maymay616的个人专页

而家我好多時會揀食lunch buffet，除價錢比較合理外，試過好多次食完dinner buffet後，到瞓覺都仲頂住個胃:(，好辛苦呢！還是lunch buffet食得舒服啲:)！早幾年食過Cafe on M印象已好好，咁啱好友冇試過，所以今次同佢哋嚟試下！我哋準12點入坐，一坐低真係俾呢度嘅海鮮區吸引住，直情俾個蟹腳山嚇親，因為呢度個蟹腳山堆得好高，唔止咁樣，一般自助餐嘅長腳蟹係剪開每隻腳，呢度可以話好豪氣，佢係成排腳俾你，攞一次已食咗3-4隻腳喇！當然呢度嘅長腳蟹水準都好高！呢度令我欣賞嘅係有即開生蠔供應，由兩位員工負責，一位開殻而另一位清洗蠔肉，絕對令人放心食用，坦白講，好多酒店只有dinner buffet至會有即開生蠔，而呢度連lunch buffet都有，好難得！不過呢度生蠔唔係任攞，而係每次由員工俾四隻，鍾意食嘅就要行多幾次，我都行咗三次，食咗一打呢！刺身係大路款式，有三文魚、吞拿魚、八瓜魚同鯛魚，另外壽司嘅賣相都幾好！刺身、壽司只揀咗少少，唔係因為差，係因為要留肚食其呢！相比起嚟呢度熱葷冇咁吸引，都係一般大路款式，不過都有天婦羅同羊架供應，怕羶嘅我都攞咗一件羊架加薄荷醬同介辣試下，居然好好味，一啲都唔羶！呢度另一比較特色嘅即燒乳豬，lunch buffet係1:30出爐，睇住隻燒豬响個燒爐入面慢慢燒至熟，夠哂新鮮熱辣！如多人排隊嘅話，每次只分配一碟兩件乳豬，皮脆肉嫩，但略為偏咸！雜錦粥嘅配料都有十多款，我揀咗蝦、蟹腳、豬肚同皮蛋，都幾九唔搭八，不過自助餐就係咁㗎喇！平時我對辣酒煮花螺幾抗拒，因大部份都好辣同難咬，今次可能俾呢度個賣相吸引咗，所以攞咗兩隻試下，居然幾好，螺唔「un」幾爽口，辣酒湯又唔算好辣，我直頭飲埋㖭！甜品當然係自助餐另一吸引嘅地方，見到咁多五顏六色吸引嘅甜品，當然唔好錯過，呢度嘅甜品全部細細件放响甜品櫃入面，冇得自己夾，不過一行埋去，職員就會好主動咁問你想要啲乜！行過隔離嘅雪糕柜有成十幾款Haagen dazs雪糕，想要咩口味就同職員講，唔駛自己嘥力！雪糕區另有幾款醬同好多配料自行添加，令賣相更吸引，估唔到我今次食咗五球唔同口味呢！食完咁多嘢已飽到七彩，再飲埋杯餐後檸茶，完美嘅終結，由於有OpenRice 75折coupon，最終埋單每人唔駛$400，正！P.S. 呢度而家除咗有餐後飲品外，另有果汁、汔水無限量供應，最啱鍾意一路食一路飲嘅我！…查看更多

Happy Friday當然要約下朋友食飯吹水，今次同朋友又嚟試下觀塘區工廈小店，因為通常呢啲地方食品質素都唔差！呢度選擇唔算多，分別有二人晚餐、一人晚餐同散叫嘅menu，雖然選擇唔多，但最緊要係好食！有餐湯當然最好有蒜蓉包，蒜蓉包雖然睇落燶燶哋，但非常香脆，而且成個包面都搽滿蒜蓉，正！雞翼亦值得推介，外脆內軟，仲有甜甜嘅蜜糖味同黑松露嘅香味，好似食緊隻燒烤雞翼！芝士焗蠔都幾好，雖然芝士味幾重，但蠔嘅鮮味都仲食得出！呢個淡蝦醬帶子炒飯係另一個推介，雖然佢用咗蝦醬炒個飯底，但唔算好咸，絕對接受到，最正就係帶子，非常鮮味有時候食完餐飯會想傾下偈，但我哋食完成餐飯唔夠一個鐘就走，原因呢度嘅環境實在太嘈喇，大家不約而同覺得呢啲工廈食店好多都係卧虎藏龍，食品大部份好高質，但好可惜呢類型店舖環境普遍一般，座位比較狹窄同嘈雜，所以都係要揀啲非䌓忙時間幫襯會好啲！…查看更多

