wing.wing.pig的个人专页

BU學生會較熟悉呢間餐廳，餐廳隱藏係校園之中，每一道菜都好精緻，有驚喜。日式溏心蛋多士Appretizer 已經好吸引了，以溏心蛋及黑魚子配上多士成絕佳享受。粟米湯每一口粟米溶都食到粟米嘅清甜，份量多且味美。蟹肉蛋黃雲吞餡料用蟹肉同蛋黃醬，再加忌廉芝士調味，鮮味同蛋香融合，口感豐富。熔岩南瓜🎃意大利飯燉飯盛載於南瓜之上，用南瓜泥做成濃郁基底，意大利飯奶油般滑順。「熔岩」流出熱騰騰金黃色嘅食材，甜中帶香，口感豐富。海膽手打意粉一道奢華日西融合意粉，新鮮海膽膏成creamy醬汁，配上手打意粉，麵條彈牙煙韌，滿載海膽鮮甜。Tiramisu+意式奶凍兩款甜品都好特別，Tiramisu 分開上，又另一感覺。…查看更多

雖然有些遠但值得，講緊係位於筲箕灣嘅一家中華料理- 米芝蓮上海菜。菜肉鍋貼港式經典小食，包裹薄皮煎至兩面金黃酥脆，內裡多汁鮮香，咬落去皮脆餡嫩。上湯豆苗清淡健康菜式，豌豆苗用高湯燙熟，保留脆綠口感，湯清甜鮮美。蟹粉扒雙色豆腐黑白豆腐（黑豆腐同白豆腐）切塊，用蟹肉蟹黃粉炒香後扒汁淋上，豆腐嫩滑吸滿蟹鮮味，雙色對比靚，口感豐富，帶海鮮甜美。蔥油白切雞淋上熱騰騰嘅蔥油，雞肉嫩滑鮮甜，油汁香辣解膩。高力芒果奶黃高力豆沙成日見，第一次食芒果奶黃餡，好創新。中式茶館有埋茶飲都幾驚喜，今日就叫咗香茅檸檬薏米水同長氣嫲嫲，仲有超多選擇。…查看更多

尖沙咀近海港城有間樓上餐廳，因為食物質素高，都有些名氣。上嚟記得先訂座，因為餐廳都唔算好大間，而家見佢訂座通常都有折扣。香煎帶子配法式龍蝦湯高級餐廳經典菜式，帶子煎到外脆內嫩，配上濃郁鮮甜嘅法式龍蝦湯，鮮味爆棚，口感層次豐富。香煎黑鱈魚配鹹蛋紅花忌廉汁香煎黑鱈魚配鹹蛋紅花忌廉汁係一道創意菜，鱈魚煎得外皮香脆，肉質細嫩，配上濃滑鹹蛋紅花忌廉醬，香濃帶鹹。牛肝菌蘑菇意大利飯濃郁牛肝菌香味配搭軟滑嘅意大利飯，味道香濃，蘑菇鮮美，口感豐富，是素食者嘅不錯選擇。…查看更多

灣仔地鐵站出嚟行幾步就見到呢間burger joys，做緊1Pint Asahi送2隻雞翼嘅優惠，都吸引唔少人收工入嚟坐吓。今日試咗佢嘅即叫即做burger，有Combo亦可單點。Cheese Burger combo with regular fries, ginger aleBurger好唔好食都好取決用料，Cheese burger用嚴選USDA牛肉，影響風味、嫩度和多汁度。今次呢個burger相當juicy，配合醬汁，新鮮生菜、蕃茄及酸瓜，好高質。Chicken Burger如果唔食牛可以揀雞同魚柳，雞肉就有稍稍炸過，而每款burger都可以轉Combo，配汽水及薯條，今次配咗ginger ale。Caesar salad with Chicken Patty 通常食burger都比人印象唔健康，但係呢度有沙律食。…查看更多

成日聽人講，上環市政間熟食中心lunch time好爆棚，好多港式老食店在內，師傅炒菜特別惹味。涼瓜煎倉魚用苦瓜同倉魚一齊煎，苦瓜清苦帶有抗氧化功效，倉魚肉質鮮嫩，兩者配搭清新又健康，用豆豉蒜蓉爆香，加埋薑片提升香味。西檸雞港式經典菜式，用醃好嘅雞扒沾生粉炸至金黃酥脆，淋上用新鮮檸檬汁、檸檬皮、蜜糖同吉士粉熬成嘅酸甜濃汁，爽口開胃。菠蘿雞粒炒飯用菠蘿粒、雞肉粒、蝦仁、蛋同雜菜炒香，味道鮮甜帶微酸，飯粒粒粒分明，有菠蘿嘅清新果香。…查看更多

