.
🧄蒜泥白肉卷
捲住咁多餡好有特色🤩！除咗有爽脆嘅青瓜，仲有煙靭嘅粉皮，食落口感好豐富🫦。醬汁有惹味嘅蒜香，而且唔會太辣。
1
.
🐔花雕醉雞
花雕嘅味道好濃！一食入口已經充滿着花雕嘅香味👅，甜香嘅味道配埋軟腍嘅雞肉，口感好正。
.
🐟網燒芥末三文魚卷
綠色卷物嘅賣相好特別！面頭嘅芥末蛋黃醬，香口得嚟唔會太嗆口😝。酥脆嘅網爆卷包住香口嘅三文魚鬆，同埋彈牙嘅魚滑😋，一啖食到唔同口感。
.
🦐參湯三色海皇餃
人蔘湯浸住蝦餃，呢個配搭好夾🙌🏻！人蔘湯嘅甘香，令到海皇餃嘅鮮味更加突出。面頭仲有一片蔘片🫚，連埋一齊食味道就更加香。
.
🦢天鵝五香炸芋角
整得勁精緻、勁仔細！天鵝造型真係好可愛😍。芋角外層炸得好香酥，配埋入面五香調味同埋濃郁綿滑嘅芋泥💕，好滿足。
.
💦南翔小籠包
皮裏面透出湯汁，好吸引！食落皮薄，餡料嘅肉夠嫩身，而且超級多汁🤤，一咬落去已經流到成枝羹都係鮮甜湯汁。
.
🐷宮廷糖醋排骨
口感超級好！已經去咗骨，而且整成一大片，咬落啖啖肉。外層炸得好酥脆💥，配埋酸甜開胃嘅糖醋汁好好食。
.
🫘高力豆沙球
口感超級鬆軟！外層嘅炸蛋白好有空氣感、好鬆化💨。裏面紅豆餡好香，而且甜度適中，味道啱啱好。
