菜菜搵食的个人专页

第二次到訪這間餐廳，上次在天台酒吧的維港夜景已經很舒服。這次在餐廳用膳，高層景觀依舊迷人，室內燈光營造出浪漫的氣氛，環境方面確實出色🧚‍♀️餐廳座位間距寬敞，毫無壓迫感，能輕鬆自在地聊天，非常適合朋友聚餐或情侶慶祝🍾食物方面，香煎海鱸魚值得一試，魚肉厚實，口感有點像三文魚，底下的奶油菠菜薯蓉綿密香滑，搭配起來好夾💕另外，餐廳每逢星期一有主菜買一送一的優惠，相當吸引🤩FRENCH CHICKEN SUPRÊME法式醬汁煮雞胸肉 配蕃薯、珍珠麥、抱子甘藍及醃燻雞肉濃湯PAN-ROASTED SEA BASS香煎海鱸魚 配奶油菠菜、烤手指馬鈴薯蘆筍及芥末奶油醬…查看更多

呢間樓上Cafe地理位置好方便，就喺SOGO後面條街，好易搵。餐廳入面仲有個幾寫意嘅露台位，可以坐到兩枱客，上次見到有客人帶埋小寵物一齊坐出面，幾得意。餐廳主打雞翼同手工意粉，都無令人失望😊佢哋嘅燒白松露雞翼大大隻，咬落去好Juicy，一啲都唔乾身。至於我一直都好怕嘅墨魚汁意粉，好多餐廳都會整到好腥，但呢度處理得幾好，完全冇嗰陣惱人嘅腥味，值得一讚👍另外試咗豬肉丸配羊奶芝士汁，味道偏鹹，可能羊奶芝士本身係咁濃味？好在最後嗌咗個甜品，成功中和返之前嘅重口味。煙三文魚墨魚汁手工墨魚圓粗麵炙燒白松露雞翼意式香草豬肉丸配羊奶芝士汁荔枝玫瑰寒天梳打Tiramisu…查看更多

今日同嚟香港玩嘅一班朋友試咗間環境幾舒服嘅西餐廳！餐廳有落地大玻璃，可以一路食飯一路望住街景，感覺開揚。因為提早同餐廳講定有BB，佢哋好好咁安排咗個寬敞位置，等我哋可以放BB車又唔怕阻到人。今次每人叫咗一個套餐，前菜、主菜到甜品都水準不錯，賣相精緻，味道亦滿意，食完成個套餐真係好飽足。最欣賞係餐廳唔會趕客，雖然係晚市時段，但無限定90分鐘交枱，令我哋可以慢慢傾偈坐得舒服。整體而言，無論情侶約會定係朋友聚會，呢度都係個值得推薦💕🧚‍♀️Dinner set for 1 $228/pp…查看更多

俾足100分既餐廳💯 A4和牛三文治係佢地既signature 和牛非常嫩 即使夾住個包一啖都咬得開 😋 炭燒鰻魚係用燒熱既炭碌落去 鰻魚個口感好脆好特別 😋 前菜赤貝刺身好清新同新鮮😋甜品芝士蛋糕 同紅豆大福 吾太甜非常好👍🏻餐廳氣氛很好，生日會有staff唱歌慶祝🎉整體嚟講會想再二訪🩵𝐀𝐊𝐀𝐆𝐀𝐈𝐀𝐫𝐤 𝐒𝐡𝐞𝐥𝐥 𝐂𝐥𝐚𝐦𝐒𝐇𝐑𝐄𝐃𝐃𝐄𝐃 𝐂𝐄𝐋𝐓𝐔𝐂𝐄 𝐒𝐀𝐋𝐀𝐃𝐂𝐀𝐑𝐀𝐌𝐄𝐋𝐈𝐙𝐄𝐃 𝐏𝐔𝐌𝐏𝐊𝐈𝐍𝐂𝐇𝐀𝐑𝐂𝐎𝐀𝐋 𝐆𝐑𝐈𝐋𝐋𝐄𝐃 𝐄𝐄𝐋𝐀𝟒 𝐖𝐀𝐆𝐘𝐔 𝐂𝐔𝐓𝐋𝐄𝐓 𝐂𝐇𝐀𝐑𝐂𝐎𝐀𝐋 𝐒𝐀𝐍𝐃𝐎…查看更多

