Tangten1017的个人专页

喺冬天的季節當然要食反啲應節食品----打邊爐～暖一暖下依次係我第二次尼食，之前試左招牌臭臭鍋，而今次我就揀左食芝士牛奶鍋！wow 店員遞上牛奶鍋時，心裏已暗爽中🤭白雪雪好有冬日feel~ 而且用料唔差，我個人十分喜愛鍋中的白豚肉👍👍冇諗過咁好食😋就算放在鍋中一段時間，肉質都夠嫩！份量亦唔少。仲有豆皮蝦卷、貢丸、沙白（蜆）、麻吉燒、蛋餃、一小塊的公仔麵、小量蔬菜等等～我覺得最特別係麻吉燒，第一次食，內有麻糬，外有魚漿內圍住，煙韌得尼又爽脆🤣所以材料連芝士湯底配搭一起進食，真係令人好滿足🥰極力推介大家食午餐，真係抵食，$90（已連加一服務費）就可以打到邊爐啦！！仲包一杯紅茶/綠茶😋…查看更多

依間拉麵店午飯時間，經常被隔離Bakehouse既人龍遮蓋左佢既真身😂好容易被忽略，實際隱藏左日本師傅為大家烹調出日本味道既拉麵店🤣（因為我偷聽到師傅係講日文🤭😂）當日我就試左海老虎拉麵$98～未食已經聞到好香櫻花蝦味。有洋蔥同木耳做襯托，都係第一次見依個配搭。肉丸出色，質地唔太淋唔太硬，調味剛好。另外湯底濃厚，不過飲哂成個湯底後，就有少少口渴🤭🤭🤭整體尼講，環境同服務都唔錯，乾淨企理，lunch time 自己尼依度歎都唔錯😬但價錢上我就覺得有少貴啦～…查看更多

夜麻麻ot完，慕名而來，試一試此店既黑芝麻湯圓！店舖唔大，只有3、4張枱。外賣客較多，我地進食期間，源源不絕有客人買外賣。鴛鴦湯圓 $28/5粒，有3粒黑芝麻，2粒花生🥜湯圓。價格尼講唔算貴。又可以一次試哂2款口味！黑芝麻湯圓，wow估唔到會爆餡加有流心效果！係有驚喜既🤩好香濃黑芝麻味，唔太甜，皮唔太厚！唯一不足係覺得有啲油味係餡入面😮‍💨麻麻陣味推介大家食花生湯圓，好濃花生香味，有花生碎粒，好足料！中意食花生既朋友一定要食😍😍😍一啲都唔遜色於黑芝麻👍而湯圓配搭糖薑水，我自己本身唔太鍾意薑味，驚太辣。試過後覺得唔錯，飲第一啖雖然好辣，但食完湯圓再飲又覺得好夾喎，仲可以消濟😬…查看更多

妹子我覺得餃掂既煎餃，係煎法上係較其他餐廳與別不同，有香脆厚皮既外身，唔係薄薄地似鍋貼般既樣子，真係煎餃吸引！元貝豬肉煎餃，唔太食到或見到元貝，但就有聞到好強烈元貝浸過水既味道。推介揀煎餃食，脆脆既餃子外皮好食!食左香口既餃子🥟當然要叫湯餃再試埋個湯啦～雲耳椰菜豬肉湯餃配狀元九鼎湯，湯餃有雲耳椰菜配搭，食落爽口，皮滑。而湯味道好淡，但好勁魚味，因飲完後，魚味仲停留係口一段時間…查看更多

唔細心留意大王東街的話，都未必發現度依度有粥麵店。咁岩今日想食粥，於是就入去試試。叫左$49 自選2款材料，皮蛋肉丸粥，粥底夠綿滑，肉丸紮實又有麻油香味😍交足料👍大大碗，唔怕好快肚餓😂而朋友就叫左豬潤粉腸粥，同樣新鮮足料👍獲得好評！岩哂中意食內臟的朋友😄蜆蚧鯪魚球 $42我第一次食炸鯪魚球配蜆蚧醬。仲以為係鯪魚球裏有蜆蚧😅原來係作醬汁用😂😂😂長知識了鯪魚球好爽口彈牙，食唔到有骨🤣顏色金黃，圓潤飽滿，好吸引啊！可以連醬料中既蜆蚧一齊食，不過我就覺得醬料就咸左啲，可能係特色之一尼🤣…查看更多

好耐冇食酸菜魚了，天氣又凍凍地，正好係食辣野的時候。係OpenRice 訂位有9折，所以就決定同朋友試下依間！入到餐廳，感覺環境唔錯，有啲似去左酒吧relax既感覺😂食物種類都較多選擇，食辣野為主。而今次就目標明確，試下食最低價既酸菜魚$198😆最初以為酸菜魚只是有魚，沒有其他配料，仲擔心唔夠飽，所以我地就加配萵筍。上菜後發現都有薯粉、魔芋，足夠2個人食🤣唔知係咪因為我地叫BB辣既關係，酸辣度係ok，但欠缺香味，花椒都偏少。雖然我地係叫最平的江團，魚的質素唔差，啖啖肉，最重要係沒有魚骨。我地仲叫左 川北涼粉，可自選辣度。上菜時跟我預想既畫面有啲出入😂以為會係闊身既粉皮，原來係幼身入口偏淋的半透明粉條。配花生粒同肉碎一齊品嚐，再加上辣汁，味道又出奇地好夾🤣最後我地想叫甜品食，解一解辣。侍應話會有冰粉或綠豆沙送😊冇甜品menu架～…查看更多

