mchan2017的个人专页

偶然經過，入去一試，食客稀疏，叫咗一碗坑腩河、一碟生菜，眼見得一個師傅喺度煮，等咗十五分鐘之後終於有得食，一眼見到碗坑腩河粉，坑腩全部都係肥肉，唯一最大嗰嚿、就係相片嗰一嚿，其餘嗰啲坑腩，都係一粒花生咁大嘅肉，黐住啲肥膏。有無攪錯？呢碗就係馳名清湯坑腩，重係每日限量供應。大失所望，價錢唔算平。唔會再有下次幫襯。…查看更多

第一次光顧，坐低，諗住叫碟淨牛雜，伙記話無淨餸，ok。咁就叫咗碗牛雜河，見到隔離枱叫咗支啤酒，咁自己又想飲，咪諗住叫返支啤酒嘆吓啦，點知個伙記話啤酒係個客自己帶嚟，佢地無酒賣。明明見佢係個雪櫃攞支啤酒出嚟比個客，佢話係個客自己帶嚟，又ok，可能佢地無酒牌，啤酒只賣比熟客，唔怪佢。 牛雜河嚟到，見個賣相已經唔係好掂，食落..河粉死實實…牛雜就真係好一般。三扒二撥食完…走人…..係食唔晒，無下次，祝君好運！…查看更多

睇到網上平台互動廣告，慕名而來，一心品嚐招牌叉燒，街外廚窗睇到叉燒，賣相好靚，等左十零分鐘，終於有位，叫左兩份叉燒米粉，兩杯涷檸水，嚟得一份，涷檸水變熱檸水，又要換，叉燒得個「林」字，平平無奇，大失所望，坐位狹窄。等一段時間才有店員落單，落單你推我讓，得個亂字，兩個人叫兩份同樣食物，嚟錯左，又話唔係佢落單，已經落左單，又要轉枱，枱面匙羹又無，送來的食物錯漏百出，因為轉左枱又無人知....店員個個都好忙，因為枱枱單都錯，真係唔會再幫襯下次。…查看更多