西營盤小店林立，附近好多特色街道，假日好多文青都鍾意過嚟影吓相。今次介紹一間喺第三街嘅溫馨小店，食手工意粉、同埋好特別嘅甜品。雜菜濃湯｜南瓜忌廉湯兩碗西湯清得嚟帶有原材料味道。雜菜湯內有些像意粉的配料，又有好多新鮮雜菇，營養滿滿，無味精。白酒忌廉蜆肉手工意粉新鮮蜆肉同白酒煮成鮮味湯底，加上滑溜忌廉，醬汁香濃奶滑，配搭彈牙手工意粉，好有海洋風味🍝🐚加拿大豬鞍扒伴芥末籽醬 加拿大豬鞍扒肉質嫩滑多汁，配上微辣帶顆粒感嘅芥末籽醬，味道爽口又有層次。Tiramisu ｜法式陳皮焦糖燉蛋法式陳皮焦糖燉蛋係結合法國焦糖燉蛋嘅滑嫩同陳皮嘅獨特香氣，甜而不膩，帶少少柑橘清新味，好有層次嘅甜品，絕對係飯後完美ending🍮🍊…查看更多

呢間餐廳路過咗幾次，成日都見到好多人食，門面設計到好似日本動漫咁，今次第一次入去食。見到餐牌都幾有心思，竟然仲有日式兩餸或三餸飯。九公丼海膽｜三文魚｜三文魚籽｜牡丹蝦｜蟹肉｜是令魚｜帶子｜拖羅｜黃薑一上枱已經非常吸引，目不暇給，魚生新鮮，每一口都可以食唔同款式，最好食係牡丹蝦同埋拖羅。肝肝鰻魚鵝肝 - 炸蔥絲黑松露配蜜糖芥辣醬加入鵝肝之後，成件事高級晒。而且黑松露令整個丼飯更加香。忌廉蟹肉餅一款外脆內滑嘅小食，餅身加入忌廉同鮮蟹肉，口感香濃鮮甜，帶有細膩奶香，炸至金黃誘人，食落好有層次感。…查看更多

灣仔有好多隱藏餐廳，等著慢慢發掘。今次嚟到呢間上樓嘅扒房，Timeout亦有介紹過，無論環境同食品質素都高。Dinner Set已經有好幾款signature dish，必試其中嘅Flat Iron Steak。是日餐湯磨菇湯真材實料，以原粒磨菇打碎，唔係好creamy 果種，飲落無味精感。自家製百里香蒜蓉牛油餐包由自己廠房製作，焗出香脆味美。凱撒沙律有小顆流心蛋，生菜新鮮，芝士香濃。230g 美國平鐵牛扒🥩Fat Iron Steak位於牛的肩部，即肩胛骨後方一塊，靠近Ribs，此部位肉質細緻，無太多油脂，肉味濃郁，口感軟嫩但帶有嚼勁。建議配得調香草汁，味道更突出。美國德州秘製醬豬肋骨 （原味）超大的一份，男士也未必能清碟，秘製醬汁咸咸甜甜，經典美式風味。值得一提，餐廳係近日去過服務最好嘅，食客不難感受店家的用心。…查看更多

太古坊呢邊d食店，近年都改變咗好多。特別推薦呢間每次入親嚟，都令到人心靈平靜嘅鬧市綠洲-Alchemy Origin😌迷你鮮奶咖啡 因為已經傍晚，所以點咗呢杯短笛咖啡Piccolo，迷你些。香烤蜜糖鴨胸配南瓜薯仔沙律以蜜糖烤焗嘅鴨胸好好味，以南瓜薯仔做沙律較飽肚。蟹肉味噌意粉配鴻喜菇混合日式風味嘅意粉，蟹肉、味噌及菇菌味道好襯。咖啡核桃蛋糕 檸檬蛋糕兩個蛋糕都好紮實，推薦試咖啡合桃蛋糕，香濃嘅咖啡味，如果早餐食就更醒晨！…查看更多

Riva係一間環境清靜傾到偈，有落地玻璃海景嘅情調餐廳，喺馬灣都有間分店。入到嚟北角匯一期，見到好多主人帶狗仔shopping，好relax，上一層就搵到間餐廳了。晚市嚟到，直接揀咗Set for 2，upgrade咗呢度出名嘅活青口。是日湯品番茄湯濃稠味美。鮮果大蝦沙律有大蝦2隻，火龍果，士多啤梨及沙律菜，小食則有水牛城雞翼、洋蔥圈、魷魚圈及燒串蕃茄。特別一提燒串茄加入黑醋，配搭得宜。主角澳洲活青口煲由澳洲新鮮運來藍青口，係我近年食過最好食嘅青口！ 鮮味無比，肉質嫩滑，食咗返唔到轉頭！而汁料唔好浪費啊，可配附上嘅法包食。黑松露雜菌意大利飯就最啱鍾意食黑松露嘅朋友，份量比一般risotto多。甜品亦建議upgrade蛋糕，因為呢度都好值得一試，特別係朱古力蛋糕同紅絲絨蛋糕，紅絲絨蛋糕帶有淡淡的可可香氣，以及奶油起司糖霜的微酸，而朱古力蛋糕嘅奶油好creamy，亦唔會死甜啊。…查看更多

