Rempah Noodles

营业中

休息中

有日從軒尼詩道步行去中環途中， 俾一間幾有風格嘅店鋪吸引而停下腳步， 看清楚原來係間食星馬麺食嘅餐廳。 上網 check 過，得知餐廳更是長期人氣排隊店。 真係失敬 ！餐廳俾人有cafe感覺，以黑白色佈置為主，舒適簡單。 同時餐牌一樣簡單， 只賣幾款食物：《優質蝦麵》 《娘惹濃厚叻沙》 《 干叻沙》 《 咖央多士》 《金杯》， 另有幾款飲品。 就係咁多。叫咗碗《優質蝦麵》，一份《咖央多士》。碗麵送到面前已聞到好香嘅豬油渣香味。 湯底豬骨湯嘅味道較重，蝦味比例較輕。 另外有蝦肉，燉豬肉，芽菜等配料再配上蛋麵加米粉。食時非常惹味豐富，回味無窮。記得之前去星加坡時曾經都有食過當地嘅蝦麵，呢碗蝦麵我會形容為升級版。另外《咖央多士》，用上班蘭葉做成嘅咖央醬，塗在多士中間，入口多士香脆，帶凍嘅咖央醬順滑濕潤，味道唔太甜，雖有點膩，但簡單又好食。不過價錢就真係貴咗些少。