加路餐廳

6點幾入到去,由於無咩人, 一坐低,打開本MEAU看,就有人行埋黎問你飲唔飲水,隨即開了一支1L水,承惠$35,之後看梗食咩途中,侍應不時望住我地,好似覺得黎親一定叫果幾樣招牌菜咁.到叫完菜,侍應拿住幾個豬仔包,說著什麼,不用錢,還是其他.事實上我地當初當這是餐包.因為食過澳門幾間葡國菜都不用另外收費.到第一道菜來到, 一路食,一路有侍應在你後面來來回回.到食完最後一道菜,即刻走埋黎問要唔要甜品.答唔要,黑面轉身走.到埋單,每個豬仔包收$8.無言.究竟係侍應講得含糊,定聽唔清楚.呢間餐廳絕不會再去.…查看更多

與老公再次同遊澳門，起程前一晚到OPENRICE 隨意選了這一間餐廳，幸運地沒有選擇錯誤。沒料到抵達澳門後，跟司機說要到此餐廳時，他便已經知道在那裡，心想這一定是一間出名的餐廳！因為老公要坐著輪椅出入，雖然餐廳門外有一級，但澳門人真是很熱心，兩位店員幫忙著推老公進餐廳。服務員殷勤招待，實在舒服。坐下來已經是下午2時多，餐廳人不多，只有一枱外國夫婦遊客，一枱單獨進餐的當地男人。看著那男人面前的飯，熱辣辣、香噴噴，雖然很吸引，但我們並不算ORDER這個飯，因為份量實在太大，點了這個就不能吃其他的。拿著餐牌，左看看，右看看，果然是正宗萄國菜，每一樣看著都想試，只可惜我們人少，最後只點了一個燒乳豬炒飯 (1/4 份乳豬 - 是我們要求)，一個馬介休薯絲 (店員推介 - 原想點炸馬介休)，兩片蒜蓉包，一杯凍檸茶，用餐完畢才加一客木槺布甸。乳豬確實好吃，不像法蘭度那些好咸。馬介休薯絲亦沒有介紹錯，吃下不膩。最欣賞竟然是蒜蓉包，脆而不硬，熱辣辣又香。凍檸茶很貴，承惠MOP30。用餐完畢，店員熱情問要不要吃甜品，就要一客布甸兩份吃，是很滑很香但不是心中那種味道，所以稱不想十分好吃，不過不失。吃完整頓飯，並沒有油膩和口渴的感覺出現。與老闆閒談間，才知道這個良心老闆堅持不用味精，亦堅持只做正宗萄菜，不混著其他菜式來做。…查看更多

來到澳門, 當然要吃葡菜, 在米芝蓮推介中, 曾經在2013年得到必比登推介的加路餐廳, 就是其中一家比較地道的葡菜店子.是晚兩口子來到這裡晚餐, 人客不算太多, 或許是因為閒日吧. 其實這裡的環境簡簡單單, 但就有點焗促, 人多的話, 或許會幾嘈雜. 由於之前已經吃過了不少, 這晚只是揀選了幾款心水選擇分吃吧.麵包: 店方送上了兩大個餐包, 不過是比較硬身, 不太合我口味.Sangaria: 8.5分, 先來點喝的, 就來一客Sangaria, 這裡的版本, 很易入口, 帶點甜味, 但酒精成分是幾高的, 多喝兩口也開始有點微醉, 不過喝得高興, 也無問題吧.薯絲馬介休: 8分, 吃的方面, 先來一客薯絲馬介休, 薯絲是炸得幾香口的, 配上馬介休同吃, 食味是俗. 不過薯絲份量太多, 也不敢吃得太放肆.燒乳豬: 8.5分, 當然要來一客燒乳豬, 其實人多的話吃全隻乳豬一定會更有風味. 乳豬熱辣辣, 皮是很香脆的, 不會太肥膩, 而肉質亦對辦, 很嫩滑. 底下的飯粒吸收了乳豬的味道, 自是更加惹味.木糠布甸: 8.5分, 雖然很飽, 也要來一客木糠布甸, 質感不俗, 淡忌廉, 煉奶配上馬利餅的組合, 平衡做得幾好, 甜度會是比較高, 但愛甜的朋友就會很滿意.加路餐廳畢竟曾經得過必比登推介, 整體菜式是幾有水準的, 燒乳豬跟木糠布甸也是值得一試, 加上價位合理, 是新口岸這邊吃葡菜的好選擇呢!…查看更多