兩好朋友生日，其中一朋友鍾意食烤鴨，咁啱見到呢度食新式烤鴨，就約埋姊妹試下同舊式有乜分別！呢間舖頭响海運中心新起嘅地方，面對無適大海景，室內環境清靜，人生一樂也！我哋安排坐响窗邊位置，感覺良好！先嚟松露蠔仔煎蛋，有啲似食蠔餅，不過可能上面有黑松露，撈埋一齊食又唔算好油膩，唔錯！跟住就係芥末沙律蝦球同羲和小肉餅，蝦球好爽口，有米通墊底，配埋帶有少少酸同攻鼻嘅芥末沙律好醒胃呢！至於羲和小肉餅整到似卷餅，咬落去鬆化！個人最鍾意呢個金塼豆腐塊，即係椒鹽豆腐，外脆内軟，又唔算好咸，好味，不過要小心燙口呢！烤鴨配料以八寶盒形式咁上，好多花款，新式食法果然多花款，連爆炸糖都有，夠哂特別！終於等到主角喇！由於我哋只有三個人，所以訂咗半隻，另外半隻就係隔離枱，所以師傅會向响我哋兩枱之間瓜分呢隻鴨！呢度唔會一次過上哂全部鴨而係分開上，侍應再介紹唔同部位應點配搭會好啲，配搭爆炸糖响口入面爆係幾得意，直情童年回憶返哂嚟！雖然新派食法係幾得意，但我略嫌啲配料搶咗鴨本身嘅味道，另外食開嘅烤鴨塊皮係脆，呢度鴨皮唔算好脆，要讚嘅係呢度嘅烤鴨冇咁肥，食多幾舊都唔覺好滯，感覺冇咁罪惡呢！…查看更多

多年前食過柏寧酒店Cafe One自助餐已經覺得好正，而家改咗名叫Playt，裝修後唔多認得，咁啱有朋友建議嚟呢度試下食 weekend brunch，我當然贊成喇！因為係brunch，入座時間比lunch buffet早少少，11:45可以開始，好好彩，我哋被安排坐响窗邊位，可以見到維園，邊食邊傾邊街景，好寫意呢！Brunch其中一個好處就係酒同果汁任飲，最啱我呢個飲品控呢飲過餐前飲品後，開餐！先嚟海鮮區，有長腳蟹、龍蝦、蝦、螺，龍蝦肉有少少鞋，長腳蟹就好鮮味！凍肉選擇都有好多，火腿都有幾款選擇，另外除煙三文魚外，仲有黑椒三文魚同少見嘅煙鮫魚！日式魚生壽司區比較大路自助餐唔少得嘅芝士區呢度有少少特別，有個魚子醬小食專區，每次可揀三款魚子醬類小食，賣相好吸引呢！另外好似冇乜特別嘅麵包區要留意有個廚師推介，就係魚子醬/黑松露炒蛋，味道唔錯㗎！一向鍾意飲龍蝦湯嘅我見到呢度有就當然試下喇！呢度嘅龍蝦湯好濃味，伴麵包飲就啱啱好，不過一定要趁熱飲，凍咗就會偏腥！熱葷區之中就要食羊架，完全唔覺羶味，好味最後梗係要食甜品同雪糕喇，好多選擇，大部份係細細份，可以試多幾款！值得一試嘅係呢度嘅Gelato雪糕，口味好特別，薄荷青蘋果、熱情果、茅台、椰子、荔枝藍梅、朱古力，朋友話茅台味好似佢煮餸嘅酒喎，不過一試無防！，…查看更多

