一家三口第一次試，食午餐放題，想試極上和牛，但店員話未返貨，叫我哋試豪華燒肉，一場去到是但啦，咁咪試，點知中伏！一坐低已經叫左兩轉廿碟，但只係上左幾碟，燒完上碟後無其他牛出，連小食前菜，烏冬，飯，紫菜都無，隔離枱就係咁keep住出，忍唔住問侍應，佢叫我哋重新落單，我話已經落左2轉好多碟，佢話廚房出單機岩岩無哂紙，要我哋落過。如果我唔問，就齋坐呆等，要知道放題限100分鐘，仲要完之前30分鐘停止落單，自己廚房出問題唔同客人講聲，仲要岩岩開巿都未坐滿，已經攪到咁。之後陸續上菜，點泡菜，佢比泡菜蘿蔔，同佢講，佢話咪岩囉泡菜蘿蔔嘛，妖，對自己產品都唔認識求鬼其拎d野比客食。原本想食和牛，因為有小朋友，咀嚼能力無大人咁好，豪華餐既牛，燒完好韌，唔好話小朋友食唔到，我哋大人食完都牙胶軟，肉質唔掂，薄牛舌就食到。第一次食已經有不愉快經歷，唔會有下次！…查看更多
以上食记乃用户个人意见 , 并不代表OpenRice之观点。
赞好
用餐途径
堂食
