影片
食家推介
星期日过澳门居然唔多人，过关排队前面得两个人，金巴直上唔需要排队，真系唔多人过澳门？？后来食完餐饭之后我就明白⋯⋯为咗贪方便，近近地就系老佛爷百货上面食，因为选择不多，最后拣咗「太二酸菜鱼」，叫咗二人份量酸菜鱼加粉丝和红薯粉、口水鸡、白饭一碗、两杯饮品（一杯脆马蹄椰椰椰清补凉、另外一杯唔记得叫乜😅大约系牛奶红豆冰之类嘅名😂）最后埋单$480，贵过系深圳食超过一倍，唔怪之得啲人北上，对于香港人嚟讲，去深圳同去澳门路程基本上差唔多，但系洗费就分别比较大。深圳虽然平香港，因为太多人去，无论过关、买饮品、食饭都好多人，排队排到痴晒线，顶唔顺😓。澳门仲贵过香港，咁不如留港消费仲好👍🏻。
继续阅读
在下榻酒店内觅食，发现了这间在深圳好出名既“太二”，难得无人排队。大家决定是“她”了，服务员随即带我们入店内，环境整齐干净，坐下来即扫QR Code下单，好快有得食等待食物期间，可以根据自己个人口味或店家推介既比例(3:2)，泡制一杯热既“陈皮+洛神花”茶，好好饮，无谂过这配搭咁。脆椒小皮蛋～用鹌鹑蛋制既皮蛋，少少辣主角：老坛子酸菜鱼～鱼好滑没有腥味，酸菜好味道虾仁水饺～味道okay好番味鲈鱼面～好味及面底几好点了中和辣味既灼菜😁最后点了两款解辣甜品：冰粉～有点似爱玉，与西瓜、凉粉等食材好夹😋😋
继续阅读
睇完演唱会，近近地系伦敦人酒店楼下食酸菜鱼😋太二系香港暂时未有分店，黎到澳门就一定要试吓啦。招牌酸菜鱼太二既酸菜鱼系唔可以加辣或者减辣。 目的系要保持佢既味道👅见到碟边写住「酸菜比鱼好吃」 就即刻试左个酸菜先😎 酸菜入口爽脆，酸味唔会太抢，味道岩岩好。 无骨鱼片方便客人食，唔惊啃骨。唔系太食得辣嘅就会觉得汤头过辣😅😅但辣得好过瘾。可能系系酒店既关系，价钱比系大陆食贵。如果想试可以返大陆先试😆😆
继续阅读
几年前食过一次一直心心念念无奈可能每间餐厅嘅特色唔一样 喺香港始终食唔翻佢嘅味道🥲呢日去澳门游见到即刻同朋友冲咗入去xd🐟老坛子酸菜鱼有分二人份同埋3-4人嘅土豪份 同朋友两个人就嗌咗前者嚟到第一件事饮咗啖汤底 一向觉得太二嘅特色就系会比较重花椒麻香味相对辣味同酸味都会比较轻 所以好易入口新鲜鲈鱼片大大片白雪雪口感超级滑嫩 Q弹有嚼劲而且怕鱼腥味或者鱼骨嘅都唔使惊 因为两样都无 食得好放心配料有大量芽菜少可惜系嗌𠮶时以为会有少量薯粉所以无追加 食到底先知原来无。 餐厅周围同埋碗盘都会见到「酸菜比鱼好吃」嘅slogan同朋友都觉得鱼好食啲🤣 但系两样都好好味啦只系酸菜令鱼更好味！🍬喜翻翻砂红糖冰粉冰粉超级厚一层 大大啖食都唔怕好快食哂口感同爱玉好似 外表透明冰冰凉凉 口感爽弹好QQ配料超级丰富 有红豆 凉粉 花生碎 小丸子口感有爽脆有软稔有烟韧 淋咗适量红糖水 食得出系香甜滋润唔系死甜食完绝对透心凉 超消暑💭题外话餐厅嘅自助水吧会有洛神花干同陈皮俾你自由配搭冲泡试咗用洛神花冲水酸酸甜甜都几开胃
继续阅读
酸菜鱼就人人都赞好但今次想推推红糖糍巴 ：红糖好香甜浓稠度适中好容易就可以令啲糍巴点到啲糖另外仲有啲黄豆粉系上面～呢样唔系间间都有比到黄豆粉可以令到香气增加！糍巴外皮焦脆入面软糯适中唔会有油腻感食完全部嘢再食都唔会觉得好漏！
继续阅读