有次見到朋友帶住狗仔去將軍澳食點心，背後仲有海景咁靚，一問之下，先知道原來係呢間寵物友善餐廳-DHYC 得閒飲茶。 今次我哋就冇帶寵物喇，但係夜晚嚟到，除咗食點心，仲試到佢哋嘅餸菜。鵪鶉蛋松露燒賣｜鹹水角呢兩款點心都幾懷舊！每粒燒賣內有一粒鵪鶉蛋，仲少少流心，食落去口感唔錯。鹹水角好有水準，正宗做法，外皮金黃香脆，內餡係豬肉同冬菇，甜中帶鹹，口感豐富又惹味。菠蘿咕嚕肉｜瑤柱蒸水蛋瑤柱蒸水蛋雖然是家常菜，但蒸得靚蒸得滑都唔容易。菠蘿咕嚕肉好送飯，肉質質素幾好，整體都好滿意。瑤柱蛋白炒飯單尾炒個飯，夠味得嚟唔算油膩。…查看更多

近排發現香港人都幾鐘意食川菜，有時仲約埋三五知己北上去食。住港島區嘅朋友就唔需要山長水遠去食，因為太古有間金公館，味道都唔錯。手拍青瓜｜雞絲粉皮先嚟兩款唔辣嘅前菜，雞絲粉皮往往都會因為美味嘅麻醬，食唔停口。手拍青瓜🥒以蒜蓉拌勻，香味滿滿。金湯老壇酸菜魚店家話可以選擇微辣，故此唔會辣得滯食唔到，啱返香港人口味，湯酸味美、魚片爽滑。烤北京田鴨半份足夠二人，京式片皮鴨外皮酥脆鬆化，鴨肉嫩滑，餅皮厚薄適中，保有餘溫，入口煙韌。桂花糕臨尾食返件桂花糕，中和返口腔味道，好清新。🛎️必試指數：8/10🔆📍 香港太古康山道1-2號康怡廣場北座3樓T4號舖🅆🄸🄽🄶 🅆🄸🄽🄶 🄿🄸🄶 🄻🄸🄵🄴#金公館 #太古 康怡 #川菜 #片皮鴨 #酸菜魚…查看更多

灣仔係一個好多元化嘅地方，會展呢邊比較多外國人出沒，皆因灣景中心大廈平台有幾間好chill嘅餐廳，飲酒食飯都得，日日Happy Friday！凱撒沙律+是日餐湯新鮮爽脆嘅羅馬生菜，加上雜菜湯，清新健康。蕃紅花牛骨髓意大利燴飯意大利米蘭嘅經典菜式，用牛骨髓同蕃紅花嚟煮，令燴飯滑順又香濃，帶有微微的蕃紅花香味同豐富嘅奶油味，色澤鮮黃超吸引。意式蕃茄大蝦濃湯海鱸魚柳 番茜炒蘑菇兩隻大蝦及慢煮海鱸魚，鮮味十足。Side Dish揀咗雜菇，充滿蒜香。…查看更多

好耐冇食Nara Thai，今次嚟到好有新鮮感，因為裝修稍為唔同咗，係卡通人物Little Twin Star主題呀，好可愛！呢度嘅食物質素一如既往出色，無一次令人失望！前菜開一開胃，食大蝦柚子沙拉，柚子新鮮，大蝦都有3-4隻。然後飲一碗用熱鍋上嘅椰子雞湯，椰香噗鼻，內有雞肉及磨菇。主食必點黃咖喱軟殼蟹，建議配蒜蓉包，沾上滿滿蛋香嘅黃咖喱，味覺享受。接著就食少少辣嘅菜式，冬蔭大蝦粉絲煲及泰式珍寶火山排骨。火山排骨係泰國曼谷夜市超夯嘅招牌菜，用豬肋排燉至軟嫩，再堆成火山狀淋上酸辣醬汁，肉質多汁超下飯！食泰菜最後食芒果糯米飯先圓滿嘛！仲有特飲兩杯芒椰蝶冰，鮮芒果甘露沙冰，解渴消暑！…查看更多

筲箕灣一帶好多新樓，多咗年青人進駐。朋友推薦呢間泰Grill，曾經食過佢將軍澳分店，味道都幾唔錯。其他區都有分店架。蛋包虎蝦炒金邊粉蛋包虎蝦炒金邊粉係一道泰式炒河粉，主要材料有金邊粉、虎蝦、雞蛋滑蛋、豆腐乾、芽菜、韭菜同花生，虎蝦炸過，口感豐富又爽口。泰式船麵 (豬肉/雞肉)泰式船麵湯底味道濃郁，配料有雞肉同炸豬皮。見佢仲有冬蔭公湯底，都好吸引。西蘭花炒蝦仁類似中式做法，蝦仁爽彈，西蘭花以蒜蓉炒香。雞髀菇串燒遠睇仲以為係豬頸肉，落咗孜然粉，好似烤肉咁香。…查看更多