msy_1994的个人专页

黎到九龍城食泰國野就最岩，依間小店質素都高好好食！首先叫左泰式生菜包 ，上枱份量非常充足，肉碎嘅調味好夠，酸酸地辣辣地，生菜包住食係幾開胃見到附近好多枱都係嗌泰式燒牛肉，就跟埋佢哋一齊試！上枱熱辣辣好香，牛肉保持肉汁一啲都唔乾身，配辣汁幾香。仲叫左黃咖喱雞大圓法包，個咖喱好香好甜法包吸晒啲汁好好食。初頭見到白色透明嘅以為係魷魚，但係其實係椰子，煮到好軟熟同咖哩幾夾，雞肉都非常嫩滑飲品叫左龍眼冰，飲落清清地，唔會太甜仲有叫左椰汁冰，椰香味濃郁解辣一流依間小店幾出色！…查看更多

今晚同朋友食飯想坐得好啲慢慢傾下計，依間食物質素仲唔錯，價錢仲唔算好貴！晚市套餐包左餐湯，今次係甘荀湯。甜甜地入口順滑，本身麻麻哋甘筍都覺得好飲主菜揀左西京燒西班牙黑毛豬，個豬味道濃郁得黎仲好滑，配西京燒汁甜甜地又幾夾，另外仲有個用三色椒整嘅汁，都係甜甜地中和咗豬肉嘅油膩另一款主食叫左椰皇海鮮汁蟹肉意粉，呢個配搭好有泰式風味，椰皇嘅香味都幾濃郁，意粉夠哂咬口，蟹肉綿滑仲好足料加多左個小食煙三文魚撻，個撻皮好似薯片咁脆，香脆又好食飲品揀左Pistachio Caffe Latte，好濃郁開心果味仲好滑另外叫咗蘋果紅菜頭西柚檸檬汁，配搭好特別酸酸地好解油膩依間整體質素都唔錯！…查看更多

想親民咁食一餐韓國菜呢一間好適合！款式都好多下！前菜質素都幾好，有芽菜、泡菜同翠玉瓜！本身都唔係幾鍾意食翠玉瓜，但係依個翠玉瓜都真係幾好食，口感爽脆得黎仲有蒜香首先叫左鐵板牛仔骨炒粉絲，牛仔骨醃過好入味，而且本身個肉味同油香味都好！粉絲吸左牛嘅香同油之後都好夠味又唔會好乾身另外仲叫左石鍋豬肉拌飯，好豐富，有蛋、芽菜、蘿蔔、翠肉瓜、紫菜呀咁，撈埋本身味道已經幾夠，不過可以再落埋拌飯醬，鹹鹹地食吓食吓都差唔多清晒飲品黎講次次食親韓國嘢都叫米水，甜甜地仲有粒粒嘅米有啲咬口幾正見隔籬枱食豬手都幾正，下次要再嚟試吓！…查看更多

收工好攰懶諗食乜，所以近近地食左依間茶餐廳。意外地發現依度選擇都好多，想食咩都有得揀！仲要價錢唔貴晚市套餐包咗餐湯同小食，羅宋湯酸酸甜甜仲幾多配料！個魚餅都彈牙幾唔錯叫左紐西蘭肉眼扒，七成熟，上嚟嗰陣淋燒汁茶茶聲好有食扒房嘅感覺！食落啲肉都好鮮嫩多汁一啲都唔韌。配菜仲有番薯仔同埋西蘭花，份量都幾夠另外仲叫左個燒西京魚配炒飯，西京魚淋上甜甜地嘅汁都幾夾，肉質幾嫩滑，蛋炒飯都幾香同有鑊氣另外加左個蒜蓉汁娃娃菜，份量好大，娃娃菜配清甜嘅蒜蓉雞湯，簡單但係入味好食仲加左蝦餅，上枱熱辣辣之餘啲蝦肉仲煙煙韌韌最後仲試左生芝士蛋糕，有啲似乳酪味，酸酸地唔會好滯簡簡單單又一餐，都唔錯…查看更多

平日晚去左呢間西餐廳鋸扒，餐廳暗暗地，播住有格調的音樂，情侶一齊去真係好適合晚市套餐包沙律、餐包、餐湯同飲品！都好有誠意，沙律係凱撤沙律，餐包有自家製百里香蒜蓉牛油，個湯仲有蘑菇碎粒，夠哂口感主菜叫左230g 安格斯牛頸脊配阿根廷青醬，因為牛要低頭飲水食草，所以哩個部位經常做運動，肌肉多油花少，肉質相對結實有彈性而且肉味亦比較濃！配特別調製嘅青醬，係西式芫荽感覺另外叫左230g 安格斯平鐵牛扒配黑椒汁 ，係牛嘅肩胛部位，油脂均勻，口感軟嫩，似牛小排風味，但油脂少啲兩款都叫左medium rare，煮得岩岩好！最後叫埋野飲，都真係好豐富…查看更多