同事推介這間開業逾20年的法國餐廳。環境係傳統法式氛圍，柔和燈光配復古酒櫃，桌距寬敞私密度高，特別適合慶祝或紀念日✨Lunch set由蒜蓉包、蘑菇湯開始，主菜Slaper蠟魚擺盤精緻如藝術品，視覺先滿分🎨 另外同事叫咗炭燒澳洲羊西冷扒，望落去似牛扒，但食落去又好似冇羊肉味，個人覺得普通。甜品拿破崙才是亮點——酥脆層次與香甜奶油完美交融，為餐飯添上完美句號✨整體而言，食物質素中等，用餐體驗平穩舒適，適合想要安靜用餐的客人。煎蠟魚 炭燒澳洲羊西冷扒配紅洋蔥蓉拿破崙…查看更多

剛好深水埗做完嘢，順便喺附近行下，先發現對上一次嚟已經係一年前。諗返疫情時大南街開到成行成市Cafe，㩒開個bookmark地圖睇，先知唔少已經靜靜雞執咗笠🫣撞見間木系cafe，大大個窗引入自然光，成個氛圍零舍溫暖。吧枱擺滿專業咖啡架生，一睇就知係認真沖啡。木枱木椅簡約得嚟有品味，唔理係同friend吹水定自己一個 hea，呢度都係個充電好地方。今次試咗個香煎海蝦辣蕃茄汁粗管通粉，真心有驚喜！隻隻海蝦爽口彈牙，粗管通粉掛汁力一流，索滿微辣嘅蕃茄醬，酸酸甜甜好醒胃。BTW，最正係叫熱飲有彩蛋——咖啡師會親手畫latte art！見到杯靚靚拉花🧚‍♀️成個人即刻開心晒🥳香煎海蝦辣蕃茄汁粗管通粉🦐培茶latte …查看更多

約咗舊同事食晚飯，位於中環地庫的Chaiwala，藍色外牆配紅色大門相當搶眼💕沿樓梯走下，先經過酒吧區🍺，再進入用餐區。裝修充滿印度風情，分了幾個區域，我們被安排在最裡面的區域，環境舒適有特色🪷好適合打卡📸食物選擇豐富，價格中上但合理。香料烤餅naan 都有好多款式，香脆可口。唯一不足嘅係份量偏小，所以一大班人嚟都可能要叫多幾款菜式先夠。服務不錯，店員會細心介紹菜式。環境有點暗但氣氛輕鬆，適合朋友聚餐聊天。整體來說是次愉快的用餐體驗，想試印度菜時會再訪。…查看更多

銅鑼灣核心地段開咗間韓國炸雞過江龍。可惜嘅係個炸雞好乾又dry泡菜炒飯頹到冇朋友😂好似自己屋企都炒到出嚟既菜加隻太陽蛋。味道好普通 😂基本嘅酸蘿蔔都沒有提供，沒有單買🥺唯一值得一讚嘅係 場地好大寬敞，同冇乜人坐耐啲都唔怕💕最後出奇地送咗兩隻公仔😂芝士炸雞 🫣辛奇炒飯 🫣…查看更多

位於銅鑼灣百德新街附近嘅一間意式 fusion 西餐廳，門面係一幅粉紅色牆身，望落去感覺幾溫馨同舒服。餐廳環境幾有情調，幾適合情侶或者朋友聚會。Menu 上有套餐可以揀，不過計返條數，感覺單點可能更抵食。今次叫咗一個前菜同兩個主菜分享。前菜「雞肝醬多士」做得幾有特色，雞肝醬煮到好 creamy，質地似慕絲，唧上多士之後，配埋醃洋蔥同義式煙肉，味道幾有層次，仲可以帶出雞肝嘅濃香。主菜方面，「番茄蒜香辣椒橄欖油闊扁麵」用上半曬乾番茄同闊扁意粉，意粉似係手工製，偏厚身同咬落有嚼勁，不過凍咗之後會變硬，建議一上枱就要趁熱食。另一道「香烤羊架」有三件，味道中規中矩，冇太大驚喜，反而旁邊嘅炸馬鈴薯非常出色，外脆內軟，如果可以加多啲就更好。整體而言，食物質素唔差，但價錢偏貴，CP 值一般。如果係追求氣氛同環境，呢度都算係一個唔錯嘅選擇。…查看更多

