果汁王

今天去澳门一日游，作为送给自己的生日礼物。一日游套票，有得玩有得食。到幪面超人33代大集结玩乐过后，来到这个美食坊，享用过鸡肋般，食之无味，弃之可惜的运财套餐后，总觉得唔够满足。刚好看到水果档，有果汁㖞！一于全家整返杯！餐牌有多款配搭，唯有著眼于纤维丰富，帮助消化的水果。　火龙果有黑色籽，菠萝有消化酵素，二者都是排好帮手。 听觉：排队付款时，除了听到榨汁机的＜剿剿＞榨汁声之外，还听到香港特有的Do Do声，系八达通机呀！视觉：付款后，要慢慢等，等待期间，看到多款色彩缤纷的水果，心情也会变好。不过这杯颜色偏灰白色，看来很杰身。跟家人的苹果汁有大不同。口感及味道：口感杰挞挞，不太酸，菠萝好似唔存在，只得微微的甜味。这是28元一杯，都觉得少少贵，如果有银娱会员咭，仲有九折！　未知这个会员咭要在哪里申请呢？…查看更多

因为工务要到氹仔签约，一切顺利下午两点已经搅掂晒兼食埋lunch。坐车去咗Galaxy谂住饮杯咖啡、食件cake，点知周围都得tea buffet或high tea set... 已经食饱饭，冇理由又百几二百蚊食甜品。行咗一个圈，决定喺果汁王买杯嘢饮坐下算（因买咗四点半船飞）。门面颇光鲜清洁，生果望落都新鲜，所以放胆试！我叫咗Blueberry Caca ($48)，主要有蓝莓、香蕉、椰子、椰汁。点餐快，但出餐慢... 我等咗超过10分钟，我睇住佢地执材料+水+糖水，放搅拌机再倒入杯，但个搅拌机重倒剩差不多1.5杯... 睇到呢度就知濑咗嘢！攞上手杯嘢系室温、唔冻嘅！一饮入口... 淡而无味兼水汪汪，一啲都唔似用香蕉打嘅。结论系，所有主打做大陆人生意嘅舖头都千其唔好帮衬！佢地只想hit and run，赚你一次钱就够，因为佢地有11亿人，每人比佢呃一次佢就fat-fat了～…查看更多