Weekend鐘意explore cafe，依間雖然唔算大，但裝修都有格調，坐得舒服首先叫左帕馬火腿拼盤，好豐富除左有帕馬火腿仲有半熟雞蛋、巴馬臣芝士，牛油果同黑番茄！配多士都係好夾仲叫左煙燻三文魚酸種麵包吐司，煙燻三文魚的味道濃郁仲配左自家製濃縮酸奶醬，口感厚實又唔油膩，另外仲有個哈里薩辣醬，但係食落唔辣，反而更加香嘅鹹香味嘢飲就叫咗Flat White，咖啡好香，奶泡打得岩岩好，飲落好順滑仲叫左生薑蜂蜜，幾驚喜，生薑的辣味和蜂蜜的甜味中和得幾好，暖暖地仲幾解膩呢度都幾寫意，食物同飲品都質素唔錯！ …查看更多

依間樓上西餐唔算好大，但係裝修都有格調坐得幾舒服，難怪平日夜晚都幾滿座食物選擇都多同特別，首先叫左煙燻乳豬配蜜糖西瓜菠蘿，一上枱好有驚喜，係成個木盒上，一打開就有煙飄出黎，乳豬份量都大！比我地睇完之後就會幫手切，食落乳豬個皮真係好脆，個肉滑得黎仲好多汁。個西瓜同菠蘿味道特別，鹹鹹甜甜咁另外仲叫左海鮮意大利飯配蒜子墨魚汁，有蝦同墨魚，海鮮新鮮同爽口。墨魚汁加咗蒜味道更加濃郁又唔會掩蓋咗墨魚嘅香味，所以個飯夠晒香加上口感煙靭，所以好好食飲品叫左Chardonnay，較為無咁酸嘅白酒，果味幾濃仲叫左TGR Lemonade，酸酸甜甜，可以一解油膩！下次要黎試埋其他菜式！…查看更多

西營盤好多小店，今次見到呢間舖名好特別叫張三，睇完佢Menu都覺得幾正就決定咗試下有dinner set所以包左餐湯同沙律！沙律係有機三色藜麥雜菜沙律，落左醋食落酸酸地仲好新鮮，有藜麥令到沙律幾有咬口餐湯係忌廉羊肚菌濃湯，羊肚菌可以改善消化不良，增強免疫力，加埋落忌廉湯一啲都唔膩，仲好滑主食叫左檸檬香蒜虎蝦意粉，檸檬加蒜依個組合都幾特別，酸酸地好開胃一啲都唔膩，意粉亦都彈牙。虎蝦新鮮爽口另一款叫左石斑蕃茄忌廉手工意粉，塊石斑好大塊，魚肉膠質豐厚、口感飽滿仲有彈性。手工意粉煙韌又有咬口。蕃茄忌廉加埋岩岩好，唔會太酸又唔會太濟飲品叫左洋甘菊佛手柑金柚錄茶，飲花茶舒緩飽肚感，茶味仲好清香甜品揀左陳皮焦糖燉蛋，第一次見到呢個組合覺得神奇，食落先知原來係咁夾，普通焦糖燉蛋好易越食越膩，呢個唔會因為夾咗陳皮嘅甘香依間小店構思菜單都好有心思，好想再食埋其他！…查看更多

尖沙咀依間樓上火鍋裝修係以懷舊香港嚟做主題，好有風味！而且仲有好多特色雞煲，食完仲可以打邊爐，好滿足！雞煲選擇好多，我就揀左清熱椰子雞湯，今次兩個人食叫咗半隻雞！好足料，配料有粟米、椰子同杞子，湯底好清甜都好夠味，個雞仲好滑之後就開始打邊爐，叫左個牛肉拼盤（細），有成六款肉，有本地手切牛肉，頂級雪花牛肉，南非和牛金錢𦟌，牛舌片，骰子牛肉粒，牛胸尖。整體肉味都好濃，有咬口得黎唔會韌蟹子蝦滑同墨魚丸都幾唔錯，彈牙而且蝦同墨魚香味都幾出最後叫埋個娃娃菜，吸晒清甜嘅湯底真係好好食飲品叫左自家製陳年鹹可樂，鹹鹹地都中和咗可樂嘅甜味，味道好夾今餐真係好滿足！…查看更多

銅鑼灣依條街好多麵食，好多都高質素，依間都唔例外，裝修好靚，有港式情懷，而且又乾淨！所以午餐、下午茶定想輕食晚餐都好適合試左咩都有麵，係有櫻花蝦雲吞、墨丸、牛丸、魚蛋、慢煮牛腩同貢丸，咩都有得試下，湯底揀左大地魚雞白湯，湯底係冇味精可以飲晒！好清甜。櫻花蝦雲吞係新鮮自己包而且仲好大隻好足料，因為加咗櫻花蝦所以特別香。慢煮牛腩仲有得揀肥定瘦，自家炆肉質軟熟另外叫左三拼，揀咗櫻花蝦雲吞、慢煮牛腩同墨丸。湯底揀左雞白湯，原來雞白湯程序好繁複，要熬成八個鐘，好有心機，難怪咁濃郁清甜。麵同雲吞皮都係搵咗老字號做，有質素保證加左個菜心苗，加咗腩汁幾好食食個麵都可以好高質素 ！…查看更多

