hello.hello的个人专页

叫左豬紅、牛腩、蘿蔔、鳳爪同麵筋瀨粉。豬紅爽滑。牛腩好多，仲有唔少牛筋，肉有少少un，不過筋就夠淋，feel到好有膠質嘅感覺。蘿蔔夠甜夠淋，冇筋。麵筋同瀨粉就冇乜特別。問題係，所有嘢都超鹹！！！蘿蔔係同時又甜又鹹，鳳爪係唯一可以食得晒嘅，但有指甲，要食得小心啲。我足足加左半碗水先勉強食到，其實最近病病地，食乜都口淡淡，但呢碗粉鹹到我都頂唔順，到底其他人點食嘅呢？另外我仲叫左豆漿，係樽裝嘅新佛香壹品豆漿（佢寫香港製造），唔係低糖嘅，但我似乎已經比碗粉鹹到味覺錯晒，飲唔到有味。簡單講，下次唔好再搞我！…查看更多

咁啱嚟呢邊做野，lunch時間唔多，行過呢間就入去。叫左個豆腐火腩飯，多汁少飯，同凍檸茶少冰。其實呢度都多選擇，不過趕時間就唔諗咁多。等果陣睇下食評，當堂嚇一嚇，有人話等勁耐，又有人話服務勁差，最慘仲要難食。不過有啲其實都幾年前，唯有希望自己冇事啦。我幾中意用凍檸茶少冰睇下店員有冇留心聽我講野，因為通常啲人都會以為女仔實要少甜/少冰少甜，好彩呢度合格，杯野真係少冰，而甜度係正常嘅。到個飯嚟，都係10分鐘內，正常時間。唔算太少飯，不過啲汁都夠，又唔會超杰。火腩幾乎件件有皮，啲肉半肥瘦得黎，瘦肉唔會乾到咬唔到，以茶記嚟講算幾好，可能冇期望反而覺得仲好食掛。…查看更多

星期日晚飯時間，舖入面坐咗一半人都冇。枱面果樽要收5蚊嘅水到底想點呢？佢地又有水供應架喎，當然你唔叫又唔會斟比你啦。不過放心，冇收加一服務費嘅。叫咗個椰香掛湯海鮮喇沙，問個侍應有冇得少麵，佢勁驚訝，唔想嘥野啫，有幾出奇。講返碗麵，麵質幾彈牙，堅有椰香，堅掛湯（呢個難，好多舖頭都係得個吹字），堅係喇沙而唔會勁鹹，令人好想飲晒啲湯。佢有五粒豆卜係令人感動嘅，有啲舖頭比得兩三粒，豆卜先係喇沙嘅精華嘛大佬！不過，問題就出喺啲海鮮度，有蝦、蜆肉、魷魚圈，都算足料，起碼冇比蟹柳厄我。我冇咁叻，食唔出啲海鮮係唔係全部雪藏貨，但肉質ok，冇霉，冇雪味，唔只，係一啲味都冇，同碗喇沙完全係兩樣野咁。但鬼叫碗野88蚊，真係死都要啃晒佢。…查看更多

8點幾入到去。。店員話改咗收9點。。唔知係咪平日夜晚冇乜客。。叫咗炸雞肶（唔辣）+沙律。。百香果紅茶（少冰）+椰果。。雞肶夠大。。皮夠脆。。好多汁。。唔油膩。。唔會一路食一路勁口渴。。可惜入面有少少生。。沙律幾新鮮。。係細個食茶餐嘅味道。。連墊底塊生菜都爽甜嘅。。百香果紅茶茶味唔濃。。不過有好多椰果。。…查看更多

