jochauwk的个人专页

今日，我係希慎一帶食飯。平時上開美食廣場層數同飯腳開餐，今次自己就去到Pizzamaru食飯，睇咗餐牌一陣。發現有素食薄餅就落單。 餐廳環境唔錯，衛生唔差。落單冇耐， 侍應呢就以菲律賓人講英文為主， 咁就英文呢同我簡單溝通呢遞咗杯水。 冇諗過呢佢哋都好有禮貌呢服務態度唔錯， 都好啱就去做空姐。 我都留意到呢佢哋呢， 即係服務嘅時候，即係見到佢哋嘅制服好整齊、有紮頭髮啦同埋即係佢哋個人衛生得好好。 廚師做嘅食物質素都唔錯， 薄餅呢都有大嗰隻碟， 配合香草食得都好惹味， 好欣賞佢哋用到茴香同百里香。 芝士呢就食咗落去呢我都覺得好舒服嘅， 即係簡單啲嚟講呢個pizza呢我會即係都推介畀大家。…查看更多

今日，我就去咗旺角 阿木台灣麵呢去食咗個好優惠嘅下午茶。餐廳裏面嘅感覺呢好家庭風格， 一種好濃厚嘅台灣氣氛。令我諗咩呢早幾年啦去咗高雄嗰邊呢探朋友， 嗰種氣氛呢同喺高雄呢真係好鬼似。我就今次點咗個蕃茄牛肉麵、 玉米蛋餅、 醬油水蓮 同埋呢 一杯桂圓紅棗茶。 冇諗過唔夠15分鐘內，即係呢間舖真係速度好快，幾乎所有嘢都上曬菜。呢個牛肉麵，我自己本身都幾鍾意食佢嗰個粗麵，好夾呢佢嗰個湯底煮溶咗嘅蕃茄同埋a菜。玉米蛋餅呢我好欣賞佢，食落好香，蛋漿比例均勻同埋呢個麵皮係好煙韌。當然唔少得去食醬油水蓮， 水蓮入口清爽，配烚熟嚟煮呢好正。 飲埋杯桂圓紅棗茶， 真係除咗養生之外， 梗係喺秋冬滋補下血氣。…查看更多

是日下午茶，簡簡單單第一次係素年光顧便有很大驚喜由於下午茶時段過咗所以我決定食一件開心果蛋糕冇諗過畫碟咁靚夾埋用黃原膠粉做蛋嘅感覺佢打到個開心 果碎做醬好特別咁加上少量開工開心果碎滿足咗呢個鍾意食開心果甜品嘅為食貓…查看更多

我去咗位於油麻地近銀城廣場一帶串燒店--串燒陣食咗下午茶。自從信佛茹素後，我一直以來覓食店舖都未見有燒烤店，串燒陣係一間提供無肉餐單及五辛素店舖。五辛素係佛教徒唔食嘅氣味大植物：蔥、韮菜、蒜頭、蕎頭及洋蔥。一般而言，佛教徒係會食薑、辣椒同九層塔。今次我刻意推介五辛素予素友及佛教徒，點咗燒秋葵、燒菠蘿、燒四季豆、燒翠玉瓜、玉子燒、炸黑松露薯條同埋椰子水。無諗過店舖提供原型食物，好少添加醬汁烤食物。上述烤蔬菜都以店主獨家調製椒鹽做調味，而烤菠蘿卻食出食物鮮味、酸酸甜甜係幾開胃。食一口玉子燒，卻食出甜而濃郁蛋漿，加埋一個新鮮椰子水，送走夏季殘餘悶熱，使人換來陣陣涼意。如果大家係油尖旺返開工，不妨去下串燒陣搵下食。…查看更多

你睇得多電視臺醫劇集，印象中唔少醫生、律師都會係放工後蘇豪飲飲食食。無錯，今次我就去咗一間米芝蓮三星級餐廳白蘭樹下（Urban Coffee Roaster）,食咗別樹一格嘅晚餐。現場呢餐廳氣氛好好，服務質素都唔錯。 有唔少呢一啲即係喺附近返工嘅白領一族都係呢間餐廳度食飯， 我呢更加見到喺我坐隔離嘅呢係一個專業人士嚟。 原來，個著筆直西裝年輕才俊就係我男朋友，鶼鰈情深，共晉晚餐。我就點一杯Day and Night嘅琴酒、一份咖啡薏仁藜麥飯同埋一份提拉米蘇作飯後甜品。濃郁咖啡味嘅主菜將我帶進了羅馬小鎮大街上，使我係廣場內行咗一圈。琴酒苦澀味帶出工作辛勞，媲美收工飲愛爾蘭咖啡來慰勞自己。提拉米蘇入口香滑， 咖啡粉更磨到比沙粒更幼滑，配搭綿綿密密蛋糕。 喺呢個時候咖啡酒再次醞釀喺我舌頭上， 將我徹徹底底灌醉。大家好似坐喺一艘沉末喺海洋嘅船，就一同沉下去………查看更多