呢間台灣人氣手搖店好紅，星期一放工時間去到旺角分店試吓。竟然唔使點排隊，幾好。落單之後等大概五至十分鐘就有得拎。我叫咗杯店舖推介嘅「棉被午茉綠」（$28）。佢哋有三款茶底可以揀：日安紅、午茉綠、四季金萱。我揀咗午茉綠，茶味清香，唔澀，同上面層綿密奶蓋幾夾，不過呢個奶蓋對我嚟講唔係好啱feel。朋友嗰杯加錢要咗茶凍，我試咗一啖，覺得個配搭好唔錯。茶凍食落好清新，帶淡淡茶香，口感又爽滑，冇珍珠咁滯胃，感覺更加輕盈。整體嚟講，價錢合理。…查看更多

身為超級抹茶控，一定要認識這間專注於茶香的日系小店！所有甜品和飲品都圍繞着抹茶與焙茶主題，這次我點了招牌「茶拂抹茶草莓拿鐵」，賣相極吸引～紅、白、綠三層漸變，簡直是相機食先呀。。。抹茶本身帶甘苦，但配合底層香甜草莓醬，不但沒有違和，反而引出抹茶的回甘與香氣，味道層次豐富而不甜膩。店內環境整潔舒適，充滿和風小店氛圍，非常適合飯後與朋友來輕鬆聊天、享受高質甜品。絕對是抹茶愛好者不能錯過的聚腳地！🍵🍓👍…查看更多

位於希慎廣場嘅台式餐廳地點就腳，環境闊落舒服，好適合放工同朋友食飯傾計。餐廳提供多款地道台灣美食同特色飲品，幾有台灣風味。今次試咗新推出嘅二人套餐，份量比預期多，兩個女仔可能食唔哂。特別推薦「南投芋泥麻糬肉鬆春卷」，外皮炸得香脆，入面芋泥同麻糬口感軟糯，加上鹹香肉鬆，味道配搭得恰到好處。另一道「基隆港蝦醬蝦球鍋飯」都值得一試，上枱時熱氣騰騰，蝦醬香味濃郁，每粒飯都沾滿醬香，蝦球大隻彈牙。整體來說，呢個套餐味道唔錯，價錢合理，會再嚟幫襯。…查看更多

喺跑馬地食漢堡包除咗麥當勞之外仲會諗到邊一個選擇呢？🤔見到啱啱新開嘅一間主打漢堡包嘅店，店內環境細，但係都有少量位置可以坐喺度堂食。由於佢哋係open kitchen，所以堂食之後個身會有一浸漢堡嘅油香味😂今次點咗佢嘅焦糖洋蔥蔥漢堡包，佢哋嘅醬酸酸甜甜幾開胃，不過食多咗之後就覺得好漏，可能係啲醬多得滯🤔下次等我叫少啲醬先。另外坐喺度堂食可以睇到店員煎漢堡扒，同整理個包嘅過程。總結嚟講我比較喜歡厚啲同實啲嘅漢堡扒，呢塊漢堡扒對我嚟講有啲鬆散，質感比較冇咁實在。而且佢單價都要$69蚊🙈下次會俾多次機會食埋個餐…查看更多

這間餐廳位於總統戲院旁的大廈樓上，以前經過時總是猶豫不決，擔心樓上的餐廳會太狹窄。然而，踏入後卻發現這裡光線明亮，環境開揚，整潔的裝潢讓人耳目一新。午餐時段坐滿了打工仔，氣氛十分熱鬧。餐廳提供的午餐選擇頗多，包含set lunch及普通午餐。我這次點了紅咖喱肉碎炒飯，搭配冷泰式奶茶。炒飯味道偏辣，十分開胃，令人食慾大增。不過，雞肉串燒稍顯乾燥，略為可惜。泰式奶茶可以自行調整糖量，十分貼心。整體而言，這裡確實是與同事聚會的好去處，值得推薦！…查看更多

相信入得去嘅人都係因為芝士吉列豬扒，豬扒入邊嘅芝士滿到就嚟瀉，非常吸引，同好打卡able，另外同埋網上面好推嘅玫瑰醬吉列豬扒。一坐低，店員即刻送上兩碗粟米湯，雖然份量少得可憐，但始終係免費嘅。用QR code落單都幾方便。我同朋友各自點咗一份芝士吉列豬扒。當芝士吉列豬扒啱啱上到桌，用筷子夾起入面嘅芝士真係可以拉絲到成隻手咁高，非常有趣。不過，芝士嘅味道意外地淡，令人有啲失望，咩Mozzarella Cheese味度係咁淡嘅咩。另外，玫瑰醬吉列豬扒嘅蕃茄忌廉醬酸酸甜甜，幫手解膩。總體來講，除咗芝士吉列豬扒有啲失望之外，其他食物尚算中規中矩。…查看更多