食物：刺身冇冰底。。超市水準。。冇乜味。。得鱆紅魚同甜蝦好少少。。每人228只得豚肉。。要食牛就最少要268。。仲要加一。。不過都係普通貨。。冇乜味。。不過唔韌。。肉質ok。。豆乳湯底。。超級鹹。。愈食愈鹹。。豉油都唔使點。。問題係。。只包一杯汽水。。唔係罐裝/支裝。。真係一杯。。再飲要7蚊杯。。好彩有茶。。不過又係冇味。。唔睇會以為飲緊水。。焗帶子同蒸蛋出奇地好食。。明太子蛋卷、燒墨魚咀都幾好食。。蜆又係冇乜味。。自家製烏冬。。好彈牙。。可惜比個湯底搞到好鹹。。之後用昆布清湯洗過都唔係好食到。。菜都算新鮮。。不過唔算多款。。軟雪糕。。自己斟。。幾香奶味。。幾滑。。應該真係日本貨。。員工：呢度落單要自己寫紙。不過唔係平時放題嗰啲紙。。而係白紙。。但啲員工唔會自己講聲。。無論搵佢哋問嘢、落單、追單。。個個都好似喺夢境咁。。係咪做慣酒店餐廳。。唔識做放題？？上菜：除咗加單漏咗之外。。其他速度都正常。。叫1串燒帶子。。最後嚟咗4串。。仲要分兩次。。燒青椒就冇嚟到。。（成晚啲客坐唔足半個場。。如果多啲客唔知會唔會再亂啲。。）…查看更多

好多葡國菜餐廳都名過於實。。啲嘢又貴又鹹。。啲肉又韌又鞋。。所以我好努力搵唔同嘅餐廳。。呢間小窩網上評論得好少。。不過都係好評。。加上近官也街。。就即管試下。。上到的士。。司機話冇聽過。。call上台都冇人識。。最後我哋喺北帝廟附近落車。。行入巷仔搵。。舖面唔明顯。。真係兜咗陣先見到。。唔知係咪因為閒日夜晚。。得兩三台客。。靜靜哋都好嘅。。裝修都幾靚。。不過有部電視機播住大台。。有啲奇怪。。一開始食個餐包先。。外脆內軟。。差啲想encore。。不過都係留肚食其他嘢。。（對小朋友嚟講麵包皮就硬咗少少。。）叫咗南瓜湯同薯蓉腸仔湯。。我唔食南瓜。。唔知個湯好唔好飲。。不過小朋友就飲到唔停口。。薯蓉湯都算滑。。幾好飲。。但唔重薯仔味。。有少少失望。。烤乳豬就真係好出色。。皮脆肉嫩。。一啲都唔油膩。。亦唔會燒到乾晒。。唔使點汁都得。。但又唔會勁鹹。。伴碟嘅菜都新鮮爽脆。。飯就冇乜特別。。葡式海鮮飯都幾出色。。份量唔少。。佢寫明係2人份量。。但如果比較細食。。3、4個人食都得。。幾足料。。有蝦、蜆、青口、帶子。。肉質幾好。。但唔係太食得出鮮味。。應該去晒啲飯度。。淨食飯都覺得好好味！不過有少少辣。。有小朋友就要小心。。老闆好nice。。小朋友搵佢合照佢都好樂意。。走嗰陣我哋漏咗袋手信。。佢仲親自追出嚟畀番我哋。。整體嚟講。。好值得下次再嚟！！…查看更多

本來想試素食all day breakfast。。不過waitress搞錯咗。。我又唔係真係素食者。。就冇換返。。首先見到兩條綠色嘅腸。。原來係菠菜腸。。當然好難有菠菜味。。但味道都ok。。只係有啲油膩。。細細條都覺得漏。。最後食得一條。。反而通常好肥膩嘅煙肉就又香又脆。。完全冇漏嘅感覺。。蛋炒得好滑。。好香。。好似落左少少芝士。。茄汁豆就standard。。冇乜特別。。有兩種豆。。home-smoked三文魚都幾好。。唔會勁鹹。。又唔會淋之之。。燒車厘茄清甜多汁。。菇都係出奇地多汁。。幾香。。而成個餐最好食嘅。。就係塊麵包同自家製士多啤梨果醬。。個果醬係成碟食物之中最香嘅。。唔洗拎好埋就已經聞到。。質地唔算好杰。。好易搽。。仲有果肉。。食落去好鮮甜。。同brioche包好夾。。呢隻包介乎麵包同蛋糕之間。。好香牛油味。。外面少少脆。。裡面好軟熟。。有少少食緊燒莎莉蛋糕嘅感覺。。（btw。。冇人斟水。。食到一半問人攞杯水。。點知比人當埋單。。）…查看更多

