兩個人係黃竹坑The Southside搵地方食晚飯，亞仔提議去Queen’s Café。之前食過幾次北角港運城分店，感覺不過不失，都知道係高級版快餐店，但今次感覺差咗好多，dinner set 二百幾蚊有two course，加多幾十蚊有three course，我地怕食唔晒，所以各自叫咗two course，除咗main course，仲可以揀湯或appetizer二選一，我地揀咗是日餐湯：粟米忌廉湯，湯單價要$79，main course揀咗俄國牛柳絲飯同比目魚意大利粉，單叫都要二百幾，即係叫set變相送湯同飲品。收得呢個價錢，但食物冇水準，粟米忌廉湯冇乜料，絕對唔值80蚊，仲要俄國牛柳絲飯係店內signature food！我覺得大會堂間Maxim’s Café 嘅俄國牛柳絲飯出色好多，可惜已經執咗～比目魚超多魚骨，suppose煮簡單食物但收得貴，價值就在於工夫，但整體感覺係，湯+主菜+飲品都係街邊茶記質素，攞5百幾蚊去食Pizza Express仲好味過佢！…查看更多
我即刻話我係買麻糬，佢竟然揮晒手話：賣晒！我問佢凍櫃𥚃面d蛋糕同麻糬唔係賣㗎？佢答我：我依家要走啦！
我再話已經等咗你咁耐，我買2件咋喎！對方先至接我order。成件事我真心呆咗，我行到埋嚟都等咗你一陣，見你講電話我都冇騷擾你，你明明見到我等你，都可以話收工就收工，咁樣做生意點會有客人返轉頭幫襯?! 仲有平日lunch time都唔開檔，係中環最旺嘅時候，要人行幾次先至買到，真係幾好食都假，何況味道只係中規中矩，冇必要專登去買囉！總括而言，味道不過不失，但服務質素認真麻麻！