元朗出名多小店，依間都幾有特色，係韓國嘅拌飯，用左韓國高壓釜飯機煮成，即叫即煮，熱辣辣仲整到飯焦，好新穎！首先叫左特級牛頸脊拌飯，牛頸脊煮完口感都仲肥嫩同有彈性，之後就撈埋要粟米、葱、蛋黃、芝麻同牛油就食得，飯嘅味道濃郁又豐富！鐘意濃味仲可以加個牛肉醬汁仲試左秘制牛油蒜容雞扒拌飯，甜甜地夾埋炸蒜蓉好香，雞扒係炸過，好香脆，飯焦都甜甜地好出色飯餐仲包個湯、魚糕同前菜小食叫左韭菜餅，薄薄地又脆口，幾香！仲叫左個炸薯條，都係即炸出黎，又係好香口好脆飲品就包埋韓式茶、果汁呀咁今餐性價比都高，而且真係好少機會食到！…查看更多

中環收工想食好野飲番杯，依間好合適，嘢食同嘢飲都好有驚喜！難怪平日夜晚都咁旺場首先叫左個beef taco，薄薄地又煙靭幾好食，有西班牙蕃茄醬、阿根廷青醬同洋葱加牛肉，酸酸地幾開胃仲叫左Crab Cake，外脆內軟，蟹肉好多好綿滑，仲配左他他醬同桃嘅莎莎醬，甜甜地食落唔會好膩主菜叫左Cajun Prawn Linguine，墨魚汁意粉香濃又有咬口，個汁都好creamy ，蝦肉都多同彈牙，份量都多飲品都特色，揀左Yakult Martini，係益力多加vodka同martini ，乳酸味香濃又唔會太甜另一杯就係Holy Water，係西瓜汁加Gin，飲落好清甜仲有淡淡嘅西瓜香今餐真係好滿足，仲好想試埋其他嘢食同嘢飲！…查看更多

銅鑼灣都有唔少泰國菜可以揀，今次依間各式各樣馳名泰國菜式都應有盡有！地方闊落仲坐得好舒服最尾決定揀咗二人套餐！有湯、小食、主菜、蔬菜、白飯同甜品，好豐富！湯揀左椰子雞湯，飲落清甜椰香味好濃，好開胃。雞肉仲好多同一啲都唔乾身，啲菇吸哂湯好正小食就叫咗豬肉串燒，豬肉燒完肉質都好軟滑，靈魂嘅沙嗲醬汁仲好香！主食本身嗌海南雞，但係太好賣賣晒！所以轉咗燒雞。一上枱已經切好晒，燒得好靚，外皮香脆雞肉就好嫩滑菜就揀左飛天通菜，炒得幾有鑊氣，香香辣辣夠哂惹味另外加多左個生菜包，好貼心有得揀唔辣，肉碎好香泰式香料嘅味道，包住食又多汁又清爽飲品叫咗泰式奶茶，夠晒正宗，又甜又香。甜品分別係椰青味大菜糕同埋芒果嘅大菜糕，口感幾爽，又唔會太甜今餐好豐富，仲有好多其他選擇下次可以試…查看更多

依間樓上西餐平日夜晚上到去都勁多人，坐滿哂。雖然座位唔算好闊落，但係食物質素幾高。慶祝生日都幾適合叫左個意式燴牛小排（$338），個牛小排油花味道香濃，肉質仲好軟熟。個汁係甜甜地同肉味幾夾。配菜有薯角、西蘭花苗、紅蘿蔔、荷蘭豆咁，豐富得黎仲煮得幾入味仲叫左白酒煮蜆配墨魚汁意大利飯，白酒煮蜆就食得多，但好少會同墨魚汁意大利飯一齊，又幾夾！個蜆酒味香得來仲軟韌多汁，飯就好濃墨魚汁味嗌左杯sangria red，果味好香，配飯定肉都唔會太膩依間質素真係幾高，下次要試埋其他！…查看更多

依間喺銅鑼灣但係價錢好親民，有湯、有自選餸同白飯，係家常便飯之選揀左醋溜土豆絲($18)，醋味酸酸地再加埋係涼菜所以好開胃，土豆絲都好爽口，切到幼細更加易入口仲揀左粉蒸肉($48)，好特別好似食糭咁，入口係似食糯米再包住肉咁，口感軟綿綿，味道就鹹鹹地帶啲肉嘅油香另外試左花石香乾炒肉($38)，係招牌菜之一，炒豬肉再加乾豆腐，配搭幾得意，炒得好香，豆腐中和咗肉嘅油膩最後仲叫左花菜炒肉($38)，係椰菜花炒豬肉，椰菜花炒得好爽脆，送飯都正依到一碗白飯($3)，好抵食今餐真係又平又滿足！…查看更多