朋友嘅朋友試過呢度做，覺得幾特別，所以推介嚟呢度試下！嚟到第一感覺呢間係餐廳？再行到入去覺得係咪入錯舖頭？賣遮?愈望就愈覺得呢度似賣遮多過似餐廳，因為成個reception 嘅位置有好多直身遮裝飾，仲可以公開發售，價錢唔平，但手工真係好精美！當我哋仲响度周圍望諗緊邊度係餐廳之際，職員突然响遮桶上攞起把遮一搖，其中一個遮柜突然開咗，「嘩！好皇家特務feel呀！」，因為太突然，相都影唔切就被帶咗入座！由於係星期五關係，場內都幾多人，以happy hour飲嘢佔大多數，好似我哋食晚飯嘅相對較少！先嚟餐前飲品，drink list主要係酒類，但唔飲得酒嘅都可以請侍應介紹，其實我哋呢餐大部份都係侍應介紹，有啲直情連餐牌都未有，所以好多都唔知咩名！當落完order後就上餐前麵包，呢種餐包偏硬，如果就咁食都頗有咬口㗎，當然配餐湯一齊就good喇！好多時龍蝦湯濃味得嚟會有幾重嘅腥味，唔係人人接受到，呢度嘅龍蝦湯濃味得嚟又冇嗰種腥味，另外佢仲有一細匙嘅龍蝦肉俾你自己放入湯，所以呢個湯好得！海鮮扁麵味道好好，但唯一美中不足係麵身偏硬，可能呢種麵一定要整得硬身啲？我冇乜研究！侍應另一推介連餐牌都未有嘅食品就係牛面珠燉，賣相好似厚切牛扒，煮得好淋身，唔駛點用力就可以切開佢，咬落口好juicy，好好味！食量唔算細嘅我哋開頭仲諗緊叫得兩個主食夠唔夠呢？但當食完呢個牛面珠燉後，真係好夠好滿足呢！永遠都話女人係有兩個胃，呢頭話飽，嗰頭又可以食得落甜品！甜品賣相永遠吸引，先試呢個好有橙香嘅奶凍，好味！跟住就試咗呢個法式焦糖燉蛋，看似無乜特別，但試落除咗有好濃嘅蛋味外，佢仲有一陣茶嘅清香，感覺冇咁漏！正當我哋飲飽食醉離去之際，而呢度可以話係愈夜愈精彩，Happy Friday嘛！…查看更多

星期六晚朋友响文化中心做完嘢，約咗响呢間餐廳食晚餐，我7點鐘到都要等一陣至入得，未入得就睇下有乜嘢食先喇！呢度嘅選擇唔算好多，散叫都係一眼睇哂！比起其他餐廳，呢度嘅晚餐算係好少選擇，是日晚餐5款，不過最緊要有質素！我哋分別叫咗杏仁魚柳同肉眼牛扒！:)先嚟餐湯同包，忌廉湯個賣相冇其他餐廳忌廉湯咁悶，味道都唔錯！朋友揀嘅牛扒出場，佢揀咗全熟，食落當然有啲咬口喇，但幾有肉味，比較特別嘅係呢度嘅煮法係燒而唔係煎，所以有陣陣烤香！我揀嘅魚柳都好正，煎得好滑，good！朋友話要餐後甜品，佢一見到焗雪山(即係火燄雪山)就兩眼發光，二話不說就叫咗呢個甜品！估唔到焗雪山都真係幾大個，特別嘅係侍應响我哋面前倒著火嘅冧酒，而唔係好似其他餐廳咁先倒酒後點火，個甜品又大又著火就當然引嚟其他客人嘅目光喇鍾意食cream嘅朋友真係唔好錯過喇，成個雪山都係cream，切開後到入面係士多啤梨雪糕，食完後就真係夠哂滿足！…查看更多