今日估唔到同細佬食咗碗素雲吞米粉佢就嗌咗三餸飯冇諗過呢呢度係佛教徒主理飯餐出菜嘅地方呢就係個廚房咁入面呢計埋收錢好似嗰啲呢廚房工場咁樣餐廳環境呢有枱櫈， 打通咗兩三個舖位白飯、粥同埋湯呢就畀啲顧客自己舀原來呢去嗰度啲即係 素春捲呀銀絲卷嗰啲呢就擺出嚟買嘅我諗過呢仲有個姐姐呢喺度整銀絲卷佢喺度呢就係好似自助式落單咁樣冇人招待你嘅咁咩就係得收銀同埋端菜嗰個呢就喺個窗口位就畀你…查看更多

是日午餐今日係Habitu食咗個set lunch有凱撒沙律、水牛芝士薄餅、檸檬水同埋兩粒泡芙做甜品冇諗過個薄餅好脆下芝士好香泡芙感覺鬆甜，奶油就好濃厚下次可以諗吓佢個下午茶，如果有足夠時間今次有少少趕，因為公務要緊…查看更多

尖沙咀家庭小店獨家秘製醬汁魚蛋燒賣配卡邦尼炒腸粉港人喜愛以魚蛋、燒賣同腸粉等小食作下午茶，而有唔少港人喺油尖旺一帶「掃街」。「餓媽家姐」 取自日本語諧音（Omakase）， 顧名思義係指餐單交給廚師發辦。呢間鋪之前係尖沙咀厚福街開設，啱啱搬咗鋪。呢間店係家庭式經營， 係一對夫婦 落手落腳打理店務。 店主刻意為我推介獨家秘製醬汁配魚蛋燒賣，叫作「三不醬」。 此醬內有乾坤，不但帶有九層香香味， 而且混雜了咖哩、沙嗲同花生碎。 起初呢款醬係佢哋一家人食腸粉用， 而家就變咗就一款新嘅小食推出市面。另外， 店內一款中西合璧嘅芝士松露雜菌炒腸粉，配合卡邦尼醬汁兼快炒。店主曾經係深水埗太子道西開設茶餐廳，佢曾經以炒腸粉提供畀弱勢社群。店主使用天然調味料及提供酸種麵包，減少防腐劑對人體影響。佢仲有溫馨提示：如果客人有食物敏感，可以同佢講並且避開致敏原，例如花生、奶類等。*如你患有食物敏感，可以與家庭醫生商量。…查看更多

今日呢去學校代課之前呢我食咗個簡單嘅素食漢堡包個包名叫美式田園漢堡由十一種田園蔬菜製成，包括蘑菇、蕃薯、紅蘿蔔、麥米和藜麥，搭配美國芝士、香脆洋蔥、醃青瓜、ShackSauce和薯仔麵包一啖咬落去呢洋蔥呢就好香好脆口個素漢堡扒呢做到好出色一啲肉質呢好似好腍咁夾埋食薯條好脆口好爽嘅薯條食落呢摸上手呢都唔係話好油食齋嘅人偶然都會食一餐齋嘅漢堡…查看更多

是日午餐簡簡單單今日為咗做嘢咁我就填飽個肚食咗米粉一盒米粉呢都食落去唔覺得有咩味精佢加咗少少芝麻油落去炒食落去呢都唔覺得係好油膩一盒米粉填飽個肚，基本上我都唔使點食嘢呀加埋呢又冇話浪費，最後尾呢洗乾淨個盒去做回收…查看更多

今日婦科覆診等攞藥咁等攞藥期間有啲肚餓就一個人呢走咗上去餐廳食下午茶咁食下午茶仲撞自己男朋友喺嗰度做醫生嘅，佢喺食緊米粉知道佢喺嗰邊呢係做內科 同埋外科嘅咁我就嗌咗個 碗仔翅碗仔翅都好足料下，我見店員仲送埋李錦記嘅 醋畀我不過我習慣唔落醋， 碗仔翅都有啲冬菇粉絲同埋蛋絲我就走咗瘦肉絲， 因為我本身食齋嘅整體嚟講，個下午茶用8蚊買都幾抵…查看更多