食竺扶大班燒味前，以為冇咩人等位啦，點知lunch時間原來好受街坊或白領歡迎，就算位於係街市中，都源源不絕地有食客拎飛等位😂可見餐廳一定有其魅力之處！叉燒同燒鵝色澤相當吸引，個人覺得燒鵝好食啲，皮脆肉嫩，仲要係燒鵝髀肉，正。值得一提既係，店內酸梅醬係自行添加，酸味會較甜味多，色澤上偏黃，有別於平時見到紅橙色的酸梅醬。用尼"送"飯一流～跟餐加$7有凍飲，加$6就有日日不同款的靚湯飲。Btw仲有店員黃色T-shirt制服非常搶眼吸睛，好有香港特式，見過你就知🤣🤣🤣…查看更多

突然想食栥飯，諗起公司附近有間舊式裝潢，又平，味道又唔差，食上海傳統美食的店舖。栥飯用糯米飯包住肉鬆，榨菜，油炸鬼，製成一個長條形飯團，即叫即整大大件，都係$20，有手掌🖐️咁大，真係抵食夾大件，一定夠飽可惜內餡的油炸鬼唔夠脆，好淋，如果係新鮮脆卜卜會好食啲～紅油抄手 $28用肉鬆、蒜蓉作汁料之一，都係第一次見，味道偏酸，沒有辣味。我麻麻地個汁，比較期待食到有酸辣得味道。反而抄手令我感到驚喜菜肉雲吞既size同粒乒乓波一樣大，菜肉餡的味道調配得十分好，皮又滑，好食！…查看更多

依間只售3款麵食既餐廳，只有簡約設計，但午飯時間仍吸引一班捧場食客，願意等待慢長排隊既時間，品嚐新加坡娘惹風麵食餐廳麵食有叻沙、蝦麵、干叻沙選擇。因為排隊時在店外已聞到陣陣蝦香的香味，所以我是日午餐揀左蝦麵😋兼加底。正常份量都足夠一般女士享用，我加底原因是之前試過食外賣，麵的份量係連男同事都好快叫肚餓😔 有見及此，今次落單時已要求食extra 麵量版本，補反數🤣蝦麵侍應遞上時，我已被3件肥豬肉吸引住仲有好濃郁的蝦香味道，即刻食洞大開！米粉＋雞蛋麵（即粗麵）一粗一幼配搭，再配肥豬肉，蝦片，芽菜，通菜，加蝦湯，一大啖同時進食，真係冇得輸，湯底飲哂都唔口渴！唯一不足係經油炸的豬油粒，雖然脆卜卜，但我略嚴有種千年油炸的油味，個人麻麻地叻沙而同事就叫左叻沙，用料十足，賣相十分漂亮，而且唔係淨係得個樣，排長龍係有原因的！…查看更多

夜晚OT，突然想食甜品中和下要OT既心情，令自己開心啲。同事就推介Dough Bros，話pizza同冬甩都好食咁岩見到網上外賣平台外賣自取有8折，即係平時貫買3件冬甩要$98，依加$73.5就食到，超抵!! 所以就決定自私獨食冬甩，pizza就留反下次叫~我揀左 Triple pack of Doughnuts (3pcs)-吉士 -蘋果派 -藍莓果醬3款中我就最中意蘋果派味，係新口味尼。冬甩外層好脆，真係新鮮整熱辣辣，內裡鬆軟，好香蘋果派味，加上蘋果派醬味唔太酸唔太甜，岩岩好好開胃，食完好開心～推介大家試蘋果派味而藍莓果醬味就酸酸甜甜，本身以為會好似早餐搽麵包既醬既質感，但食落又唔係喎😂有啲驚喜～吉士味個人就覺得唔太甜，味道較淡，因為平時食都係較偏甜同較稠身，依個反而冇。可能自己中意偏甜多，所以覺得吉士味一般😂提提大家，獨食整個冬甩時真係要小心，因為好易就爆哂啲汁出尼😂😂😂要好豪邁地大大啖食，唔係既話食到好lei hea🤭🤭🤭…查看更多

喺灣仔食lunch, 埋單$100有找就食到高高地質既lunch, 而且環境唔差仲好有日本feel 既餐廳，我會揀森屋😄未入去已經好日本🤣入到店內更加好日本🤣🤣而我是日lunch就歎左網燒牛定食，有沙律、味噌湯。仲有食網燒牛先有既蛋😋用尼蘸牛肉～ 被網燒既牛肉包住層蛋液，再配搭加左燒汁？！（我諗係😂）既熱辣辣白飯，真係好正😋然後好快就食到見到碗底了😂 順帶一提，依度可以免費添飯（本身飯量都唔少），咁就可以一啖飯一啖牛🤩岩哂我飯痴🤪整體尼講，係附近返工、想約朋友食飯、想輕鬆下既朋友，可以揀森屋！值得一試…查看更多