約同幾個朋友放工後食飯吹水，有人建議試下呢間韓式餐廳。一行幾人一坐低就俾menu啲圖片吸引住，食物賣相好吸引，搞到樣樣都想食！好彩我哋有好幾個人，可以試多幾款！等食期間望到有幾部電視不停放緊啲韓流MV，另外幾部就不停播住小儀試食嘅片！最先嚟嘅就係飲品，不得不提嘅係呢度嘅凍飲係偏大杯，沙冰同梳打都好大杯，最啱我呢啲水怪，唔駛就住嚟飲，賣相好吸引，芒果沙冰有啲鮮芒果响面！梳打夠哂抵飲，本身隻杯已好大隻，仲要插多枝Lemonade，好似飲極都飲唔完！沙冰多到滿瀉咁滯，要密密飲！食物方面就先嚟兩個沙律，首先係柚子明蝦沙律，可能沙律面灑咗好多芝士粉，賣相好似凱撒沙律，啲菜好新鮮！:)跟住上嘅就係芝士汽球沙律，呢個真係俾menu幅圖至叫，完全係sell賣相，呢個一上，隔離枱都望過嚟，好彩佢唔止賣相，沙律都好新鮮！跟住就到小火燄拼盤，伴菜仍然新鮮，豬肋骨、炸雞都好味，唯一美中不足係薯條凍啲！呢個就俾佢個名面珠墩吸引咗，芝士夾餅鬆化，好彩入面啲芝士唔算好濃，如果唔係一定好飽，至於面珠墩同蘿蔔，好入味，食食下，不約而同就覺得好似食緊柱候牛腩！嘩！到芝士炸雞嚟，個面舖滿芝士，開頭仲以為只係表面夠味，點知食落去，，芝士味係好濃，好夠味，最值得讚嘅係炸得好乾身，唔油，但裏面又唔鞋，仲要凍咗後都仲好脆唔油！繼續芝士，今次到芝士麵包炸雞，見到呢個開始有啲滴汗！好彩嘅係雖然成個農夫包入面都係芝士醬，但呢個芝士醬冇芝士炸雞咁重口味，所以唔算好漏，仲頂到！跟住呢個網燒豬肉又係另一推介，佢嘅味道好似豬肉乾，但又比豬肉乾淋身，好易切開，咬落去好有肉汁，仲有淡淡燒烤嘅味道，！嘩，再嚟芝士，今次係芝士牛肋條白飯，menu原本係泡菜炒飯，因為有朋友食唔到辣，所以轉咗做白飯，牛肋條伴以芝士醬，好滿足，但可惜我太飽，冇食到呢個，好彩有朋友包底，冇做大嘥鬼有人話晚餐要有甜品作終結至叫完美，所以我哋咁飽嘅情況下，只叫咗一個梳乎厘班戟share嚟食，實物賣相好吸引，可惜食落冇想像中咁好，雪糕同cream都唔錯，但最敗筆就係班戟，好似擺咗好耐咁！:(雖然我哋個終結俾件班戟搞到唔多完美，但其實個個都食都好滿足，下次再嚟試其他！…查看更多

韓流效應下，韓食响香港變得好受歡迎，今次同朋友响朗豪坊食晏就試咗呢間炸雞店！一坐低侍應先嚟一碗仔嘅泡菜同酸蘿蔔粒，泡菜味道唔錯，唔算太辣；而蘿蔔粒帶酸好醒胃，不過酸蘿蔔粒最主要作用係要嚟清下味蕾，所以唔好當前菜一嘢食哂！本來炸雞嘅最佳配搭當然係啤酒喇，但食晏飲啤酒好似有啲過唔去，所以我哋叫咗兩杯韓式梳打，燈胆造型好得意由於得兩個人，基本上叫一碟炸雞十幾舊已好夠飽！韓國最有名嘅橋村食炸雞，只可以要一款口味，好似好寡，香港食嘅炸雞就唔同，可以要雙重滋味炸雞，仲可以任揀口味，我哋揀咗蒜香醬油炸雞同排行榜no.1嘅韓式甜辣炸雞！主菜上場，賣相好吸引！因為兩款炸雞都係有汁嘅關係，食落去好juicy唔乾身，但又唔會俾啲汁搞到淋哂，唔錯！蒜香醬油味除醬油味外，仲帶少少甜，不過就唔覺好重蒜味，而韓式甜辣味當然又甜又辣，但呢隻辣係可以接受嘅！雖然韓式甜辣炸雞嘅辣度係可以接受，但食到最後我個頭皮居然感覺有啲㷫㷫哋同發麻呢，呢個時候酸蘿蔔同飲品就最係最好嘅解辣良藥！…查看更多

