Gajsa的个人专页

環境都幾舒服，景觀都好開揚。因為自己妊娠糖尿，好多野唔食得，所以簡單叫左一個主食，飲品同甜品都無叫到。原本想食Gnocchi，但賣晒。白飯魚魷魚墨魚餅墨汁飯- 上面炸白飯魚淨係裝飾作用，炸到好硬好乾，完全同個飯唔夾。- 個墨汁黑蚊蚊我食到𥚃面係一粒一粒魷魚墨魚之類，但個飯實在太咸喇，如果無睇menu，我會以為係咸魚意大利飯。結果我連投訴都費事，極速15分鐘爬完個飯走人喇，真係搵一次笨就好喇，唔會再回頭！…查看更多

呢個西多唔應該叫「梳乎厘西多士」，應該叫「海綿西多士」。賣相確實係非常靚，勁大勁fluffy，睇到都流晒口水。但一切開，D油多到標出黎，係一路切一路標油。食左四分一已經唔敢再食，膩到完全唔知自己食緊咩。而家睇番張相，即刻回憶嗰種膩嘅感覺🤢🤮，對西多士有心理陰影。。。其實明明見好多KOL講到好正，佢地係飲慣油所以覺得呢個西多士好正常好好味？梳乎厘西多，以前赤柱泗記食係又鬆又軟，未見過好似海綿咁吸油🤢🤮…查看更多

自從Krispy Kreme執左之後，香港真係好多年無好味冬甩食喇🥲完全估唔到連鎖都可以好味得咁緊要，仲要平得咁緊要唔怪得上網評價話冬甩控要小心，食完真係會上癮😋我今日叫完6個，已經諗緊聽日叫另外6隻味😂ALCOPONE - 估唔到呢個combination咁清咁香杏仁味，怕甜的話，呢個係best choice 👍🏻TIRAMISU - 唔睇番張單我都唔知呢個係tiramisu😰WHY NUT - 伏，甜到懷疑人生😰CHEESE CAKELICIOUS - 正到無朋友！filling係唔甜奶蓋，好正好正好正！呢個真係正到無朋友！👍🏻ROYAL TEA - 幾好，不過無咩特別YIN YANG - 鴛鴦，呢個表面有超濃咖啡碎，內𥚃有奶茶filling，又係正到無朋友！👍🏻…查看更多

原本興高采烈一行8人去食飯飯，因為遲訂位訂唔到房，所以一齊坐bar枱。結果有大半餐飯有n個廚師全晚一字排開 12碼守龍門咁企正正你對面，尷尬到。。。全餐飯好唔好食就見人見智，但我好肯定10年後我都會記得呢餐尷尬飯😅坐Bar枱睇住廚師煮嘢食係享受，食過好多餐廳都係open kitchen，真係第一次會有咁怪嘅感覺。呢個12碼廚師陣 應該係各個廚師企喺bar枱前面standby等待自己嗰part工作。但佢地無諗過 客人食飯都想有私隱。全餐飯最好食，亦係唯一好食的蔥油餅，最最最特別係個欖菜牛油👍🏻👍🏻👍🏻蛋卷太甜 其實唔係好食到係咩filling 睇menu時以為係魚香茄子左面避風塘龍蝦肉，我覺得用得軟殼龍蝦，點解唔成舊炸？得呢粒東坡肉頂到少少飽(膩)，如果無左佢，應該要番屋企補番個出前一丁先夠飽😂嚡口的荳腐布甸…查看更多

<The Best Sandwiches in HK>📍黃金軟殼蟹炒蛋盒子吐司一次比一次好食，今次進化左加多左北寄貝同三文魚子，好rich好好食😋📍布丁盒子吐司面脆，心軟，布丁滑🍮一次過滿足晒3個願望。鐘意食西多，呢個係一個和風變奏，超啱late afternoon食😋📍招牌奶蓋咖啡好飲，但$48杯有少少貴。📍竹炭芝麻咖啡芝麻鮮奶好飲D🙆🏻‍♀️呢個個咖啡味同芝麻味都太出，唔夠和諧🙅🏻‍♀️…查看更多

<海南雞飯>無諗過屋企附近有間咁好食嘅海南雞飯💋油飯油飯係亮點，做得又夠乾身，又夠香口，又無味精。以後可以外賣淨飯😍肉骨茶原本諗住星加坡口味，以為無咩藥材味。一飲，勁足料，勁香藥材味，個湯好濃好香。…查看更多

喺沙田行完街，諗住簡單搵d野食，已經餓到極點，上openrice見呢間新開餐廳全正評，即刻衝黎食。黎到見到有十幾人等緊位，等左10分鐘入座，入到黎見到都好多空枱，唔明點解要扮好多人等緊位嘅假象。。。<軍艦壽司>我真係第一次食壽司塊紫菜係味付紫菜。大佬，吞拿魚蓉壽司都好難難食得去邊嫁喇，嘩，大佬，除左紫菜上面嘅味，同壽司飯嘅醋味，我真係食唔到有咩味！勁似自己喺屋企整壽司用四洲紫菜包住d壽司飯咁！<炸魚仔>油到好似油浸咁，一夾d油多到滴出黎！乾唔乾，或者好唔好味我都廢事comment了！<龍之卷>總之都係果句，呢間野炸野咪叫！旁邊d碎碎勁似中爛d粟米片加落去咁，9唔搭8，名將壽司d friend😂<左口魚裙邊壽司>沒有最差，只有更差👍🏻一咬落去咇水嘅，左口魚裙邊嘅肥美消失得無影無蹤！到埋單發現呢間壽司舖竟然係峰壽司集團其下！想當年，個費城卷我拜倒佢石榴裙下，一星期起碼食2次峰壽司！估唔到而家開條咁差嘅line嚇人😑…查看更多