這幾次到澳門，都有到不同的葡國餐廳吃飯，就晚就跟澳門朋友到了加路餐廳。雖然不是週末，但餐廳七時多已經差不多滿座。侍應先送來兩個巨型的豬仔包，烘得夠熱，外皮十分脆口。燒魷魚，MOP$100，白魷魚表面燒得帶焦，口感不韌，軟腍又有點咬口，本身魷魚沒有甚麼味道，沾上自家調製的香草醬汁較好吃。燒乳豬飯，MOP$195，乳豬皮很香脆，皮下脂肪比較少，肉厚但不會乾，雖然質感未算十分嫩腍，但口感還算不錯。鋪底的炒飯濕腍，加上蛋、菜粒及火腿粒等同炒，脂香不算重，但味道濃，也吃得很飽。跟最近在利安吃到的乳豬相比，個人較喜歡吃利安的乳豬。還有馬介休炒薯絲及蒜蓉炒雜菜，MOP$60，之前吃過馬介休炒得很乾硬，但這裡造得乾身不油膩，但不乾硬。最後甜品木糠布甸及燉蛋，木糠布甸打得夠滑，味道不太甜，後者的燉蛋質感挺質，但亦有蛋香，甜度比木糠布甸稍為高。這裡遊客不算多，主要都是本地人客人，如果多幾個人一齊來吃的話，就可以多點幾款菜式一同分享。…查看更多

這幾次到澳門，都有到不同的葡國餐廳吃飯，就晚就跟澳門朋友到了加路餐廳。雖然不是週末，但餐廳七時多已經差不多滿座。侍應先送來兩個巨型的豬仔包，烘得夠熱，外皮十分脆口。燒魷魚，MOP$100，白魷魚表面燒得帶焦，口感不韌，軟腍又有點咬口，本身魷魚沒有甚麼味道，沾上自家調製的香草醬汁較好吃。燒乳豬飯，MOP$195，乳豬皮很香脆，皮下脂肪比較少，肉厚但不會乾，雖然質感未算十分嫩腍，但口感還算不錯。鋪底的炒飯濕腍，加上蛋、菜粒及火腿粒等同炒，脂香不算重，但味道濃，也吃得很飽。跟最近在利安吃到的乳豬相比，個人較喜歡吃利安的乳豬。還有馬介休炒薯絲及蒜蓉炒雜菜，MOP$60，之前吃過馬介休炒得很乾硬，但這裡造得乾身不油膩，但不乾硬。最後甜品木糠布甸及燉蛋，木糠布甸打得夠滑，味道不太甜，後者的燉蛋質感挺質，但亦有蛋香，甜度比木糠布甸稍為高。這裡遊客不算多，主要都是本地人客人，如果多幾個人一齊來吃的話，就可以多點幾款菜式一同分享。…查看更多

上回提到參考雜誌介紹，有意到訪文中提及的三間平民米芝蓮餐廳，喜出望外的有濠江美食志記，已寫食評讚賞，另一家已試菜的就是加路餐廳，可惜水準普通，就此簡單介紹，以作紀錄。加路餐廳座落於寬敞的橫街內，跟隨google Map 指示走，不難找到，門面光猛。室內佈置清雅，牆壁以白色為底色，配上綠色植物及繽紛色彩的國簱，具葡萄牙風味。麵包加牛油 $6／個坐下不久，已自動送來兩個很少出錯的豬仔包，配以牛油，不詳是否澳門廚師有獨門袐方或是烘焙有心，在澳門吃到的豬仔包，總比香港做的好，就是涼了，依然包香皮脆，內軟棉棉，簡簡單單，已經是美食！ 燒乳豬飯（半份 $100）雖然不少香港人認為中式乳豬比葡式更香脆，但我覺得各有特色，葡豬的皮相對比較硬，但亦香脆惹味。半份燒乳豬飯有乳豬六片，豬皮薄脆但已跟肉鬆脫，原以為是釀飯，原來葡式飯是分開炒，然後把乳豬件放在上面，因為非釀在乳豬內，因此炒飯只略帶油香。乳豬皮脆肉嫩，葡飯亦材料豐富，有番茄蛋火腿肉及素菜同炒，微酸的效果正好化解乳豬部份的膩，亦是非常普遍的做法，並無出錯，味道都好，但無特色!若要與其他葡藉工務員退休後開的店相比，退休人仕協會的就平靚正得多！葡式炒蜆 $85材料新鮮，蜆隻細細但粒粒肉質豐滿，用洋蔥香草檸檬及白酒同煑，略帶酸非常醒胃，水準接受。馬介休炒雜菜 $80同是非常普遍的家常菜，袐缺簡單，最重要是材料新鮮。椰菜非常鮮甜，西蘭花剛熟有咬口，馬介休肉滑而醎度剛好，炒得有鑊氣，竟然是三道菜中最好。 主理人加路先生一直在店內監督，見有熟客隨即熱情招待，估計小店從前主力街坊生意，葡菜水準地道，價錢相宜，但後來名氣大了，又或是通脹原因，現在的價錢並不平民，有相近水準及價錢的小店多的是，實無必要慕名而至！補充一句，水亦要收費 Luso(S)一枝 $15。…查看更多

