首先有welcome小食，酸梅湯配牛筋粒，酸梅湯暖暖地，幾開胃，可惜我唔食牛，所以比起之前食過嘅雲吞，呢款就比較遜色。
主菜，點咗多好款，但呢度最多只可以上傳12張圖，所以冇辦法。蒜泥白肉，因為有同伴唔食得辣，所以佢分咗辣、唔辣蒜泥，幾好。
口水雞，呢個竟然冇秋葵咁辣，真係食物不可以貌相。
酸菜魚，魚滑，配薯粉，好味過太二，起碼味精冇咁多，冇咁油，d湯可以飲。
水煮魚，鍾意麻辣嘅人之選，講真，食呢款好難食到魚鮮，只係食到麻同辣，配好似烏冬嘅麵，我反而鍾意食入面嘅芽菜、青瓜、萵筍等配菜。
蟹粉湯包，比酸辣湯好好多，佢地酸辣湯真係得辣同酸，反而呢款有好濃蟹殼味，不過個皮就比想像中厚。
新菜式甜酸蝦球，有d失望，好少蝦，配菜炒熱，好似唔似臨起鑊先放落去，一般。
菇菌燉雞，呢個超好食，湯有雞有菇味，入面有薯粉，薯粉吸收湯汁，唔想食炒飯，可以點呢個，夠晒飽又好味。
牛肋骨，冇食到，俾唔到評語。
香菇炒飯，有菇味有鑊氣，比想常中好。
鍋貼，有驚喜！外皮脆，餡多汁，肉新鮮。
拔絲香蕉，必點！外層雖然有糖包住，但佢炸皮依然係脆，而入面香蕉唔係熱到辣嘴，好考師傅功力。
