milhouse的個人專頁

早餐$41價錢在灣仔算一般，就入去試試。點知伏咗，附近有其他更好的選擇，不會再來。沙爹牛肉通粉：無論湯底還是牛肉都非常咸，完全無沙爹香味。食完勁口渴⋯⋯多士有少許蒜蓉味，但上枱時已經唔熱又淋曬。太陽蛋就普普通通…查看更多

這店的開水，千萬不要喝。因為隔離的夫婦發現水原來是裝在一個寫住「垃圾筒」的容器中，令我整餐滴水不沾。 第一碟是鹽酥蚵仔，味道較咸，蚵仔鮮味不足。 跟住一碗半筋半肉麵，一挾起已經見到有條毛在碗中。店員居然話呢d係牛筋毛，你信不信？後來叫一碗牛肉幼麵，過了很久都未到。問店員是否漏單，他説沒有。但上到枱變成粗麵，十分肯定是漏了單又扮無。 牛肉麵味道尚可，不過比起台灣的味道偏淡。肉的質地較軟，但肉味不足。最後到比錢啦，櫃位明明寫住welcome AE，估下收銀同我講乜？ 今日剛剛換了卡機，唔收AE⋯⋯唔收好心就收埋個牌啦。 …查看更多

第二次幫襯，無論食物同服務大不如前。鹽酥雞：預左是翻炸的，但翻炸完有好幾件中心仲係凍的。之前有水供應的，現在沒有了，令人覺得很小家。叫了一杯西班牙特調，催了兩次才上桌，飲品淡而無味。不會再有下次。…查看更多

之前試過不錯，所以今晚再來一嚐。等位就預咗，但門口那位姐姐的態度卻不敢恭維。明明一路都是人齊才可以入座，這是ok的。差不多到我們的時候，我去了洗手間，回來的時候卻發現因為我走開了未能入座，但門口的姐姐卻讓後面也是未齊人的一組人入座。跟餐廳的經理交涉，他竟說帶位的姐姐有權彈性處理。明明兩組都差一個人才人齊，為什麼她的尺度不一呢?我一定會向BLT的總公司反映...點了一個和牛漢堡餐、一個classic burger combo和nachos 一起分享，汽水點了我最愛的A&W root beer消消氣。和牛漢堡味道不錯，油潤有肉味，加上fat fries索價近二百，尚可接受吧。Classic Burger要了medium，比起和牛漢堡就差了一點點油脂，肉也乾一點。單就基本的漢堡而言，Burger Room 和 Shake Em' Buns都比這裡好少少。Nachos就一般貨色，跟在其他地方吃沒大分別。總結:食物可以，服務差劣...…查看更多

今晚食餐飯，食物還可以，但服務真的非常令人火滾。排隊等位居然唔跟號碼，後面的居然可以入去先。餐廳唯一那位男侍應竟然話睇錯號碼，有冇搞錯。話明要一半人先可以入座，後面的又可以一個人霸四個位。那位男侍應又話冇問題。好啦，到入座的時候居然安排我地五個人坐四人位。明明有兩張四人枱吉左都唔拍枱，直到我地爭論一番先可以拍抬比我地。個位侍應仲唸唸有詞。咁嘅服務，食物幾好都冇用…講返食物先...我地叫左一個四人餐加多一個生牛肉河。小食拼盤幾好味，個濱海好好食。湯粉的份量比以前少了很多，雙拼中牛腩只有兩小片，不過幸好味道仍能保持。特別推介牛利拼生牛肉河，牛利非常滋味。呢度冇Pho24咁孤寒，湯粉附送的芽菜和香葉份量OK。(上次在Pho24每碗枌只係配五條芽菜和一小片香葉，我在全世界都未遇過咁小家的越南餐館)飲品方面叫左紅毛丹冰，不過不失啦。如果唔係d服務咁差，今餐飯我會比笑面。…查看更多

星期日見呢間餐廳咁多笑臉，就試下喇，點之中左招。 7:30pm 黎到，得兩三檯人 (佢地到差不多食完)。 侍應同我地講只有semi-buffet 供應，冇set-dinner 或者散叫 (明明前面的openrice食家試過有的)。$250一位的semi-buffet ，前菜只有幾款沙律同四樣冷盤(連中午有的cold cut同smoke salmon都冇左)。其中Parma ham那盤中只有蜜瓜而沒有ham，海鮮冷盤得返幾隻蝦。可能餐廳得返我地一檯，所以冇諗住refill。 餐湯只有一款minestrone，不過不失。主菜是特級肉眼扒配磨菇汁。塊扒非常薄(好似早餐d薄牛扒咁)，食落仲覺得落左好勁鬆肉粉，要用濃味的汁去掩蓋。 我覺得連花園餐廳都好食夾大份過呢度。朋友的主菜是意式燒雞，肉質一般，冇乜特別。甜品得幾款(冇cup cake )，質素尚可。今晚無論前菜定甜品都冇之前的食評照片中咁多。每位$250(未連加一)比中午semi-buffet 更少野食，差!!! 同樣價位去art centre的Assaggio食好過....…查看更多

來近又食飯，你一定要有無比的耐性。在門口等了五分鐘，我後面排了十幾人，仍然冇人出來帶位。好啦，終於坐低啦。我非常口乾所以問侍應想要杯茶.......又等了五分鐘每人最少要叫一份定食，想兩個人share再加小食都唔得.....十分掠水講下食物先....1)蒜味千層黑豚($148)：麻麻地。上檯時微暖，不像即炸的豬扒。唔熱的豚肉食落成口油...唔掂!2)香吉列黑豚($138)：非常差。塊豬扒唔熱都算，咬落去好似食緊肥豬肉咁。十分懷疑自己食緊五花腩，唔係豬扒。3)吉列和牛漢堡($35)：原本以係mini-burger，上到檯先發現係兩小塊乾爭爭的炸牛肉餅。食唔出和牛的肉味和油香，d味道反而似美國牛肉。完全不合格!到埋單的時候，我想將食唔晒的千層黑豚打包，點知叫了四次(不同的侍應)都冇人拎個外賣盒比我。最後有個應該係經理的女仔同我講佢地冇晒外賣盒....冇都應該早d講聲，d 侍應答完你就算，一d跟進都冇。到埋單啦....又等了十五分鐘先搞掂，勁無奈!總的來說，以近似的價錢來講，銅鑼灣的Tonkinchi 和「豚組」的食物和服務好好多。…查看更多