想試新野。。搵到呢間新開嘅西班牙餐廳。。裝修幾靚。。音樂唔會好太聲。。好啱飲野傾計。。我地冇乜idea飲咩酒。。經理就介紹左支白酒畀我地。。好易入口。。唔會好酸或者好澀。。而且唔洗雪到好凍就啱飲。。呢排凍左都飲得好舒服。。食西班牙菜最開心就係揀tapas。。細細碟。。最啱我地呢啲食得唔多。。但又想試多幾樣嘅貪心人。。首先試下“西班牙銀鱈魚蛋餅”。。去台灣最鍾意食蛋餅做早餐。。西班牙嘅個樣精美啲。。但用料一樣好足。。蛋同魚嘅味道好香好濃。。質地仲好滑。。之後試“脆炸龍蝦球伴香辣青汁”。。層皮嘅厚度啱啱好。。雖然我地掛住傾計。。食得好慢。。但層皮仍然卜卜脆。。加埋啲香草整嘅汁。。完全冇油膩嘅感覺。。但又唔會遮咗龍蝦嘅味道。。再黎係“傳統西班牙海鮮飯”。。有青口、蝦、蜆、魷魚。。都幾足料。。最驚喜就係青口同蜆。。完全唔係平時食到厭嗰啲又淡又乾嘅雪貨。。竟然係鮮甜嫩滑仲有海水味！！連啲飯都吸晒啲海鮮味。。勁想知到底喺邊度入貨。。餐牌上面嘅燒烤類都幾吸引。。但又驚食唔晒。。唯有希望下次再試。。最後叫左個甜品“西班牙吐司伴乳酪雪糕”。。吐司個口感好得意。。外脆內軟。。似係麵包布甸。。但係再香滑啲。。同埋個雪糕一齊食真係非常match。。大滿足！！…查看更多

GODIVA嘅飲品同雪糕真係好出色，所以貴少少都會忍唔住成日買，但係最近推出嘅軟雪糕配心太軟流心蛋糕－GODIVA Duette，就真係中晒伏。首先軟雪糕份量少過平時，唔係好夠喉。之後梗係好期望個心太軟啦，我揀左榛果蓉味，不過其實如果唔講嘅話，根本就唔知係榛果蓉，比朱古力味蓋過晒，好彩中間有大粒的朱古力脆粒，口感都算ok。不過，始終心太軟最重要就係流心，問題係佢冇，都幾失望！另外，佢將雪糕直接放蛋糕上面，搞到雪糕勁快融，要食得好快，總之就高級甜品店嘅價錢，但街邊雪糕車嘅食法。…查看更多

每人228蚊嘅所謂任食，原來係唔包豬牛羊肉，只係一人一碟，再加就要比錢，怪就怪我地冇問清楚。醬料每人加十蚊，但得幾款揀。我地得三個人，叫得兩碟肥牛同一碟黑豚肉，顏色都幾靚幾鮮紅，脂肪唔多，不過可能湯底太鹹，冇乜肉味。btw，所謂豬骨同沙嗲湯底只係味精水，真係未見過咁清澈嘅沙嗲湯，而且越食越鹹，完全冇沙嗲應有嘅香味，唯一好處係冇乜肥油。我地仲好傻咁每人加30蚊任食刺身同甜品，刺身款少就預左，但冇預過佢出得咁慢，成個鐘先黎到兩轉，又係跟人頭，一人一片，唔係厚切，似係超級市場嘅質素，唔係特別新鮮。所謂嘅日式雪糕，寫就有成十款，叫果陣就話得三款，味道仲要勁似牛奶公司。好彩其他生料合格，手打墨丸好食又彈牙，手打牛丸比佢d肥牛有牛味，菜同菇類都新鮮爽甜，炸魚皮同響鈴浸左兩秒湯仲keep到脆。不過望住成個鍋都係丸/腸仔/菜之類，真係唔知點解要每人比成300蚊，係咪mikiki啲租太貴？？…查看更多