今日我就食咗糖宮嘅甜品，咁發現間舖頭最大特點係貓糖水舖。本身上平時大家都聽過貓café、貓雜貨舖，無諗過貓糖水鋪係意想不到嘅驚喜。基本上，貓店長呢就係呢間舖頭嘅最高話事人， 大家都冇諗過今日店長菠菠都好熱情招待我呢個貓奴。咪睇佢個樣外冷內熱， 其實你搵佢玩呢或者搵佢影相佢都唔嬲。喺尖沙咀店會見肥西同菠菠，平時就係佢哋招呼客人，同客人打下牙骹，順便慰藉下客戶心靈。之後， 我朋友呢就提我記得呢落單小心啲啦。我真係唔好掛住玩貓， 咁就係嗌一個椰皇焦糖燉蛋白同埋 一杯嘢飲菠冰冰。 佢本身呢份人呢都係比較好藝術家嘅，所以整嘢食呢又唔係太差。 見返佢呢唔知點解就諗返中學嗰陣時 ，以前同佢家政堂即係合作過做一啲創作仔咁樣。 以前六個女仔一齊整唔同嘅嘢食出嚟擺檔，朱古力湯圓、滋味饅頭同埋杯子蛋糕， 大家都好努力整廿份嘢食出嚟呢擺檔引人去買。 菠冰冰顧明思意係菠蘿汁加沙冰，再加菠蘿味爆珠珠。邊飲菠冰冰就記起返中學時代點點滴滴， 邊用長羹𢳂一羹冰， 愈掘愈深，掘以前中學時候留低嘅寶藏。每次同你上堂分組，甚至一齊癲起做藝術創作，最後搞到俾阿sir一齊罵，真心唔介意。你就咁，份人我行我素，亦會關心我呢個扮摺嘅頹友。無諗過，你廚藝進步咁多，將當年家政科Miss Wong燉蛋白改良，再推陳出新。椰皇燉焦糖蛋白最大嘅賣點呢就係佢用咗椰青水同埋蛋白一齊蒸熟，再加糖上燒成焦糖。 我冇諗過我朋友咁有創意將法式焦糖燉蛋呢同埋呢個燉蛋白做中西合璧， 呢味咁有特色嘅混合甜品，食落香滑，甜而不溜， 就係呢間舖頭最大嘅賣點。而呢間舖頭呢盡有其他一啲中西嘅甜品都有嘅，有雪糕窩夫，有紅豆沙，有芒果椰汁西米露，有木瓜燉雪耳……下次我經過尖沙咀或大圍去下幫襯下先。…查看更多

是日午餐簡簡單單今日去咗樂園素食食過素食午餐呢度呢可以話係呢我喺銅鑼灣嘅飯堂今日呢好可能呢係我食過嘢呢即係最有驚喜一次本身呢間素食呢就好多唔同類型嘅嘢食嘅即係食多國菜嘅自助餐除咗有中式點心同埋西式沙律之外呢我今日食煎餃子、西式沙律、時菜、中式點心同埋炒豆角今次呢就冇食到壽司上次就食咗喇當然唔少得我鍾意食嘅蘿蔔糕啦仲飲咗杯檸檬水…查看更多

是日下午茶簡簡單單今日喺醉香雞蛋仔食咗一版oreo雞蛋仔雞蛋仔呢就好香椰奶味每粒雞蛋仔多包勻oreo餅乾碎講真啦雞蛋仔呢平時我都係食開原味今次呢我就得發奇想想試下有oreo餅咁所以肚餓呢就食一板啦整體而言呢個雞蛋仔都幾好食嘅有機會呢會再次幫襯都算多人排隊喺觀塘都出名囉…查看更多

之前有一位金蘭姊妹介紹我到泰grill食飯，因為她經常到該店用膳。一入餐廳，店員好友善向我招待，環境乾淨，感到好舒適，感受到泰式家庭風格，感覺得自己處身曼谷渡假。無錯，我在炎炎夏日跑過步，一襲運動裝，簡單輕便，享受著陪伴自己食飯而已。我好著重食物原味，好關注健康，好小心謹慎挑選食材。今日我飲到無添加劑，零糖，零卡路里天然椰青水，用飲管吸吮一口，發現此椰青水入口清甜，甜味可謂滋潤整個喉嚨。椰青殼配有上烈艷如火的雞蛋花，好似熱情泰國姑娘向我款待般。未幾，店員很便快上菜，果然香港人處事有效率。我從未見過，真的未見過那麼大碗的青咖哩湯配雜菜。咖哩很重椰汁香味，濃郁辣味配合豆角、甘荀、椰菜、西蘭花及椰菜花等食材，再加上幾口熱騰騰軟而不硬的絲苗香米，果然是非常適合素食健身增肌人士。吃過主食後，我不忘吃雞髀菇及菠蘿串燒增肌，徹徹底底地投入泰國酷熱暑假，感受那泰國人熱情洋溢的個性，幻想起那椰林樹影，幻想起那水清沙幼海灘，幻想起那萬里無雲的泰國國度。菠蘿的酸酸甜甜，清洗了舌尖上辣味；芒果糯米飯的甜味，刷新了舌頭的味蕾，使我再次嗅到芒果果香，再次讓芒果甜味 衝擊 我的味蕾。人生是歷盡艱辛，味覺上甜酸苦辣鹹，可謂人生考驗， 歷盡人生歷練，獲得人生智慧。這回泰國素食體驗，可謂歷盡艱辛，先苦後甜，嘗到回甘呢！…查看更多