肉，一啖落去感覺好滋補，湯頭平衡到好晒，唔會係嗰啲死鹹，整碗飲完連湯都清得一乾二淨。御品八頭湯鮑扣鵝掌係我今次食得最滿足嘅菜色。鮑魚煙靱又彈牙，一啖落去冇半點腥味，鵝掌就滑到好soft好juicy。果皮白玉蒸斑片蒸得好滑，魚肉好嫩滑，仲帶住少少果皮香，清新得嚟唔單調；豆腐好嫩滑，中和咗魚隻嘅濃味，配合得好好。錦繡火鴨粒炒飯唔油膩，飯粒分明得嚟又有火氣，火鴨粒香氣好惹味，食落去好滿足。芙蓉燕窩杏仁茶作為甜品，燕窩滑得好似水晶咁，杏仁茶勁香滑又唔會太甜，甜到剛剛好嘅位。…查看更多

Espresso Alchemy 美麗華分店，環境真係好舒適，餐廳採用開放式設計，以木色同黑色為主調，店內光線明亮，配合柔和嘅背景音樂，令人感覺空間感十足，唔會有逼迫感，提供一個好適合放鬆心情嘅地方，可以用心享受咖啡時光。店家的飲品表現出色，我最鍾意Earl Grey Chocolate ，出色嘅拉花好適合打卡，味道層次豐富，茶香與醇厚朱古力融合得好好味。Flat White 咖啡也是人氣之選，咖啡與奶泡比例恰當，帶有微微甘苦味而不搶味，入口順滑。主食Pesto Chicken Penne 青醬味道濃郁，雞肉嫩滑而且非常入味，意粉保持有彈牙口感，整體味道均衡又惹味。Matcha Roll Cake，內餡嫩滑且保持抹茶香氣。香蕉麵包則帶果香與濕潤口感，清新又入味。…查看更多

尖沙咀K11 MUSEA嘅Chatterbox Cafe，環境好舒服，鐘意佢充滿東南亞氣息嘅裝修，空間寬敞而且裝修有啲時尚感，暖色系燈光同簡潔嘅設計令人感覺放鬆。招牌嘅海南雞飯，轉咗用雞髀，烹調得恰到好處，雞肉嫩滑且多汁，皮薄肉嫩。配上薑蔥醬、黑鼓油，味道層次好豐富又惹味。配搭香噴噴雞油飯，雞油香味撲鼻，米飯粒粒分明又帶點油潤，食嚟嘅口感好Q好煙靱，仲有一碗豆腐湯，夠晒豐富。另外仲叫咗雞肉雞肉喇沙以咖哩椰漿湯底，湯頭濃郁帶有椰香同香料味，仲帶有淡淡嘅甜味同微辣，雞肉咬落去軟嫩又帶Juicy感，米線吸足喇沙精華，仲配有豆卜、芽菜等，令口很豐富。…查看更多

灣仔「名門私房菜」，餐廳環境真係靜中帶雅，木系裝修帶少少懷舊味，坐得舒服，啱晒一家人嘅聚餐時光。冰鎮鮑魚，成隻南非鮑切得厚身，晶瑩剔透，冰鎮過啱啱好。入口即感受到陣陣鮮香，肉質爽滑中帶微微彈牙。杏汁白肺湯，湯頭香濃又順喉，杏香柔和不嗆鼻，飲落潤而不油，白肺炆得軟滑。烏糟雞，順徳特色家常菜式，微帶酒香，用咗米酒同薑蔥打底，味道層次分明。雞肉嫩滑，滲出陣陣酒香。配埋大頭菜嗰陣酸甜鹹香，送飯無敵。小炒皇，炒得鑊氣十足，蝦乾、魷魚絲、韭菜花炒到香氣四溢。蝦子柚皮，順德特色手工菜式，柚皮炆到吸滿湯汁，食落軟糯但唔爛。蝦子嘅鮮香加上雞湯底嘅濃郁，味道好滑順，入口有一種慢火煮出嚟嘅深層香甜。大良炸鮮奶，外脆內滑，炸皮鬆脆冇油膩，入面奶心嫩滑似豆腐，好味。…查看更多