雖然食過好多唔同種類嘅火鍋，但如果有朋友提議想唔限時，總會第一時間諗起小肥牛，而港九幾間分店中，尖咀呢間我都食過幾次！今次用餐係平日星期一，人客真係好少，成場得十枱客左右，少人勝在可以靜靜咁邊食邊傾計！混醬當然唔少得，生熟蒜頭、XO醬、沙爹醬點少得，蔴醬點肥牛係必然之選我哋叫咗個鴛鴦湯底，蕃茄薯仔牛腩併藥膳湯鍋，仲以為蕃茄湯係好濃橙色蕃茄湯，估唔到係切件蕃茄湯，有少少失望:(，不過湯入面嘅牛腩又幾好味！今次手切本地肥牛同安格斯牛頸脊都要咗例牌，幾個人食啱啱好！手切肥牛比較有咬口，好有牛味！而安格斯牛頸脊脂肪分佈均勻，好滑！兩種牛各有各好！另外兩款必食當然係炸響鈴同炸魚皮，同樣一浸入湯就要攞起食喇！白鱔片得幾塊唔多夠食蝦滑同其他地方好唔同，會有原隻蝦肉响蝦滑入面，仲好爽口㖭，正！魚唇口感有啲似花膠，相信骨膠原成份都會唔少！臨尾再要多個三寶丸，全部係手打，真係特別好味！食下傾下咁就坐咗兩、三個鐘！…查看更多

今晚約朋友嚟飯聚，又一次嚟觀塘搵好嘢食，主力搵啲可以食下飯、輕鬆傾偈又唔想太侷促，最終揀咗好配合今日Friday嘅Mini Friday，仲可以經OpenRice訂位，勁方便，二話不說，即刻訂位！由工廈改成，佔地好大，佩服老闆嘅諗頭，呢度集餐廳、芝士雞煲同酒吧於一身，可以滿足到唔同嘅要求！由於我訂咗Mini Friday，米走雞就留番下次至食喇！未點餐已嚟餐前小食，好鬆脆嘅脆片，再點啲千島醬是日晚餐選擇，呢個價錢包括沙律、餐湯、主菜、甜品、餐飲，我同朋友叫咗兩杯餐前飲品，白酒係Chiaro Moscato，香甜易入口，花茶係肉桂檸蜜平時食開嘅餐前沙律都係細細碟，估唔到呢度嘅沙律係咁大碟，仲好fresh㖭！加$38嘅蟹糕帶子二重奏，帶子鮮，蟹羔juicy，可惜下面嘅飯比較硬同凍，如果冇咗啲飯會唔會好啲呢！跟住嚟餐湯，今晚係大蒜薯蓉湯，好味！主菜出場，海鱸魚新鮮，又煎得香，當把刀一切落魚尾度，感覺好脆，伴菜嘅沙律同薯蓉都好香烤牛扒都好吸引，同樣有啲伴菜，冇咁漏！最後不得不讚嘅係呢個脆脆朱古力Mousse，一件蛋糕有唔同口感，上軟底脆，有驚喜！今晚又食咗一餐好滿足嘅晚餐，對呢間餐廳整體感覺都好好，一定要再嚟食其他嘢！…查看更多

狗年一開始，朋友就約我嚟呢度食lunch buffet喇！呢間酒店嘅lunch buffet食咗好幾次，可能係農曆新年關係，大部份人都會揀中菜食，聽朋友講樓下凱悅軒好滿呢，而今次呢度算係最少客人嘅一次，我覺得响中式節日食西餐都幾好，唔多人，可以慢慢享受！講番嘢食先：先嚟排得好整齊嘅Pama ham同哈蜜瓜　跟住有各式前菜、沙律估唔到lunch buffet都有鵝肝醬 繼續嚟冷盤，長腳蟹、青口、凍蝦魚生款式比較大路，有三文魚、吞拿魚、墨魚、希靈魚，由魚生師父即切，可保持新鮮，但每次最多攞三款！各式壽司，但唔算好吸引另外仲有自己撈嘅沙律沙律好新鮮嘩中式湯係肉排湯，西式嘅係蘑菇湯，個人較like西湯焗海鮮撻熱葷區仲有點心同燒味，但個人興趣不大！呢度最吸引嘅係甜品喇，因為甜品區係餐廳正門口位置，款式多又吸引！又食到肚滿腸肥，好滿足呀！…查看更多