一早訂左位食9點，店員講明只可以hold檯5分鐘，去到勁多人，9點2先入到。食物同野飲幾多款，叫左都有黎齊，係第一輪刺身等得耐啲，同埋冇帆立貝刺身 ，不過啲刺身都叫新鮮同厚切，間中會有三文魚腩。熟食方面，羊架同牛肋骨出奇地好食，唔會韌，牛肉粒冇乜味，燒翠玉瓜就偏鹹。到左十點幾，店員準備收工，問都冇問就收左樽豉油，呢個都算，重點係，佢地拎左個超臭嘅盤出黎收碗碟 ！！幾檯人都即刻掩住個鼻！人地食緊野架大佬，乜啲店員自己聞唔到臭嘅咩？？？ 雖然個店員好快已經收完野，但係果陣餘“香”留左幾個字都唔散，到我地埋單走都仲聞到。…查看更多

半山唔太就腳。。平時好少去。。不過今日食pre-Valentine's day dinner。。就即管試下新野。。餐廳細細間。。可能係平日。。冇坐滿。。燈光較暗。。情調都啱傾計談情。。佢地嘅餐前麵包幾重麥味。。入面軟熟。。出面有少少脆。。不錯。。頭盤我地揀左青口。。數量比想像中多。。超過20隻。。不過size細左啲。。啲湯好鮮甜。。如果唔係怕失禮。。差啲想飲埋 主菜我地揀左海鮮扁意粉。。幾足料。。但係味道冇乜驚喜。。似一般西餐廳貨。。另外我地仲叫左個beef tenderloin。。medium。。叫個侍應推介sauce。。佢話紅酒汁。。磨菇汁同truffle jus都幾好。。。我地就揀左少啲見嘅truffle jus。。塊扒邊位有少少燒到乾左。。不過整體都幾juicy同淋。。同好香嘅truffle jus非常夾。。真係好介紹。。而配菜嘅薯仔都幾香滑。。本來我地仲想試下荷蘭式甜品。。不過飽啦。。下次再試 到想埋單果陣。。啲侍應唔見晒人。。唔知係咪因為檯檯都上晒菜呢？？搞到要特登行入去叫埋單 …查看更多

一早打左去卜位。。點知到左先發覺大把位。。唔洗卜。。唔知係咪閒日先係咁？？裝修幾靚。。啲枱夠大。。唔會擺左兩碟就唔知擺邊。。去到第一件事就係叫刺身。。呢個時候。。店員主動走埋黎講。。刺身紙嘅帶子好細。。要叫第二張紙果啲。。到比佢果陣。。佢又問洗唔洗叫埋甜蝦？？又喺第張紙。。雖然佢好有禮貌。。不過咁做好煩。。如果繁忙時間佢地係咪都逐枱解釋？？刺身都多款同新鮮。。八爪魚係好爽脆。。不過壽司飯就爭啲。。又硬又實。。紫菜又黐住隔離果舊。。手卷好大舊。。真係好鐘意食飯先好叫。。天婦羅同串燒都唔熱。。牛脷同雞腎又乾又硬。。燒羊架幾好。。夠淋。。不過好鹹。。沙律汁好好味。。蝦好爽口。。焗蠔。。青口同蟹蓋都不錯。。甜品。。難得地多款。。唔係淨得雪米磁。。貪得意逐樣試都無妨。。除左炸芝士條。。難食到吞唔到！！士多啤梨汁+芝士=嘔吐物 =_=…查看更多

見佢開左好耐，今日終於有時間試下，撞正下午茶時間，就試下啲慳錢選擇。選擇不多，5選1揀左個牛奶炒蛋漢堡扒熱狗+熱綠茶，25蚊。個包，似係嘉頓貨，烘左有少少少少脆，不過好快就比啲茄汁整淋左。啲蛋幾滑，夠熱，不過冇奶味又冇蛋味。塊漢堡扒，好似麥當當嘅豬柳，浸淋左版。杯綠茶，只係杯綠色嘅滾水。攞命嘅係，有幾隻蚊滋勁追住我個包，我唔係肚餓嘅幾乎想棄包潛逃。極速吞晒個包，啲蚊都唔願走，黐住張包紙，我終於擺低杯綠滾水，閃！以後都唔再黎！…查看更多