地點：中環街市
菜式：新加坡菜
餐牌：兩點有茶餐。茶餐有9款飯粉麵作為主食，另外仲有多款輕食。價錢基本上係$80樓下。可以加錢要通菜或者汽水。去收銀落完單自己搵位坐。
2
豬頸肉喇沙摻摻 $68
摻摻係黃色粗麵加幼身粉絲，粗麵有咬口而粉絲幼滑吸汁，呢個配搭加埋爽口芽菜超正！個喇沙湯香滑，辣度剛好，梛汁又夠，好惹味。配料有5片豬頸肉，好脆口有肉味又唔肥。其他配料有吸汁豆卜4件，半隻糖心蛋，豆角同脆脆。材料好豐富，水準真係好好。呢個價錢超抵。
海南雞喇沙摻摻 $62
六件海南雞超嫩滑，雞有雞味，好味又健康。
馬來燒雞配雞油香飯及蟲草花雞湯 $65
馬來燒雞一大塊開4件，方便易食，整得皮脆肉嫩，啖啖肉。雞油香飯好大兜，味道口感都唔錯。伴有半隻糖心蛋，花生米，脆魚乾，青瓜同車厘茄。個蟲草花雞湯好清雞味又濃，下底真係有蟲草花，面頭有少少蔥花。
馬拉盞通菜 加$32
加配馬拉盞通菜用紙兜上，份量都唔少。有莖有葉，葉嫩莖脆，馬拉盞份量剛好，好夠味。
Coke Zero 加$10
汽水夠凍，仲附上獨立包裝紙飲管。
總括而言，主食超抵食，食物質素好高。中環街市我最鍾意呢度。