好耐無去過澳門. 今次趁佛誕去玩. 主要都係去賭下.食飯上網爬過文. 心入面都無咩特別心水. 總之唔去劣評如潮個D就得. 於是揀左呢間加路. 我無訂位. 去到有三個人等緊. 個好似老細既人叫我同個三個人等. 話執緊臺. 不過都執佐好耐. 我要等10分鐘. 隔離三個人仲耐. 都係香港人做野快手快腳D.坐低. 因為唔知揀咩. 於是就叫左最大路既馬介休同非洲雞. 非洲雞好快上. 食到很重蒜茸味.幾好食. 可惜老細話我地唔慣都係少辣最好. 其實如果再辣D應該仲好味.然後等佐好耐至有馬介休. 呢個就無咩特別. 我覺得只系加左薯仔既炸魚囉咁高興. 叫左支SANGARIA飲下. $75細JAR. 兩個人剛好.味道就普普通通.總結. 麵包係送既. 不過水要收錢. 最好係非洲雞. 冷氣無香港開到咁衡. 有D熱. 跟住要去賭場涼吓.…查看更多

澳門朋友介紹話呢間葡國餐廳幾好, 所以今次試下. 由外港碼頭出發, 坐MGM 的shuttle bus 之後行過黎我地一行五人叫了好多野食! 飲品 Sangria: 好似red wine punch, 有生果肉, 水果啲甜味同葡萄酒啲香味, 入口好舒服葡式乳豬併炒飯: 乳豬好好食, 十分香口. 皮十分脆但又不是中式的那種脆, 總之好味西班牙白酒燴蜆 (not 100% sure the name)- 有好多蜆，好香, 幾好食炸豬手: 好好食, 唔會 “ung”血鴨飯: 呢個普通的飯, 沒太大驚喜炸馬介休球: 沒什麼味道的馬介休球, 我們五個一致認為唔好食非洲雞: 呢碟亦都好好味道, 肉質唔會"鞋"口但唯一不滿意, 就係中途我地食緊既時候,已經係品嘗main course 的時候, waitress 竟然放下一盆麵包, 我地以為係free所以冇理, 點知最後睇張單, 原來係要收$$$$, 成 $4 一個, $4 x 5 pcs.......我仲要冇食….浪費金錢 !!!! …查看更多

幾年前跟大顆朋友到澳門時食過第一次到今年再去都係無乜香港人識，同無咩介紹當年都係同的士大哥搭訕，大哥介紹我地去今次得兩個人，食得好辛苦，因為份量太多，但係又想試，叫左兩味餸，叫咩名呢?1. 一個係馬介休炒BLAHBLAHBLAH2. 另一個個樣係八爪魚炒飯咁樣，煲仔上sorry，真係唔記得左，八爪魚o個碟有o的咸，不過兩味我都絕讚o岩o岩睇番o的相，原來我有叫到個湯，已唔記得係咩湯，不過我無印象我食過o的難食既野仲叫左sangria(wine punch)黎飲，其實我都係一心想帶女朋友黎試呢個，因為唔係好多地方飲到開頭我問佢有無半jar份量，佢話無，咁我同佢講我唔要喇，因為兩個人都飲唔晒，唔好浪費落完單後轉個頭佢走番番黎同我講，佢幫我問過可以特登幫我整半jar，問我要唔要，我緊係要啦，覺得佢地都好helpful下侍應生講英文多，我諗識聽廣東話掛，我無試過佢地其實我有o的怕o係度寫食評，因為好多餐廳做大左之後quality就下降，不過同時又想大家食到好野，希望會保持水準啦…查看更多