影片
更多
2012-02-07
10452 浏览
以往都好少去啲觀光塔，難得近近哋澳門有個，加上晌油麻地旅遊見到個套票「旅遊塔下午茶套餐連58及61觀光層門票」，都係HK$120位，因為事前睇過澳門旅遊塔本身觀光門票都要成舊水，就算同樣經油麻地旅遊買，都要HK$75，所以就諗住俾多少少可以晌60樓嘅旋轉餐廳嘆吓茶。塔身最高處達338米之高，而觀光層分別晌58樓（室內觀光層223米）同61樓（室外觀光層233米）。以玻璃子彈升降機，僅1分鐘時間左右，就可以攀升到塔內主要觀光層，於觀光層可遠眺四周，飽覽澳門半島、氹仔，以至珠海，一覽無遺，今日天氣幾好，陽光充足，無霧無煙霞，所以睇景一流，賞心悅目！初時買油麻地旅遊依個套票時「旅遊塔下午茶套餐連58及61觀光層門票」，個名係寫住「下午茶套餐」，加上比淨買觀光層門票俾多幾十，當期時啲食評又無乜人講過佢個下午茶套餐，所以一心諗住佢個下午茶套餐應該係一份三文治、蛋糕之類，再配杯熱飲啦。就算去到旅遊塔等lift時，都見佢有個「下午茶套餐」廣告牌，英文就寫住High Tea Set，有晒相，都仲係半信半疑，因為個High Tea Set成人每位就收MOP148+10%喎，我個套票觀光層連下午茶，邊有咁
塔身最高處達338米之高，而觀光層分別晌58樓（室內觀光層223米）同61樓（室外觀光層233米）。以玻璃子彈升降機，僅1分鐘時間左右，就可以攀升到塔內主要觀光層，於觀光層可遠眺四周，飽覽澳門半島、氹仔，以至珠海，一覽無遺，今日天氣幾好，陽光充足，無霧無煙霞，所以睇景一流，賞心悅目！
初時買油麻地旅遊依個套票時「旅遊塔下午茶套餐連58及61觀光層門票」，個名係寫住「下午茶套餐」，加上比淨買觀光層門票俾多幾十，當期時啲食評又無乜人講過佢個下午茶套餐，所以一心諗住佢個下午茶套餐應該係一份三文治、蛋糕之類，再配杯熱飲啦。就算去到旅遊塔等lift時，都見佢有個「下午茶套餐」廣告牌，英文就寫住High Tea Set，有晒相，都仲係半信半疑，因為個High Tea Set成人每位就收MOP148+10%喎，我個套票觀光層連下午茶，邊有咁數架？
3:30pm準時上到餐廳，都未係好有人。登記好，安坐，好快侍應就送上食物，依刻仲唔嘩嘩聲咩，睇到我同老婆都眼突，原來個所謂「下午茶套餐」真係廣告牌上嘅High Tea Set嚟，完全會錯晒意呀！更喜出望外嘅係，除三層架嘅食物外，仲額外有另一碟嘅小食同甜品。我哋俾個套票價，真係連個下午茶套餐嘅價錢都未夠啦，兩公婆都覺得抵到暈呀。餐廳環境同景觀就一流架喇，靠窗全是4人枱，排得又唔密，絕對坐得輕鬆舒服。落地大玻璃，又身處二百多米高，景觀無遮無擋，飽覽無遺，因為樓上就係61樓室外觀光層，久唔久就見有班人玩「空中漫步」經過。
食物方面，三層食物架，分別有十多款食物，款款兩件，絕對同老婆唔使爭。
下層：朱古力曲奇、紅桑莓蛋糕、芒果奶凍、迷你士多啤梨果撻、士多啤梨林明頓；
中層：迷你燒牛肉漢堡、蟹籽煙三文魚雪糕筒、迷你泡芙、壽司卷；
上層：多款新鮮水果；
另一碟嘅係印度烤雞、咖喱豬肉卷、炸三文魚球、奶皇糯米糍，啡茶任斟。
當中有幾樣嘢有較深印象，好似士多啤梨林明頓，中間加咗士多啤梨林果占做餡，味道鮮活咗；蟹籽煙三文魚雪糕筒，內裡加咗牛油果芝士醬，感覺濃郁；印度烤雞，香料頗入味；咖喱豬肉卷，皮薄口感鬆脆；炸三文魚球，醮咗黑白芝麻脆炸，味就層次豐富啲！相反，芒果奶凍質感較為削身；而迷你燒牛肉漢堡個包身有啲硬。無諗過個下午茶套餐完全係兩回事，所以有少少打亂小弟行程上嘅部署。原先諗住食個下午茶半粒鐘內就走，但既然今日天朗氣清，又對住一大份High Tea Set，就決定慢慢嘆，由3:30pm嘆到5:00pm收場，邊食邊睇景，間餐廳慢慢轉，就可以鳥瞰晒澳門唔同景觀。整體質素算屬於中上，兼且食得飽飽，所以晚餐就順延晏啲先食喇。
题外话/补充资料：
參考網頁（油麻地旅遊）：http://www.hta.com.hk/index.php
依家個「旅遊塔下午茶套餐連58及61觀光層門票」加到去HK$138位，都仲算好抵！
(以上食记乃用户个人意见 , 并不代表OpenRice之观点。)
张贴