上個星期日放假，同屋企人去咗灣仔盛記海鮮酒家食晚飯。呢間酒樓外觀看落樸實，但入面環境乾淨舒服，有啲老派茶樓feel，坐得鬆動，上菜夠快。第一味上枱係蒜香爆龍躉球，一上枱就香氣四散。魚肉切得厚厚件，肉身滑溜又彈牙，蒜蓉炒到金黃香脆，食落鹹香適中.蝦醬金沙骨，外層炸得金黃，酥脆唔油膩，啲骨位啲肉仲保持住嫩滑同少少Juicy感。蝦醬咸香味勁，帶住微微甜味，食落香濃惹味。海皇雜菜煲,入面有蝦、帶子、魷魚同多款蔬菜。海鮮好新鮮，煲底個湯汁濃郁有鮮味，粉絲吸晒湯精華，滑口同入味，撈嚟食真係好滿足。芝麻雞,雞皮炸得金黃香脆，外皮灑滿白芝麻，陣陣芝麻香飄出嚟。雞肉嫩滑多汁，外脆內軟，食落層次感好豐富。芝麻香同雞香交融，非常香口。咕嚕蝦球，色澤紅潤亮眼。蝦球炸得外脆內彈牙，蝦肉鮮甜啖啖肉，甜酸比例啱啱好，菠蘿粒添咗少少果香味，食落清新又開胃。…查看更多

經過紅磡沙縣特色小吃，見佢口碑唔錯，所以試下。環境乾淨企理，服務態度親切，估唔到雖然係小店，但整體感覺真係好唔錯。招牌蒸餃，皮薄但彈牙，內餡啖啖肉，鮮甜入味，蒸得剛剛好，保持咗餃子嘅嫩滑，好有手作感覺。老壇酸菜雲吞，微辣中帶酸香，酸菜嘅味道層次好豐富，雲吞皮爽口，咬落去Juicy。花旗參竹絲雞盅，用料實在，雞肉嫩滑，湯頭帶有花旗參嘅鮮香同淡淡嘅滋補感，飲落去好暖胃，好啱秋冬季節。口水雞揀左微辣，辣味唔搶喉，易入口，令雞肉味更突出。高湯麵配炸豬手，帶啲酸辣味，微辣而不嗆，薯粉麵條好Q彈，炸豬手炸得香口但唔油膩，皮脆肉嫩好入味。…查看更多

路過佐敦逸東酒店地下嘅永年士多，諗住食個快餐，估唔到都幾好味。餐廳位置方便，竟然仲設有車仔麵檔打卡位！永年士多嘅自選麵係超值推介，基本價$38起，我揀咗粗麵配咖喱汁，咖喱味道香濃惹味，帶微辣，粗麵吸收咗咖喱汁。響鈴炸得好香脆，咬落去好有彈性同層次，蘿蔔清甜爽口，韮菜餃皮薄Q彈，，墨魚丸彈。牛腩煮得嫩滑多汁，啖啖肉同咖喱湯汁好夾。另一碗咖喱微辣，河粉滑溜柔軟，郁豬腸香味。炸腐竹炸得香脆，口感爽口，配合蘿蔔嘅清甜。魚皮餃皮薄Q彈。南乳豬手，豬手炆很好入味好冧，入口啖啖肉好，配合埋南乳醬汁，甘香夠冧。腐乳通菜，通菜嫩滑爽口，腐乳醬汁味道濃郁，帶微微鹹香。抹茶紅豆冰同樽仔烏龍茶（凍）都好飲，尤其係抹茶紅豆冰，三隻色搭配好飲又靚，紅豆味出色…查看更多

朗豪坊嘅綠茶餐廳主打新派江浙菜。餐廳環境以「雲栖竹徑」作主題，裝潢帶有江南竹林氣息，感覺清幽淡雅，非常舒服。我哋點咗招牌嘅龍井烤雞，雞皮烤得香脆，肉質嫩滑多汁，帶有淡淡嘅龍井茶香，令雞肉味道層次豐富，好有特色。粉絲裹蝦嘅蝦肉非常鮮甜彈牙，粉絲吸收晒蝦汁同蒜香，惹味得嚟又唔會過肥膩。黑松露牛肉炒飯,粒粒飯炒得夠香夠乾身，牛肉嫩滑入味，松露嘅香氣令成碟炒飯更添層次感。紅寶石琉璃，呢杯飲品真係好吸引眼球，色澤晶瑩剔透，有啲似紅寶石咁鮮艷。飲落去帶有清新嘅果香，甜度適中，唔會太膩，喝一口即時感覺喉嚨爽口。西湖雷峰塔係甜品，外型精緻似古塔，味道清新.…查看更多