同朋友入流浮山買海味，日落西山時份，冇响嗰度食海鮮，反而出番去元朗食好嘢，元朗係一個勁多好嘢食嘅地方，好難抉擇！最後揀咗呢間個名幾特別嘅西餐廳友緣相聚，因為時間尚早，人客唔算好多，我哋可以安排到卡位坐:)！餐廳格局最吸引係天花頂一大盞水晶燈，好有情調呢！呢度無論晚餐定散叫嘅選擇唔算多，咁有時選擇太多都未必係好事，反而得幾個餐，質素會有驚喜！我哋最終揀咗軟殼蟹手作麵同三文魚伴大蝦餐！雜菜湯配牛角包，配！牛角包size啱啱好，唔會太飽，外脆內軟！好有驚喜嘅三文魚餐，平時食親熟咗嘅三文魚多數會有啲腥同鞋，呢度三文魚居然煎得滑同唔腥！軟殻蟹墨魚麵好好味，但有啲漏！餐後飲品居然有比較特別嘅果茶，正！真係估唔到响元朗區居然會有啲高質素嘅西餐，無論食物、環境同服務都值80分以上，唯一美中不足嘅係餐廳入面冇洗手間，要攞鎖匙過對面商場，唔係太方便！…查看更多

間中會放假約朋友gathering，扮下闊太悠閒咁食飯行街，呢次約朋友gathering 嘅地方就係行朗豪坊，行街前先醫肚，朋友建議試下呢間廣島燒餅，廣島燒當然唔特別，特別在於要自己燒，有啲考功夫呢！我哋點咗兩個燒餅，分別係流心芝士同道頓崛雜錦文字燒，除兩個燒餅外，再加多個上級牛肋肉！如果唔識點整個燒餅都唔緊要，有個詳細教學方法，圖文並茂，至於個燒餅燒成點，就要睇下自己功力喇，好彩我呢個第一次都整得唔錯！食飽飽後就開始我哋今日嘅行程喇！…查看更多

早排約朋友去工展會，行之前就梗係醫肚先喇！揀咗由天后入，因為貪呢邊冇銅鑼灣咁多人又多好嘢食，行行下見到呢間居酒屋有午餐食，見到有我鍾意嘅拉麵，二話不說即入！同朋友揀咗同款嘅自家制黑蒜油拉麵，先嚟前菜沙律同飲品凍柚子蜜，跟住就嚟埋拉麵！大大塊义燒，仲有一隻已切開兩邊嘅流心蛋，一層黑蒜油响湯面，，食食下發現有舊嘢响湯底，原來係舊石頭，應該係用嚟保持碗麵嘅溫度，因為呢碗麵真係幾油，唔靠舊熱石熱住，凍咗就變成層白油舖面，應該會覺得幾罪惡！食哂成碗麵連湯都飲咗一大半，雖然呢碗麵嘅份量唔算多，但都食到好滿足！…查看更多

有時响觀塘尋寶，順便嚟東廣場地下覓食，而呢間拉麵舖我都幫襯過唔少次，每隔一排總會心思思嚟食下佢個自家製特濃蝦湯义燒拉麵同埋佢嘅凍柑桔蜜，濃味對濃味！除咗貪佢嘅蝦湯濃味外，我都好欣賞佢啲义燒，雖然比較薄，但都有幾塊嘅，欣賞佢好淋又唔肥，仲要咸咸哋，好味！食完成碗咁濃味拉麵連湯都飲咗一大半，當然會口渴喇，跟手飲埋佢杯凍柑桔蜜中和番啲味，正！…查看更多